१९७३ मध्ये मार्टीन कूपरने मोबाईलचा शोध लावला. तेव्हा त्याने कल्पनादेखील केली नसेल की, हे तंत्रज्ञान इतकं झटपट प्रगत होऊ शकेल. सुरुवातीला मोठ्या लोकांची वापरायची गोष्ट म्हणून मोबाईल ओळखले जायचे. कोणाला फोन करायचा तर १५-१६ रुपये मिनिटाला द्यावे लागायचे. आज निव्वळ भारताचा विचार केला तर, लोकसंखेच्या जवळजवळ ६५ ते ७० टक्के लोकांकडे मोबाईल आहेत. ही आकडेवारी अजून मोठ्या प्रमाणात वाढली असेलच, कारण ही २०१० च्या वार्षिक अहवालानुसार केलेली पाहणी होती.
असो मोबाईलच्या इतिहासावर जास्त बोलायचे नाही. आज आपण मोबाईलचा आत्मा...ऑपरेटिंग सिस्टीमबद्दल थोडे जाणून घेणार आहोत. घाबरू नका... काही लेक्चर वगैरे देत नाही. फक्त हल्ली रोजच्या वापरातली अ‍ॅन्ड्रॉईड प्रणालीसाठी, काही उपयुक्त गोष्टी जाणून घेणार आहोत. जसजसे नवीन तंत्रज्ञान आले, तसे मोबाईल प्रगत होत गेले. मोबाईल्स आता स्मार्ट फोन्स किंवा टॅब्लेट पीसी झाले. लोकांच्या गरजा बघून त्यात रोज काही ना काही बदल घडत गेले आणि त्यासाठी अनेक डेव्हलपर्स दिवसरात्र मेहनत घेत आहेत. सुरुवातीच्या काळात करवंदाची (Blackberry) ओढ असायची लोकांना, ती आजही आहे म्हणा....पण त्यांच्या डेटा सर्व्हर्सवरून झालेला वाद बघता, काही कंपन्यांनी सुरक्षेच्यादृष्टीने करवंद हद्दपार करत, स्मार्टफोन्स दिले. आता थोडी माहिती ह्या स्मार्टफोन्सला स्मार्ट बनवणाऱ्या प्रणालीची.
अ‍ॅन्ड्रॉईड (Android)- इंटरनेट जगतात एकहाती वर्चस्व असणाऱ्या गुगलचा सध्याचा हुकुमाचा एक्का. गुगल सर्च, जीमेल, यु ट्यूब, ऑर्कुट, बझ्झ, अश्या एकसोएक सोयी (व्यसनं) देणाऱ्या गुगलने, २००५ साली अ‍ॅन्ड्रॉईड ही कंपनी विकत घेतली. संपूर्णतः लिनक्सवर आधारीत ही प्रणाली, खूप कमी वेळात प्रसिद्ध झाली. सध्या अ‍ॅन्ड्रॉईडची प्रणाली जेली बिन (Jelly Bean) व्हर्जन ४.१ ग्राहकांसाठी उपलब्ध आहे आणि पुढील व्हर्जनसाठी काजू कतली हे नाव देण्यासाठी कँपेन जोरदार सुरु आहे. अ‍ॅन्ड्रॉईड प्रणाली वापरायला अतिशय सोप्पी आणि ह्या प्रणालीसोबत वापरण्यास लाखो ऍप्लिकेशन्स गुगल स्टोरवर ग्राहकांसाठी उपलब्ध आहेत
अ‍ॅन्ड्रॉईडच्या आधी सिंम्बिअन (Symbian) ही प्रणाली अनेक फोन्समध्ये वापरली जायची आणि अजूनही वापरली जाते म्हणा. पण नोकीयाने सिंम्बिअनसोबत असलेला आपला करार गेल्यावर्षी मोडीत काढला आणि त्यांनी मायक्रोसॉफ्ट प्रणाली देण्यास सुरुवात केली. तरी काही नवीन फोन्समध्ये नोकीया सिंम्बिअन देत आहेच. कारण ही प्रणाली हाताळायला सोपी आणि विविध प्रकारचे ऍप्लिकेशन्स फार कमी वेळात सिंम्बिअनसाठी उपलब्ध झाले होते. नोकीया अजून तरी एक वर्ष ही प्रणाली ग्राहकांना देणार आहे आणि त्यानंतर ते पूर्णतः विंडोज बेस्ड फोन देणार आहेत. ह्याला कारण म्हणजे अ‍ॅन्ड्रॉईड आणि सफरचंदाचे (Apple) झपाट्याने वाढणारे मार्केट. विशेषतः अ‍ॅन्ड्रॉईड, कारण ऍपल उपकरणांची किंमत तुलनेने भारतात खूप आहे, त्यामुळे खिश्याच्या दृष्टीने अ‍ॅन्ड्रॉईड परवडेबल आहे. अगदी ८--९ हजारापासून ४० हजारापर्यंत अ‍ॅन्ड्रॉईड स्मार्टफोन्स मिळतात. फार कमी वेळात गुगलने ह्या क्षेत्रात मुसंडी मारली आणि त्यामुळे सिंम्बिअनची लोकप्रियता घटू लागली. त्यामुळेच नोकियाने दुश्मन का दुश्मन दोस्त, ह्या तत्वावर सिंम्बिअन बरोबर आपला करार मोडीत काढून मायक्रोसॉफ्टशी हात मिळवणी केली. (बातमी)
सध्या मायक्रोसॉफ्ट विंडोज ८.० आणि मायक्रोसॉफ्ट ऑनलाईन ऍप्लिकेशन स्टोर वर तुफान काम करत आहेत. तज्ञांचे मत जाणून घ्याल तर, पुढील एका वर्षात गुगलच्या तोडीसतोड ऍप्लिकेशन स्टोर बनवण्याचा त्यांनी चंग बांधलाय. ऍपलचे मार्केट स्टोर सुद्धा खूप मोठे आहे, पण तुलनेने त्यांची ग्राहकसंख्या भारतात कमी आहे. तरीसुद्धा अनेक क्रियेटीव्ह ऍप्लिकेशन्समुळे, त्यांनी त्यांचा वेगळेपणा स्मार्टफोन्स जगतात ठसवला आहे. (अवांतर - मी तर पंखा आहे स्टीव्ह जॉब्सचा आणि त्याच्या कंपनीच्या विविध प्रोडक्ट्सचा, पण खिश्याने दगा दिला.... असो !!)
आता पुढे जे होईल ते होईल, पण तूर्तास आपण काही प्रसिद्ध अ‍ॅन्ड्रॉईड मार्केट ऍप्लिकेशन्सची माहिती करून घेऊ. मी Samsung Galaxy S II हा फोन वापरतोय. तुम्ही वापरलेल्या ऍप्लिकेशन्सची माहिती लेखाच्या प्रतिसादात द्या, आणि कुठले फीचर्स तुम्हाला आवडले वगैरे सांगितले तर उत्तम.
१. WhatsApp Messenger - सुरुवातीला गरीबांचा बीबीएम (BBM - BlackBerry Messanger) म्हणून अनेकांनी ह्या ऍप्लिकेशनची थट्टा उडवली, पण आज सर्वात जास्त वापरले जाणारे ऍप्लिकेशन म्हणून ह्याची नोंद आहे. हे ऍप तुम्ही सिंम्बिअन, ब्लॅकबेरी, ऍपल आणि अ‍ॅन्ड्रॉईड अश्या सर्व प्रणालीवर वापरता येते. इंटरनेटच्या सहाय्याने तुमचा मोबाईल नंबर वापरून तुम्ही जगात कोणाशीही संवाद साधू शकता आणि तेही फुकट.
२. M-Indicator - मुंबईकरांसाठी हे सर्वात महत्त्वाचे ऍप. लोकल ट्रेन्सचं टाईमटेबल, मेगा ब्लॉकचे डायरेक्ट अपडेट्स, बेस्ट बसेसची माहिती, रिक्षा आणि काळ्या-पिवळ्या टॅक्सीचे दर पत्रक, मराठी नाटक आणि सिनेमांची माहिती, हिंदी सिनेमांची माहिती, भारतीय रेल्वेच्या PNR स्टेटस जाणून घेण्याची सुविधा अश्या अनेक लोकोपयोगी सुविधांमुळे हे ऍप प्रसिद्ध आहे आणि सर्वप्रकारच्या प्रणालीवर वापरता येते.
३. NewsHunt - अपडेटेड बातम्या तुम्हाला ह्या ऍपमुळे मिळू शकतील. मराठीतील सकाळ, लोकसत्ता, सामना, लोकमत आणि पुढारी ही वृत्तपत्रे तुम्ही वाचू शकता. इतर अनेक भाषांतील वृत्तपत्रेसुद्धा उपलब्ध आहेत.
४. Smart App Protector - तुम्ही वापरत असलेल्या कुठल्याही ऍप्लिकेशन्स परवलीचा शब्द लावून सुरक्षित करू शकता.
५. Wattpad - Free Books & Stories - भरपूर ई-बुक्स आणि कथा संग्रहाचा खजिना. तुम्ही पुस्तके डाऊनलोडसुद्धा करू शकता आणि ऑफलाईन वाचू शकता.
६. मराठीत टाईप करण्यासाठी -
अ) GO Keyboard आणि देवनागरी प्लगईन
क) AnySoftKeyBoard - Devanagari
ड) Lipikaar Hindi Keyboard Free
मी चारही प्रकारच्या IME मी वापरून बघितल्या आहेत. त्यातल्यात्यात लिपिकार आणि गो कीबोर्ड आवडले.
७. Hide It Pro - तुमची प्रायव्हसी जपण्यासाठी हा एक प्रकारचा सिक्युरिटी व्हॉल्ट आहे. जिथे तुम्ही तुमच्या महत्त्वाच्या फाईल्स ठेवू शकता. ह्यालाही पासवर्ड असतो.
८. Truecaller - Global directory - नावाप्रमाणे ही एक डिरेक्टरी आहे, पण हे ऍप ऑनलाईन रजिस्टर केलेले फोन नंबर्सचा डेटा वापरते. जसे तुम्ही तुमचा नंबर सोशल साईटवर देता, हे असा डेटा जमा करतात. तसेच इंटरनेटवर स्पॅम केलेले नंबर्स दाखवून, तुम्ही त्यांना परस्पर ब्लॉक करू शकता.
९. Scan - आजवर उपलब्ध असलेला सर्वात जलद क्यूआर कोड (QR Code) स्कॅनर.
१०. Justdial - ही पण एक प्रकारची लोक डिरेक्टरी, ज्यात तुम्ही आपल्या जवळपास असलेली हॉटेल्स, मॉल्स, डॉक्टर, हॉस्पिटल्स वगैरे माहिती पत्त्यासकट शोधू शकता.
११. Instagram - फोटो शेअरिंगसाठी अतिशय उपयुक्त.
१२. Autodesk SketchBook Mobile - ह्या ऍपची माहिती अनलिमिटेड भटकंती करणाऱ्या पंकजने दिली. उत्तम ट्रेकर आणि फोटोग्राफर असणाऱ्या पंकजला ह्या ऍपमुळे डूडल्स रेखाटनाचासुद्धा छंद लागला. बाळासाहेब ठाकरे जेव्हा गेले, तेव्हा १० मिनिटात ह्याने श्रद्धांजली म्हणून एक डूडल काढले, जे खूप प्रसिद्ध झाले. काही डूडल्स इथे बघू शकता.
१३. Misalpav - आपल्या लाडक्या मिपाचेही ऍप उपलब्ध आहे बरं :)
१४. TED - Ideas worth spreading :) :)
बाकी जीमेल, गुगल मॅप्स, फेसबुक, स्काईप ही नेहमीची ऍप्लिकेशन्स आहेतच, पण तुम्हाला माहित असलेली आणि तुम्ही स्वत: वापरलेली ऍप्लिकेशन्स जाणून घ्यायला आवडतील. तुमचे अनुभव नक्की शेअर करा.
- सुझे !!
प्रतिक्रिया
23 Nov 2012 - 4:37 pm | गणपा
आत्ताच तुझ्या ब्लॉगवर वाचत होतो हा लेक.
एकदम माहितीपुर्ण. धन्स.
28 Mar 2013 - 6:14 pm | प्रा.डॉ.दिलीप बिरुटे
टीनटीन गेमची अ‍ॅन्ड्रॉईडसाठी..लिंक आहे का कोणाकडे ?
-दिलीप बिरुटे
29 Mar 2013 - 8:50 am | श्री गावसेना प्रमुख
माझ्याकडे आहे ,पण फ्री पायजे का इकत
29 Mar 2013 - 8:54 am | प्रा.डॉ.दिलीप बिरुटे
फ्रीच द्या ना भो.
