Skip to main content

त्या तरूतळी

लेखक अनन्त्_यात्री यांनी मंगळवार, 14/05/2024 13:12 या दिवशी प्रकाशित केले.
अशोकाच्या पारावर सीतामाय उसासते सोनमृगाच्या मोहाला मनोमन धि:कारते शमीवृक्षाचा विस्तार शस्त्र पार्थाचे झाकतो प्रत्यंचेला स्पर्शण्यास शर अधीरसा होतो वृद्ध बोधिवृक्षातळी गौतम नि:संग बसे बोधरवि उगवता दिव्यप्रभा फाकतसे अजानवृक्षाच्या तळी ज्ञानयोगी अविचल अभावाच्या कर्दमीही प्रतिभेचा परिमळ नांदुरकीची डहाळी आज कशाने हलते? अणूहुनी सूक्ष्म कोणी सारे आकाश व्यापते!
लेखनविषय:
वाचने 3715
प्रतिक्रिया 14

प्रतिक्रिया

अहिरावण मंगळवार, 14/05/2024 13:17
वा ! मस्त !!! मोहाचा फुलोरा दिशांतरी जातो रिचवून शांतपणे सारी दु:खे सोसतो!

कर्नलतपस्वी मंगळवार, 14/05/2024 13:47
शिपाई बुलबुल चे जोडपे विमनस्क अवस्थेत घरट्याकडे एक टक बघत बसले होते तेंव्हा हेच विचार मनात आले... मोहाचा फुलोरा दिशांतरी जातो रिचवून शांतपणे सारी दु:खे सोसतो! अनंत यात्री च्या कवीता लाजवाब असतात. आवडली हे वेगळे सांगत नाही.

चांदणे संदीप गुरुवार, 16/05/2024 14:08
वेगवेगळे वृक्ष आणि त्या खालच्या/त्या संदर्भातल्या वेगवेगळ्या भावना. सिंपली ग्रेट! ___/\___ सं - दी - प

चित्रगुप्त गुरुवार, 16/05/2024 14:59
कविता खूप भावली. या पाची वृक्षांचे फोटो वा चित्रे हुडकायला हवीत.

बाजीगर गुरुवार, 16/05/2024 22:28
अनंन्तयात्रीजी आपल्या कवितेचा बाज वेगळाच आहे, वाचून अतिप्रसन्न जाहलो. बहोत खूब. मला ही काही ह्याच लाईनवर म्हणावेसे वाटले, म्हणून मोरोपंतांच्या ओळी घेऊन म्हणतो, पुष्पवर्ण नटला पळसाचा । पार्थ सावध नसे पळ साचा !! पंतांचा खेळ आर्या वृत्ताचा । महापंडीत तो मोरया वृत्ताचा ।।

प्राची अश्विनी शुक्रवार, 17/05/2024 12:24
मुद्दाम log in करून प्रतिक्रिया देण्याइतकी कविता आवडली. अप्रतिम!