Skip to main content

निळाई ...

लेखक विशाल कुलकर्णी यांनी गुरुवार, 30/03/2017 11:28 या दिवशी प्रकाशित केले.

1
.
.
.
नजर पोचते जिथवर तितके
निळ्या नभाशी निळेच पाणी
पाण्यात सोडूनी पाय बैसली
निळावती ती कुणी जलराणी

मित्र पांघरे निळीच दुलई
निळे व्योम अन निळी धरा
सभोवार फाकली निळाई
निल नभांगणी निळा झरा

मंद निळाई शुभ्र निळाई
निळा होय कातळ काळा
जळी कोरडे कमळ निळे
वात्सल्याचे गोत ही निळे

गात्रांत उमलला बहर निळा
निळी बासरी सावळ कान्हा
हृदयी पाझरे पाझर निळा
माय वत्सल निळाच पान्हा

विशाल कुलकर्णी
.

काव्यरस
प्रकाशचित्रण
लेखनविषय:
वाचने 8154
प्रतिक्रिया 19

प्रतिक्रिया

पैसा गुरुवार, 30/03/2017 16:26

कसली सुंदर लिहिली आहेस कविता!!

"नभ निळे, रात निळी, कान्हाही निळा" आठवला एकदम!!

पैसा शनिवार, 01/04/2017 08:33

धन्यवाद स्वीकारते. पण त्येवढं संपादक मंडळी वगळा. ते वायले. आम्ही वायले. =))

विशाल कुलकर्णी रविवार, 02/04/2017 14:51

माफी द्येवा माय एकवार ...
समद्यांस्नी थ्यांकू ! निसत्ये प्रतिसाद दिलेल्यांचच न्हाय तर ज्येनी ज्येनी वाचलं त्या समद्यांचं दिकून थ्यांकू =))

मोदक गुरुवार, 30/03/2017 16:44

नजर पोचते जिथवर तितके
निळ्या नभाशी निळेच पाणी
पाण्यात सोडूनी पाय बैसली
निळावती ती कुणी जलराणी

या सोबत एक समुद्रकिनार्‍याचा एक निळा फोटो दे.

बहुतेक तू काढलेलाच एक ऑस्ट्रेलियातला फोटो आहे .

विशाल कुलकर्णी गुरुवार, 30/03/2017 23:20

हा चालेल का? संपादक मंडळी, आपल्यापैकी कुणी हा फोटो वरच्या मुळ पोस्टमध्ये जोडून द्याल काय?

niLaaee

विशाल कुलकर्णी शुक्रवार, 31/03/2017 12:15

ब्राइटनेस-कॉन्ट्रास्ट अ‍ॅडजस्ट केलेत काही प्रमाणात. बाकी कुठलाही इफेक्ट नाही वापरलेला.

उपेक्षित सोमवार, 03/04/2017 13:06

मस्त कविता विशाल भाऊ...
पण फुटू तेवढा मातीतला पायजे होता हा फुटू आन कविता थोड मिस म्याच वाटत आहे मला (हे आपल माझ मत बर का )
बाकी ईशाल भाऊ वळख हाये का आमची का इसारले आम्हाला ?