मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव

फोटो ओळखा 2

खंडेराव · · भटकंती
संदर्भ - Photo Olkha 1 नमस्कार. मिपाकर भरपुर फिरतात, फोटोही काढतात. असा एक धागा असावा का, जिथे आपण फोटो टाकु आणि इतरान्नी ते ओळखावेत? थोडा डोक्याचा व्यायामही होईल, आणि नवीन जागा बघायला मिळतील. काही सोपे नियम - एका वेळेस एकच फोटो उत्तर मिळाल्यावर फोटो टाकनार्याने नक्की करावे बरोबर आहे कि नाही. फोटो ओळखुन झाल्यावर पुढचा फोटो टाकावा. फोटो असे असावेत कि जागेचा अंदाज येइल.
वाचने 126448 वाचनखूण प्रतिक्रिया 263

खंडेराव Tue, 03/26/2019 - 07:36
ही जागा जवळ आहे गंदी कोटा पासून पण गंदी कोटा नाही. या आहेत बेलम गुफा. भारतीय उपखंडातल्या 2 नंबरच्या लांब आणि मोठ्या गुफा. तीन किलोमीटर पेक्षा जास्त लांबी आहे

अनिंद्य Tue, 03/26/2019 - 14:15
ह्या बेलम गुफांशी काही संबंध आहे की नाही हे माहित नाही पण आंध्र-तेलंगणा ग्रामीण भागात एक 'बेलम' नामक मिठाई करतात - फक्त आख्खे काजू, गूळ आणि साजुक तूप एवढेच घटक. दिसायला ओबडधोबड पण स्वर्गीय चव. गुफा बघून मिठाई आठवणारा मी एकटाच असावा जगात :-) अवांतराबद्दल क्षमस्व !

खंडेराव Wed, 03/27/2019 - 08:04
अगदी इंटरेस्टिंग माहिती...मी शोधायचा प्रयत्न केला तेव्हा सापडले की या गुहांचे नाव शेजारच्या बेलम गावावरून पडले आहे, आणि बेलमचा नक्की गूळ किंवा मिठाईशी संबंध असणार..

समर्पक गुरुवार, 03/28/2019 - 02:47
बेलम हा शब्द संस्कृत 'बिलं' वरून आलेला आहे. मराठीत बीळ... आंध्रातच ओडिशाच्या सीमेवर अशाच 'बोरा' गुंफा आहेत, बोरा म्हणजे भोक

गोरगावलेकर Tue, 03/26/2019 - 06:47
सापडले ! पण उत्तर सांगत नाही. मुघल सैन्याने कळसाचा भाग नष्ट केला आहे. त्यानंतर मंदिराचे रक्षण व्हावे या हेतूने गर्भगृह चौथऱ्याच्या समपातळीत आणून मंदिराच्या दगडांमधूनच मिनार बांधून मशीद असल्याचा भास निर्माण केला गेला. सर्व बाजूंनी भिंत बांधून मंदिर झाकले गेले.

डॉ सुहास म्हात्रे Wed, 03/27/2019 - 10:56
फोटोला "पब्लिक शेअर" केलेले नाही. तुम्ही गुगलमध्ये लॉगिन केलेले असल्यामुळे तुमच्या अल्बममधील फोटो तुम्हाला दिसतो. इतरांना अ‍ॅक्सेस नसल्याने त्यांना दिसत नाही.

प्रचेतस Wed, 03/27/2019 - 22:40
दिसतोय. ठिकाण नक्की नाही ओळखता येत पण बहुधा फ्रान्स किंवा इटलीमधील कारंजे

dadabhau Wed, 03/27/2019 - 18:39
जामी मस्जिद / होशंग शहाची कबर ....खरे तर मांडवगड चे सगळे महाल/पुरातन अवशेष हे ओरिजिनली राजा भोज कालीन वा नंतर चे हिंदू आणि जैन architecture आहेत...

चौथा कोनाडा गुरुवार, 03/28/2019 - 17:06
पर्फे़ट दादाभौ ! ही वास्तू मांडू, मध्यप्रदेश येथिल होशंग शहाची कबर, जामी मस्जिदची आहे. डोळे दिपवणारी आहे.
मांडवगड चे सगळे महाल/पुरातन अवशेष हे ओरिजिनली राजा भोज कालीन वा नंतर चे हिंदू आणि जैन architecture आहेत...
+ १, बरोबर

गोरगावलेकर गुरुवार, 03/28/2019 - 08:45
Gunavati Group of Temples, उदयपूर, त्रिपुरा मला येथे माहिती मिळाली https://www.tripadvisor.in/Attraction_Review-g15359762-d15221384-Reviews-Gunavati_Group_of_Temples-Radhakishorepur_South_Tripura_District_Tripura.html

डॉ सुहास म्हात्रे Fri, 03/29/2019 - 00:02
मी गेलो त्यावेळेस त्यावेळेस, खूप बर्फवृष्टी झाली असल्याने मे महिन्याचा शेवटच्या आठवडा असूनही रोहतांग पास बंद होता... त्याच्या अलिकडे १२ किमीवरून परतावे लागले. पण, परतीच्या जागेअगोदरच्या किमान ८-१० किमीवर अगदी असाच नजारा होता.

डॉ सुहास म्हात्रे गुरुवार, 03/28/2019 - 10:12
हिमाचल प्रदेशात, मनालीकडून "शोलंग नाला"कडे जाताना, मे महिन्यात सैन्याने बर्फ तोडून साफ केलेला असा रस्ता पाहिला होता.

डॉ सुहास म्हात्रे गुरुवार, 03/28/2019 - 21:07
एखादा दगड आणून समोर ठेवला तरी प्रचेतस तो कोणत्या ठिकाणचा आहे हे नक्की सांगणार ! ;) :)

प्रचेतस Fri, 03/29/2019 - 15:21
मग शंकराचार्य मंदिर? पण ते लहानसं आहे खूप

प्रचेतस Mon, 04/01/2019 - 15:48
सोमेश्वराच्या मंदिराच्या आवारात दोन वीरगळ आहेत त्यापैकी एक वीरगळ गाणपत्य संप्रदायातील वीराचा आहे कारण त्या शिळेवर शिवपिंडीऐवजी गणेशमूर्ती कोरली आहे.

चौथा कोनाडा Fri, 03/29/2019 - 12:51
आता पुढचा "फोटो ओळखा" टाकेन तेव्हा "सदरच्या स्पर्धेत टाईम्स ऑफ इंडियाचे कर्मचारी, मिसळपाव संपादक मंडळाचे सदस्य आणि वल्ली प्रचेतस यांना भाग घेता येणार नाही" अशी फूटनोट टाकणार :-)