मी केलेला एक प्रयत्न !!

खटपट्या's picture
खटपट्या in कलादालन
26 Jun 2014 - 12:14 pm

संजय क्षीरसागर आणि प्रशांत आवले यांनी प्रोत्साहन दिल्यामुळे मी काढलेल्या चित्रावर स्वतंत्र धागा काढत आहे. -
---------------------------------------------------------------------------------
बरेच दिवसापासून आमच्या हिचे म्हणणे होते कि आपण हॉल मधील या दर्शनी भिंतीवर काहीतरी चांगले चित्र लावले पाहिजे. बाजारात बरेच फिरलो पण चित्र काही पसंत पडेना. देवाचा/गणपतीचा मोठा फोटो लावावा तर त्या भिंतीपलीकडे नेमके बाथरूम आणि शौचालय येत होते. याच भिंतीवर चित्र लावण्याचे कारण हे कि पलीकडच्या बाथरूम ची ओल सदैव भिंतीच्या पायथ्याशी दिसते व कोणी आले कि तिकडे लक्ष जाते. ते लक्ष विचलित करण्यासाठी छानसे चित्र काढावे/लावावे जेणेकरून घरात आलेला पाहुणा चित्राकडे बघेल व पायथ्याशी असलेल्या ओलाव्याकडे त्याचे लक्ष जाणार नाही.

आंतरजालावर शोध घेत असता या वाघोबांनी माझे लक्ष वेधून घेतले. आणि हेच वाघोबा भिंतीवर विराजमान करण्याचे ठरवले. भिंतीवर बिल्डर ने मारलेला डिस्टम्पर कलर होताच त्यावर ओईल पेंट चा पृष्ठभाग तयार करून त्यावर चित्र काढायचे ठरवले. ओइल पेंट चा वापर यासाठी कि पाण्याने चित्र पुसता येईल. बाजारात सहजासहजी उपलब्ध होणारा एशियन अप्कोलाइट चा १०० ग्राम चा डबा घेवून आलो. दोन इंच रुंद ब्रश ने सफेद रंगाचा पहिला हात मारला. (रंग थोडा घट्ट असतो तो पातळ करण्यासाठी त्यात डायरेक्ट केरोसीन/टर्पेण्टाइन ओतू नका. केरोसीन जास्त पडल्यास रंग पातळ होतो जो परत घट्ट करण्याचा काहीच उपाय नाही. यासाठी ब्रश केरोसीन मध्ये ओला करून रंगात बुडवावा.)सुकल्यावर आतील भगवा कलर डोकावत होता म्हणून अजून एक कोट चढवला. रंग ओला आहे कि सुकला आहे हे बघण्यासाठी आमच्या दोन्ही कन्या त्यावर आपल्या बोटांचे ठसे उमटवू लागल्या. असे करता करता चांगले चार ते पाच कोट चढवून दोन ते अडीच दिवसात पृष्ठभाग तयार झाला.

स्केच करण्यासाठी ग्लास मार्किंग पेन्सिल वापरली (बाजारात ग्लास मार्किंग पेन्सिल लाल व सफेद रंगात उपलब्ध आहेत) साधी पेन्सिल ओईल पेंट च्या पृष्ठभागावर तितकीशी चालत नाही. ग्लास मार्किंग पेन्सिल नसल्यास मुलांचे क्रेयोन चे खडू सुद्धा चालतात. ग्लास मार्किंग ने स्केच केल्यावर जर ते मनासारखे नाही झाले तर कपडा केरोसीन मध्ये ओला करून आपण स्केच पुसू शकतो.

एकदा मनासारखे स्केच झाल्यावर काळ्या रंगाने स्केच भरून टाकले. बाकीचे प्रतिबिंबाचा भाग राखाडी रंगाच्या वेगवेगळ्या छटांनी रंगवला.
झाले घरच्या घरी चित्र तयार. पाच वर्षे झाली अजूनही काल परवा काढल्या सारखे वाटतेय. हेच तंत्र वापरून मुलांची खोली रंगवण्याचा विचार आहे. बघू कधी योग येतोय.

test

कला

प्रतिक्रिया

अक्शु's picture

26 Jun 2014 - 12:25 pm | अक्शु

वा फारच सुरेख काढलंय चित्र.मला सुरुवातीला वाचताना(scroll down न केल्याने)वाटत होत की रंगीत चित्र असेल.पण हे तर रंगीत पेक्षाही भारी वाटतंय.वेगळा प्रयत्न आवडला.

