गोफ

ऋषिकेश's picture
ऋषिकेश in जे न देखे रवी...
14 Dec 2007 - 11:54 pm

हा एक खेळ समजा. यात प्रत्येक प्रतिसाद चारोळीच्या स्वरूपात असला पाहिजे अशी अट आहे :) असा खेळ ऑर्कुटसारख्या स्थळांवर फार लोकप्रिय आहे. म्हटलं इथे ह्या प्रयोगाला सुरवात करावी.
(कृपया प्रतिसादात वैयक्तिक टिपण्या करून विणल्या जात असलेल्या गोफात गुठळ्या आणू नयेत ही विनंती)

सुरुवात करतो प्रतिसाद चारोळीतच असला पाहिजे हे लक्षात असु द्या :)) आणि एकापाठोपाठ एक तोच सभासद चारोळी टाकू शकत नाही. (आधीच्या चारोळीवर एकतरी प्रतिसाद आवश्यक)

मनातला प्रत्येक क्षण
ओठांवरती येईल का?
ओठांवरील प्रत्येक शब्द
मनातच राहील का?

(चारोळीप्रिय) ऋषिकेश

चारोळ्याप्रतिभाविरंगुळा

प्रतिक्रिया

प्राजु's picture

15 Dec 2007 - 12:00 am | प्राजु

मनातल्या त्या क्षणाला
शब्दरूप येईल का?
शब्दामध्ये बांधला तर
त्याला अर्थ येईल का?

- प्राजु.

ऋषिकेश's picture

15 Dec 2007 - 12:05 am | ऋषिकेश

शब्द जितके वेगळे
तितकेच ते वेंधळे
मनातला सारा अर्थ
शब्दातच मावेल का

केशवसुमार's picture

15 Dec 2007 - 12:05 am | केशवसुमार

चारोळीला चारोळीतून
प्रतिसाद येईल का?
प्रतिसादाला प्रतिसाद
पण चारोळित राहील का?

ऋषिकेश's picture

15 Dec 2007 - 12:06 am | ऋषिकेश

चारोळीला चारोळीतूनच
प्रतिसाद येतो आहे
साद चारोळीतून घातल्यावर
दुसरी का अपेक्षा आहे?

विसोबा खेचर's picture

15 Dec 2007 - 12:07 am | विसोबा खेचर

आम्हाला काव्यातली एक ओळही लिहिता येत नाही याचा खेद वाटतो नाहीतर आम्हालाही आमच्या परिने हा गोफ विणता आला असता! :)

असो, खेळ चालू द्या. आम्ही येथील चारोळ्या वाचू आणि आम्हाला उत्तम वाटलेल्या चारोळीला सव्वा अकरा रुपये बक्षिस देऊ! :)

तात्या.

देवदत्त's picture

15 Dec 2007 - 12:11 am | देवदत्त

काय तात्या ,
फक्त सव्वा अकराच?
बघा जरा बक्षिस वाढवता येते का? ... मी ही प्रयत्न करतो मग ;)

(कवितेतील ’वि’ न कळणारा पण बक्षिस लोभी) देवदत्त

आजानुकर्ण's picture

15 Dec 2007 - 12:09 am | आजानुकर्ण

चहा आणि भजी
सोबत खाल्ली मिरची
टपरीवर बसायला
वापरली होती खुर्ची

(कशी आहे?)

(सव्वा अकरा रुपये क्याश ओन्ली)

विसोबा खेचर's picture

15 Dec 2007 - 12:10 am | विसोबा खेचर

(कशी आहे?)

उत्तम आहे!

(सव्वा अकरा रुपये क्याश ओन्ली)

Done! :)

प्राजु's picture

15 Dec 2007 - 12:09 am | प्राजु

चारोळीला चारोळीतून
प्रतिसाद आला आहे..
एका वीणीतून दुसरी वीण..
गोफ छान विणला आहे...

- प्राजु.