-दिलीप बिरुटे
29 Mar 2013 - 8:59 am | श्री गावसेना प्रमुख
http://www.androidgamesroom.com/stand-alone-games/82367.htm हे घ्या फ्री
https://play.google.com/store/apps/details?id=com.gameloft.android.ANMP.... आणी हे इकत
कस वाटल ते बी कळवा नाय आवडल तरी बी कळवा
29 Mar 2013 - 9:28 am | प्रा.डॉ.दिलीप बिरुटे
दुव्याबद्दल धन्स. सिंबियनफोनवर माझ्याकडे हा गेम होता. प्रवासात या गेमने माझी चांगली सोबत केली आहे.
लेकराचा तर हा गेम जीव की प्राण आहे. असो, खरं तर क्रॅक व्हर्जन असतं तर.... बरं राहीलं असतं. ;)
-दिलीप बिरुटे
29 Mar 2013 - 10:24 am | कुंदन
प्रा डॉ , कालेजात खेळायला वेळ मिळतो वाट्ट. ;-)
29 Mar 2013 - 10:38 am | प्रा.डॉ.दिलीप बिरुटे
अर्रर्र...या व्हिडोच्या टाईपमधे पाहिजे होता मला. आणि ते विकतचे असावे.
http://www.youtube.com/watch?v=P76f7hnollA
-दिलीप बिरुटे
23 Nov 2012 - 5:01 pm | जे.पी.मॉर्गन
माताय... मिपचे अ‍ॅप आहे?? लईच भारी की ! बाकी २० पैसे टाकूच काही वेळात !
जे.पी.
23 Nov 2012 - 5:31 pm | अभ्या..
छान माहितीपूर्ण लिहिलेत एकदम.
धन्यवाद.
23 Nov 2012 - 5:45 pm | मदनबाण
सुहासराव लयं भारी लिवलं हाय ! :)
माझ्या फोन मधली अ‍ॅप्स इथे देतो :-
१)Dictionary - Merriam-Webster
शब्दकोश
२)Any.DO To Do List | Task List
& Life Reminders
काय काय काम करायचे आहे याची नोंद ठेवण्यासाठी ही दोन झकास अ‍ॅप्स आहेत.
३)Tiny Flashlight + LED
फ्लॅश लाईट... वीज जाण्याचा प्रसंग बर्‍याच वेळा येत असल्याने रात्रीच्या वेळी बर्‍याचदा या अ‍ॅपचा मला फायदा झाला आहे.विविध रंगाचा प्रकाश्,टच प्रमाणे कमी जास्त करणारा बल्बचा प्रकाश ,फ्लॅश लाईट इं या अ‍ॅप मधे आहेत. :)
४)ES File Explorer File Manager
अ‍ॅन्ड्रॉईड फोनसाठी एक सोप्पा आणि मस्त फाईल एक्सप्लोरर आणि अ‍ॅप्लिकेशन मॅनेजर.
५)ShaPlus Caller Info (India)
कॉलर आयडी.कोणता कॉल कुठल्या देशातुन आला, नेटवर्क मधुन आला याची माहिती या अ‍ॅपमुळे मिळते.
६)Free Unit Converter
किलोमिटर, मिटर इं इं कन्व्हर्ट करण्यासाठी असलेले एक सोप्पे अ‍ॅप.
७)JuiceDefender - battery saver
अ‍ॅन्ड्रॉईड फोनची बॅटरी सेव्ह करण्यासाठीचे एक उत्तम अ‍ॅप.
८) Hindu Calendar
& Hindu Calendar & Panchanga
कॅलेंडर आणि पंचांग (कॅलेंडर मधे सुद्धा पंचांगातली माहिती आहे.)
गेम्स बद्धल नंतर...
24 Nov 2012 - 1:51 am | सुहास झेले
धन्स बाणा... गेम्स मी जास्त वापरत नाही. तरी टेंम्पल रन, बुद्धिबळ, मोटोरेस, स्टिक क्रिकेट हेच गेम्स इंस्टॉल केलेत आणि हो तू कुठला फोन वापरतोस ते पण कळू देत.... :) :)
24 Nov 2012 - 11:40 am | मदनबाण
मी सध्या सॅमसंग गॅलॅक्सी वाय वापरतो आहे. एक वर्ष झाले घेउन अजुन मस्त चालतो आहे. ;)
गेम्स म्हणशील तर... उगाच काही डाउनलोड मारुन ठेवले आहेत.
१) Tic Tac Toe
मध्यंतरी असेच एकदा मनात विचार आला की लहानपणी फुल्ली-गोळा हा टिपी खेळ खेळायचो,तो मिळेल काय ? तर मिळाला. या फुल्ली-गोळा खेळाचे फिरंगी नाव Tic Tac Toe
२)NinJump
डाव्या बाजुला -उजव्या बाजुला असे उड्या मारत-मारत वर जाणारा हा खेळ ठीक-ठाक आहे.
३)Aliens Invasion
एक टिपी एलियन गेम.
४)Bubble Blast 2
एक मस्त खेळ
५)Drop
सगळ्यात सोप्पा पण अ‍ॅडिक्टीव गेम.
६)Air Control Lite
मला सगळ्यात जास्त आवडलेला हा खेळ आहे, विमानांना धावपट्टीवर उतरवायचे काम म्हणजे हा खेळ. :)
७)aTilt 3D Labyrinth Free
कुठल्याही वयोगटाला आवडेल असा मोशन सेंसर गेम.
८) Abduction!
एकदम टिपी गेम.:)
९)PapiJump
हा वरच्या खेळाचाच जुळा भाऊ पण जरा जास्त व्हरायटी असलेला.
१०)Flow Free
आत्ता पर्यंत मी पाहिलेला सगळ्यात आगळा वेगळा आणि सुंदर खेळ. एकदा तरी प्रत्येकाने याचा आनंद घ्यावा असे मला वाटते.
हा अजुन एक गेम सांगायचा राहिला, तो म्हणजे
Fruit Sorter
एकदम झकास गेम पण हा माझ्या ऑफिसमधल्या सहकार्‍याच्या मोबल्यावरती हाय ! :( माझ्या फोनवर हा काही चालत नाही ! :( पण तुम्ही नक्कीच ट्राय मारा,नक्की आवडेल. :)
अजुन काही गेम्स आहेत पण ते सर्व इथे देत बसत नाही...
जाता जाता :--- नाशिकच्या मानस गाजरे याने बनवलेला Balloon, Bow & Arrow हा गेम सध्या अँग्री बर्ड पेक्षा जास्त भाव खात आहे अशी बातमी आहे.
संदर्भ :---
http://alturl.com/66g73
24 Nov 2012 - 7:11 pm | चिगो
तुमचा प्रतिसाद वाचून . 'बबोए' हा गेम डाऊनलोडवला आणि पस्तावलो, राव.. लै बोर गेम आहे, यार.. म्हणजे मराठी माणसाने गेम बनवला ह्याचं कौतुक आहे, पण 'अॅंग्री बर्ड्स पेक्षाभारीबिरी जरा जास्तच होतंय.. श्री. मांडवगणे ह्यांनी बनवलेले 'हिंदू कॅलेंडर' मात्र खरेच सुंदर आहे..
26 Nov 2012 - 11:25 am | मदनबाण
ण 'अॅंग्री बर्ड्स पेक्षाभारीबिरी जरा जास्तच होतंय..
असं मी म्हणत नाहीये,तर एबीपी माझावाले सांगत आहेत.त्यांच्या बातमीचा दुवा मी माझ्या प्रतिसादात दिला आहे.
मी स्वतः हा गेम अजुन खेळलो नाही त्यामुळे त्या बद्धल माझे मत नोंदवले नाही.
20 Apr 2013 - 11:33 am | भुमन्यु
प्रिय मदनबाण,,
खूप खूप धन्स... Any.DO To Do List साठी... मस्त आहे...
23 Nov 2012 - 9:14 pm | मालोजीराव
अ‍ॅन्ड्रॉईडला अलविदा करून विंडोज कडे चाललोय ...फॉर अ चेंज म्हणून...नव्या वर्षाच्या सुरवातीस लाखभर नवीन ऍप्लिकेशन्स असतील अशी अपेक्षा आहे !
24 Nov 2012 - 12:05 am | दादा कोंडके
चला विंडोज वापरणारं दुसरं कुणीतरी आहे म्हणायचं. मला वाटलं मीच च्यु.... आपलं चूक केली की काय! :)
विंडोजच्या अ‍ॅप्लिकेशनचा पण धागा येउ द्या मग.
23 Nov 2012 - 9:18 pm | आनंदी गोपाळ
१. SMS blocker by Optinno. पुण्याच्या कंपनीचे अ‍ॅप. फ्री आहे. नको ते स्पॅम एसेमेस आपोआप कटवते.
२. Audio Manager ;) नावासारखे काम करतेच, पण कुछ एक्स्ट्रा भी. फायली, फोल्डर्स लपवणे हे मेन काम. रिव्ह्यूज वाचा. मी वापरतो आहे, छान काम करते.
३. Color Dict ऑफलाईण डिक्शनरी आहे. इन्स्टॉल करायला जरा किचकट आहे, पण एकदा टाकली की नेट न वापरता शब्दार्थ देते.
४. iReader अतीशय सुंदर अ‍ॅप, ईबुक्स वाचण्यासाठी. याच कामासाठी सर्वप्रथम अँड्रॉईड फोन घेतला होता. त्याआधी चायना मोबाईल होता ;)
५. Offline Hindi Dictionary
६. Photo Art
७. Kalnirnay.
बाकी माझ्या प्रोफेशनल कामाचे अ‍ॅप्स आहेत. जसे पल्स मोजणारे, स्टेथो, ईसीजी रेकॉर्ड करणारे इ.
(फोनः ग्यालेक्षी ३ व टॅब२ P3100
23 Nov 2012 - 9:22 pm | प्रा.डॉ.दिलीप बिरुटे
अर्रे वा. माहितीपूर्ण लेख आहे, आवडला. Symbian प्रणालीवर अजून जीव असल्यामुळे अ‍ॅन्ड्रॉईड ला स्पर्श केला नाही.
पण अ‍ॅपल आय फोर घेईन (कधी ना कधी) तेव्हा घेईन मजा तुमच्या अ‍ॅन्ड्रॉईडवर चालणा-या अ‍ॅप्लीकेशनची.
मराठी संदेश आणि मिपावर नेटावरुन लिहिण्यासाठी बैडू. बातम्यांसाठी न्युज हंट, पंचाग, टीव्हीसाठी नेक्सजीटीव्ही, कॉल रेकॉर्डिंगसाठी बोल्डबिष्ट, ऑपेरा तर आहेच. आणि गेम म्हणजे अवतार, टीनटीन. :) "
-दिलीप बिरुटे
24 Nov 2012 - 2:15 pm | श्रावण मोडक
हाण्ण... पिडांकाका कुठं आहेत? डब्बल बॅरल हे भाकीत तुम्ही खूप पूर्वीच केले होते.
दोन्ही कंपन्यांचा बाजार एका झटक्यात उठवला इथं गुर्जींनी.
गुर्जी, हे जेव्हा कराल तेव्हा तुम्ही असाच एक लेख लिहा. आम्ही त्याची मजा घेणार. ;-)
(प्रतिसाद हलके घ्यावा. ही केवळ गडबड आहे हे माहितीये.)
24 Nov 2012 - 6:48 pm | नाना चेंगट
गुर्जी लै हुस्शार आहेत.
भविष्यात विंडॉज ८ ला टक्कर देण्यासाठी आयओएस आणि अ‍ॅड्राईड अ‍ॅप्लिकेशन्स क्रॉस कॉम्पॅटिबल होतील असे त्यांनी हळूच सुचवले आहे. अर्थात मोसिंकचा अभ्यास सुद्धा त्यांनी केला असावाच ;)
गुर्जींचा मर्जर अ‍ॅक्विझिशनचा लिक्विडेशन ब्रँडीग इ चा अभ्यास दांडगा आहे हे त्यांच्या सर्व मसंवरील हुकुमी वाटचालीवरुन लक्षात येतेच. ;)
25 Nov 2012 - 8:54 pm | प्रा.डॉ.दिलीप बिरुटे
प्रहघेआ. :)
-दिलीप बिरुटे
23 Nov 2012 - 9:23 pm | आनंदी गोपाळ
शामसुंग कंपणी सोताचा मर्हाटी कीबोर्ड देते. तो आहे की नाही ते फोनवर आधी शोधावे. मग त्या बाकी कीबोर्ड अ‍ॅप्सची गरज पडत नाही. हा पर्तिसाद ट्याबवरून टायप्ला आहे. शामसुंगचा कीबोर्ड वापरून
24 Nov 2012 - 1:49 am | सुहास झेले
सॅमसंगचा कुठला कीबोर्ड? जरा नीट समजावून सांगाल का कसा वापरायचा ते?
26 Nov 2012 - 3:28 pm | आनंदी गोपाळ
सेटिंग्ज->locale & Text -> samsung keypad - > writing language.