प्रभाकर पेठकर's picture

26 Jun 2014 - 12:35 pm | प्रभाकर पेठकर

अतिशय सुरेख चित्र. अभिनंदन.

फक्त प्रतिबिंबात स्वतःलाच पाहताना वाघोबांच्या अंगावर 'डर के मारे रोंगटे खडे' झालेले दिसताहेत.

डॉ सुहास म्हात्रे's picture

26 Jun 2014 - 12:38 pm | डॉ सुहास म्हात्रे

मागे लिहील्याप्रमाणे, सुंदर चित्र !

एकावर थांबू नका. तुमच्या हातात कला आहे. अजून चित्रे काढा आणि इथेपण टाका.

एस's picture

26 Jun 2014 - 1:40 pm | एस

मस्तच. अजून येऊद्या. आणि छायाचित्र घेताना लेन्सचा कोन चित्राच्या पृष्ठभागाला लंबरूप ठेवा म्हणजे अजून छान फोटो येईल.

सुर्रेख! अजून चित्रं येउदेत.

संजय क्षीरसागर's picture

26 Jun 2014 - 1:53 pm | संजय क्षीरसागर

या स्वतंत्र पोस्टबद्दल अभिनंदन. तुम्ही अजून चित्रं अपलोड करायचा वादा केलायं. चित्रकलेसाठी जरुर वेळ काढा.

कवितानागेश's picture

26 Jun 2014 - 1:59 pm | कवितानागेश

मस्त काढलय चित्र. छान युक्ती आहे. :)

प्यारे१'s picture

26 Jun 2014 - 2:07 pm | प्यारे१

आता कसं....!

राजेंद्र मेहेंदळे's picture

26 Jun 2014 - 2:22 pm | राजेंद्र मेहेंदळे

आयडिया झकास

सस्नेह's picture

26 Jun 2014 - 2:47 pm | सस्नेह

भारीच आहेत तुमच्या खटपटी !

प्रचेतस's picture

26 Jun 2014 - 3:47 pm | प्रचेतस

खूप छान चित्र.

मस्त . फक्त सावली वाघोबाची न वाटत dragon ची वाटतीये

बबन ताम्बे's picture

26 Jun 2014 - 7:33 pm | बबन ताम्बे

अप्रतिम !
१. चित्राची साईझ काय आहे?
२. भिंतीवर डायरेक्ट ऑइल पेंट लावला की आधी थोडे घासून प्रायमर लावला?

खटपट्या's picture

26 Jun 2014 - 11:59 pm | खटपट्या

भिंत घासून प्रायमर लावला पाहिजे खर तर. पण आळसामुळे नाही केले. मागील भिंत मैट फिनिश ची होती म्हणून मग डायरेक्ट कलर चढवला.
चित्राची साइज चार फुट X दोन फुट आहे

वपाडाव's picture

26 Jun 2014 - 8:22 pm | वपाडाव

ब्येश्ट...

चित्र सुरेख आलंय, पाण्यावरील तरंगांमुळे सावली वेगळी दिसणं बरोबर आहे पण सावली तरंगाशी मॅच होत नसल्यामुळे थोडी विचित्र वाटतेय. (आगाऊ सुचना: फोटो जर समोरून काढलात आणि पुरेसा प्रकाश असेल (जास्त नको) तर कदाचीत नीट दिसेल)

किसन शिंदे's picture

26 Jun 2014 - 9:01 pm | किसन शिंदे

झक्कास काढलंय राव हे चित्र.

खटपट्या's picture

26 Jun 2014 - 11:53 pm | खटपट्या

सर्वांचे भरपूर आभार, वेळ काढून नवीन चित्रे काढून अपलोड करण्याचा नक्की प्रयत्न करेन.

