पॉर्न साइट्सवरील बंदी ; किती योग्य, किती अयोग्य ?

प
प्रा.डॉ.दिलीप बिरुटे यांनी
 ·  लेख
लेख
राम राम मंडळी. मंडळी शतशब्दकथांच्या स्पर्धेच्या गर्दीत पॉर्नसाइट्सच्या बंदी विषयी काथ्याकुट आज येईल, उद्या येईल अशी वाट पाहात बसलो. रविवार उजाडला तरी अजूनही काही काही हालचाल दिसेना म्हटलं आपणच काथ्या घ्या आणि कुटा. मंडळी. पॉर्न साइट्सवर बंदी आणि पुन्हा सरकारने विरोधात उमटणार्‍या पॉर्न विरोधातील बातम्यामुंळे हलकेच चोरपावलांनी मागे येत ''चाइल्ड पॉर्न आणि ब्ल्यू फिल्म'' सोडून सर्व एडल्ट्स साइटवर बंदी हटविण्याचा निर्णय घेतला. सरकारने घोषणा केलेले असली तरी आता मोबाईल वर अशा साइट्स आता जवळ जवळ ब्लॉक केल्याचे दिसते. अश्लिल चित्रे, अश्लिल व्हिडियोज, अश्लिल लेखन, यामुळे समाजात वाईट परिणाम होतो म्हणजे कामुकता वाढते आणि स्त्रीयांना सार्वजनिक ठिकाणी वावरणे कठीण जाते आणि विविध अशी कारणे सांगितली जातात. विशेषतः लहान मुले अशा साइट्सवर रमु लागली तर काय परिणाम होईल असा एक विचार मांडला जातो. लहान मुला -मुलींच्या शरीराची जसजशी वाढ होत जाते तस तसे शरिरात अनेक बदल होतात आणि मग परस्पर भिन्न लिंग आकर्षण, उत्सुकता, यातून चित्र, व्हिडियोमधे, अश्लिल लेखन यात एक आनंद मिळायला लागतो. अशा माहितीतून विकृतीच निर्माण होते याचा काही माझ्याकडे विदा नाही. पण, अशा माहितीतून काही गैरसमज, भितीही दूर होते असे मला वाटते. आजच्या इतकं जाल जेव्हा मुक्त नव्हतं तेव्हा मुलांमधे कोणाच्या घरची मंडळी कुठे बाहेर गेलेली असली की अशा व्हिडियोज पाहण्याचा प्रचंड आटापिटा असायचा. आश्चर्य, भिती, न्युनगंड निर्माण व्हावा अशा प्रकारचे व्हिडियोज बघण्याची एक क्रेज असायची. लेखनातही असे लेखन आलं की दम घ्यावा लागायचा. मला आठवतं. मला शिकत असतांना अभ्यासक्रमाला ना.धो. महानोरांची 'गांधारी' नावाची कादंबरी होती. या कादंबरीतील नायिका केळीच्या बनात स्वतःला निर्वस्त्र करुन स्वतःच्या शरिराकडे बघते आणि लेखनाने त्या शरीराचं एकुण वर्णन त्यात केलेलं होतं. वाचतांना मला कोणी पाहात तर नाही, इतकी भिती वाटल्याचे स्मरते. बाकी अजून काही पुस्तकांवर तर बोलायलाच नको. कारण संस्काराखाली आपण दबले गेलेले असल्यामुळे अशा विषयावर चर्चा तरी कशाला करावी, असाही विचार येऊ शकतो. वेरुळ लेणीतील काही शिल्प, खजुराहो, या शिल्पांकडे बघतांना शिल्प अश्लिल आहेत म्हणुन पाहावे की कला म्हणुन पाहावे असाही विचार येऊ शकतो. अशीच बंदी घालावी लागत असेल तर भविष्यकाळात या शिल्पांवर काळा पडदा टाकावा लागेल. आता संकेतस्थळे वाढली. आंतरजाल आता सर्वांच्या घराघरात पोहचले आहे. चित्रपट, मालिका, यातून माणसांवर जे काही परिणाम व्हायचे ते होतातच, ते जसे थांबविता येतात तसे पॉर्न साइट्सच्या बाबतीत किती बघायचं, काय बघायचं याचंही भान असलं पाहिजे. सध्या वाट्सपच्या काळात काय काय व्हिडियोज येतात ते काही सांगायची गरज नाही. आपण बघतो पण दुसर्‍यांनी बघु नयेत. एकुणच जालमुक्त झालंय. समाजावर अश्लिल साइट्स खरच परिणाम करतात का ? त्याच स्वरुप कसं आहे ? सरकारची बंदी किती योग्य आणि किती अयोग्य त्यासाठी हा काथ्याकुट प्रपचं. (भाजप सरकार, काँग्रेस सरकार इकडे चर्चा घेऊन जाऊ नये)
वर्गीकरण
66203 वाचन
💬 प्रतिसाद (211)

प्रतिक्रिया

पैसा
Tue, 08/11/2015 - 13:07 नवीन
डॉक्टरांचे सगळेच प्रतिसाद आवडले.
↩ प्रतिसाद: निनाद मुक्काम पोस्ट जर्मनी

श्रीकृष्ण सामंत
गुरुवार, 08/13/2015 - 00:21 नवीन
हे सेक्सॉलॉजी विषय घेऊन डॉक्टर झालेत का? एक भाबडा प्रश्न
↩ प्रतिसाद: सुबोध खरे

