सगळीच मजा आहे राव.. धागा टाकला रे टाकला , की "उपधागे" चालू होतात..

आमची आवडती रक्त वारूणी (सामान्यतः ही उच्चभ्रूंकडे जेवणाबरोबर असते), त्याचे न्यूट्रीशन इथे पहा. श्वेत वारूणीचे इथे पहा. आणि संत्र्याच्या रसाचे इथे पहा. त्याच संस्थळावर कोक, पेप्सीमधून काहीही पोषण (कॅलर्‍या वगळता) होत नाही असं लिहीलेलं आहे. (कॅफीन फ्री, डाएट ड्रिंकांतून फक्त कार्सिनोजेन्स मिळतात. कॅफीन नसल्यामुळे साधी झोप किंवा मोठा हँगोव्हरही उडत नाहीत.) कॅलरींचे प्रमाण संत्र्याच्या रसात अधिक आहे, रक्त आणि श्वेत वारूणीच्या प्रमाणाच्या जवळजवळ दुप्पट. संत्रारसातून अ आणि क जीवनसत्त्वं मिळतात जे वारूणीतून अजिबात मिळत नाही. वारूणींमधेही कॅल्सियम आणि लोह मिळतं (रक्त वारूणीतून किंचित जास्त). थोडक्यात काही जीवनसत्त्व मिळतात या बदल्यात संत्रारस जाडा बनवतो. थोडक्यात माहिती मिळवूनही आम्ही आमच्या रक्तवारूणीत आनंदी आहोत. आमच्याकडे अज्ञानात (पक्षी: माहितीच्या अभावात) आनंद नाही.

अजुन काही उपविषय : किती वेळा दारु सोडली? एका वेळेस किती ग्लास दारु घेता? कोणती दारु किती प्रमाणात घेता? कोणाबरोबर का एकटेच? लोकांना घरी बोलावल्यावर जेवणात वाईन नाही दिली तर वाईट इंप्रेशन पडते का? कारण काय? हुच्चभ्रु लोकांनी दारु पिणे अन सामान्यांनी दारु पिणे यात नेमका फरक काय? झालंच तर : सुरुवात ३० मीली. ने का एकदम पटीयाला ?

अजून जीवंत आहे तेंव्हा 'शेवटच्या घोटाबद्दल' उगाच खोटारडेपणे कसे लिहू? मुलाला सांगून ठेवीन, माझ्या मृत्यू पश्चात, वेळ नोंदवून ठेव आणि हा धागा तेंव्हा खोल गेला असेल तर वर उचकटून त्यावर 'ती' वेळ लिहून ठेव.

चालु द्या.. दारु पिणारे पिण्याच समर्थन करत राहतील आणि फायदे सांगतील तर न पिणारे त्या विरुद्ध.. थोडक्यात काय मानवी स्वभाव आहे, आपण जे करतो ते बरोबर असते हे दाखवण्याचे. विज्ञानाचे म्हणाल तर ते पिणार्‍यांचेही नाही आणि न पिणार्‍यांचेही, कारण मनसोक्त पिणारे भरपूर निरोगी आयुष्य जगणारे पाहिलेत आणी न पिणारे अकाली जाणारे देखील आनी व्हाईस वर्सा. प्रश्नाचं म्हणाल तर (नाना स्टाईल) वैयक्तीक प्रश्न. पास. (/नाना स्टाईल) बाकी आमची सही सगळं काही सांगते. :)

@आपण शेवटचा घोट कधी घेतला ? >>> पहिल्याच्या नंतर ;-)

काय रंगा काका .. टॉपिक नावामध्ये मेन्शनलं का नै? कशाचा घोट ते? आमी टॉपिकाची नावं वाचुन आत घुसणारी मंडळी ...... नाव जरा सेन्सेशनल पायजेल व्हतं .....;)

आजपासून विडंबन करणार्‍यांच्या गळ्याचा घोट घ्यायचे ठरवलेय. खूंदन

आता हा धागा सेक्स च्या धाग्याला मागे टाकणार असे ग्रह सांगतात .

त्यातील 'चिअर्स' या अमेरिकन मालिकेतील क्लिफ क्लेविन या पात्राच्या तोंडचा एक संवाद. " हे बघ नॉर्म त्याचं असं आहे की म्हशींचा कळप हा त्या कळपातील सर्वात हळू म्हशीच्या वेगाने पुढे सरकतो. आणि जेव्हा या कळपावर शिकारी धावा बोलतात तेव्हा हीच सर्वात हळू म्हैस शिकार बनते. या नैसर्गिक नियमामुळे असं होतं की कळपाची सर्वसाधारण गती व शारिरीक क्षमता सुधारण्यास मदत होत राहाते. तसच मानवी मेंदू हा त्यातील सर्वात हळू पेशींच्या क्षमतेप्रमाणे कार्य करतो. आपल्याला माहिती अहेच की अल्कोहोलचे अतिसेवन केले तर मेंदुच्या पेशी नाश पावतात. पण अर्थातच सर्वात हळू/अकर्यक्षम पेशी प्रथम मारल्या जातात. त्यामूळे मेंदूची कार्यक्षमता वाढते. हेच कारण आहे की २-३ बियर प्यायल्यावर आपल्याला ताजेतवानं वाटतं :-) अमृत