खुपच सुंदर चित्र रेखाटले आहे आणि अगोदर दिलेल्या प्रतिसादाप्रमाणेच पुन्हा म्हणतोय "जबराट". *good*

मदनबाण's picture

27 Jun 2014 - 7:14 am | मदनबाण

वाह्ह... आयडियाची कप्लना आवडली ! :)

{कला प्रेमी}
मदनबाण.....
आजची स्वाक्षरी :- मेघा रे मेघा रे... :- प्यासा सावन

मुक्त विहारि's picture

27 Jun 2014 - 7:26 am | मुक्त विहारि

झक्कास...

खटपट्या's picture

27 Jun 2014 - 9:36 am | खटपट्या

पुन्हा एकदा सर्वांचे आभार

तुषार काळभोर's picture

27 Jun 2014 - 11:21 am | तुषार काळभोर

भारीच 'खटपट्या' माणूस आहे हा!

पैसा's picture

27 Jun 2014 - 12:52 pm | पैसा

आणि चित्रही आवडले! झक्कास!

माणिकमोति's picture

27 Jun 2014 - 1:48 pm | माणिकमोति

खुप छान..! कल्पना आवडली.. फक्त चित्र न देता ते कसे काढले ते सांगितल्यामुळे प्रयत्न करुन बघेन.. :)

अत्रुप्त आत्मा's picture

27 Jun 2014 - 2:51 pm | अत्रुप्त आत्मा

क्रिएटिव्ह!!!

नि३सोलपुरकर's picture

27 Jun 2014 - 7:12 pm | नि३सोलपुरकर

अतिशय सुरेख चित्र. अभिनंदन!!

किसन शिंदे's picture

27 Jun 2014 - 8:14 pm | किसन शिंदे

ओ भौ, तुम्हाला एक व्यनि धाडलाय. अजून पाह्यला नसावा असं वाटतंय.

उत्तराची प्रतिक्षा आहे.

खटपट्या's picture

27 Jun 2014 - 10:59 pm | खटपट्या

उत्तर दिलंय,

उशीर झाल्याबद्दल क्षमस्व

निखळानंद's picture

28 Jun 2014 - 3:52 pm | निखळानंद

फक्त 'हे मी काढलेले चित्र !' अश्या प्रकारे इथे न 'फेकता' त्याच्या निर्मिती चे तपशीलवार वर्णन दिल्यामुळे इतरांनाही त्यातून स्फूर्ती मिळू शकेल..
चित्र फार छान ! कल्पना भन्नाट ! पुढील प्रयोगांसाठी शुभेछा ..

चौथा कोनाडा's picture

28 Jun 2014 - 5:27 pm | चौथा कोनाडा

एक नंबर ! लिहिलेही छान आहे.

आता पुढची खटपट कोणती ?

चित्र आणि तुमची 'खटपट' आवडली!

मस्त आलेय चित्र. वाघाचे जे प्रतिबिंब काढले आहे, पाण्याजवळ तोंडाचे त्याला जरा चांगले रूप दिल्यास कसे दिसेल?

खटपट्या's picture

28 Jun 2014 - 9:26 pm | खटपट्या

सर्वांचे पुन्हा एकदा आभार.
@ रेवतीतै -पाण्यात पडलेल्या प्रतीबिम्बाबद्दल बर्याच लोकांचे तेच मत आहे. सुधारणा करायला हवी

प्यारे१'s picture

29 Jun 2014 - 8:37 pm | प्यारे१

पाण्यात वाघ पाणी प्यायला लागलेला आहे, जीभ लावली पाण्याला तिथं पाण्याची वर्तुळं निर्माण होणारच की.... इतर भाग सुद्धा त्या अनुषंगानं बदलणार... प्रतिबिंब काय घंटा दिसणारे हलत्या पाण्यात?

चित्रात बदल नको असं वैयक्तिक मत आहे.

प्यारे१'s picture

29 Jun 2014 - 8:40 pm | प्यारे१

आणखी एकः त्या वर्तुळाच्या रेघा तेवढ्या वाघाचं तोंड पाण्याला लागतंय ती जागा केंद्रस्थानाशी धरुन पर्स्पेक्टीव्ह धरुन वाढवाव्या लागतील. ती जी ड्रॅगन ची मान वाटतेय तिथं.