सुबोध खरे
गुरुवार, 08/13/2015 - 10:35 नवीन
@श्रीकृष्ण सामंत नाही साहेब मी रेडियोलॉजी मध्ये एम डी केलं आहे परंतु लष्करात असताना ३ महिने मनोविकार शस्त्रात काम केलं आहे. त्यावेळेस आलेले अनुभव आणि त्यात काम केल्यामुळे मिळालेली दृष्टी यामुळे हा प्रश्न किमान ९० % घरात असतो आणि बर्याचदा तो प्रश्न न सोडवता प्रलंबित राहतो आणि त्यातून दुसर्याच मानसिक व्याधी उद्भवतात हि वस्तुस्थिती जाणवली. डॉक्टरी करताना नुसतेच डोळे उघडे ठेवले तरी असे बरेच प्रश्न समोर येतात आणि त्याचा जमेल तितका उपचार करण्याचा मी प्रामाणिक प्रयत्न करतो. एवढेच
↩ प्रतिसाद: श्रीकृष्ण सामंत

NiluMP
गुरुवार, 08/13/2015 - 17:29 नवीन
A post from FB In India people want their children should not know anything about sex b4 marriage and expect they should be master in sex on 1st night after marriage.
↩ प्रतिसाद: सुबोध खरे

कहर
Tue, 08/11/2015 - 11:28 नवीन
अवांतर: तोंडावर कोणी कितीही इंजिनियर डॉक्टर होणार म्हणले तरी मनातून प्रत्येक तरुणाला याच इंडस्ट्री मध्ये करिअर करायची सुप्त इच्छा असते (काय आप्पा वरून साभार )

सुबोध खरे
Tue, 08/11/2015 - 11:36 नवीन
मुळीच नाही केवळ चार वेळेस संभोग करायला मिळेल म्हणून कोणी यात पडेल असे नाही. त्यातून उघड्यावर असा संभोग करायला किती लोक तयार होतील? तेवढे सोडा हो. रस्त्यावर नागवे जाण्याची किती लोकांची इच्छा होईल? आणी येथे प्रवेश मिळवण्यासाठी आपला चेहरा आणी शरीर यष्टी तशी असावी लागते. येरागबाळ्याचे काम नव्हे. उघड्यावर शौचाला बसण्याचीच सर्वाना लाज वाटते तर संभोग करायला कसे कोण तयार होईल. काहीच्या काही प्रतिसाद
↩ प्रतिसाद: कहर

नाखु
Tue, 08/11/2015 - 12:28 नवीन
योग्य प्रतीवाद! ज्यांनी "बो डेरेक"चा १० हा सिनेमा पाहीला असेल (सन १९७९ ला आलेला) त्यांना फक्त पडद्यावरची हिरवीण त्या कपड्यात पाहाय्ची होती किमान सोत्ताची बाईल त्या कपड्यात पाहाय्ची आज तरी तयारी असेल का !!!! खरे खुरे उत्तर स्वतः शोधा मग बाकीचे आहेच गाव गप्पा!!
↩ प्रतिसाद: सुबोध खरे

कहर
Tue, 08/11/2015 - 14:35 नवीन
रस्त्यावर नागवे जाण्याची किती लोकांची इच्छा होईल
रस्त्यावर नाही जाता येणार पण जिथे नागडेच व्हावे लागते असे न्यूड बीच अस्तित्वात आहेतच की. आणि आश्चर्य म्हणजे प्रचंड गर्दी सुद्धा असते तेथे. तिथे नाही लोकांना लाज वाटत " When in Rome, Do as the Romans do" . शिवाय right to bare साठी खुद्द स्त्रियांचा लढा चालू आहे. प्रत्येकाला वाटते देशाचे पंतप्रधान व्हावे पण होता येत नाही हि गोष्ट वेगळी अशा काहीश्या अर्थाने असावे.
↩ प्रतिसाद: सुबोध खरे

मदनबाण
Tue, 08/11/2015 - 12:45 नवीन
मिपावरचे या विषया संबंधीचा एक धागा :- http://www.misalpav.com/node/20247 बाकी, पॉर्न इंडस्ट्री मधील व्हिडीयो बद्धल चर्चा होते, पण त्यामागची लैंगिक उत्पिडन्,क्रौर्य तसेच ड्रग्स आणि विकॄती या बद्धल जास्त बोलले जात नाही ! मला आठवतय त्याप्रमाणे युएस पॉर्न इंडस्ट्रीने मागच्या रिसेशनच्यावेळी {२००९ } बेल आउट पॅकेज सुद्धा मागितले होते ! ;) मदनबाण..... आजची स्वाक्षरी :- तुझे जीवन की डोर से बाँध लिया है... :- Asli Naqli

