दुस्री

आ
आतिवास यांनी
 ·  लेख
लेख
म्या पास. निम्मी, अंक्या, भान्याबी पास. गुर्जी म्हन्लं "आता दुस्रीत". म्या धावत घरी. वराडले, “म्या दुस्रीत ग्येली.” आयनं हसून श्येंगदानं दिलं. आज्जीनं गूळ दिला हातात. आण्णा पेन देनार हायेत. गावभर हिंडून दारात बसली. मंग राम्या, मुक्या, सुर्की दिसली. आगावू हायती दुस्रीची पोरंपोरी. कायबी कराया गेलं की "ए पयलीच्या पोरांनो, मागं व्हा" म्हनत्येत. त्येबी आमच्यावानी साळंला येत्येत; पाडं म्हन्त्येत; गुर्जींची कामं करत्येत; मारबी खात्येत. पन सोताला शाने समजत्येत जादा. म्या म्हन्ली, “लई शानपना नका दावू. म्याबी दुस्रीत हाये आजपासून!” राम्या जीब दावत बोल्ला, “आन्जी दुस्रीत, आमी तिस्रीत!” म्या तिस्रीत जाईल तवा हे चवथीत. म्हंजे आमी कितीबी आब्यास क्येला तरी हेच पुडं?
वर्गीकरण
लेखनविषय (Tags)
शिक्षण
लेखनप्रकार (Writing Type)
आस्वाद
अनुभव
25693 वाचन
💬 प्रतिसाद (62)

प्रतिक्रिया

संग्राम
गुरुवार, 05/15/2014 - 03:04 नवीन
आन्जी ब्याक! >>म्हंजे आमी कितीबी आब्यास क्येला तरी हेच पुडं? ..... निरागस प्रश्न :)

आत्मशून्य
गुरुवार, 05/15/2014 - 03:17 नवीन
:)

श्रीरंग_जोशी
गुरुवार, 05/15/2014 - 07:49 नवीन
खासंच आहे कथा. खूप आवडली.

बालगंधर्व
गुरुवार, 05/15/2014 - 14:34 नवीन
अतिवस सहेब, चोतिशीच स्तोरि अहे. पण मणाला बिहिडली. मला माज बालपण आथवला. अजुन येउ दे.
↩ प्रतिसाद: श्रीरंग_जोशी

डॉ सुहास म्हात्रे
गुरुवार, 05/15/2014 - 18:32 नवीन
त्मच म्हन्न क्ळ्ल न्हि. मरठित सन्गा. कोण म्हणतोय रे की, या बेशुद्ध कोलांट्या उड्या आता विनोदी न वाटता लक्ष वेधण्याचा करूण प्रयत्न वाटत आहेत म्हणून ?
↩ प्रतिसाद: बालगंधर्व

डॉ सुहास म्हात्रे
Fri, 05/16/2014 - 20:31 नवीन
नाय, नाय. "त्य चुप्य प्येयस्त अहे"*. तेम्च इन्गलिश सपेलिन्ग पन ब्यकार अस्नार्च. (बेशुद्ध टाईप करण्याचा त्रास करून घेऊन लोक काय म्हणून स्वतःची फजिती करून घेतात बॉ? ह्याला स्वपिडन टाईपचं सॅडिझम म्हणता येईल का?)
↩ प्रतिसाद: आदूबाळ

बॅटमॅन
Sun, 05/18/2014 - 14:20 नवीन
(बेशुद्ध टाईप करण्याचा त्रास करून घेऊन लोक काय म्हणून स्वतःची फजिती करून घेतात बॉ? ह्याला स्वपिडन टाईपचं सॅडिझम म्हणता येईल का?)
तुम्हांला मॅसोकिझम म्हणायचं असावं बहुधा.
↩ प्रतिसाद: डॉ सुहास म्हात्रे

डॉ सुहास म्हात्रे
Sun, 05/18/2014 - 16:01 नवीन
नाय, नाय ! ही निर्बुद्ध टायपिंग करताना "स्वपीडन" करून घेऊन नंतर "स्वतःचे हसे" आणि "दुसर्‍याचे पीडन" करण्यात आनंद समजणारी चोम्प्लिचतेद च्रोनिच "ट्रीप्पल व्हॅम्मी" केस आहे ;) =))
↩ प्रतिसाद: बॅटमॅन

बॅटमॅन
Sun, 05/18/2014 - 20:34 नवीन
हा हा हा =))
↩ प्रतिसाद: डॉ सुहास म्हात्रे

सस्नेह
गुरुवार, 05/15/2014 - 08:09 नवीन
या आंजीच्या व्यथाच वेगळ्या !

डॉ सुहास म्हात्रे
गुरुवार, 05/15/2014 - 10:50 नवीन
आंजीच्या पराब्लेम्वर माज्याकडं येक आयड्या हाय ! आंजी लई डोस्केबाज हाय. दुस्री-तिस्रि येका वर्सात करून तिला फुडच्या वर्शि यकदम तिस्रीत टाका की वो, अतिवास मॅडम. मंग आंजीला राम्या-मुक्या-सुर्कीला ठेंगा दाकवता यील :)

विजुभाऊ
Fri, 05/16/2014 - 01:46 नवीन
आजून ये उपाय हाय. रम्या मुक्या सुर्कीला यका वर्सात दोन वर्स ठीवा
↩ प्रतिसाद: डॉ सुहास म्हात्रे

डॉ सुहास म्हात्रे
Fri, 05/16/2014 - 10:56 नवीन
कुर्पया "यकदम तिस्रीत टाका" आयवजी "यकदम चौतीत टाका" आसं वाचा. गलतिशे मिस्टेक व्हुवा भाय ;)
↩ प्रतिसाद: डॉ सुहास म्हात्रे

चिगो
गुरुवार, 05/15/2014 - 10:54 नवीन
म्हंजे आमी कितीबी आब्यास क्येला तरी हेच पुडं?
आन्जे आन्जे.. अगं किती गं दुखः ते तुझं? आतिवास ताईंच्या लेखणीतून उतरलेली आणखी एक सुंदर निरागस आन्जीकथा..