जुन्या फोन मधे ऑप्शन नसेल, नव्यात हिंदी/मराठी दिसते. एकापेक्षा अधिक भाषा सिलेक्ट करता येतात.
24 Nov 2012 - 8:36 am | किसन शिंदे
सुझे, अ‍ॅंड्रॉईड प्रणालीवर लेख लिहिल्याबद्दल धन्यवाद!
वर उल्लेख केलेली बरीचशी अ‍ॅप्स मी वापरलेली आहेत आणि पुन्हा काढूनही टाकलेली आहेत. याचं कारण म्हणजे हे अ‍ॅप्स डाऊनलोड होताना बायडिफॉल्ट फोन मेमरीमध्ये जातात आणि त्याने फोनची इंटरनल मेमरी कमी होते व त्याचा ऑपरेटींग सिस्टमवर परिणाम होतो.
लेख वाचताना नीलकांतची आठवत येतेय. :)
25 Mar 2013 - 10:24 am | नानबा
किसन, फोन मेमरीमध्ये इन्स्टॉल झालेले अ‍ॅप्स मेमरी कार्डावर टाकणारं App 2 SD अ‍ॅप आहे. ते वापरून सगळे अ‍ॅप्स मेमरी कार्डावर घेऊन फोन मेमरी रिकामी ठेवता येते.
25 Mar 2013 - 5:52 pm | श्री गावसेना प्रमुख
App 2 SD अ‍ॅप ची काही गरज नाहीये,सेटींग मधुन अ‍ॅप मुव्ह करता येतात.
25 Mar 2013 - 5:57 pm | प्रा.डॉ.दिलीप बिरुटे
>>>>>फोन मेमरीमध्ये इन्स्टॉल झालेले अ‍ॅप्स मेमरी कार्डावर टाकणारं App 2 SD अ‍ॅप आहे. ते वापरून सगळे अ‍ॅप्स मेमरी कार्डावर घेऊन फोन मेमरी रिकामी ठेवता येते.
फोन मेमरीतील अप्लीकेशन्स मेमरी कार्डावर टाकता येतात हे खरं आहे, परंतु काही अप्लीकेशन्स इंटरनल मेमरीवरच चालतात आणि दुसरी गोष्ट मेमरी कार्डावर जेव्हा अप्लीकेशन्स मुव्ह करतो तेव्हा काही फायली या इंटरनल मेमरीत जाऊनच पडतात. उदा. फायरफॉक्स ब्राऊजर हे वीस एमबीचे आहे. जेव्हा आपण या अप्लीकेशन्सला मेमरी कार्डावर टाकतो त्यातली पाच एमबी फायली या इंटरनल मेमरीवर येऊन पडतातच.
कोणी एक्सपर्ट जर अशा इंटरनल मेमरीवरचा लोड कमी करु शकण्याचा उपाय सोप्या पद्धतीने सांगणार असेल तर त्यांचे प्रतिसादाचे मनःपूर्वक स्वागत आहे
-दिलीप बिरुटे
25 Mar 2013 - 6:06 pm | श्री गावसेना प्रमुख
डॉक्टर साहेब माझ्याकड एच टी ची चा वाईल्ड फायर होता,त्यात ह्या असल्या फायली उडवायची सोय होती,
तशी ती बहुतेक मोबाईल ला सोय असतेच्,नसेलही तर बॅकअप घेउन मोबाइल फॉरमॅट करावा.५ मिनटात खेळ खल्लास.
नाहीतर net qin नावाच अँटीव्हायरस जे की फ्री आहे,ते वापरा त्यात अशी सोय असते.
25 Mar 2013 - 6:49 pm | प्रा.डॉ.दिलीप बिरुटे
अँटीव्हायरस हा त्यावरचा उपाय नाही, असे माझे मत आहे. सिष्टीमसाठी त्या फायली आवश्यक असतात त्या फायली उडवल्या तर अप्लीकेशन्स चालत नाही त्यामुळे त्या फायली उडवून उपयोगाचे नाही. (फोनला रुट केल्यानंतर लिंक टू एसडी मार्गे अशा फायली मेमरीकार्डला पार्टीशन (पार्टीशन कसे करायचे त्याची माहिती) करुन पर्यायी इंटरनल मेमरीमधे त्यात अशा फायली परस्पर जातात) पण, असे करुनही अशा फायली इंटरनल मेमरीत येतातच त्यावरचा उपाय हवा होता. असो, माहितीबद्दल आभारी.
-दिलीप बिरुटे
25 Mar 2013 - 7:03 pm | मदनबाण
इंटरनल मेमरीचा लोचा मला सुद्धा सतावतो आहे ! :( आता कुठले नविन अ‍ॅप टाकायचे असल्यास दुसरे एखादे अ‍ॅप अनइनस्टॉल करावे लागेल अशी स्थिती आली आहे. अ‍ॅप टू एसडी याचे नाव आता APPMGRIII{अ‍ॅप मॅनेजर} असे झाले आहे पण च्यामारी फालतुची कॅश उडवण्या पलिकडे याचा काही पण उपयोग नाही.
फोनवर बिल्टइन येणारे कंपनी सॉफ्टवेअर सगळ्यात जास्त मेमरी घेउन बसलाय आणि त्याला अनइस्टॉल ही करता येत नाही,याला पर्याय फोन रुट करणे हा आहे पण मला माझ्या फोनचा दगड करण्याची इच्छा नसल्याने त्याला रुट करण्याच्या नादाला अजुन लागलो नाही. अ‍ॅन्टीव्ह्यायरस देखील इंटर्नल मेमरीतच जाउन बसतो असे माझे निरिक्षण आहे.बिल्टइन मेमरी देण्यात ह्या फोन कंपन्या इतका चिंगुसपणा करतात त्याचा लयं लयं राग आला आहे मला.एक्स्टर्नल मेमरी वाढवुन देखील मोबल्या इंटरर्नल मेमरी कमी पडल्याने मंदावतो किंवा सारखा लो स्पेस म्हणुन कोकलत राहतो ! :(
25 Mar 2013 - 7:33 pm | मालोजीराव
कंपनी रॉम पेक्षा कस्टम रॉम लय वेळा भारी असतात…३-४ वर्षांचा वैयक्तिक अनुभव आहे…windows आणि android दोन्हीचा.
25 Mar 2013 - 7:39 pm | प्रा.डॉ.दिलीप बिरुटे
>>>कंपनी रॉम पेक्षा कस्टम रॉम लय वेळा भारी असतात
सहमत.
-दिलीप बिरुटे
25 Mar 2013 - 8:04 pm | मदनबाण
कंपनी रॉम पेक्षा कस्टम रॉम लय वेळा भारी असतात
हे मला देखील मान्य आहे,पण तू-नळीवर जितके पण फोन रुट करण्याचे व्हिडीयो पाहिलेत त्यात अनेकांच्या प्रतिसादात फोन गंडल्याचे वाचले आहे.फोन डब्बा होण्यापेक्षा आहे. हापिसातल्या एकाने असाच फोन रुट केला होता,पण त्या फोन मधे काही त्रुटी निर्माण झाल्या आहेत.उदा आलेला फोन डायरेक्ट स्पीकर फोनवर ऐकाला येणे.इं.
फोन रुट करण्याची सोप्पी समजवुन सांगितलेली पद्धत अजुन तरी माझ्या पाहण्यात आली नाही. :(
25 Mar 2013 - 8:12 pm | प्रा.डॉ.दिलीप बिरुटे
मला माझ्या फोनसाठी सहजपणे रन होणारी स्क्रीप्ट मिळाली आणि फोन सहज रुट करता आला, फोन रुट केल्यामुळे इंटरनल मेमरीची जागा (कंपनीने दिलेल्या मेमरीपेक्षा कितीतरी अधिक) मला वाढवता आली आहे. (वरच्या दुव्याप्रमाणे)
माझ्या फोनची इंटरनल मेमरी फक्त वापरायला मिळते १३० एमबी. फोन रुट केला आणि लिंकटू एसडी आणि मेमरीकार्डाचे पार्टीशन केल्यामुळे मला (एसडीकार्ड २ पार्ट दिसतंय ना ) तिथे जवळ जवळ दीड जीबीचा वापर करता आला आहे. इंटरनल मेमरीचा लोड एस्डीकार्ड २ पार्ट इथे येऊन पडतो. (अर्थात ही मेमरीही मला कमीच पडते) ;)
-दिलीप बिरुटे
(खटपट्या)
25 Mar 2013 - 8:53 pm | मदनबाण
आत्ताच हा लेख वाचला,आणि अजुन गोंधळात पडलो आहे.
http://www.androidcentral.com/rooting-it-me-some-qa
25 Mar 2013 - 9:24 pm | मालोजीराव
फ़्लैश मारताना battery ५०% पेक्षा जास्त पाहिजे कारण मध्येच battery संपली तर खरच मोबाईल चा दगड होतो.
कस्टम रॉम टाकताना स्टेबल असलेली रॉम टाकावी म्हणजे काही इश्यू येत नाहीत.
मी कॅनव्हास घेतल्यावर तिसर्या दिवशीच जेलीबीन कस्टम रॉम टाकली...बेंचमार्क पण वाढला आणि इंटरनल मेमरी पण १.४८ वरून २.६० जीबी झाली.आणि कॅनव्हास च्या रॉम मध्ये इंटरनल मेमरी चे apps एस डी कार्ड वर टाकता येत नव्हते...तो पण प्रश्न नवीन रॉम मुळे मिटला.
कस्टम रॉम मुळे warranty गन्डते त्यामुळे महागड्या मोबाईल धारकांनी आधी विचार करावा.
- कॅनव्हासधारी मालोजी
26 Mar 2013 - 4:28 pm | मदनबाण
शेवटी एकदाचा माझा अ‍ॅन्ड्रॉइड "रुट" केलाच ! :)
LIND2SD टाकले तसेच Root App Delete (uninstaller) टाकले आणि बाय डिफॉल्ट {बोल्टवेअर} येणारी अ‍ॅप्स डिलीट मारली...च्यामारी फुकटची जागा अडवुन बसली होती,नंतर लक्षात आले की LIND2SD ने सुद्धा हेच काम करता येते. त्याचा सुद्धा वापर केला,अजुन एसडी कार्डची पार्टीशन मारली नाहीये... गरज वाटलीच तरच हा पर्याय वापरीन.
26 Mar 2013 - 4:50 pm | मालोजीराव
काँगो…नवीन रॉम ला की इश्यू आले तर XDA वर patch मिळतात सहजासहजी !
26 Mar 2013 - 5:10 pm | मदनबाण
मालोजीराव तुमचा कस्टम रॉमवर हात बसलेला दिसतो,जरा आम्हा गरिबांसाठी लिवा की त्याच्या बद्धल,लयं उपकार होतील बघा.
म्या फकस्त रुट केला हाय,कस्टम रॉम टाकण्यास अजुन भ्या वाटतया ! :( अन् जास्त काय बी ठाव नाय त्या बद्धक, कधी तरी ती किडाकांडी सुद्धा करुन पाहिन म्हणतो,सध्या हाय त्या ओएसवर गप्प हाय म्या.
31 Mar 2013 - 10:46 am | नानबा
बिरूटे सर, मी माझा फोन रूट केला आणि तुम्ही वर सांगितलेलं अ‍ॅपसुद्धा टाकलं. पण माझ्या फोनमध्ये एसडी कार्ड पार्ट २ नॉट फाउंड असा मेसेज येतोय. माझ्या मते आधी पार्टीशन न केल्यामुळे असं झालं असेल. पण मेमेरी कार्डावर पार्टिशन कसं करायचं?? जरा मदत करा ना.
31 Mar 2013 - 10:55 am | प्रा.डॉ.दिलीप बिरुटे
मिनी टूल्स डाऊनलोड करुन घ्या त्यानंतर मेमरी कार्ड पूर्णतः फॉर्मेट मारा. मिनीटूल्स पार्टीशन विजर्ड अप्लीकेशन संगणकावर उतरवून घ्या. मेमरी कार्ड संगणकावरच फॉर्मेट मारा. मेमरी कार्ड मोबाईलमधे टाकून कॉड लावल्यानंतर डिबंग ऑप्शन मधे जाऊन मासस्टोअर मोडमधे आल्यावर मेमरी कार्ड मिनीटूल्स मधे दिसू लागेल. क्रियेशन सेकंड पार्टीशन या दुव्यावरील छायाचित्रावरुन मग पुढे पार्टीशन करणे सोपे जाईल. मेमरी कार्ड एकदा दोनदा फॉर्मेट करा. मेमरी कार्ड पहिल्यांदाच यशस्वी होत नाही हा प्रयोग. तुम्ही आता अगदी जवळ आला आहात. काही घाबरु नका. प्रयोग यशस्वी होईल. :)
-दिलीप बिरुटे
31 Mar 2013 - 11:00 am | नानबा
धन्यवाद. मिनीटूल्स डाऊनलोडिंगला लावलंय. ते झालं की पुढे सरकेन. आणि प्रयोग यशस्वी झाल्यानंतर सांगेनच. :)
31 Mar 2013 - 1:48 pm | नानबा
बिरूटे सर, तुम्ही वर दिलेल्या क्रिएशन सेकंड पार्टिशन मध्ये सांगितल्याप्रमाणे मी केलं खरं, पण लिंक २ एसडी अजूनही सेकंड पार्ट नॉट फाउंड असाच मेसेज दाखवतोय.. :(
31 Mar 2013 - 9:33 pm | प्रा.डॉ.दिलीप बिरुटे
:( दुव्यावरील स्टेप्स प्रमाणे केले असते तर जमले असते असे वाटते काही तरी चूक होत आहे.