परफेक्ट निरीक्षण आवळे साहेब !!!
धन्यवाद

प्यारे१'s picture

30 Jun 2014 - 3:06 am | प्यारे१

>>> आव'ळे'
कमळ ळ नसून ते लसूण ल आहे साहेब. कृपया नोंद घ्यावी.

(जल्ला मराठीचा लई लोचा हाय पब्लिकचा)

खटपट्या's picture

30 Jun 2014 - 4:51 am | खटपट्या

ओक साहेब आय माय सॉरी.

डॉ सुहास म्हात्रे's picture

29 Jul 2014 - 1:19 pm | डॉ सुहास म्हात्रे

अहो ते "ओक" नाहीत आवले आहेत :) =))

एक्का साहेब ओके च्या ऐवजी ओक झाले

सुधीर's picture

30 Jun 2014 - 12:55 pm | सुधीर

सुरेख, चित्र काढण्यामागच्या हेतूमुळे मलाही प्रेरणा मिळाली. :)

वा! फारच सुंदर आहे चित्रं.

सविता००१'s picture

11 Jul 2014 - 11:41 am | सविता००१

अप्रतिम आहे चित्र

vrushali n's picture

12 Jul 2014 - 9:25 pm | vrushali n

किती मस्तं!!!!

सुधीर, शुचि, सविता००१, वृषाली एन.
मनापासून धन्यवाद

अररररर… कसलं भारीये हे…. व्वा… अ फा ट

कविता१९७८'s picture

29 Jul 2014 - 12:37 pm | कविता१९७८

मस्त

आशु जोग's picture

29 Jul 2014 - 12:56 pm | आशु जोग

चित्र अगदी जिवंत वाटते आहे

खटपट्या's picture

30 Jul 2014 - 11:10 am | खटपट्या

वटवट, कविता, आशु जोग
धन्यवाद

चित्र दीसत नसल्यामुळे पुन्हा इथे देत आहे.
abcad

कैवल्यसिंह's picture

1 Jan 2017 - 7:22 am | कैवल्यसिंह

मस्त... सुरेख चित्र....

प्रतिक्रिया छान वाटल्या.

खटपट्या's picture

10 Aug 2017 - 10:12 am | खटपट्या

फेस्बुक ला लोगिन करून पहा एकदा

किसन शिंदे's picture

10 Aug 2017 - 10:50 am | किसन शिंदे

चित्र दिसत नाही.

नितिन५८८'s picture

10 Aug 2017 - 12:24 pm | नितिन५८८

चित्र दिसत नाही..नाही.....नाही.

सरल मान's picture

10 Aug 2017 - 5:24 pm | सरल मान

चित्र दिसत नाही......

माम्लेदारचा पन्खा's picture

22 Aug 2017 - 11:35 pm | माम्लेदारचा पन्खा

काय करू ?

चौथा कोनाडा's picture

28 Aug 2017 - 6:43 pm | चौथा कोनाडा

चित्र दिसत नाहीय.

जेडी's picture

14 Sep 2017 - 6:48 pm | जेडी

चित्र दिसत नाहीय.

नमस्कार बरेच दिवस मिपावर येणे झाले नव्हते म्हणून उत्तर देता आले नाही. ज्यांना चित्र दिसत नाही त्यांच्यासाठी चित्र परत देत आहे. क्रुपया एका टॅबमधे फेसबुक लॉगइन चालू ठेवा आणि दुसर्‍या टॅबमधे मिपा उघडा. बघा दिसते का...
abcd

लै भारी !

चित्र दिसलं ! चित्र दिसलं ! चित्र दिसलं !
माझी दिवाळी सत्कारणी लागली !

लै भारी !

चित्र दिसलं ! चित्र दिसलं ! चित्र दिसलं !
माझी दिवाळी सत्कारणी लागली !

लै भारी !

चित्र दिसलं ! चित्र दिसलं ! चित्र दिसलं !
माझी दिवाळी सत्कारणी लागली !