आजानुकर्ण's picture

15 Dec 2007 - 12:12 am | आजानुकर्ण

खुर्चीचा खिळा
नको तिथं रुतला
माझा जीव मात्र
भजीमध्ये गुंतला

केशवसुमार's picture

15 Dec 2007 - 12:13 am | केशवसुमार

मी तिला साद दिली
आणि भलतीच ओ आली
तिच्या ऐवजी बाप येता
पळता भुई थोडी झाली

आजानुकर्ण's picture

15 Dec 2007 - 12:14 am | आजानुकर्ण

तिच्या बापाला पाहता
सुरू होतात जुलाब
ती मात्र डोक्यामध्ये
माळते लाल गुलाब

(ही चारोळी उडवू नका प्लीज. ही आमची सर्वोत्कृष्ट कलाकृती आहे.)

मनोज's picture

15 Dec 2007 - 12:15 am | मनोज

मन आणि क्षण
यमक छान जुललय
मलाही अता चारोळीच
गमक कळलयं

आपलाच,
(यमक्या) मन्या

ऋषिकेश's picture

15 Dec 2007 - 12:15 am | ऋषिकेश

प्रत्येक सादेला हवा तो प्रतिसाद..
यासाठी पूर्वपुण्याईच हवी
नाहितर आपण म्हणत बसतो श्लोक...
आणि समोरून ऐकु येते शिवी

प्राजु's picture

15 Dec 2007 - 12:15 am | प्राजु

गोफ विणता विणता
धागे मनाचे जुळतिल का?
मिसळ चाखता चाखता
वाद्-विवाद संपतिल का?

प्राजु (निखळ अस्वादासाठी आलेली)

विसोबा खेचर's picture

15 Dec 2007 - 12:20 am | विसोबा खेचर

गोफ विणता विणता
धागे मनाचे जुळतिल का?
मिसळ चाखता चाखता
वाद्-विवाद संपतिल का?

नक्की संपतील, मात्र पुन्हा सुरूही होऊ शकतील बरं! मात्र मनाचे धागे तसेच जुळलेले राहतील याची खात्री आहे!:)

तात्या.

बेसनलाडू's picture

15 Dec 2007 - 12:16 am | बेसनलाडू

शिवी म्हणजेच ओवी असते
असाच इथला बाज आहे
आपल्या ओवीभांडाराचा
असा अनेकांना माज आहे
(शिवराळ)बेसनलाडू

आजानुकर्ण's picture

15 Dec 2007 - 12:17 am | आजानुकर्ण

ऐकू येता शिवी
आम्हीही मूठ वळतो
कानाखाली बसल्यावर
खरा अर्थ कळतो

प्राजु's picture

15 Dec 2007 - 12:18 am | प्राजु

शिवी आणी ओवी
दोहोंत जरा फरक आहे
ओवी असेल तर स्वर्ग
शिवी असेल तर नरक आहे..

- प्राजु.

ऋषिकेश's picture

15 Dec 2007 - 12:19 am | ऋषिकेश

गोफ आनि मिसळप्रेमींचे
नाते आगळेच आहे
भरपूर भांडूनही सार्‍याची
वीण एकमेकांतच गुंतली आहे

आजानुकर्ण's picture

15 Dec 2007 - 12:19 am | आजानुकर्ण

चारोळी म्हणजे चार ओळी
एकाखाली एक
मी घेतो क्याच बरोबर
तू फक्त फेक

ही मस्त झाली ना.

मनोज's picture

15 Dec 2007 - 12:20 am | मनोज

माला आहे माज
मूळी नाही लाज
सोडुन काम काज
चारोळ्याइची खाज

आपलाच,
मन्या

केशवसुमार's picture

15 Dec 2007 - 12:20 am | केशवसुमार

आमची शिवी शिवी
आणि त्यांच्या शिव्या श्लोक आहेत
नाव बदलून लिहणारे
इथे बरेच (बाराचे नव्हे!) लोक आहेत

प्राजु's picture

15 Dec 2007 - 12:21 am | प्राजु

नको करू माज..
चारोळ्या लिही खास..
मिसळ खाऊन झाल्यावर..
मनापासून हास....

