कार्बन कसोटी करून त्या पट्टीचे आयुष्य किती हे देखील शोधून सांगेन.

मी तुमची ही सीरीज वाचतो आहे. मला नाडी पट्ट्या यांविषयी काहीच माहिती नाही. अर्थात त्यामुळे माझे मन कलुषित, पूर्वग्रहदूषित नाही पण वाचून काहीच पदरात पडत नाही आहे. या लेखमालेमागे बरेच पूर्वसंदर्भ असावेत, जे माझ्यासारख्या नवीन वाचकांना माहीत नाहीत / कळत नाहीत. शिवाय मांडणी पाहू जाता, कोणता प्रश्न आहे ? कोणते उत्तर आहे? नेमके काय सिद्ध करण्याचा ऑब्जेक्टिव्ह आहे? यातले काही म्हणता काही कळत नाही. कदाचित माझी आकलनशक्ती कमी पडली असेल. नाडीच्या जेन्युईननेस पर्यंत पोचण्याआधी मुळात काय म्हणायचंय हे वाचकांना स्पष्ट कळलं पाहिजे अशी माझी विनंती आहे. उदा. तुम्ही प्रश्न म्हणून जे दिलंय.. 3. प्रश्न - मला तर उलट त्या नाडीवाचकाच्या हातचलाखीवर हसण्याऐवजी त्याने १०० सत्यमाहिती शोधण्याच्या त्याच्या कसबाचे कौतुक वाटले असते. पुढे आपण असे ही म्हटले आहे की त्या नाडीवाचकाच्या हातून तुम्ही ती नाडीपट्टी हिसकाऊन घेतलीत व त्यात वाचनाच्या वेळी त्या खोलीत एक व्यक्ती पायात सँडलघालून आल्यामुळे केंद्राच्या शुचितेचा भंग केला गेला असे जे त्या आलेल्या एका व्यक्तिच्या संदर्भातील कथन होते ते त्या पट्टीत नसल्याचे आढळले असे म्हटले आहेत. याचा अर्थ त्या पट्टीवरील लिखाण व त्याची भाषा आपणांस वाचता येते असा होतो. तसे असेल तर मी एक फोटो आपणांस पाठवू इच्छितो. हा फोटो श्री. ‘ओका’ यांनी डॉ. जयंत नारळीकर(ज्या खगोलशास्त्रज्ञाला २००४ साली ‘पद्मविभूषण’ म्हणून सम्नान्मानित केले गेले होते.) यांना पाठवला होता.(श्री. रिसबुड विंग कमांडर ओक (Oak) नावाचा उच्चार ‘ओका’ असा मुद्दाम करून त्यांचा शक्यतो पाणउतारा करण्याचा प्रयत्न करत असत. त्याचा हा पुरावा) आणि नंतर तो फोटो डॉ दाभोळकर (जे गेले अनेक वर्षे अंधश्रद्धा निर्मूलन समिती या नावाची निरीश्र्वरवादी संस्था महाराष्ट्रात चालवतात) यांनी एका सभेत पुण्यातील तमिळभाषा जाणणाऱ्या लोकांनी त्या पट्टीतील मजकूर वाचावा असे जाहीर आवाहन केले होते. यात प्रश्न काय आहे ? कुठे सुरु ? कुठे संपले ? आणि त्यानंतर खाली दिलेलं उत्तर तरी काय आहे? आणि पुन्हा माझे (श्री ईश्वरन यांचे )स्पष्टीकरण काय आहे? त्यांचा एकमेकांशी काही ताळमेळ आहे का? ज्या संस्थांचा मूळ हेतूच नाडी भविष्याला कोणत्याही थराला जाऊन बदनाम करण्याचा आहे अशांना कार्बन टेस्टसाठी पट्टी देण्याच्या फंदात पडणार नसलेल्या केंद्राकडून नि:स्पृह व्यक्तीस मात्र फोटोच का देण्यात येत आहेत. त्यांना कार्बन टेस्टसाठी का बरे पट्ट्या दिल्या जात नाहीत. काय गुप्त राखायचे आहे. केवळ एक वाचक म्हणून होत चाललेले माझे मत मांडले आहे. नाडीच्या बाजूने की विरोधी या मुद्द्याला स्पर्शही केलेला नाही आणि करण्याचा उद्देशही नाही. ते एक अत्यंत योग्य शास्त्र असूही शकेल. पण या लिखाणामुळे किंवा लिखाणपद्धतीमुळे उद्देशाच्या उलटा परिणाम तर होत नाहीये ना आणि वाचकांना कन्विन्स करण्याऐवजी कन्फ्यूज केले जात नाहीये ना ते तपासून आपल्या उद्देशाला अधिक मदत व्हावी यासाठी. तुमचा उद्देश कळकळीचा दिसतोय म्हणून लिहिले. एरवी लिहिले नसते. क्षमेसह, गवि.