बाय द वे, मोबाइल वर लिंक टू एसडी अप्लिकेशन ओपन करा त्यातील ऑप्शन मधे जाऊन More वर क्लिक करा तिथ रिक्रिएट माऊंट स्क्रिप्ट वर क्लिक करा तिथे ext2 सलेक्ट करा. होईल बहुतेक(नेट बंद अस्ल्यामुले लगेच रिप्लाय करता आल नही आताह मोबी वरुन)
1 Apr 2013 - 10:54 am | नानबा
बिरूटे सर, लफडा कळला. मेमरी कार्डावर पार्टिशन्स झालेच नाहीयेत. पण दुव्यातल्या फोटोंप्रमाणे सगळं झालं तर होतं. परत करून बघावं लागेल. :(
26 Mar 2013 - 5:22 pm | श्री गावसेना प्रमुख
बाण राव्,आपण जे अ‍ॅप वापरतो त्यात आपल्याला सगळेच कामाचे असतातच असे नाही,त्यामुळे जुने अ‍ॅप उडविणे व नवीन टाकणे हे उत्तम,आणी फोन फॉरमॅट करायला अगदी १० ते २०% बॅटरी शिल्लक असली तरी चालते,फारतर ५ १० मिनटाच्यावर वेळ नाही लागत,व फोन डेड झाला तरी एखाद्या मोबाइल शॉपीतुन त्याला सॉफ्टवेअर टाकता येत,जर गॅरंटीत असेल तर उत्तम,
अ‍ॅप इंस्टॉल केल्यानंतर ते अ‍ॅप मेमरी कार्डात मुव करु घ्या,
26 Mar 2013 - 7:14 pm | मदनबाण
श्री साहेब्,जुने अ‍ॅप काढणं आणि नविन टाकण हे चालुच असतं,पण काही अ‍ॅप्स नेहमी वापरली जात नाहीत्,पण ती डिलीट मारावी सुद्धा वाटत नाहीत... रुट केल्याने बोल्टवेअर काढुन टाकल्याने थोडी जागा आता मिळाली आहे,शिवाय एसडीकार्डवर सुद्धा पाढवण्याची सोय झाली आहे,पण हे कस्टम रॉम प्रकरण जरा वेगळ दिसतं. उदा. आता माझा मोबल्या रुट केल्यावर त्याच्यात avast! Mobile Security टाकले,का तर त्यात तुम्हाला रुट अ‍ॅक्सेस असेल तर फायरवॉल इनेबल करता येते,तेच करायला गेलो तेव्हा मला समजले की जरी माझ्या फोनला रुट अ‍ॅक्सेस असला तरी ओएसचा कर्नल सपोर्ट करत नाही,त्याच्यासाठी कस्टम रॉम हवी.
आपल्याला जर या कस्टम रॉम बद्धल ठावुक असेल तर या धाग्यावर जरुर लिहा, मला आणि इतर वाचकांना या बद्धल अजुन कळेल.
26 Mar 2013 - 7:21 pm | मालोजीराव
मालक प्रत्येक मोबाईल च्या रॉम वेगळ्या असतात तुमचा मोबाईल चा ब्रान्ड आणि मॉडेल कंचा ?
26 Mar 2013 - 7:53 pm | प्रा.डॉ.दिलीप बिरुटे
कष्टम रोमला मी इच्छूक. पहिलं माझं नाव घ्या. माझा फोन मॉडेल LAVA N400
Android version 4.0.4
Based version - MAUI.11AMD.W11.50.SP.V13.P2
KERNEL VERSION 3.0.13
स्टेबल असलेली रॉम सुचवावी. वर काही माहितीही द्यावी.
-दिलीप बिरुटे
26 Mar 2013 - 8:10 pm | मदनबाण
सॅमसंग गॅलेक्सी वाय GT-S5360
Android Version:- 2.3.6
28 Mar 2013 - 6:45 pm | मालोजीराव
तुमच्यासाठी remix-v2 हि एक झक्कास रॉम आहे, बिरुटे सर तुमच्या लावा मोबाईल साठी अद्याप रॉम उपलब्ध झाली नाही :(
'लावा' च जुळ भावंड भेटला तर त्याची रॉम चालू शकेल जशी मी कॅनव्हास ला Mobistel Cynus T2 या जर्मन जुळ्या भावंडाची रॉम वापरली.
28 Mar 2013 - 7:16 pm | प्रा.डॉ.दिलीप बिरुटे
>>>तुमच्यासाठी remix-v2 हि एक झक्कास रॉम आहे,
धन्स. लग्गेच लागतो कामाला.
>>>तुमच्या लावा मोबाईल साठी अद्याप रॉम उपलब्ध झाली नाही
:(
-दिलीप बिरुटे
28 Mar 2013 - 8:05 pm | प्रा.डॉ.दिलीप बिरुटे
सिग्नेचर व्हेरीफाय फेल्ड येतंय.
-दिलीप बिरुटे
28 Mar 2013 - 8:40 pm | मालोजीराव
सर remix-v2 मदनबाण साठी आहे !
तुमच्या लावा च जुळ भावंड शोधाव लागेल जे लय फ़ेमस आहे… म्हणजे त्याची रॉम तुम्हाला चालवता येईल
28 Mar 2013 - 9:02 pm | प्रा.डॉ.दिलीप बिरुटे
ok तरी मला वाटत होतं चित्र जी दिसत होती ती लहान होती. माझ्या मोबिसाठी सेम चालणारी रोम मिळाली तर लिहायला विसरु नका :)
28 Mar 2013 - 12:42 pm | नानबा
मी पण कस्ट्म रॉमसाठी प्रचंड इच्छुक. मला बी थोडं सांगा..
सॅमसंग गॅलेक्सी वाय प्रो
Model number : GT-B5512
Android Version : 2.3.6
Baseband Version : B5512DDLG1
Kernel Version : 2.6.35.7
dpi@DELL154 #1
28 Mar 2013 - 10:54 pm | मदनबाण
तुमच्यासाठी remix-v2 हि एक झक्कास रॉम आहे
ठांकु. पण एक समस्या आहे cwm च्या रिकव्हरी सेटअप मधे माझ्या मॉडेलचे नाव दिसत नाही,मग मी cwm फ्लॅश कसे मारणार ? जर cwm माझ्या मोबल्यात फ्लॅश झाला तरच कस्टम रॉम फ्लॅश मारण्याचा विचार करेन.
यावर काय उपाय आहे का ?
31 Mar 2013 - 7:24 pm | मदनबाण
XDA फोरम वरुन CWM चा जुगाड केला,CWM फ्लॅश मारले,फोनचा बॅकपण घेतला.remix-v2 डाउनलोड मारले,त्याचा अपडेट पण डाउमलोड केला. इतक सर्व केल्या नंतर लक्षात आले की XDA फोरमवर जिथे CWM डाउनलोड ला दिले होतते तिथे असेही लिहले होते की समजा फ्लॅश मारताना काही झोल झाला तर बॅकअपचा पर्याय निवडु नका,कारण त्या नंतर फोन सॉफ्टब्रीक स्टेटस मधे जाईल कारण फोरमवरचे CWM तितकेसे स्टेबल नाही.:(
त्यामुळे सध्या कस्टम रॉमचा नाद सोडुन दिला आहे.
नविन फॉट जालावरुन डाउनलोड केले आहेत,त्यातल्या त्यात काही तरी फोनवर बदल्याचे समाधान ! ;)
http://www.galaxyyarchive.info/2012/06/7-new-fonts.html (गॅलेक्सी वाय साठी फॉन्ट)
24 Nov 2012 - 10:09 am | अँग्री बर्ड
Advanced Task Killer : चालू असलेली अ‍ॅप किल करण्यासाठी याचा चांगला उपयोग होतो, काहीवेळा अ‍ॅप आपल्याला गंडीवते आणि मोबाईल हॅंगतो तेव्हा सरळ होम वर क्लिक करून डेस्कस्टोप ला यायचे आणि ह्याचा आयकॉन तिथे ठेऊन द्यायचा, एक क्लिक झाला कि काम तमाम.
File Manager : एक अतिशय उपयुक्त फाईल मॅनेजर : ह्यात फाईल मॅनिप्युलेशन एकदम व्यवस्थित होतेच, रार फाईल्स अनरार करण्यासाठी सुद्धा उपयोग होतो, शिवाय ह्यातून drop-box, Google drive, SkyDrive, LAN connection साठी पूल बनवता येतो.
App2SD : ह्याचा उपयोग काय तर वर किसन भाऊंनी म्हटल्याप्रमाणे " हे अ‍ॅप डाऊनलोड होताना बायडिफॉल्ट फोन मेमरीमध्ये जातात आणि त्याने फोनची इंटरनल मेमरी कमी होते व त्याचा ऑपरेटींग सिस्टमवर परिणाम होतो." तर अश्यावेळी हे अ‍ॅप कामाला येते, ह्यातून इंटर्नल मेमरीमधली बहुंतांशी अ‍ॅप्स मेमरी कार्डमध्ये हलवता येतात.
MX player : जबरी व्हीडीओ प्लेयर. सहा महिन्यांची विश्वसनीय परंपरा : almost सगळ्या फाईल फॉर्म्याट सपोर्ट करतो. अरे बघताय काय डाऊनलोड करा.
Paytm : आजघडीचे मोबाईल रिचार्जसाठीचे विश्वसनीय आणि किचकट नसलेले दर्जेदार अ‍ॅप.
Current Caller ID : ह्याच्या कॉलर आयडी वर अजिबात विश्वास ठेवता उपयोगाचा नाही, काहीच्याकाही लोकेशन दाखवतो. पण त्यात एक चांगली गोष्ट आहे म्हणजे एखाद्याचा फोन आला आणि त्याने ह्यापूर्वी फोन केलेला असेल तर तिथे स्टेटस दाखवतो, कि 15 minutes ago, 1 hour ago वगैरे वगैरे, मग तेव्हा अंदाज बांधता येतो कि फोन उचलायचा कि नाही, त्याशिवाय तो फोन मधून कॉल किती गेले, किती आले, कोणाला केले, कोणाचे आले, मेसेज इत्यादींचा छान पाय चार्ट काढून दाखवतो.
गेम बद्दल म्हणत असाल तर मला आवडणारे गेम्स : Airport XP free, Stickman base, stick cricket, mouse, Air control Lite, Glow Hockey, Rope'n'FLy 3, Bridge Architect, Stick Tennis.
बाकी माझ्याकडे Sony Xperia Mini Pro SK17i हा मोबाईल आहे. :)
24 Nov 2012 - 10:22 am | प्रचेतस
धन्स रे सुझे, माहितीपूर्ण लेख.
मी वापरत असलेली काही अ‍ॅप्स
१) आयएमओ मेसेंजरः या एकाच अ‍ॅपवरून एकाच वेळी बहुतेक सर्व मेसेंजर अ‍ॅप्लिकेशन्स वापरता येतात.
२) कन्वर्ट पॅड: बहुतेक सर्व एकके यात कन्वर्ट करता येतात
३) एव्हरनोट: सिंक्रोनाईझ्ड नोट्ससाठी उत्कृष्ट अ‍ॅप
४) विकीपेडिया: विकीपेडीयाच्या वेगवान अ‍ॅक्सेससाठी उपयुक्त
५) एमएक्स प्लेयर अ‍ॅन्ड्रॉइडवराचा सर्वोत्तम व्हिडियो प्लेयर
६) पीएनआर स्टॅटस अ‍ॅन्ड ट्रेन: पीएनआर स्टॅटस तपासण्यासाठी उपयुक्त
७) स्विस आर्मी नाईफः अनेक उपयुक्त अ‍ॅप्सचा एकत्रित संच
याशिवाय गेम्स मध्ये अँग्री बर्डसचे सर्व व्हर्जन्स लेटॅस्ट अँग्री बर्डस-स्टारवॉर्स सहित, स्टिकमन गोल्फ, स्टिक क्रिकेट, स्टिक टेनिस, पूल मेनिया, बीएमएक्स बॉय, स्केटर बॉय हे गेम्स लै भारी.
मोशन सेन्सर गेमिंगसाठी बाईक रेस हा गेम मस्त आहे.