- प्राजु.

बेसनलाडू's picture

15 Dec 2007 - 12:21 am | बेसनलाडू

मुठी वळवणे, कान तापणे
सज्जनतेचे लक्षण काय?
विडंबनांची विष्ठा म्हणते
रात्री केले भक्षण काय?
()बेसनलाडू

विसोबा खेचर's picture

15 Dec 2007 - 12:37 am | विसोबा खेचर

विडंबनांची विष्ठा म्हणते
रात्री केले भक्षण काय?

छानच! आम्हाला विडंबनाइतकीच ही चारोळीही आवडली! :)

आजानुकर्ण's picture

15 Dec 2007 - 12:22 am | आजानुकर्ण

कांदा, कोथिंबीर, रस्सा, फरसाण युक्त अशी
सगळ्यांनाच आवडते इथे पावाबरोबर मिसळ
दुसर्‍याच्या डोळ्यातलं कुसळ दिसतं
स्वतःच्या डोळ्यातलं शोधावं लागतं मुसळ

जमली नाही बॉ

विसोबा खेचर's picture

15 Dec 2007 - 12:23 am | विसोबा खेचर

तात्याला आता
तुरुंगात पाठवा,
त्याच्या अपंग आईला
घरबसल्या रडवा!

असो..

प्राजु's picture

15 Dec 2007 - 12:24 am | प्राजु

चोरोळ्यांची बरसात..
अशी काही बरसावी..
भांडणे सारी संपून..
मिसळपूरी'त रमावी..

(इथे मिसळ आणि पूरी असा अर्थ नव्हे.. कोल्हापूर सारखे मिसळपूर..)

आजानुकर्ण's picture

15 Dec 2007 - 12:26 am | आजानुकर्ण

हा समर्पक शब्द आहे.

विसोबा खेचर's picture

15 Dec 2007 - 12:31 am | विसोबा खेचर

शब्द आवडला! :)

(मिसळपुरीकर) तात्या.

प्राजु's picture

15 Dec 2007 - 12:28 am | प्राजु

नको वळू मुठी अन
नको तापवू कान
मनासारखे न घडे सगळे
हेची असुदे भान...

प्राजु.

आजानुकर्ण's picture

15 Dec 2007 - 12:30 am | आजानुकर्ण

एक
दोन
आला
फोन

ऋषिकेश's picture

15 Dec 2007 - 12:31 am | ऋषिकेश

सतत मुठी वळवणे
अन ते कान तापवणे
दुसरं तिसरं काहि नसून
मिसळीची चव बिघडवणे

आजानुकर्ण's picture

15 Dec 2007 - 12:34 am | आजानुकर्ण

तिचं माझं लग्न म्हणजे
फक्त संसार थाटणे
मी पळतो पुढे अन
तिच्या हातात लाटणे

प्राजु's picture

15 Dec 2007 - 12:35 am | प्राजु

आपण सारे मिसळवासी..
नको ते छोले भटुरे..
कशाला खावे नको ते
जे पोटात गुरगुरे....

- प्राजु.

ऋषिकेश's picture

15 Dec 2007 - 12:38 am | ऋषिकेश

तिचं माझं लग्न म्हणजे
मिळून मिसळून वागणे
तिने मस्तपणे खाणे अन
मी भांडी विसळून झोपणे :))

देवदत्त's picture

15 Dec 2007 - 1:00 am | देवदत्त

मस्त आहे.

प्राजु's picture

15 Dec 2007 - 12:38 am | प्राजु

लाटणे, भांडी, रवी, पळ्या
फेका फेकी ची मजा यात..
कधी होते नवरा बायकोत
कधी तात्याच्या हाटेलात..

- प्राजु.