गगनविहारी आणि आपणासारखे अनेक नव मिपा मित्र हो, नाडी ग्रंथ भविष्य हा विषय गेले काही वर्षे चर्चेत आहे. थोडक्यात असे की आपण असे मानतो की आपली रोजच्या व्यवहारातील नावे (अवकडहाचक्रातील नव्हे) आपल्या घरातील आईवडिलांच्या किंवा वरिष्ठांच्या सल्याने वा आवडीने ठेवले जाते. मात्र तीच नावे (आई, वडील, विवाहित असेल तर जोडीदाराचे) जर तमिळसारख्या सुदूर राज्यातील भाषेतील समजायला अवघड लिपीत, आपण निरा पितो त्या ताडाच्या झावळ्यांच्या कापून तयार केलेल्या पत्राप्रमाणे पट्ट्यात शिक्षण, नोकरी-व्यवसाय, जन्म दिनांकासकट, रामायण, महाभारत ग्रंथांत निर्देशित प्राचीन महर्षींच्या लेखनातून कोरून ठेवलेला आहे असे आढळले तर तो एक अविश्वसनीय प्रकार मानला पाहिजे. महर्षी आपापल्या नावानी सांगितल्याजाणाऱ्या ताडपत्राच्या पानातून व्यक्तीचे भविष्य कथन करतात. दैवी उपाय सुचवतात. आता असे काही म्हटले की बुद्धिवादी विचारकांच्या कपाळाला आठ्या पडतात आणिअसे काही असूच शकत नाही असे ते अनुभव न घेताच म्हणू लागतात. माझा या विद्येशी काही वर्षांपुर्वी परिचय झाला. आधी बनवाबनवी आहे असे वाटून आणि नंतर पुन्हा पुन्हा अनुभव घेऊन त्यातील सत्यता काय असावी याचा शोध घेण्यासाठी माझ्या हातून लिखाण झाले. ते पुस्तक रुपाने बाजारात आहे. त्यातून आपल्याला या विषयाची साद्यंत माहिती मिळेल.अशी आशा आहे. भारतात आता अनेक नाडी केंद्रे स्थापित झाली आहे. परंतु त्या केंद्रातील लोक काही ना काही कारणांनी बुद्धिवादी विचारकांच्या म्हणण्याला दुर्लक्षुन उत्तरे द्यायचे टाळतात आणि त्यातून आणखी शंका व संशय बळावतो. एका नाडी केंद्रातील संचालकांशी याबाबत चर्चा केली असता, त्यांनी बी. प्रेमानंदांच्या काही छापील लेखांतून सुचित केलेल्या विधानांवर आपले काय मत आहे ते समजून घेऊन मी वाचकांच्या विचारार्थ पुढे ठेवत आहे. लेख १९९६ -९७ च्या सुमाराचा आहे. पण हा विषय न शिळा होणारा आहे म्हणून त्याची मिपावाचकांना झलक मिळावी म्हणून हे लेखन केले आहे. विज्ञानवादी लोक नाडी ग्रंथांना थोतांड ठरवण्याच्या नादात किती व कशी अशास्त्रीय विधाने करतात. जे नेहमी प्रत्यक्ष प्रमाण, अनुभवावर आधारित निष्कर्षांवर भर देतात तेच लोक नाडी ग्रंथांची त्यातील भाषेची व मजकुराची साधी प्राथमिक कसोटी करायला का टाळतात व मात्र गणिती आकडेमोडीतून व तर्कांवरून नाडी ग्रथांना असंभवनीय म्हणून थोतांड मानतात. प्रत्यक्षात नाडीग्रंथांचे सत्य स्वरुप काय आहे याचा अनेकानेक प्रयोग करून पडताळा घ्यावा व नंतर त्यांना वाटल्यास आपल्या तर्काधिष्ठित विचारांवर जरूर अटळ राहावे. असे करायला काय काय करायला हवे याचे मार्गदर्शन ही या लेखाचा नंतरचा भाग आहे.