प्रसाद गोडबोले
Tue, 08/11/2015 - 12:53 नवीन
एकुणच १) बहुतांश लोकांन्नी नितांत सुंदर असे पोर्न चित्रपट पाहिलेले दिसत नाहीयेत ! २) पॉर्न हे केवळ पुरुषांसाठी बनवले जाते , केवळ पुरुषांन्नाच त्यातुन आनंद मिळतो . असे काही जणांचे मत दिसत आहे . ३) पॉर्न पाहुन लोकांना इन्फेरियॉरिटी कॉम्प्लेक्ष येतो ( हे बर्‍याचांशी खरे आहे , पण असा कॉम्प्लेक्ष येणारे लोक खर्‍या अर्थाने प्रौढ झालेलेच नसतात हे ही तितकेच खरे ) ४)पॉर्न मधे इमोशन्स नसतात असे जे काही मत आहे ते ही काहीच्या काही आहे , इन्टिमेट रिलेशन मधील शृंगाराचे चित्रण न पाहिलेले लोकच असे काहीतरी विधान करु शकतात. ५)चाईल्ड पोर्नोग्राफी हा नक्कीच विकृत प्रकार आहे त्यावर १००% बंदी असायलाच हवी ! पण म्युच्युअल कन्सेंट ने केलेल्या पोर्न वर बंदी आणणे ही तर सरळ सरळ स्वमतंध दांभिकता आहे ! ६) भारतात बहुतांशलोक प्रौढ होतच नाहीत , ०-१८ वयोगटातुन डायरेक्ट ६० + ह्या वयोगटात उडी मारतात त्यामुळेच ह्या असल्या पॉर्नबंदी सारख्या मुर्ख प्रकारांचे पीक येत आहे ! ७) डिक्लेरेशन मधे म्हणल्या प्रमाणे We hold these truths to be self-evident, that all men are created equal, that they are endowed by their Creator with certain unalienable Rights, that among these are Life, Liberty and the pursuit of Happiness. लोकांच्या पर्स्युट ऑफ हॅप्पीनेस वर गदा आणणारे सरकार जास्त काळ टिकुन राहु शकेल असे वाटत नाही . ( अर्थात सरकारने कालच पोर्न वर बंदी घालता येणार नाही असे क्लीयर केले आहे :) ) असो . (संपादित)

द-बाहुबली
Tue, 08/11/2015 - 17:11 नवीन
एकुणच
१) बहुतांश लोकांन्नी नितांत सुंदर असे पोर्न चित्रपट पाहिलेले दिसत नाहीयेत !
सयटीवर नितांत सुंदर पोर्न असतातच असे नाही. (मी पॉर्न स्टार्सबाबत बोलत नाहीये).
२) पॉर्न हे केवळ पुरुषांसाठी बनवले जाते , केवळ पुरुषांन्नाच त्यातुन आनंद मिळतो . असे काही जणांचे मत दिसत आहे .
जाउद्याना ? कधी तरी प्रतिसादाची गल्ली चुकते... नको तिथे प्रकाशीत होतो. वरील वाक्य त्याचे उत्तम उदाहरण आहे. ते वाक्य संपुर्ण मिपाकरांसाठी नक्किच नाही असे मझे ठाम मत आहे.
३) पॉर्न पाहुन लोकांना इन्फेरियॉरिटी कॉम्प्लेक्ष येतो ( हे बर्‍याचांशी खरे आहे , पण असा कॉम्प्लेक्ष येणारे लोक खर्‍या अर्थाने प्रौढ झालेलेच नसतात हे ही तितकेच खरे )
पॉर्न सोडा.. साधे प्रऊढांसाठीचे चित्रपटही (अगदी ए लिस्ट हिरोहिरवीन असलेले सुध्दा) कामक्रियेबाबत भलतेच गैरसमज अप्रौढ डोक्यात निर्माण करतात हे वास्तव आहे.
४)पॉर्न मधे इमोशन्स नसतात असे जे काही मत आहे ते ही काहीच्या काही आहे , इन्टिमेट रिलेशन मधील शृंगाराचे चित्रण न पाहिलेले लोकच असे काहीतरी विधान करु शकतात.
:) सहमत.
५)चाईल्ड पोर्नोग्राफी हा नक्कीच विकृत प्रकार आहे त्यावर १००% बंदी असायलाच हवी ! पण म्युच्युअल कन्सेंट ने केलेल्या पोर्न वर बंदी आणणे ही तर सरळ सरळ स्वमतंध दांभिकता आहे !
चाईल्ड पोर्नोग्राफी हे नुसते नाव वाचुन वा ऐकुनच शिसारी येते.
६) भारतात बहुतांशलोक प्रौढ होतच नाहीत , ०-१८ वयोगटातुन डायरेक्ट ६० + ह्या वयोगटात उडी मारतात त्यामुळेच ह्या असल्या पॉर्नबंदी सारख्या मुर्ख प्रकारांचे पीक येत आहे !
तरीही प्रॉब्लेम ० ते १८ वयोगट वालेच निर्माण करतात हे वास्तव आहे.
७) डिक्लेरेशन मधे म्हणल्या प्रमाणे We hold these truths to be self-evident, that all men are created equal, that they are endowed by their Creator with certain unalienable Rights, that among these are Life, Liberty and the pursuit of Happiness. लोकांच्या पर्स्युट ऑफ हॅप्पीनेस वर गदा आणणारे सरकार जास्त काळ टिकुन राहु शकेल असे वाटत नाही . ( अर्थात सरकारने कालच पोर्न वर बंदी घालता येणार नाही असे क्लीयर केले आहे :) )
:)
असो .
नक्किच.
(संपादित)
जे ब्बात.
↩ प्रतिसाद: प्रसाद गोडबोले

ट्रेड मार्क
Wed, 08/12/2015 - 01:17 नवीन
हा प्रतिसाद आपण कुत्सितपणे (sarcastic) दिलाय का? पॉर्नमध्ये पण वेगवेगळ्या पातळ्या असतात हे आपणास माहित नाही का? ज्या ८००-९०० sites वर बंदी घातली होती त्या विकृत किंवा लहान मुलांशी संबंधित चित्रफिती दाखवत म्हणून होती. तसं पण hardcore पॉर्न बघून आनंद मिळणारे विकृतच म्हणायला पाहिजेत. बहुतांशी Hollywood चित्रपटांमध्ये soft पॉर्न असतं जे बघायला काही हरकत नसावी. कारण ज्या emotions बद्दल तुम्ही लिहिताय त्या अश्या चित्रपटांमध्ये असतात. मुख्य म्हणजे गोष्टीच्या संदर्भात एखादा असा scene आला तर फारसं काही विचित्र वाटत नाही. पण जे hardcore पॉर्न असतं त्यात म्हणजे बाकी काही नाही फक्त २/३/४ पुरुष व स्त्रिया समोरासमोर येतात आणि चालू होतात. कोण कोणाशी कुठे कसं काय करतोय/ करतीये ह्याचा पत्ताच नसतो. पण विकृतीतून आनंद मिळवणारे पण काही कमी लोक्स नाहीत. पण सगळ्यांची सगळी विकृती शामवलीच पाहिजे असं पण नाही ना?
↩ प्रतिसाद: प्रसाद गोडबोले

