त्या तरूतळी

अ — अनन्त्_यात्री,
अशोकाच्या पारावर सीतामाय उसासते सोनमृगाच्या मोहाला मनोमन धि:कारते शमीवृक्षाचा विस्तार शस्त्र पार्थाचे झाकतो प्रत्यंचेला स्पर्शण्यास शर अधीरसा होतो वृद्ध बोधिवृक्षातळी गौतम नि:संग बसे बोधरवि उगवता दिव्यप्रभा फाकतसे अजानवृक्षाच्या तळी ज्ञानयोगी अविचल अभावाच्या कर्दमीही प्रतिभेचा परिमळ नांदुरकीची डहाळी आज कशाने हलते? अणूहुनी सूक्ष्म कोणी सारे आकाश व्यापते!
3679 वाचन
💬 प्रतिसाद (14)

अहिरावण
Tue, 05/14/2024 - 13:17 नवीन
वा ! मस्त !!! मोहाचा फुलोरा दिशांतरी जातो रिचवून शांतपणे सारी दु:खे सोसतो!

बाजीगर
गुरुवार, 05/16/2024 - 22:35 नवीन
मस्त.
↩ प्रतिसाद: अहिरावण

कर्नलतपस्वी
Tue, 05/14/2024 - 13:47 नवीन
शिपाई बुलबुल चे जोडपे विमनस्क अवस्थेत घरट्याकडे एक टक बघत बसले होते तेंव्हा हेच विचार मनात आले... मोहाचा फुलोरा दिशांतरी जातो रिचवून शांतपणे सारी दु:खे सोसतो! अनंत यात्री च्या कवीता लाजवाब असतात. आवडली हे वेगळे सांगत नाही.

बाजीगर
गुरुवार, 05/16/2024 - 22:31 नवीन
क्या बात है कर्नलजी....बेहद खूष, मदहोष.
↩ प्रतिसाद: कर्नलतपस्वी

चांदणे संदीप
गुरुवार, 05/16/2024 - 14:08 नवीन
वेगवेगळे वृक्ष आणि त्या खालच्या/त्या संदर्भातल्या वेगवेगळ्या भावना. सिंपली ग्रेट! ___/\___ सं - दी - प

चित्रगुप्त
गुरुवार, 05/16/2024 - 14:59 नवीन
कविता खूप भावली. या पाची वृक्षांचे फोटो वा चित्रे हुडकायला हवीत.

चित्रगुप्त
गुरुवार, 05/16/2024 - 15:10 नवीन
Image removed. नाथमंदिरातील अजानवृक्ष.

बाजीगर
गुरुवार, 05/16/2024 - 22:28 नवीन
अनंन्तयात्रीजी आपल्या कवितेचा बाज वेगळाच आहे, वाचून अतिप्रसन्न जाहलो. बहोत खूब. मला ही काही ह्याच लाईनवर म्हणावेसे वाटले, म्हणून मोरोपंतांच्या ओळी घेऊन म्हणतो, पुष्पवर्ण नटला पळसाचा । पार्थ सावध नसे पळ साचा !! पंतांचा खेळ आर्या वृत्ताचा । महापंडीत तो मोरया वृत्ताचा ।।

प्राची अश्विनी
Fri, 05/17/2024 - 12:24 नवीन
मुद्दाम log in करून प्रतिक्रिया देण्याइतकी कविता आवडली. अप्रतिम!