ब्राउझर मध्ये डॉल्फिन एचडी आणि युसी फास्ट आहेत तर ए-बुक वाचण्यासाठी किंडल अ‍ॅप मस्त आहे.
मी सॅमसंगचा गॅलेक्सी एस प्लस वापरतो.
24 Nov 2012 - 11:50 am | पप्पु अंकल
अतिशय महितीपुर्ण लेख आणि प्रतिसाद देखिल महितीपुर्ण.
धन्यवाद
24 Nov 2012 - 11:59 am | प्रशांत हेबारे
ऍपल फोन बद्दल पण माहिती सांगा. अताच नवीन घेतलाय.
24 Nov 2012 - 12:11 pm | सोत्रि
फिनॅनसिस्टो हे माझे सर्वात आवडते अ‍ॅप आहे.
पण ते अ‍ॅप एक स्वतंत्र लेखाचा विषय आहे.
- (फिनॅन्स सॅव्ही)सोकाजी
24 Nov 2012 - 12:19 pm | ५० फक्त
स्मार्ट मेझर
अ‍ॅपल शुट
चेस
वन टच ड्रॉइंग
स्मार्ट कंपास
ट्रॅक माय ट्रेन
24 Nov 2012 - 12:29 pm | चिर्कुट
मोबाईल ही आता गरज राहिलेली नसून ते एक व्यसन झालय... :)
एवढी अ‍ॅप्स का काय वापरणे आम्च्या बालबुद्धीला झेपणारे नसल्याने आम्ही MicroMax X256 हा फोने वापर्तो (फकस्त फोन/समस करणे-घेणेसाठी आणि गाणी वाजवण्यासाठी) :P
- चिर्कुट
24 Nov 2012 - 12:42 pm | लॉरी टांगटूंगकर
cam scanner-काढलेले फोटो पी डी एफ मध्ये सहजपणे convert करते आणि कॉन्ट्रास वगैरे गोष्टी text साठी सुटेबल बनवते,१०-१५ पाने स्केन करण्यापेक्षा फोटो काढायचे ,पी डी एफ बनवणे सोपे पडते,
addi-and addi plot mobile matlab ग्राफ पण प्लॉट होतात,मोठ्या गणितांना वेळ घेते पण चांगलाय, एम फाईल्स डायरेक्ट रन होतात.मला आवडल,भरपूर इंगीनिअरिंग ऍपस् पण आहेत आवडी नुसार शोधावी.
TFTPad या ऍप वर कटिया,सॉलिड वर्क्स वगैरे वर केलेली ३ डी drawings बघता येतात
GPS speedometer speedview-जी पी एस वापरून आपला वेग सांगते,प्रवासात चांगला टाईम पास आहे ,
photowrap , face changer -फोटोवर मस्त प्रोसेसिंग करता येते,याच टाईपचे फोटोला भुताळी बनवणारे पण एक ऍप आहे ,
चिडके पक्षिगण अर्थात angry birds बोलायलाच नको ,प्रचंड लोकप्रिय खेळ आहे
unicorn dash,talking cat,NFS most wanted
मध्ये असे ऐकले होते की MAP डाउनलोड करायचा ,जी पी एस वर पोझिशन इंटरनेटशिवाय दिसते,सध्या जे गुगल माप्स वापरतो ते नेट शिवाय चालत नाहीत, कोणी तसे केलंय का???
1 Jan 2013 - 7:55 am | तुषार काळभोर
नोकिया एन ९०० वर एक अ‍ॅप: मोबाईल मॅप्स-९ वापरतोय.
मॅप्स एकदमच डाउनलोडवलेत. आता इंटरनेट शिवाय पण जीपीएस चालतं.
24 Nov 2012 - 4:01 pm | पैसा
मस्त धागा! मी बरेच अ‍ॅप्प्स चालवून बघते आणि मग काढून टाकते. कायम ठेवलेली म्हणजे मिसळपाव, फेसबुक आणि गुगलची सगळीच. सुझेला गुगलचं ब्लॉगर पण उपयोगी आहे!
25 Nov 2012 - 3:17 pm | स्वाती दिनेश
माहितीपूर्ण लेख,
वाचनखूण साठवते,
स्वाती
26 Nov 2012 - 9:26 am | पिंगू
सध्या झक मारुन सॅमसंग जीटी -एस ५५७० ह्या जुन्या गाढवावर जिंजरब्रेडच ओझं टाकलयं.. पण सारखं सारखं मरतयं. आता एकतर ओएस डाऊनग्रेड करीन किंवा नविन फोन घेईन.
26 Nov 2012 - 5:38 pm | पैसा
हे नसते धंदे तुला कोणी करायला सांगितले होते!! :D
27 Nov 2012 - 9:31 am | पिंगू
मी जरा जास्तच प्रयोगशील आहे.. :D
- पिंगू
27 Nov 2012 - 11:33 am | सुहास झेले
मेहनती गाढव... :p
26 Nov 2012 - 12:54 pm | ५० फक्त
अँड्रॉइडच्या दोन व्हर्जनमध्ये नक्की काय फरक जाणवतो हे कुणी समजावु सांगेल काय ?
26 Nov 2012 - 1:32 pm | अँग्री बर्ड
applications, widgets, support, application integrity, stability, features, support, enhancement and improvement into default apps, including widget, camera, calendar etc.
26 Nov 2012 - 2:10 pm | अँग्री बर्ड
२०१० च्या शेवटच्या महिन्यात Gingerbread २.३ आले, त्यानंतर २१ सप्टेंबर २०११ ला त्यांनी Gingerbread फ्यामिलीमधले २.३.७ हे शेवटचे व्हर्जन काढले. Gingerbread व्हर्जन पासून android मधे video call support सुरु झाला. Video Support बरोबरच copy paste functionality, VoIP support मधे improvement आणली। त्यानंतर सगळ्याच मोबाईल मध्ये Android तेवढ्याच smoothly चालले नाही, Samsung च्या काही मोबाइलमधे compatibility issue आले होते, तेहि दोष पुढच्या सुधारित आवृत्तीत काढून टाकण्यात आले. त्यानंतर फेब्रुवारी 2011 मध्ये आलेल्या Honeycomb 3.0 मध्ये WiFi,android market , display mode मध्ये सुधारणा केली। माझ्या मते Honeycomb पासून dock support चांगला मिळू लागला . ह्यापुढे Ice Cream Sandwich 4.0 मध्ये widget style, hardware acceleration, camera functionality, social streaming, Facebook enhancement आणि भरपूर गोष्टींची भर घातली गेली।
26 Nov 2012 - 3:43 pm | गवि
माझा सोनी एरिक्सन एक्स्पीरिया मिनी प्रो हा फोन हळूहळू मधेच ब्लँक व्हायला सुरुवात झाली होती. मग हे प्रमाण वाढलं. ब्लँक झाला की पॉवर बटणानेही रीसेट होत नाही. वेगळाल्या साईटसवर दिलेल्या उपायानुसार व्हॉल्युम अप बटण आणि पॉवर बटण एकत्र दाबून ठेवलं. तरी नुसता व्हायब्रेट होतो पण स्क्रीन ढिम्म.
थेट बॅटरी डिसकनेक्ट करुन परत जोडणे हा उपायच करावा लागायचा तेव्हा पुन्हा स्टार्ट व्हायचा.
आता तेही होत नाहीये.
कालपासून अजिबातच स्टार्ट होत नाहीये. बॅटरी व्यवस्थित चार्ज झालेली होती. डेटाकार्डमधे प्रॉब्लेम असेल म्हणून तेही काढून ठेवलं आहे.
काय करावं हे कोणी सांगेल का?
सोनीचं सर्व्हिस सेंटर शोधून तिथे जाणं हे तर झालंच पण काही घरगुती उपाय नाही का? :(
26 Nov 2012 - 3:52 pm | दादा कोंडके
उपाय१: बॅटरी काढून साधारण १० मिनिटानी परत घालून बघावी. ढेकणा मूळे टांगला गेला असेल तर तात्पूरता दुरुस्त होईल.
उपाय२: बॅटरी काढून हँडसेटच्या धातूच्या पट्ट्या (न वापरेली इयर बड आयसोप्रोपाइल अल्कोहोल, पेट्रोल, रॉकेल किंवा तत्सम सुलोचना मध्ये बुडवून) स्वच्छ करा.
-(टेप-टीवी दुरुस्त करणारा) दादा
26 Nov 2012 - 6:05 pm | गवि
उपाय एक करुन पाहिला. दहा मिनिटांऐवजी अर्धा तास दिला. फोन नुसता गरम होतो आहे.
उपाय क्र> दोन करुन पाहीन.
बहुधा पोपट मेला आहे हे स्पष्ट मान्य करायला लागेल.. :(
26 Nov 2012 - 7:01 pm | दादा कोंडके
मग दुसरा उपाय करायची गरज नाही. बॅटरीशी धूळीमुळे-ऑक्साइड्स वगैरे मुळे कनेक्शन नीट होत नाही. पण फोन गरम होतो म्हणजे कनेक्शन ओके आहे.
पोपट कदाचीत मेला नसेल पण हल्ली पोपटावर उपचार करण्यापेक्षा नविनन पोपट (हा लागलला मिठू-मिठू बोलायला) घेतलेला बरा पडतो.
26 Nov 2012 - 4:06 pm | अँग्री बर्ड
पहिल्यांदा होम स्क्रीन मग व्होल्युम बटन आणि लगेच पॉवर बटन अश्या क्रमाने दाबुन धरा . रिलीज़ करू नका
26 Nov 2012 - 6:03 pm | गवि
हा उपाय केला. पण फोनने एक गूढ मंद स्मितासारखा जांभळट प्रकाश स्क्रीनमधून दाखवला आणि दोनतीन क्षणात तेही हास्य लोपलं.
26 Nov 2012 - 6:35 pm | ५० फक्त
गूढ मंद स्मिता - नविन टं*निका काय हो गविसो.?
26 Nov 2012 - 4:14 pm | संपत
ह्यात दिलेल्या टिप्स वापरुन बघा..
http://timesofindia.indiatimes.com/tech/itslideshow/17349273.cms
26 Nov 2012 - 4:57 pm | इरसाल
करुन झाले की काही दिवसांनी नवा फोन घ्या . ;)
26 Nov 2012 - 5:11 pm | ५० फक्त
आणि ते काही दिवस जुन्या साथीदारांबरोबर काढा, सिंबियन, वाडा, विंडो वगैरे.
बायको पोरं माहेरी गेल्यावर जुने मित्र आठवतात ना तसं.
27 Nov 2012 - 12:02 pm | सन्कु
माझे ही काही आवडते apps
Book my Show
nexGTv - फ्री Mobile TV, Live TV.
Kharmure Online Marathi Blog
26 Dec 2012 - 4:19 pm | प्रा.डॉ.दिलीप बिरुटे
सिंबियन प्रणालीकडून अ‍ॅन्ड्रॉईडकडे जातांना दु:ख होतंय. अ‍ॅन्ड्रॉईड आइसक्रिम सँडविच ऑसि. असलेला एक ट्रायल बेसवर लाव्हाचा एन४०० फोन घेतला आहे. चांगला परवडला असे वाटते. एकेक अ‍ॅप्लीकेशन्स टाकून पाहात आहे. लिपिकार मराठी लिहिण्यासाठी चांगले अ‍ॅप्लिकेशन्स दिसत आहे. धाग्याचं महत्त्व आत्ता आणखी जाणवत आहे. धन्स.
-दिलीप बिरुटे
26 Dec 2012 - 5:41 pm | अशोक पतिल
सिंबियन प्रणाली हि टच मोबाइलची माता, परंतू कानामागून येवून तिखट झाल्या अ‍ॅन्ड्रॉईड व आय ओ यस.
विन्डोज ७.५ / ८ हि नविन प्रणालीही चागंली वाटते आहे . तरीही एक सागांवेशे वाटते कि नोकिया, samsung, LG, HTC इत्यादी ब्रांडस हार्डवेअरच्या ( थोडे महाग असलेतरी ..) बाबतीत चांगले आहेत. स्वस्त ब्रांडसचे फोनवर काही अ‍ॅप्लीकेशन्स रन होत नाहित.
26 Dec 2012 - 5:59 pm | मदनबाण
धागा वर आलेला पाहुन यात अजुन भर टाकण्याचा विचार आला,म्हणुन हे टंकन कष्ट घेतो.
मी टाकलेले नविन अ‍ॅप्स इथे देत आहे.
१) Avira USSD Exploit Blocker :-- अधिक माहिती इथे मिळेल.
२)Google Authenticator:--- मध्यंतरी मला माझे जी-मेल हॅक झाल्याचा संशय आला होता. मग यावर कोणता उपाय करावा यासाठी जालावर वाचन केले...त्यातुन Google Authenticator बद्धल कळले. मग लगेच ही सुरक्षा पद्धत अमलात आणली. :)(यावर एक लेख लिहण्याचा विचार मनात डोकावला होता...पण सध्या तेव्हढा वेळ नाही.)