प्रसाद गोडबोले
Wed, 08/12/2015 - 13:50 नवीन
नितांतसुंदर पॉर्न!!! हा प्रतिसाद आपण कुत्सितपणे (sarcastic) दिलाय का? >>> माझा प्रतिसाद कुत्सित पणे दिलेला नव्हता पण आता खवट प्रश्ण विचारतो : तुम्ही एकतरी नितांत सुंदर प्रणयाचे चित्रण असलेला नीलचित्रपट पाहिला आहे काय ? हे घ्या लिस्ट : धिस साईड ऑफ पॅराडाईज सबमिशन ऑफ एम्मा मार्क्स सन डे आफ्टर्नुन स्पॅनिश गार्डन अ डे टु रिमेम्बर अ लव्ह स्टोरी द गर्ल विथ अ टर्कॉईज फ्लॉवर Image removed. असो . उगाच अभ्यास न करता विकृती विकृती म्हणुन दंगा करण्यात काय अर्थ आहे ? की आपणही #स्वमतांध_दांभिक आहात ?
↩ प्रतिसाद: ट्रेड मार्क

ट्रेड मार्क
Wed, 08/12/2015 - 20:44 नवीन
महाराज, तुमची परत गफलत होते आहे. इथे कोणीही इंग्रजी चित्रपटातल्या संभोग दृष्यांविषयी फारसं बोलत नाहीये. मुळात सगळे इंग्रजी चित्रपट पोर्नोग्राफिक असतात असा आपला (गैर) समज आहे का? पॉर्न फिल्म्स ही एक पूर्णपणे वेगळी category आहे, ज्यात कुठलीही गोष्ट (story) नसते. बाकी इतर प्रतिसादात म्हणल्याप्रमाणे नुसतेच २/४ लोक्स एकत्र होतात आणि सरळ सरळ संभोग चालू होतो. यात फक्त penetration ला महत्व असते आणि बाकी काही, म्हणजे चुंबन, मिठी, जोडीदाराच्या शरीराला (हाताने) स्पर्श करणे, संवाद ई ई काही होत नाही. थोडक्यात ज्याला foreplay म्हणतात तो नसतो आणि फक्त संभोग असतो. आपण जे चित्रपट दिलेले आहेत त्यात हि प्रणय/ संभोग दृश्ये नक्कीच असतील पण विकृत संभोग दृश्ये नसतील. मला वाटतंय की मी समजवायचा प्रयत्न केलाय. तुम्हाला कळलं ठीक नाही तर सोडून द्या. ==उगाच अभ्यास न करता विकृती विकृती म्हणुन दंगा करण्यात काय अर्थ आहे ? की आपणही #स्वमतांध_दांभिक आहात ?== या वाक्याकडे सरळ सरळ दुर्लक्ष करण्यात येत आहे.
↩ प्रतिसाद: प्रसाद गोडबोले

कहर
गुरुवार, 08/13/2015 - 09:13 नवीन
पॉर्न फिल्म्स ही एक पूर्णपणे वेगळी category आहे, ज्यात कुठलीही गोष्ट (story) नसते
समुद्री चाचे (Budget : $ १०,००,०००) आणि समुद्री चाचे भाग २ : स्टेगनेटीचा बदला (Budget : $ ८०,००,०००)हे दोन नीलसिनेमे पहा. नट, नट्या, कॉमेडी, एक्शन (रोमान्स/प्रणय वेगळा सांगायला नको ) कथा, पार्श्वसंगीत, ग्राफिक्स असे एखाद्या Hollywood चित्रपटातील सर्व मसाला आहे FYI नितांत सुंदरतेचा चाहता कहर
↩ प्रतिसाद: ट्रेड मार्क

प्रसाद गोडबोले
गुरुवार, 08/13/2015 - 13:06 नवीन
हेच
पॉर्न फिल्म्स ही एक पूर्णपणे वेगळी category आहे, ज्यात कुठलीही गोष्ट (story) नसते.
ह्या विधानावरुन ट्रेडमार्क ह्यांच्या अपुर्‍या अभ्यासाची खात्री पटली ! असो. पॉर्न आणि इरॉटिका ह्यातील फरक आम्ही व्यवस्थीत जाणतो , आम्हाला नितांत सुंदर 'पॉर्न'च म्हणायचे होते , वरील चित्रपट पाहुन ट्रेडमार्क ह्यांन्नी त्यांचे मत बनवावे . आणि मुळ विषयाच्या संदर्भाने च आमचा प्रतिसाद होता : पॉर्नविषयीच्या स्वमतांध दांभिकते मुळेच अज्ञानी लोकांन्नी त्यावर बंदी आणली , जी की पुर्ण चुक आहे .
↩ प्रतिसाद: कहर