देवदत्त's picture

15 Dec 2007 - 1:01 am | देवदत्त

मजा येतेय वाचायला.

विसोबा खेचर's picture

15 Dec 2007 - 12:43 am | विसोबा खेचर

तात्याचा पाय,
नेहमीच गोत्यात
भरा त्याला पोत्यात
अन दळा त्याला जात्यात!

प्राजु's picture

15 Dec 2007 - 12:45 am | प्राजु

तात्या.. सह्हि..

धागा धागा विणूनी असे
दृढ होत जावे नाते..
नव्या चारोळी सह भेटेन उद्या
सध्या आपला निरोप घेते...

- प्राजु.

विसोबा खेचर's picture

15 Dec 2007 - 12:47 am | विसोबा खेचर

नव्या चारोळी सह भेटेन उद्या
सध्या आपला निरोप घेते...

बाय बाय, टाटा!

उद्या तुला नवी भांडणे वाचायला मिळोत हीच शुभकामना! :))

तात्या.

मुक्तसुनीत's picture

15 Dec 2007 - 1:03 am | मुक्तसुनीत

निरोप कसला माझा घेता
जेथे राघव तेथी सीता
देता देता एके दिवशी
दे हाता शरणांगता

ऋषिकेश's picture

15 Dec 2007 - 1:23 am | ऋषिकेश

निरोप देणे... निरोप घेणे
किती बरे हे जीवघेणे
सतत जवळ असणार्‍याला
दूर दूर जाताना पाहणे

मुक्तसुनीत's picture

15 Dec 2007 - 3:21 am | मुक्तसुनीत

येणे जाणे देणे घेणे
नवे सूर अन नवे तराणे
आता पुरे तुझे हे बहाणे
आता कैसे येणे आता खुंटले येणे :-)

ऋषिकेश's picture

15 Dec 2007 - 3:33 am | ऋषिकेश

सूर नवे अन नवे तराणे
भंकसही इथली चवीने घेणे
जूने सारे मिटवूनी आता
पुन्हा नव्याने मिसळ चापणे

बेसनलाडू's picture

15 Dec 2007 - 3:41 am | बेसनलाडू

नवे नाव अन नवे बहाणे
नवेनवेसेच सोंग घेणे
मिटवामिटवी कशाकशाची?
कशाकशाची लाज वाटणे?
(निर्लज्ज)बेसनलाडू

मुक्तसुनीत's picture

15 Dec 2007 - 3:38 am | मुक्तसुनीत

जरा चुकीचे जरा बरोबर
फितुर जाहले तुजला अंबर
श्रीपाद वल्लभ दत्त दिगंबर
विरु बसंती जय नि गब्बर !

ऋषिकेश's picture

15 Dec 2007 - 3:42 am | ऋषिकेश

श्रीपाद, वल्लभ, दत्त, दिगंबर
विरु, बसंती, जय नि गब्बर !
आपण आठ मिळूनी टाकू
मेंढिकोटचा डाव जब्बर! ;)))

मुक्तसुनीत's picture

15 Dec 2007 - 3:51 am | मुक्तसुनीत

काठोकाठ भरू दे पेला
तडडतुम्म तो फुटे नगारा
अजून बकरी पाला खाते
मला येथला पुरे फवारा !

प्रकाश घाटपांडे's picture

15 Dec 2007 - 10:16 am | प्रकाश घाटपांडे

येथील कवींना आवाहन
चारोळी सारखा पाचोळी प्रकार यखांदा करुन पघा.
संकल्पना- पहिल्या चारा ओळी लिहुन यकदम हवेत न्यायच, आन पाचवी ओळ लिहून दानकन जमिनीवर आदळायच. त्यो अर्जुनाचा दशांगुळे चालणारा रथ कंच्या तरी कारनान यकदम जमिनिवर आला अगदी तस्सा.
आपला
(प्रायोगिक)
प्रकाश घाटपांडे