वाचकांसाठी काही दुवे:---
http://support.google.com/accounts/bin/answer.py?hl=en&answer=180744
http://www.mattcutts.com/blog/google-two-step-authentication/
http://www.zdnet.com/how-to-use-google-two-factor-authentication-7000002...
हा पर्याय चालु केल्यावर जी-टॉकवर तुमचा जी-मेल पासवर्ड चालणार नाही,त्यासाठी अ‍ॅप्लिकेशन स्पेसिफिक पासवर्ड द्यावा लागेल.
तुम्ही जर जी-मेल वापरत असाल आणि तुम्हाला त्याची सुरक्षा अजुन वाढवायची असेल शिवाय तुमच्याकडे अ‍ॅन्ड्रॉइड प्रणालीवाला फोन असेल तर नक्की हा पर्याय ट्राय मारुन पहा.
३)Compass :--- नावा वरुनच या अ‍ॅपचा उद्देश कळला असेल्,दिशा ओळखण्यासाठी याचा उपयोग होतो.पण हे अ‍ॅप नक्की कसे चालते ते मला कळले नाही.
४)Sirens and Horns :--- हे आपले असेच उगाच इन्स्टॉल केले आहे.वेगवेगळे सायरन आणि हॉर्न यांचे आवाज यात आहेत.
दुवा:--- https://play.google.com/store/apps/details?id=com.rayg.sirens&feature=se....
५)Swami Vivekananda Quotes :--- मागच्या वेळी हे अ‍ॅप सांगायचे विसरलो होतो. स्वामीजींचे Quotes वाचण्यासाठी एक सुंदर अ‍ॅप.
दुवा :--- https://play.google.com/store/apps/details?id=com.arkay.swamivivekananad....
जाता जाता :--- स्वामी विवेकानंद यांचा जन्म 12 January 1863 या दिवशी झाला. पुढचे वर्ष (२०१३) हे स्वामींच्या १५० जयंतीचे वर्ष आहे.
वाचकांसाठी एक दुवा :--- http://www.vivekananda150jayanti.org/
6 Jan 2013 - 12:39 pm | आनंदी गोपाळ
कंपास, मेटल डिटेक्टर इ. अ‍ॅप्स आहेत, व ती रन होण्यासाठी एक मॅग्नेटिक सेन्सर नामक हार्डवेअर तुमच्या फोन मधे असणे गरजेचे आहे. वर कुणितरी म्हटले आहे की स्वस्त फोन वर सगळी अ‍ॅप्स रन होत नाहीत. त्याचे कारण हेच. उदा. मायक्रोमॅक्स ए११० फोन मधे फक्त ग्रॅविटी सेन्सर आहे. इतर नाहीत
27 Dec 2012 - 12:59 pm | नांदेडीअन
सगळ्यात अगोदर AndroidLost इन्स्टॉल करा.
लय जब्राट ऍप हाय बगा.
https://play.google.com/store/apps/details?id=com.androidlost&hl=en
YouTube वर व्हिडिओ बघा या ऍपचे.
30 Dec 2012 - 10:44 am | प्रा.डॉ.दिलीप बिरुटे
मोबाईलच्या स्वीचला (बटनाला) क्लीक न करता स्क्रीन लॉक आणि अनलॉकचं अ‍ॅप्लीकेशन आहे का एखादं कोणाच्या पाहण्यात ?
-दिलीप बिरुटे
7 Oct 2013 - 4:14 pm | प्रमोद देर्देकर
मोबाईलच्या स्वीचला (बटनाला) क्लीक न करता स्क्रीन लॉक आणि अनलॉकचं अ‍ॅप्लीकेशन आहे का एखादं कोणाच्या पाहण्यात ?आहे . मी सध्या Micromax H. D. A११६ Android ४. १. २ हा फोन वापरत आहे. त्या मध्ये फोन lock ला ओपन (unclock) करण्यासाठी तुम्ही तुमचा चेहरा दिसला कि मग ओपेन होतो (unlock) असा एक प्रकार आहे.
आता बिरुटे साहेब मला तुम्ही मदत करा मला काही हा फोने झेपत नाही म्हणजे application download करताना कि surfing करताना कोणास ठाऊक पण com. android .**** अशी बरीच application दिसतात. त्याचे काय करयचे.
जर शक्य झाले तर तुम्हास फोन करून त्रास देवू शकतो काय?. मला कहि गोष्टी ज्याचा तुम्ही सगळ्यांनी वरती उल्लेख केला आहे त्याची माहिती करून घ्यायची आहे म्हणुन म्हनतो?
31 Dec 2012 - 10:45 pm | नांदेडीअन
Screen Off by hi launcher dev.
1 Jan 2013 - 10:38 pm | प्रा.डॉ.दिलीप बिरुटे
स्क्रीन ऑफ या अ‍ॅप्लीकेशनमुळे स्क्रीन ऑफ झाली पण चालू करायला पुन्हा बटनाला स्पर्ष करावा लागतोय.
डिस्पलेवरुन बोट फिरवलं की मोबाईल चालू होण्याकरिता स्क्रीन झळकली पाहिजे.
-दिलीप बिरुटे
2 Jan 2013 - 8:54 am | तुषार काळभोर
स्क्रीनला खिशातल्या खिशात किंवा हातात बाळगतानाही स्पर्श होत राहतो, आणि स्क्रीन अनलॉक होत राहील. म्हणून ही डीफॉल्ट खबरदारी..
4 Jan 2013 - 12:53 pm | नांदेडीअन
माफ करा, त्या App चे नाव Auto Screen On आहे.
4 Jan 2013 - 7:22 pm | प्रा.डॉ.दिलीप बिरुटे
अ‍ॅटो स्क्रीन ऑन टाकलंय पण अजून कै जमेना. [बटनालाच क्लिक करावं लागतंय. :( ]
जरा तपशिलवार त्याच्या सेटींग काय करायच्या सांगितलं तर बरं होईन राव.
-दिलीप बिरुटे
4 Jan 2013 - 7:45 pm | दादा कोंडके
मला या तुमच्या हायफाय गोष्टी ओ कि ठो कळत नाहीत. पण हार्डवेअरमध्ये काम करत असल्यामुळे सॉफ्टवेरची लिमीट्स सांगू शकतो. स्टँडबाय मोडमध्ये महत्वाची गोष्ट म्हणजे कमी पॉवरवर चालणे कारण बहुतेक वेळासाठी फोन या मोडमध्ये असतो. या मोडमध्ये कमितकमी फंक्शन्स (इनवर्ड मेसेज/मेल/कॉल मॉनिटरींग वगैरे) काम करत असतात. यातून अ‍ॅक्टीव्ह मोड मध्ये येण्यासाठी एक हार्डवायर्ड बटन मॉनिटर करणं अतिशय कमी पॉवरमध्ये होणारं काम असतं. इतर इन्पूट डिवायसेसनी हे काम होण्यासाठी म्हणजेच मायक्रोफोन, टच स्क्रीन वगैरे अ‍ॅक्टीव्ह ठेवायला आणि प्रोसेसींग करायला खूप जास्त पॉवर खर्च होते. त्यामुळे असलं अ‍ॅप काढायचं म्हणून काढ्लं असलं तरी त्याने बॅटरी लवकर ड्रेन होईल.
-(रेडिओ, टेप, टिवी दुरुस्त करणारा) दादा
4 Jan 2013 - 8:16 pm | मदनबाण
दादा म्हणतो ते खरं आहे,या अ‍ॅपमुळे बॅटरी ड्रेन होण्याची शक्यता जास्त आहे.
हे अ‍ॅप मी वापरुन पाहिले,पण ते काही धड चालले नाही.g-sensor आणि proximity sensor जर तुमच्या फोन मधे असतील तरच हे बर्‍यापैकी काम करु शकेल असे वाटते,अर्थात याचा परिणाम बॅटरी लवकर ड्रेन होण्यात होईल.
हे सर्व करण्यापेक्षा बटन दाबलेले जास्त सोयिस्कर वाटते.शिवाय खिशात असताना अशा अ‍ॅपमुळे स्क्रीन अनलॉक होउन नंबर डायल होणे किंवा इंतर फंक्शंन्स सुरु होण्याची मला शक्यता वाटते.
4 Jan 2013 - 10:17 pm | प्रा.डॉ.दिलीप बिरुटे
दादा आणि मदनबाणा प्रतिसादाबद्दल धन्स. नांदेडियनचा याबाबतीत काय अनुभव आहे ?
मला सिंबियनच्या काही अ‍ॅप्लिकेशनची सवय झालेली, त्यामुळे अँड्रॉइडवरही तसेच अ‍ॅप्लिकेशन्स मिळाले तर बरे,अशी ही प्राथमिकता असते. आपण म्हणता बॅट्री उतरते तर मग नकोच जे आहे, ते बरे आहे. नांदेडियन काय म्हणतोय बघू या.
>>> मला या तुमच्या हायफाय गोष्टी ओ कि ठो कळत नाहीत.
वो दादा, मला तरी कुठे कळतात या सर्व गोष्टी. पण, आपण जमेल तेवढं ज्ञान मिळवत राह्यचं हा आपला आवडता उद्योग. :)
-दिलीप बिरुटे
6 Jan 2013 - 1:47 pm | नांदेडीअन
माझ्या माहितीप्रमाणे Proximity Sensor किंवा Light Sensor सतत चालू ठेवल्याने बॅटरीवर ‘फार’ परिणाम होत नाही.
Auto Screen On या सॉफ्टवेअरच्या सेटिंग्समध्ये जाऊन Show Notification आणि AutoStart हे ऑप्शन सेलेक्ट केलेले आहेत याची खात्री करून घ्या.
मग Choose Sensor या सेटिंगमधून Proximity Sensor हे ऑप्शन निवडा.
दॅट्स इट.
1 Jan 2013 - 8:01 am | तुषार काळभोर
माझ्या जिंजरब्रेडवर मराठी दिसत नाही. चौकोन्स दिसतात.
मराठी दिसावं व लिहिता यावं यासाठी काही सुचना?
1 Jan 2013 - 8:17 am | समयांत
लिहिता यावं >> मल्टीलींग किबोर्ड अ‍ॅप डालो करा आणि एमके.मरठी प्लगइन सुध्दा उतरवून घ्या.
4 Jan 2013 - 10:19 pm | मराठे
मला माझ्या तोशिबा थाईव या टॅबवर / पाटीवर जेलीबीन टाकायचंय. त्यासाठी सगळे फोरम पालथे घातले पण पाटी पुसण्यासाठी (रूट करण्यासाठी) काय करायचं ते समजलेलं नाही. (जर पाटीवर आईसक्रीम सँडविच नसेल तर रूट करता येतं पण जर हवेवरून (ओव्हर द एअर) आईसक्रीम सँडविच टाकलं असेल तर मात्र रूट करता येत नाही). कोणाला माहिती असेल तर प्लीज कळवा.
जाता जाता: अँड्रॉईड्च्या प्रणाल्यांची नावं खालीलप्रमाणे ठेवण्यात आली आहेत -
ए - अल्फा (१.०)
बी - बीटा (१.१)
सी - कपकेक (१.५)
डी - डोनट (१.६)
इ - इक्लेयर (२.०)
एफ - फ्रोयो (२.२)
जी - जिंजरब्रेड (२.३)
एच - हनीकोंब (३.०)
आय - आईसक्रीम सँडविच (४.०)
आणी सर्वात नविन म्हणजे
जे - जेली-बीन्स (४.२)
पुढच्या नावासाठी के वरून सुरू होणारा गोड पदार्थ म्हणून 'काजू कतली' चं नाव देण्यात यावं अशी मागणी काही भारतीय फँनस्नी केली आहे. पण बहुतेक पुढच्या वर्जनचं नाव 'की-लाईम पाय' असेल.
4 Jan 2013 - 10:28 pm | प्रा.डॉ.दिलीप बिरुटे
माझ्या फोनवर अ‍ॅंड्रॉइड ४.०४ व्हर्जन आइसक्रीम सँडविच सध्या आहे. पुढे नॉट अप्रग्रेडेबल. :( पण सालं लकी पॅचर नीट चालत नाहीहे. बीझी बॉक्स नॉट इन्स्टॉल असं सारखा संदेश येतोय च्यायला, सा-या झकमार्‍या करुन झाल्या पण पॅचचा आनंद मिळेना. :(
अ‍ॅड्रॉइडचा फोन वापरणा-याला कोणा एक्सपर्टला काय आयड्या ? बाय द वे, पीसीसूट कोणता चांगला [फ्री असला तर दुवा द्या] मोबोइलगो व्हर्जन २.१.५. चांगलं आहे, पण ते विकत घ्याव लागतं. किजेन आणि क्रॅकच्या आयड्यांना वापरुन पाहिल्या कै जमलं नाही. कोणाला कै सुचतं की नै ?