भुतकाळ अगदी बरोबर सांगितला गेला पण भविष्य मात्र चुक ठरले अनेक नाडी ग्रंथांचा अनुभव घेतलेले वा घेऊ इच्छिणारे मित्रहो, या प्रश्नाचा ओहापोह मी माझ्या पुस्तकात उदाहरणे देऊन केला आहे. त्याचे थोडक्यात असे उत्तर देता येईल की भविष्य पाहिल्यानंतरच्या घटनांत ती व्यक्तीही भविष्य घडवण्यात सामिल असते म्हणून त्याच्या कर्तृत्वाचा वाटा त्यातील कथनांच्यावर प्रभाव पाडतो. कधी कधी कथने मुद्दाम चुकवली जातात कारण त्यातुन अन्य संबंधित व्यक्तींचा कर्म सिद्धांतही सिद्ध करायला लागतो. तो कसा हे पुस्तकात सविस्तर दिले आहे

माझा अनुभव येथे देऊ इच्छीतो, मी २००५ साली एकदा बंगळुरला आलो होतो, तेव्हा होसुरला (२० किमी दुर) कोण्या परिचीतांकडे गेलो होतो (ते तमिळ आहेत). त्यांच्या बरोबर जाता जाता मला नाडी ज्योतीष ची पाटी दिसली. काय आहे ते बघावे म्हणून मी त्याच्या कडे गेलो. त्याने आंगठ्याचा ठसा घेतला व काही वेळात काही पत्त्या घेऊन आला. त्याने मला फक्त हो - नाही हे म्हणायला सांगीतले विचारलेल्या प्रश्नांना. (तो तमिळ मधून बोलत होता व मी इंग्लीश मधून माझे स्नेही भाषांतर करत होते). पत्त्यांवर काही तही कोरलेले मला दिसत होते. त्याने पहीली पत्ती काढली - म्हणाला - आपली आई आपल्या लहानपणीच वारली. मी - हो. तो - आईचे नाव अमुक होते. मी - नाही. त्याने ती पत्ती ठेवून दुसरी काढली. तो - वडील सरकारी खात्यातून निवृत्त झाले. मी - नाही. त्याते ती पत्ती ठेवून तिसरी काढली. वडीलांचे नाव अमुक आहे. मी - हो. भाऊ सरकारी नोकरीत आहे. मी - हो. बायको अमुक अमुक नावाची आहे. मी - हो. आता तो म्हणाला की पत्ती मीळाली. पुढे त्याने ती तामीळ मधुन वाचली व त्याचा माझ्या स्नेह्याने भाषांतर केले. माझ्या बद्दल चे सगळे आराखडे बरोबर होते. माझे जे व्यक्ती चित्र ते बरोबर निघाले. काही गोष्टी आता कळते बरोबर पण झाल्या आहेत. आता पुढे बघू. मला कोणी तरी सांगीतले की ती लोकं आपले मन वाचू शकतात बाकी नाडीत काही नाही - हे जरी बरोबर मानले तरी कोणी तरी आपले मन ओळखतो हा चमत्कार नव्हे का.