ट्रेड मार्क
गुरुवार, 08/13/2015 - 22:25 नवीन
तुमच्या या विषयातल्या अगाध ज्ञानाची आम्हाला खात्री पटलेली आहे. पण इथे विषय मी जे विकृत पॉर्न समजतो अश्या चित्रपटांविषयी चालू आहे कारण ज्या सायटी बंद झाल्या होत्या त्यामध्ये विकृत संभोग दाखवलेले होते उदा. लहान मुलांबरोबर, प्राण्यांबरोबर व मानवी अनैसर्गिक संभोग ई ई. तुम्ही वर उल्लेखलेले चित्रपट सुद्धा त्या सायटींवर असू शकतात पण ते चित्रपट बंदी आणण्यास कारण ठरलेले नाहीत. जाउदे मी काय तुम्हाला सांगणार या विषयात। तुम्ही तर सर्व जाणताच!
↩ प्रतिसाद: प्रसाद गोडबोले

ट्रेड मार्क
Wed, 08/12/2015 - 23:16 नवीन
मला दोन्ही मधला फरक नक्की माहिती आहे. प्रगो नी जी यादी दिलेली आहे तो Erotica प्रकारात मोडत असेल (मी दिलेल्या यादीतला एकही चित्रपट पहिलेला नाही त्यामुळे नक्की माहित नाही). पण ते ज्या प्रकारे वर्णन करत आहेत त्यावरून तरी मला वाटते की हे Erotica प्रकारातले आहेत. या प्रकारचे चित्रपट (Erotica) बऱ्याच संस्थळांवर फुकट किंवा विकत मिळतात, ज्यामध्ये हलका फुलका प्रणय असतो, काहींमध्ये संभोग दृश्ये पण असू शकतात जी कलात्मकरीत्या दाखवलेली असतात. वयात आलेल्या मुलामुलींनी या प्रकारातले चित्रपट बघायला काही हरकत नसावी. पण पॉर्न मध्ये प्रणय नसून फक्त संभोग असतो आणि तो पण अनैसर्गिक असू शकतो (जे X rating वर अवलंबून असते). आणि मला अजूनही असं वाटतंय की या धाग्यावर चर्चा चालली आहे ती आणि जी बंदी घातली होती ती पॉर्न प्रकारच्या चित्रपटांवर (videos वर) आहे. चुभूद्याघ्या
↩ प्रतिसाद: संदीप डांगे

संदीप डांगे
गुरुवार, 08/13/2015 - 00:34 नवीन
ट्रेड मार्क, माझा प्रश्न तुम्हाला नसून प्रगोंना होता. तुमच्या प्रतिसादाखाली आला म्हणून गैरसमज झाला असावा. तरीही तुम्ही जे लिहिलंय ते योग्यच आहे. पोर्न आणि इरोटीका ह्या अगदी दोन वेगवेगळ्या संकल्पना आहेत. प्रगो जे वर्णन करतायत ते इरोटिकाचंच आहे. सुबोधजींनीही ज्या वैद्यकिय उपचारांसाठी पोर्नची मदत घेतात असे सांगितले आहे तेही बहुधा इरोटिकाच असलं पाहिजे. पोर्नचं आवड/व्यसन ही विकृतीच म्हटली पाहिजे. पण इरोटिकाबद्दल तसं नाही. असो. इंग्रजी सिनेमा म्हटला की त्यात सेक्सच असणार अशी धारणा असायची पूर्वी. तशीच सेक्स असलेली कोणतीही फिल्म म्हणजे पोर्नच अशीही बर्‍याच लोकांची संकल्पना असेल कदाचित. या चर्चेत आपण नक्की कशाचं समर्थन किंवा विरोध करतोय हे सर्व माननीय सदस्यांनी प्रथम निश्चित करावे. (मागे एकदा एका चेपू मित्राने फारच मार्मिक प्रश्न विचारला होता. 'जर पोर्न फिल्मचा उपयोग फक्त ५-१० मिनिट असतो तर त्या तास-तासभराच्या का असतात?'. मला वाटतं या प्रश्नातच पोर्न ही विकृती का समजली पाहिजे याचे उत्तर आहे.)
↩ प्रतिसाद: ट्रेड मार्क

कहर
Wed, 08/12/2015 - 14:23 नवीन
कोण कोणाशी कुठे कसं काय करतोय/ करतीये ह्याचा पत्ताच नसतो.
अमान्य कितीतरी प्रचंड कॉमेडी (मूळ हेतुसाहित ) मनोरंजन करणारे विडंबन (parody ) नीलचित्रपट उपलब्ध आहेत. कोण काय पहातो आणि कोणत्या नजरेने याच्यावर सुंदरता आणि अश्लीलता अवलंबून असते.
↩ प्रतिसाद: ट्रेड मार्क

ट्रेड मार्क
Wed, 08/12/2015 - 20:56 नवीन
आपण X, २X, ३X… ई ई बद्दल ऐकले आहे का? आपण ज्या type च्या चित्रपटांचा उल्लेख करताय ते X (१X) यात मोडणारे आहेत. कधी संधी मिळाली तर ३X किवा त्या पुढचे पण बघा म्हणजे फरक कळेल. थोडे जास्त स्पष्टीकरण वर दिलेले आहे. अनैसर्गिक संभोग, मनुष्य बरोबर किंवा प्राण्यांबरोबर करायला/ बघायला आवडणारे पण बरेच आहेत. मग त्यांच्या नजरेतून ते सुंदरच बघत असतात. प्रश्न हा आहे की, कोवळ्या मुलांनी अश्या फिल्म्स बघितल्या तर त्यांना हे नैसर्गिक वाटू शकते, हे आपल्याला चालेल का? जर अश्या सायटी, ज्यात अनैसर्गिक दाखवतात, अश्या बंद केल्या तर जनसामान्यांची काय हरकत असावी? बाकी अनैसर्गिक दाखवण्यासाठी पैसे देवून बघायची सोय ठेवावी. अती-आंबटशौकीनाना तशी सोय करून द्यावी. म्हणजे लहान मुलाना तरी फ्री access राहणार नाही.
↩ प्रतिसाद: कहर