-दिलीप बिरुटे
15 Feb 2013 - 7:32 pm | दादा कोंडके
बाकरवडी नाव दिलं नाही म्हणजे मिळवली. नैतर चुकून दुसरं बटन दाबलं गेलं तर अपमान करणार्‍या पाट्या दाखवेल.
आम्ही आपले विंडोजवाले. त्यामुळे प्रश्नाला फास.
-(म्यांगो) दादा
24 Oct 2013 - 12:35 pm | मदनबाण
पुढच्या नावासाठी के वरून सुरू होणारा गोड पदार्थ म्हणून 'काजू कतली' चं नाव देण्यात यावं अशी मागणी काही भारतीय फँनस्नी केली आहे. पण बहुतेक पुढच्या वर्जनचं नाव 'की-लाईम पाय' असेल.
अ‍ॅन्ड्रॉइड चे पुढील व्हर्जन KitKat लॉन्च झाले आहे.
Google to launch new Android KitKat and Nexus Devices
पुढच्या व्हर्जनसाठी लड्डु आणि लस्सी यांची नावे जालावर फिरत आहेत. :)
लड्डुचा एक लोगो :-
24 Dec 2015 - 8:59 pm | मयुरMK
पुढच एंड्राइड लोलीपॉप आहे आणि त्या नंतर मार्शमेलो
14 Feb 2013 - 7:58 pm | मदनबाण
काही नविन अ‍ॅप्स
१) ZEDGE :--- वॉलपेपर,लाईव्ह वॉलपेपर,रिंगटोन्स्,नोटिफिकेशन आणि गेम्स चकटफु डाउनलोड मारण्यासाठी हे अ‍ॅप उपयुक्त आहे.
दुवा :- https://play.google.com/store/apps/details?id=net.zedge.android&hl=en
२)Auto Call Recorder :--- नाव वाचुनच याचे काम कळते. :)
दुवा :- https://play.google.com/store/apps/details?id=com.appstar.callrecorder&f....
३)Advanced Mobile Care :--- IObitवाल्यांचे विंडोजसाठी असलेले Advanced SystemCare माझ्या पिसीवर मी वापरतो,यांचेच हे अ‍ॅप अ‍ॅन्ड्रॉइडसाठी बनवले आहे.व्ह्यारस्,टास्क,कॅच आणि जंक फाईल क्लीन करणारे हे अ‍ॅप सध्या वापरुन पाहतो आहे.ठीक ठाक वाटले.(तुमच्या अ‍ॅन्ड्रॉइड मधे जर अ‍ॅन्टीव्हारस असेल तरी सुद्धा हे अ‍ॅप तुम्ही वापरु शकता.दोन्ही अ‍ॅप्स क्लॅश होणार नाहीत.)
दुवा :- https://play.google.com/store/apps/details?id=com.iobit.mobilecare&featu....
४)Antivirus & Mobile Security (TrustGo Inc.):---अ‍ॅन्ड्रॉइडसाठी असलेले बरेच अ‍ॅन्टीव्हारस मी वापरुन पाहिले आहेत. ज्यात avast! Mobile Security,Lookout Security & Antivirus,AVG, NQ Mobile Security & Antivirus,Dr.Web Anti-virus Light (free)इं आहेत. पण सध्या TrustGo Inc यांचा हा अ‍ॅन्टीव्हारस वापरुन पाहतो आहे. याचा परफॉर्मन्स उत्तम वाटला आणि बॅटरी सुद्दा जास्त ड्रेन करत नाही.
या अ‍ॅन्टीव्हारस बद्धल माझे कुतुहल अधिक वाढले जेव्हा त्यांच्या संकेतस्थळावर मी एक चक्कर टाकली आणि काही रिव्ह्य वाचले.याला West Coast Labs’ चे Checkmark Certification मिळालेले आहे तसेच याची Accuracy Rating 98%-100% आहे. अनेक पेड अ‍ॅन्टीव्हारस मधे असलेले गुण या चकटफु अ‍ॅप मधे आहेत.
या अ‍ॅपच्या बद्धल काही वाचनिय दुवे इथे देत आहे.
Android: Trust Go Mobile Security App
TrustGo Antivirus & Mobile Security review
TrustGo Inc यांच्या संकेस्थळावरच्या माहितीचे काही दुवे :-
Q4 Moblie Mayhem Report 2012
Compare Trustgo
डाउनलोड करण्याचा दुवा :-
https://play.google.com/store/apps/details?id=com.trustgo.mobile.securit....
जाता जाता :- ज्या वेगाने स्मार्टफोनची संख्या झपाट्याने वाढते आहे,त्याच प्रमाणे येणार्‍या काळात सिक्युरिटी आणि प्राव्हसी सॉफ्टवेअरची गरज आणि महत्व जाणवु लागेल.
15 Feb 2013 - 8:26 pm | प्रा.डॉ.दिलीप बिरुटे
बाणा, झेडग्याचा दुवा दिल्याबद्दल धन्स. बाकी अँड्राइडला अ‍ॅंटीव्हायरस आवश्यक आहे का ?
मीतरी कधीच टाकणार नाही. उगाच फोनला ओझं असतं असं माझं मत आहे.
-दिलीप बिरुटे
15 Feb 2013 - 9:18 pm | मदनबाण
बाकी अँड्राइडला अ‍ॅंटीव्हायरस आवश्यक आहे का ?
हो,नक्कीच आहे.मी TrustGo Inc यांच्या संकेस्थळावरच्या माहितीचे जे दुवे दिले आहेत,त्याच्यातला तो रिपोर्टवाला दुवा उघडुन बघा आणि त्यानंतर ठरवा.
14 Feb 2013 - 8:18 pm | तिमा
आम्हा म्हातार्‍यांचं बरं आहे. जुना नोकियाचा डबा वापरायचा. कसलाच त्रास नाही. रिंग वाजली की फोन घ्यायचा, बोलून झालं की लाल बटण दाबायचं. कुठे विसरला तरी लोकं आणून देतात परत परत.
14 Feb 2013 - 8:33 pm | मदनबाण
जुना नोकियाचा डबा वापरायचा
अरेरे अगदी जुने दिवस आठवले हो मला... माझा पहिला फोन घेतला होता तो दिवस आठवला ! माझ्या सर्व मित्रांकडे त्यावेळी मोबाईल होता,आणि फक्त माझ्याकडेच नव्हता ! मग रोज बाबांना वर्तमानपत्रातल्या मोबाईलच्या जाहिराती दाखवायचो,मोबाईलचे फायदे कसे असतात इं इं आणि बरचं मोबाईल पुराण पठण करायचो पण त्यांच्यावर काही फरक पडायचा नाही. बरं,ठीक्,छान ! या पलिकडे ते काहीच बोलायचे नाहीत शेवटी माझी टेप बंद करण्यासाठी मोबाईल घेण्याची संमती मिळाली ! आणि माझा पहिला फोन घेतला.
तो होता नोकिया ३५३० ( तो पर्यंत मित्रांचे ३३१०,३३१५ इं फोन होते.)
जाउंदे अजुन सांगत बसत नाही माझ्या फोनच्या कथा ! ;)शेवटी एकदाचा नोकिया ला नो-किया.;)
जाता जाता :- हल्ली वडिल विचारता सध्या कुठला चांगला अ‍ॅन्ड्रॉइड फोन आहे ? ;) त्यांना आता स्वतःला घ्यावासा वाटु लागला आहे,मी विचारले हवा आहे का ? लगेच घेउन देतो... मग ते स्वतःच नको म्हणतात ! :(
28 Sep 2015 - 10:32 pm | मदनबाण
माझा गॅलॅक्सी वाय बरेच दिवस पडुन होता, तो माझ्या तिर्थरुपांना वापरुन बघावा यासाठी बराच प्रयत्न करावा लागला ! मग हळुहळु त्यांनी तो वापरायला सुरुवात केली. :) हल्लीच ते हा मोबाइल नीट चालत नाही आता मला नविन मोबाइल घेउन दे म्हणुन मागे लागले ! :) कालच त्यांना अ‍ॅमॅझॉन वरुन Moto E 2nd Generation 4G घेउन दिला. फोन मस्त आहे, आणि महत्वाचे म्हणजे स्टॉक अँन्ड्रॉइड लॉलिपॉप ओएस असल्याने अगदी स्मुथ फंक्शनींग आहे.१६ जीबी चे क्लास टेन मेमरी कार्ड इनसर्ट केले व फोन अपडेट करुन आणि सॉफ्टवेअर टाकुन फुल सेट करुन दिला. :) या निमित्त्याने हा धागा परत वाचला गेला.
बजेट अ‍ॅन्ड्रॉइड मधे Moto E 2nd Generation 4G हे मॉडेल बेस्ट आहे. :)
मदनबाण.....
आजची स्वाक्षरी :- डगा डगा वई वई वई..... :- KALI TOPI LAL RUMAL (1959)
15 Feb 2013 - 3:40 am | प्रभाकर पेठकर
मी नुकताच सॅमसंगचा नोट-२ घेतला आहे. कसा वापरायचा शिकतो आहे.
जुन्या नोकियात मेसेजिसचे इन बॉक्स, सेंट वगैरे विभाग होते. ह्या नव्या फोन मध्ये मात्र पाठवलेले, आलेले निरोप आणि त्यातच आलेले कॉल्स, केलेले कॉल्स, मिस्ड कॉल्स वगैरे सर्व मिसळ वेगवेगळ्या चिन्हांमध्ये दाखवलेले असते. त्याने नीट बोध होत नाही.
तसेच, पूर्वी नोकियात एकच मेसेज, टेक्स्ट, निरोप इ.इ. अनेक जणांना (अगदी ८०-९० जणांना) एकाच वेळी पाठविता यायचं. पण ह्या नव्या फोनमद्ये कुठल्याही मेसेजला १० च्या वर सदस्य यादी जोडता येत नाही. असं का होतं? ह्यावर काही उपाय आहे का?
15 Feb 2013 - 8:21 pm | प्रा.डॉ.दिलीप बिरुटे
व्वा. एकदम भारी फोन आहे. अभिनंदन.
>>>नव्या फोनमद्ये कुठल्याही मेसेजला १० च्या वर सदस्य यादी जोडता येत नाही. असं का होतं?
खरं तर असं काही होणार नाही. काँटेक्ट लिष्टमधील सर्वांना म्हणजे माझ्याकडे समजा काँटेक्ट लिष्टमधे सातशे नावं आहेत तर सातशे मेसेज पाठवू शकतोच. थोडं शिकावं लागेल. नोकिया मधून बाहेर आलो आणि मीही अँड्रॉइडवर गोंधळलो होतो. काळजीचं कारण नाही, फोन बेष्ट आहे. [माझ्याकडे आपला दिसतो तो नाही] :(
संदेश लिहितो त्या आयकॉनवर क्लीक केल्यावर आपल्याला संपूर्ण इनबॉक्स दिसतो. नवीन संदेश खाली लिहिल्यावर उजव्या वरच्या बाजूला To आणि एक काँटेक्ट लिष्ट साठीचं चिन्ह आणि प्लस दिसतं त्यावर क्लिक केल्यावर फोनमधे असलेले सर्व काँटेक्ट आपल्यासमोर येतात. आपल्याला ज्यांना ज्यांना मेसेज पाठवायचा त्या समोरच्या चौकोनी बॉक्समधे टीक केले की त्या त्या सर्वांना संदेश जातो. आता अडचण कुठे आहे, ते नेमके सांगा ?
-दिलीप बिरुटे
15 Feb 2013 - 10:44 pm | jaypal
बहुतेक या युक्तीचा उपयोग होणार नाही अस वाटतय. पेठकर काका सांगतीलच.
16 Feb 2013 - 5:02 pm | प्रभाकर पेठकर
१० चौकोनांमध्ये टिक करता येते. अकराव्या चौकोनात टिक करायला गेल्यावर टिक तर होत नाहीच उलट 10 contacts available only असा उद्धट मेसेज येतो. दहापेक्षा जास्त कॉन्टॅक्ट्स सिलेक्ट होत नाहीत.
ग्रुप बनवून मेसेज पाठवायचा प्रयत्न केला तरी दहा पेक्षा जास्त कॉन्टॅक्ट्सना मेसेज पाठवता येत नाही.
16 Feb 2013 - 5:48 pm | प्रा.डॉ.दिलीप बिरुटे
>>>>अकराव्या चौकोनात टिक करायला गेल्यावर टिक तर होत नाहीच उलट 10 contacts available only असा उद्धट मेसेज येतो.
च्यायला, उद्धटच फोन दिसतो. :) या पुढे मला काहीही सांगता येणार नाही. यापुढील मार्ग आहेत पण ती रिस्क असते. फोन रुट केल्यावर अनेक फ्यासिलीटी मिळतात. त्यात असा फायदा घेता येतो की नाही ते विचारुन इथे प्रतिसाद लिहितो.
