@चौकटराजा मी पाहिलेही एकदा सांगितले होते कि प्रश्नातच उत्तर आहे म्हणून. फोटो टाकताना फोटोचे नाव बदलण्याची काळजी घ्या. जसे कि आता "बेलूर" आहे.

हा ओळखा

व्वा! शैलीहून बांधलेला अंदाज बरोबरच. दोन्हीपैकी एक राज्य निश्चित .

ओळखा. एक भुताळी गांव.

मला वाटते हे ठिकाण ओळखता येत नसावे किंवा या धाग्यावरचा उत्साह संपला असावा. त्यामुळे मीच उत्तर देते निदान दुसऱ्या कोणाला फोटो ओळखण्यासाठी द्यायचा असेल तर देऊ शकेल. ठिकाण : कुलधरा , जेसलमेर, राजस्थान साधारण २०० वर्षांपूर्वी पालीवाल ब्राह्मणाची वस्ती असलेल्या या गावातून सर्व लोक एका रात्रीत अजाणत्या जागी निघून गेले. तेव्हापासून हे गाव ओसाड पडले आहे. गाव सोडण्याबद्दल रोचक कथाही सांगितली जाते. येथे भूत/पिशाच्चं असल्याचा भास अनेकांना झाल्याने परत येथे वस्ती झालेली नाही असाही समज आहे. याला पर्यटन स्थळ घोषित करून राजस्थान पर्यटन मंडळाने जपणूक व विकास कामे सुरु केली आहेत.

इतक्यांदा 'च च' बघून फोटोबद्दल कोणी चकार शब्द बोलले नाही असे म्हणायची सोय राहिली नाही :-) फोटो - नाहरगढ किल्ला जयपूर येथील पाणी साठवणुकीच्या तळ्याचाच आहे. मला तो पायऱ्यांचा पॅटर्न फार आवडला.

---

दीपगृहाचा * फोटो असे वाचावे.

टीप :- फोटो मी काढलेला नाही.

@ पैलवान, गोरगावलेकर म्हणतात तसे 'शामराई' मंदिरच आहे का ?

ओळखा हे भव्य शिल्प कोणत्या देवतेचे आहे , कुठे आहे आणि या ठिकाणची महती काय? (फोटो क्रॉप केला आहे. मुद्दामच पूर्ण फोटो दिलेला नाही )

निरीक्षण अचूक. तरीही मूर्ती कुठल्या देवतेची या बाबतीतला अंदाज करणे केवळ अशक्य. गुगलल्याशिवाय सांगणे कठीण किंवा प्रत्यक्ष जाऊन आलेले लोकच सांगू शकतील. उद्यापर्यंत वाट पाहून उत्तर देईन

शंकराचा या जागेशी निश्चित संबंध आहे पण हे शिवाचे रूप नाही

आधी हा पूर्ण फोटो हे शिल्प देवी पार्वतीचे आहे. (मी स्वत: सहमत नाही. कारण कुठल्याच अंगाने हि स्त्रीची प्रतिमा वाटत नाही) ठिकाण: बैजनाथ, उत्तराखंड. अशी वंदता आहे की भगवान शंकर व पार्वतीचा विवाह येथेच म्हणजे गोमती व गरुडगंगा नदीच्या संगमावर संपन्न झाला होता. जालावर बऱ्याच ठिकाणी शिल्पाचा उल्लेख पार्वती असाच केला आहे . पार्वतीच्या शिल्पाविषयी येथे वाचायला मिळते पण फोटो नाही. आम्ही २०१५ ला या मंदिरास भेट दिली तेव्हा हे शिल्प पहिले आहे. पण माहिती देणारी कोणतीही जाणकार व्यक्ती बरोबर नव्हती . त्यानंतर सुरक्षेच्या कारणामुळे/संग्राहालयात ठेवायची असल्या कारणाने ही मूर्ती भांडारागृहात बंदिस्त करण्यात आली आहे. येथेही या मूर्तीचा पार्वती असाच संदर्भ आहे. बातमी फोटो ओळखण्यासाठी मी दिलेला असला तरी माझ्या उत्तरावर मीच ठाम नाही. प्रचतेस यांचेच म्हणणे बरोबर असावे.

मी माझे शब्द मागे घेते. हे शिल्प भैरवाचेच असावे. गोंधळलेली गोरगावलेकर

फोटो ओळखा, लक्षणे सुस्पष्ट आहेत.

हुश्श! सापडले एकदाचे. क्रमांक ४३ आणि त्यावरचा सुधारित उल्लेख. लक्षणांहून मला नाही ओळखता येत. पण शोधाशोध करण्याच्या निमित्ताने काही नवीन माहिती मिळते त्यातच आनंद.

फोटो कुठला ते ओळखा

३-४ दिवस झाले फोटो टाकून पण उत्तर आले नाही म्हणून मीच सांगते. @प्रचेतस . निश्चितच हा फोटो महाराष्ट्रातील नाही. @ ज्ञानोबाचे पैजार . तिकोना आणि वासोटा दोन्ही ठिकाणे पाहिलेली नाहीत. फोटोतील ठिकाण ओळखणे विशेष कठीण नव्हते. आपल्यापैकी बरेच जण येथे जाऊन आलेले असतील. मध्यप्रदेश व सातपुड्यातील हिल स्टेशन 'पंचमढी' येथील हा फोटो. येथील एक प्रसिद्ध पर्यटन स्थळ 'गुप्त महादेव'. भस्मासुराच्या भीतीने शंकर या गुंफेत लपले होते म्हणून हा गुप्त महादेव. साधारण ४० फुटाचा अतिशय चिंचोळा मार्ग असल्याने गुंफेत एका वेळी मोजकेच लोक जाऊ शकतात. याच गुंफेच्या बाहेर हा मारुती आहे. याची स्थापना कधी झाली वगैरे माहिती मला मिळू शकली नाही .