कहर
गुरुवार, 08/13/2015 - 09:22 नवीन
३क्ष (क्ष क्ष क्ष ) विडंबन पण असतात राव (शोध म्हणजे सापडेल). उदा. करवत विडंबन (SAW Parody) पोर्न भाग सोडला तरी हसून हसून मुरकुंडी वळते. ब्याटमन क्ष क्ष क्ष, This isnt Xmen, This isnt Herculis इ इ अशी किती उदाहरणे देऊ. म्हणून म्हणले सुंदरता पहायची नजर हवी
↩ प्रतिसाद: ट्रेड मार्क

कहर
गुरुवार, 08/13/2015 - 09:34 नवीन
एखादा गायक जेव्हा गात असतो तेव्हा काही लोक त्याच्या कलेचा आस्वाद घेतात हि सुंदरता आणि काही लोक तो कुठे चुकतोय का याकडे लक्ष ठेऊन असतात हि खरी विकृती (किंवा काही ठिकाणी अश्लीलता). दादा कोंडकेंना विनोदाचा बादशाह म्हणून डोक्यावर घेणारा वर्ग आहे तसा कमरेखालचे द्वयर्थी विनोद करणारा म्हणून नाव ठेवणारा वर्ग आहेच कि काही लोक शेणाला पाहून नाक मुरडतात घाण म्हणतात काही त्याच्या गोवऱ्या करून वापरतात काही त्याचे खत बनवून सुंदर बगीचे फुलवतात. जिथे इतरांना संभोग दिसला तिथे वात्सायन ऋषीना शास्त्र दिसले. खजुराहो घडवणाऱ्याना शिल्प कलेची प्रेरणा दिसली. आपण कशात काय पहातो ते महत्वाचे म्हणून दादा कोंडके यांचे वाक्य आहे "अश्लीलता पाहणाऱ्याच्या नजरेत असते"
↩ प्रतिसाद: ट्रेड मार्क

सस्नेह
गुरुवार, 08/13/2015 - 10:52 नवीन
मला वाटतं चर्चाविषय 'पॉर्न ही कलाकृती आहे का' हा नसून 'पॉर्नवर बंदी योग्य की अयोग्य' हा आहे. ..तसेही, पोर्न हे थंड शिळ्या कढीला इन्स्टंट ऊत आणण्याचे औजार आहे. उस्फूर्त शृंगाराला कढ 'आणण्याची' गरज नसते. न-वयात त्याचा वापर अनैसर्गिकच !
↩ प्रतिसाद: कहर

प्रसाद गोडबोले
गुरुवार, 08/13/2015 - 13:22 नवीन
मला वाटतं चर्चाविषय 'पॉर्न ही कलाकृती आहे का' हा नसून 'पॉर्नवर बंदी योग्य की अयोग्य' हा आहे.
पॉर्न मध्ये नक्कीच काही अंशीतरी कलाकृती असुन सरसकट सर्वांवर बंदी आणणे अयोग्यच आहे . उस्फूर्त शृंगाराला कढ 'आणण्याची' गरज नसते. हे अगदी मान्यच आहे मात्र शृंगार ही सुध्दा एक कला आहे , जी प्रत्येकात उपजत असतेच , पण त्या कलेत प्रभुत्व मिळवायला बाहेरुन मार्गदर्शन मिळत असेल तर काय हरकत आहे ? कामसुत्राचा मुळ उद्देश तोच आहे , आणि आपण हेही लक्षात घेवु की कामसुत्र हा एकमेव ग्रंथ नसुन अन्य देशात अन्य भाषात अनेक ग्रंथ उपलब्ध आहेत ! आता काळा सोबत माध्यमे बदलत गेली आणि पुस्तकांच्या जागी ऑडियो व्हिजुअल माध्यमे आली . तत्वाच्या लेव्हलला दोन्हीही सारखेच ! म्हणुनच पॉर्नवर बंदी अयोग्यच आहे , अगदीच इच्छा असल्यास सरकारने अ‍ॅडल्ट फिल्म रेग्युलेटरी बोर्ड स्थापन करावा आणि पॉर्न चित्रपटांचे व्यवस्थित सेन्सॉरिंग करुन मगच प्रदशनाला परवानगी द्यावी !
↩ प्रतिसाद: सस्नेह

कहर
गुरुवार, 08/13/2015 - 14:26 नवीन
अगदी सहमत. आमचे मुद्दे पोर्न वर बंदी योग्य कारण त्यात पाहण्यासारखे काही नाही असे म्हणणाऱ्यासाठी आहेत . बंदी अयोग्य आहे. कोण कोणत्या दृष्टीने काय पहाते हा ज्याचा त्याचा प्रश्न आहे
↩ प्रतिसाद: प्रसाद गोडबोले