चाणक्य
गुरुवार, 05/15/2014 - 11:08 नवीन
काय मस्त आहे ही पोरगी. आन्जी राॅक्स.

धर्मराजमुटके
गुरुवार, 05/15/2014 - 11:11 नवीन
म्या तिस्रीत जाईल तवा हे चवथीत. म्हंजे आमी कितीबी आब्यास क्येला तरी हेच पुडं? त्या लहान मुलीचं सोडून द्या हो. पण यालाच प्राक्तन म्हणतात. मी पैलीतून दुस्त्रीत गेलो हयाचा आनंद न मानता तो तिस्त्रीत गेला म्हणून दु:खी होणार्‍यांची संख्या जगात कमी नाहीये.

एस
गुरुवार, 05/15/2014 - 11:22 नवीन
म्या धावत घरी. वराडले, “म्या दुस्रीत ग्येली.” आयनं हसून श्येंगदानं दिलं. आज्जीनं गूळ दिला हातात. आण्णा पेन देनार हायेत.
आमच्याकडून आंजीला फूल... Image removed.

पैसा
गुरुवार, 05/15/2014 - 11:31 नवीन
सकाळीच वाचलं. आजचा दिवस मस्त जाणार!

मृत्युन्जय
गुरुवार, 05/15/2014 - 14:19 नवीन
हाहाहा.मस्तच. सुरुवातीला शतशब्दकथा एक फ्याड वाटले होते. पण सगळ्या कथा एक नंबर भारी आहेत. याचे एक पुस्तक आलेच पाहिजे.

इशा१२३
गुरुवार, 05/15/2014 - 14:43 नवीन
आंजी भारीच आहे...सुरेख..

टवाळ कार्टा
गुरुवार, 05/15/2014 - 15:42 नवीन
=))

प्यारे१
गुरुवार, 05/15/2014 - 15:49 नवीन
ऐला! खासच. बाकी 'शरेत' सोत्ताशीच लाव म्हना आन्जीला.

बबन ताम्बे
गुरुवार, 05/15/2014 - 16:10 नवीन
आवडली आंजीचा निरागसपणा. "त्येबी आमच्यावानी साळंला येत्येत; पाडं म्हन्त्येत; गुर्जींची कामं करत्येत; मारबी खात्येत.पन सोताला शाने समजत्येत जादा." आमच्यावानी कधी कधी साळंला बुट्टी पण मारते. :-)

हाडक्या
गुरुवार, 05/15/2014 - 16:26 नवीन
त्येबी आमच्यावानी साळंला येत्येत; पाडं म्हन्त्येत; गुर्जींची कामं करत्येत; मारबी खात्येत. पन सोताला शाने समजत्येत जादा. म्या म्हन्ली, “लई शानपना नका दावू. म्याबी दुस्रीत हाये आजपासून!” राम्या जीब दावत बोल्ला, “आन्जी दुस्रीत, आमी तिस्रीत!” म्या तिस्रीत जाईल तवा हे चवथीत. म्हंजे आमी कितीबी आब्यास क्येला तरी हेच पुडं?
हे बाकी शाश्वत सत्य बोलली बघा.. कितीही ठरवलं तरी तिस्रीतल्या लोकांकडे दुर्लक्ष करता येत नाही. आपण केलं तरी ते आपल्याकडे करतील असं सांगता येत नाही. थोडक्यात हा प्रश्न सहजासहजी सुटत नाही..

राजेश घासकडवी
गुरुवार, 05/15/2014 - 17:57 नवीन
आंजीला म्हणावं, धीर सोडू नगस. त्येंच्या मागं हायेस ते फकस्त आधी जलमले म्हनून. राम्या, मुक्या, सुर्कीपेक्षाबी लय जोर मारून अभ्यास केलास तर ते ज्यवा त्येंच्या आयला 'मॉं मै बीए पास होगया' म्हनून पेढं देऊन कायतरी न्वाकरी करायला लागतील, त्यवा तू तुजं कायतरी वेगळं चालू ठ्यव. नक्की फु़डं जाशील बग. कारण तेच्यानंतर बी लय अंतर बाकी आस्तं.

सखी
Fri, 05/16/2014 - 20:50 नवीन
किती गोड आहे आंजीचा निरागसपणा. मस्तच. हेच म्हणते
↩ प्रतिसाद: मधुरा देशपांडे

जयनीत
Fri, 05/16/2014 - 04:03 नवीन
आन्जे पोट्टे नुस्त पास होऊन कसं जमनार? म्हन त्या शाईन्या पोट्टे लोकाईले का ह्या टायामाले म्या फक्त पास झाली, पुढच्या टायमाले वरपास होउन दाखवीन तवाच नावाची आन्जी! कसं?

मुक्त विहारि
Fri, 05/16/2014 - 20:33 नवीन
झक्कास...