मला वाटले शेवटचा घोट म्हण्जे तो तुळशी पत्रासोबतचा की काय..म्हणुन न्हटलं शेवटचा घोट घेतलेल्या कोणकोणत्या भुतांच्या प्रतिक्रिया आल्यात ते तरि ढुंकुन पाहुन यावे म्हणुन धागा उघडल्या गेला.. ;)

उद्या विचाराल व्हर्जिनिटी (शेवटी एकदाची) कधी गेली. तुझ्या जिभेला काही हाड? -३.१४

चवीचे म्हणाल तर मला वाइनची चव एखादा आयुर्वेदिक काढा जसे दाडीमावलेह किंवा द्राक्षासवासारखी लागते. ====================================

.

दारु प्रत्यक्षात सोडणारे किंवा त्या दिशेने वारंवार प्रयत्न करणारेच "शेवटच्या" घोटाबद्दल सांगू शकतील. कारण अशा लोकांच्याच खोलवर लक्षात असतात हे दारुशी निगडीत दिवस अन तारखा.. ज्याला सोडण्याची खरंच गरज आहे, अर्थात जो अल्कोहोलिक झालेला आहे त्याला ती सोडण्याची इच्छा दोन एपिसोड्सच्या मधे तीव्रतेने होत असते पण सोडता येत नाही. हे अल्कोहोलिक व्यक्तीचं मुख्य लक्षण आहे. दारु सोडावी अशी अधूनमधून उपटणारी इच्छा ज्याला अजिबात होत नाही, दारु सोडण्याचा ज्याचा लाँग किंवा शॉर्ट टर्म प्लॅन नाही तो अद्याप दारुड्या झालेला नाही असं निर्धोकपणे समजावं. अशा व्यक्तींना आपण शेवटची कधी प्यायली तो दिवस आणि पुन्हा कधी पिणार याची तारीख या दोन्ही आवर्जून लक्षात राहात नाहीत. मी त्यातलाच एक. अर्थातच दारु ही चांगली सवय नव्हे. ती आनंददायक गोष्ट आहे, अ‍ॅट इट्स ओन कॉस्ट. ते निसरड्या रस्त्यावर धावणं आहे असंही म्हणता येईल.. काहींच्या पायात चांगल्या ग्रिपचे शूज असतात तर काहींच्या पायात स्लीपर्स.. एकदा मद्य प्यायला लागलेला मनुष्य मद्यपीच. वीस वर्षापूर्वी दारु सोडलेला मनुष्य वीस वर्ष "व्यसनमुक्त"असतो. निर्व्यसनी नाही. त्याने दारु तब्बल वीस वर्षं टाळलेली असते...

शेवटचा घोट ? हा विचार सुद्धा कधी मनांत आणणार नाही.

'दारू पिणे हे मर्दुमकीचे लक्षण आहे, ती न पिणारे केविलवाणे' ही टोकाची भूमिका जितकी तिरस्करणीय आहे तितकीच 'मी दारू अजिब्बात पीत नाही' ह्याचा गर्व करण्याची, दुसर्‍या टोकाची भूमिका देखिल. आपण दारू पीत नाही, ही आपली वैयक्तिक बाब आहे, त्याविषयी काही म्हणायचे नाही. पण आपणास घरी पार्टीस निमंत्रीत करून वाईन ऑफर करणार्‍यांना तुम्ही 'हुव्च्चभ्रू' असे कुत्सित संबोधन देता आहात, ते खटकले. तुम्ही त्यांना स्वतः दारू पीत नाही, असे सांगितले असतांनाही ते आग्रह करून तुम्हाला ती पिण्यास भाग पाडतात काय? (आणि असे हे एकच कुणी नव्हेत, तर तुमच्या लिखाणावरून अनेक असावेत असे दिसते)? हाच स्वतःच्या खाण्यापिण्याच्या आवडीनिवडीचे ढोल वाजवणारा धागा अजूनही पुढे चालवीता येईल!

मला तरी वाटत नाही की धाग्यात कुणाचाही तिरस्कार करण्यात आलेला आहे. मी हुच्चभ्रू म्हंटले आहे, उच्चभ्रू नव्हे. हा शब्द मिपावर विशेष अर्थाने वापरला जातो. तरीही आपल्या मताचा आदर करतो. यापूढेही परखड मत मांडल्यास मला मनापासून बरे वाटेल ही खात्री बाळगा.

>>(आपण शेवटचा घोट कधी घेतला?) हा आत्ताच संपवला तो शेवटचाच्च!

का कुणास ठाऊक पण हा विषय निघाला की हा धागा आठवतोच. :)

शेवटचा घोट घ्यायला अवकाश आहे अजून.... अभी तो रात जवाँ है प्यारे, आख़री जाम की बात क्यूं करें साथ में हो वो कमसिन तो, बुढापे की बात क्यूं करे? -ररा पुणेकरी

आताशी सुरवात झालिया आणि तुम्ही शेवटच्या घोताचा विचरतय. शेवटचा घोट शेवटीच घेणार ( कवळ्या बरोबर )