सुबोध खरे
Fri, 08/14/2015 - 11:38 नवीन
पॉर्न वर संपूर्ण बंदी आणणे हे दारूबंदी केल्यासारखे आहे. १०० % खात्री कि ती( बंदी) अयशस्वी होईल. त्यातून भ्रष्टाचार आणि काळा बाजाराला आमंत्रण देण्यासाखे आहे. नैसर्गिक उर्मी कितीही दाबली तरी ती वर उसळते तेंव्हा त्याला शिष्ट संमत मार्ग दाखवणे हे आवश्यक आहे. पॉर्न हे अनावश्यकच आहे हा मुद्दा निस्संदिग्ध नाही. ज्याला कामसुख नियमित मिळते त्याने भुकेल्या माणसाच्या भुकेची थट्टा केल्यासारखे आहे. माझा डॉक्टर मित्र सलग ६ महिने सियाचेन ला अतिउन्चीवर होता. सर्वसाधारणपणे तेथे ३ महिन्यांपेक्षा जास्त कोणाला ठेवत नाहीत. परंतु त्याच्या जागी येणारा दुसरा डॉक्टर बेस कॅम्प वर आजारी पडला( cardiac arrythmia-हृदयाचे ठोके अनियमित झाले) त्यामुळे त्याची जागा घेणारा दुसरा डॉक्टर येई पर्यंत त्याला तेथे राहणे भाग होते. अशा अतिउंच जागी वीज सुद्धा नाही. जवळच्या ५०० किमी मध्ये एकहि स्त्री नाही. सहा महिने कोणत्याही वयाच्या स्त्रीचे दर्शन सुद्धा नाही. अशा असामान्य परिस्थितीत त्याने सांगितले कि पर्वताची बाजूबाजूला असलेली बर्फाच्छादित शिखरे स्त्रीच्या स्तनांसारखी दिसू लागतात. अशा माणसाला तुम्ही काय तुकारामाची गाथा कि दासबोध वाचायला सांगणार? चावट पुस्तके आणि साहित्य हाच एक त्यांच्या भावनांचा निचरा होण्यासाठी उपाय आहे. मग तुम्ही त्याला अश्लील म्हणा अथवा नाही. सहा महिने तीच तीच पुस्तके पाहणे किंवा वाचणे हि गोष्ट सुद्धा कठीण असते. ( विक्रांत वर मैने प्यार किया आणि चालबाज या सिनेमांची शतकि प्रदर्शने झाली होती.होत्या त्याच व्हिडियो फिल्मस (तीस चाळीस होत्या) परत परत पहिल्या जात. महिनोन्महिने समुद्रावर राहिल्यावर काय करणार? तिथे निदान व्हिडियो तरी होता. काही महिन्यानी कोणीतरी "सावन के गीत" म्हणून पावसात भिजलेल्या नायिकांची गाणी असलेली कॅसेट ( काटे नाही कटते दिन ये रात, मंदाकीनीचे राम तेरी गंगा मैली मधील गाणे) आणली. ती तर रात्रंदिवस वापरून झिजून गेली असावी) बरं अधिकारी वर्ग या गोष्टी सैनिकांशी बोलू शकत नाही . जेवढे "आदानप्रदान" होणार तेवढे त्यांच्या पातळीवरच. तेंव्हा पॉर्न हे अनैसर्गिक आहे त्यावर संपूर्ण बंदी असावी हे बरोबर नाही. म्हणून मी परत तेच म्हणतो अनैसर्गिक पॉर्न( बालकांबरोबर संभोग, बलात्कार,प्राण्यांबरोबर संभोग इ ज्यात दुसर्या व्यक्तीची संमती नाही) बाळगणे,पुढे पाठवणे किंवा त्याचे सार्वजनिक प्रदर्शन करणे यावर बंदी घालणे आवश्यक आहे. हा गुन्हा असेल तर लोक अनैसर्गिक गोष्टी करू धजणार नाहीत.पण त्यासाठी नैसर्गिक गोष्टी उपलब्ध असणे हि तितकेच आवश्यक आहे.
↩ प्रतिसाद: कहर