-दिलीप बिरुते
17 Feb 2013 - 4:43 pm | दादा कोंडके
त्याचं स्वाफ्टवेअर लिहिणारा पुणेरी असावा. :)
7 Oct 2013 - 4:56 pm | प्रमोद देर्देकर
पेठकर साहेब , बरुटे साहेब ,
सध्या दहा पेक्षा जास्त जणांना संदेश पटवता नाहीत अगदी फ्री sms च्या site वरून सुद्धा कारण दशहशत , दंगल होण्याचा संभाव होतो म्हणून. ते बंद करून जमाना झालाय.
15 Feb 2013 - 10:34 pm | मदनबाण
काकाश्री,सॅमसंगच्या फोन मधुन बहुधा १० पेक्षा जास्त लोकांना एसएमएस पाठवता येत नाहीत.
यासाठी ग्रुप एसएमएस पाठवु शकणारे अ‍ॅप इन्स्टॉल करुन घ्यायला हवे.
मला ठीक वाटलेले २ अ‍ॅप्स इथे देतो.
Handcent SMS
GroupText
15 Feb 2013 - 10:39 pm | मराठे
मला वाटतं अँड्रोईड हे गुगलचंच पिल्लू असल्यामुळे गूगलच्या जीमेल कॉन्टॅक्टस चा वापर करून वेगवेगळे ग्रूप बनवता येतिल आणि मग ग्रूपला मेसेज किंवा मेल पाठवता येत असावा. (मी स्वतः टेक्स्ट फारसा वापरत नाही त्यामुळे करून पाहिलेले नाही). पण ऐनवेळी (अ‍ॅड-हॉक) ग्रूपमेसेज पाठवायचा असेल तर कदाचीत अडचण येऊ शकेल.
19 Feb 2013 - 12:14 pm | नासिककर
PANSI SMS he application install kara.
https://play.google.com/store/apps/details?id=com.pansi.msg&feature=sear.....
19 Feb 2013 - 12:31 pm | नासिककर
कृपया PANSI SMS हे एंप्लीकेशन वापरून बघा निश्चित प्रोब्लेम सुटेल . खालील लिंक ने हे एंप्लीकेशन डाउनलोड करता येईल
https://play.google.com/store/apps/details?id=com.pansi.msg&feature=sear...
24 Mar 2013 - 1:15 pm | प्रा.डॉ.दिलीप बिरुटे
काही नवी माहिती, काही नवी अप्लीकेशन्स असतील, काही अपडेट्स असेल तर सांगा म्हणून हा धागा वर आणायचा प्रपंच.
-दिलीप बिरुटे
25 Mar 2013 - 10:36 am | नानबा
ठराविक कालावधीनंतर प्रतिसादांमध्ये नवनवीन अ‍ॅप्सची माहिती टाकून हा धागा वरच राहुद्यात... खूप माहितीपूर्ण धागा आहे... :)
25 Mar 2013 - 10:41 am | मदनबाण
हे घ्या नविन अ‍ॅप... :)
या अ‍ॅपचे नाव आहे Auto Call Recorder तुमच्या मोबाईलवरुन केला जाणारा आणि येणारा प्रत्येक कॉल रेकॉर्ड करण्यासाठीचा सगळ्यात सोपा उपाय ! ;)
दुवा :---https://play.google.com/store/apps/details?id=com.appstar.callrecorder&h...
25 Mar 2013 - 5:02 pm | नासिककर
मी वापरत असलेल्या अ‍ॅपस ची लीस्ट आणी डाउनलोड करण्यासाठी दुवा देट आहे. खालील सगळे अ‍ॅपस फुकट आहेत.
१. Truecaller - is the free global phone directory with caller id and call blocker that fits in your pocket. Searching for names and numbers globally have never been simpler, more precise and accessible! म्हणजे its like ग्लोबल फोनबुक !!!
https://play.google.com/store/apps/details?id=com.truecaller&feature=app...
२. MX Player - The best way to enjoy your movies. सर्वोत्तम विडियो प्लेयर + सगळ्या प्रकारचे विडियो फ़ोर्मट्स प्ले करतो. टच इंटरफ़ेस झक्कास आहे !!!
https://play.google.com/store/apps/details?id=com.mxtech.videoplayer.ad&...
३. Cricbuzz Cricket Scores and News.- येनारया आईपीएल साठी
https://play.google.com/store/apps/details?id=com.cricbuzz.android&featu...
४. nexGTv Mobile TV - २G नेटवर्क सुध्दा लाइव टीवी बघू शकाल. खासकरून आईपीएल समनेपन !!!
https://play.google.com/store/apps/details?id=com.digivive.offdeck&featu...
५. m-Indicator - मुंबई मधील वाहतुक व्यवेस्थेची इत्यम्भुत माहीती.
https://play.google.com/store/apps/details?id=com.mobond.mindicator&feat...
६. Smart Lock Free (App/Media) - एप्लीकेशन लॉक करण्यासाठी उदाहरण - लॉकिंग MX विडियो प्लेयर...
https://play.google.com/store/apps/details?id=ukzzang.android.app.protec...
७. ICICI Mobile Banking - iMobile is ICICI Bank's official mobile banking application.
https://play.google.com/store/apps/details?id=com.csam.icici.bank.imobil...
८. Bluetooth File Transfer - इनस्टॉल केलेले अ‍ॅपस सुध्दा शेयर करता येतात.
it helps when our friend does not have इंटरनेट on हिज मोबाइल
https://play.google.com/store/apps/details?id=it.medieval.blueftp&featur...
25 Mar 2013 - 6:55 pm | प्रा.डॉ.दिलीप बिरुटे
चकटफु अप्लीकेशन्सची एक मस्त साईट आपल्याला माहिती असेलच.
-दिलीप बिरुटे
12 May 2013 - 7:17 pm | आनंदी गोपाळ
इथे आहे.
या लिंकांवरून घेतलेले अ‍ॅप्स उदा. लाँचर्स असतील तर त्यासाठीच्या थीम्स घ्यायला मार्केटात जाऊ नका. लोचा होतो, तुमचे अकाउंटही ब्लॉक होऊ शकते..
13 May 2013 - 4:21 pm | प्रा.डॉ.दिलीप बिरुटे
अर्रे वा. दुव्याबद्दल धन्स. पाहतो आणि मोबाईलमधे टाकून पाहतो. आणि मग फीडबॅक. :)
-दिलीप बिरुटे
15 May 2013 - 9:02 am | प्रा.डॉ.दिलीप बिरुटे
>>> उदा. लाँचर्स असतील तर त्यासाठीच्या थीम्स घ्यायला मार्केटात जाऊ नका. लोचा होतो, तुमचे अकाउंटही ब्लॉक होऊ शकते..
अकाउंट ब्लॉक झालं होतं. ब्याकप घेतलेला असल्यामुळे रिकव्हरी मोडमधून परत जैसे थे मोबाईलवर आलो. परंतु अकाउंट ब्लॉक होतो इतकं सोडलं तर अ‍ॅप्लीकेशन्स चांगली, मोफत आणि फूल व्हर्जनवाली आहेत. :)
-दिलीप बिरुटे
24 Dec 2015 - 9:23 pm | मयुरMK
९ अप्प्स
25 Mar 2013 - 9:36 pm | श्रीरंग_जोशी
चतुरभ्रमणध्वनीचाहत्यांसाठी असलेला धागा असल्याने इथे टंकतोय.
मी नुकताच ब्लॅकबेरी Z१० हा चतुरभ्रमणध्वनी घेतलाय - http://us.blackberry.com/
त्यामध्ये असलेल्या अनेक नव्या वैशिष्ट्यांपैकी मला सर्वाधिक आवडलेली गोष्ट म्हणजे चतुरकळफलक - http://us.blackberry.com/smartphones/blackberry-z10/overview.html?IID=us...
इतरही अनेक चांगल्या गोष्टी त्यात आहेतच जसे मेसेंजरद्वारे स्क्रीन शेअरींग.
इतर कुणी ब्लॅकबेरी १० चा धारक / प्रशंसक असेल तर खरडीतून त्याबाबत संवाद साधायला आवडेल.
ब्लॅकबेरी १० धारक / प्रशंसक सध्या अल्पसंख्यांक असल्याने अ‍ॅन्ड्रॉइडच्या धाग्यावर लिहितोय. कृपया समजून घ्या.
28 Mar 2013 - 12:25 pm | नानबा
सध्या शामसुंग ग्यालेक्सी वाय प्रो हा फोन वापरतोय.. त्याला रूट करायचंय, पण काही कस्टम रॉम सापडले नाहीत मला आंतरजालावर... कोणाला माहित आहेत का काही? आणि या फोन साठी सायनोजेन मॉड पण नाहीये...
29 Mar 2013 - 11:34 am | दिपक
१) डॉल्फिन ब्राऊझर - नेट ब्राऊझींग साठी लोकप्रिय आणि उपयुक्त.
२) फाईल एक्सपर्ट - मस्त फाईल ब्राऊझर आहे, फाईल कॉपी, मुव्ह करण्यासाठी तसेच वायफाय वेब क्लाईंट, विन्डॊंज फाइल शेअरींग सारखे उपयुक्त फिचर्स आहेत.
३) मॅजीक पियानो - मोबाईलवर पियानो वाजवण्यासाठी मस्त टाईमपास.
४) आयपी वेबकॅम - मोबाईलचा कॅमेरा पीसीवर वेब कॅमेरा किवा सीसीटीव्ही कॅमेरा म्हणुन वापरता येतो.
५) रीअल गिटार - मोबाईलवर गिटार वाजवण्यासाठी.
६) ट्युन वीकी - ह्यात गाणी ऎकताना त्या गाण्याचे लिरिक्स आपोआप डाऊनलोड होतात. गाण्याशी सिंक करुन वाचता येते.
७) आर डी एम प्लस - तुमच्या पिसीचे रीमोट डेस्कटॉप कनेक्शन घेऊन मोबाईलवर पीसी वापरु शकतो.
७) शॅझम - टीव्हीवर किंवा अन्य कुठे गाणे चालु असेल तर मोबाईलवर "टच टु शॅझम" बटन दाबले की त्या गाण्याची सर्व माहिती काही सेकंदात समोर येते.
30 Mar 2013 - 2:38 am | अभ्या..
solar हे सगळ्यात भारी पोपट अ‍ॅप अँड्रोईडवरचे. यामुळे स्क्रीनवर सोलर पॅनेलसारखी दिसणारी एक इमेज येते आणि एक पॉवर मीटर.
करमणुकीसाठी या अ‍ॅपला दिलेले लोकांनी प्रतिसाद वाचणे. हॉल ऑफ फेम आणि हॉल ऑफ शेम दोन्ही आहेत. :)
आणि नंतर उडवावे कारण याने बॅटरी ड्रेन शिवाय काहीही होत नाही.
1 Apr 2013 - 3:33 am | आनन्दिता
या लेखाचे स्क्रीनशॉट scribd वर पाहिल्यात कोणीतरी दुसर्याने पब्लिश केलेत काय?.
1 Apr 2013 - 6:44 pm | कपिलमुनी
माझ्याकडे डेल या कंपनीचा XCD 28 हा अतिशय भिकार फोन आहे ..eclair 2.1 प्रणाली असलेला ..
त्याला पॅटर्न लॉक झाला आहे .. जीमेल चे नाव व संकेताक्षर टाकून सुद्धा प्रणाली ते स्वीकारत नाही..
फॅक्टरी रीसेट हा एक पर्याय आहे ..
मी ,
पॉवर बटण , व्हॉल्युमचे - , कधी कधी + धरून चालू करून पाहिला ..
पांढर्‍या रंगाची स्क्रीन येउन FTM एवढेच दाखवते..
कोणाला हा फोन रीसेट कसा करावा ह्याची माहिती आहे का ? किंवा पॅटर्न लॉक कसे काढावे ?
1 Apr 2013 - 7:12 pm | श्री गावसेना प्रमुख
माझा हा मोबाईल हँग झालाय ,काय करु सॅमसंग वाल्यांनी पण हात वर केलेत.प्लीझ हेल्प मी
1 Apr 2013 - 7:17 pm | कपिलमुनी
आहे का ?
कधी घेतलात ?Samsung-Galaxy S4 असेल तर अजून वॉरंटीमधे असेल !!
2 Apr 2013 - 9:45 am | योगी९००
Samsung-Galaxy S4 ???
Samsung-Galaxy S३ वाटतोय.
2 Apr 2013 - 2:03 pm | कपिलमुनी
प्रकाशचित्राचा दुवा चोप्य केला असता http://allthingsd.com/files/2013/03/Samsung-Galaxy-S-4.jpg असा दिसला ..
त्यावरून अंदाज बांधला
4 Apr 2013 - 12:27 pm | सुप्रिया
माझ्याकडे नोकिया सी५ आहे. मला मोबाईलवर मिसळपाव वाचता येण्यासाठी कुठले अ‍ॅप मिळेल का?