मुक्त विहारि
Tue, 08/11/2015 - 12:53 नवीन
मुळात मानवी भावना ९ रसांशी सतत निगडीत असतात. १. हास्य रस २. अद्भूत रस ३. शांत रस ४. रौद्र रस ५. वीर रस ६. करूणा रस ७. भयंकर रस ८. बीभत्स रस आणि ९. श्रृंगार आहारात जसे आपण सगळेच रस आलटून-पालटून वापरतो तसेच ह्या रसांचे पण आहे. आहारात पण एखाद्याला गोड आवडते तर एखाद्याला तिखट, कुणाला आंबट-गोड. तसेच ह्या नव-रसांच्या बाबतीत पण व्हायला हवे.विशेषतः "श्रृंगार-रसाच्या" बाबतीत. कारण इतर ८ रसांपेक्षा, श्रृंगार रस जास्त प्रमाणात मनावर मोहिनी घालतो. पण हा रस माणसांच्या जीनात प्रवेश करतो तोच मुळी पौंगडावस्थेत आणि तो पण अतिशय चुकीच्या मार्गांनी (सिनेमा, जाहीराती,निळे-पिवळे साहित्य आणि मित्र) आधीच्या पिढीत इतक्या विपूल प्रमाणत हे साहित्य उपलब्ध न्हवते, पण आमच्या पिढीत १९८२-१९८३ नंतर रंगीत दूरदर्शन संच आले आणि गावोगावी व्हिडिओ पार्लर सुरु झाले. ३-४ रुपयात हिंदी सिनेमे बघण्यापेक्षा ५/- रुपयात निळे सिनेमे बघण्याचे प्रेक्षकांचे प्रमाण वाढले. सुरुवातीला मुंबई-पुणे इतपतच मर्यादीत असलेले हे क्षेत्र पुढे गावो-गावी पसरले कारण, १. कमी पैशात गुंतवणूक २. हमखास येणारा प्रेक्षक वर्ग (कारण दर-वेळी नवे सिनेमे, रोज ६-७ शोज, कधी-कधी १५-१६...होय ही सत्य घटना आहे...ठाणे-मुलुंड भागात सकाळी ८ ते रात्री १२ वाजेपर्यंत हे शोज चालत असत.) ३. कमी टॅक्स. ४. प्रचंड नफा (एक लाखाचा परतावा, जास्तीत जास्त ५ ते ६ महिन्यात, पुढे फक्त टांकसाळ) १९९२ नंतर भारतात इंटरनेटचा वापर बर्‍यापैकी वाढला आणि २००० नंतर तो अक्षरशः फोफावला. युट्युब, टोरांट मुळे घरबसल्या हवा तो कार्यक्रम, आपल्याला हव्या त्या वेळेला, पहायला मिळाला लागला.चांगल्या बरोबर वाईट पण येते,(अणू उर्जे बरोबर अणू बाँब, डायनामाईट===> खडक फोडायला आणि शत्रू सैनिक मारायला) ह्या नियमानुसार, युट्युब आणि टोरांटच्या बरोबर निळ्या सिनेमांचे पण आगमन झाले. आज १९८३च्या जमान्यात व्हिडिओ पार्लर मध्ये निळे सिनेमे बघणारा प्रेक्षक-वर्ग घरी पण तेच सिनेमे बघतो. आता तुम्हीच सांगा घरोघरी बाप आणि मुलगा, निळे सिनेमे बघत असेल तर कायदा कितपत आळा घालणार? आणि मुळात निळे सिनेमे का करायला लागतात? खरे तर, ज्या देशात वात्सायनाने "काम-शास्त्र" हा उत्तम ग्रंथ लिहिला आणि ज्या देशांत "खजुराहो" सारख्या उत्तम शृंगारीक मुर्ती घडवल्या गेल्या, त्या देशातील समाज एका उत्तम नीती-चारित्र्याचा, घडायला हवा होता. पण असे झाले नाही. एकतर परकीय आक्रमण आणि त्यांनी केलेली स्त्रियांची विटंबना आणि त्यांनी स्त्रियांना दिलेली दुय्यम वागणूक. स्त्रीला उपभोग्य वस्तू समजायचे, तिच्या मताला-भावनांना किंमत द्यायची नाही, हे समाजमनावर ठसवल्या गेले.अद्यापही भारतीय समाज ह्या समजातून १००% बाहेर पडलेला नाही. आणि दुसरे कारण म्हणजे, पौगंडावस्थेत मुला-मुलांची होत असलेली शृंगार-रसाच्या बाबतीतील कुचंबणा. वयात येतांना पुरुषांना जशी स्त्री शरीराची ओढ असते (शारीरीक लगट), तशीच स्त्रीयांना पण कुणीतरी त्यांच्या भावना समजून घेणारा, त्यांना मित्र म्हणून हवाच असतो.(भावनीक ओढ) ज्या मुलांना स्त्री मैत्रीण मिळत नाही किंवा ज्यांची वासना जास्त असते, असे पुरुष साहजीकच वेश्यांकडे आणि ते पण नाहीच जमले तर निळे सिनेमे बघण्याकडे वळतात. वेश्या व्यवसाय ही जशी अशा (श्रूंगार-रसाच्या अधिन झालेल्या) पुरुषांसाठी आवश्यक बाब आहे, तितकीच आवश्यकता अशा पुरुषांसाठी, ह्या निळ्या सिनेमांबाबत आहे. आधी उल्लेख केल्या प्रमाणे, कुणाला कुठला रस जास्त आवडेल ते सांगता येत नाही. खजुराहो आणि कामशास्त्राने, जर ह्या भारतीय समाजमानावर परीणाम होत नसेल, तर ह्या निळ्या-पिवळ्या साहित्याने पण नक्कीच होणार नाही. उगाच निळ्या-पिवळ्या साहित्याला दोष देण्यापेक्षा, स्त्रियांचा आदर करण्याची शिकवण, ह्या समाजाला देण्याची जास्त गरज आहे. मला असा समाज बघायला आवडेल, की जो..... १. एकटी स्त्री दिसली तरी एखादी झुंड तिच्यामागे लागणार नाही. (कुवैतमधल्या फाइल नावाच्या उपनगरात, कंपनीच्या गाडीमधून स्वतः बघीतलेले द्रूष्य.(ह्या स्वानुभवर कथा टाकणार नाही.कट्ट्याला मात्र नक्कीच सांगीन.) कुवैत मध्ये निळ्या सिनेमांना बंदी आहे.इतकेच कशाला, सिनेमांमधील चुंबन द्रूष्याला पण बंदी आहे.) २. तिच्या असहाय्यतेचा फायदा घेवून तिला आर्थिक दृष्ट्या लुबाडणार नाही. इथल्या द्रौपदीला वस्त्रे देण्याची वेळ, श्रीकृष्णावर परत येवू नये आणि घरोघरी रावण जन्माला येवू नये, ही पालक म्हणून आपलीच जबाबदारी आहे.

सस्नेह
Tue, 08/11/2015 - 13:09 नवीन
इथल्या द्रौपदीला वस्त्रे देण्याची वेळ, श्रीकृष्णावर परत येवू नये आणि घरोघरी रावण जन्माला येवू नये, ही पालक म्हणून आपलीच जबाबदारी आहे.
अगदी अगदी !!! समाजमन सुदृढ असेल तर पोर्नचा पाचोळा वरच्यावर उडून जाईल ! .....तरीसुद्धा काही बंधने कायद्याने हवीतच, नाहीतर विकृती फैलावण्याला वेळ लागणार नाही.
↩ प्रतिसाद: मुक्त विहारि

नाखु
Tue, 08/11/2015 - 15:44 नवीन
समाजमान्य संकेत(याची ढोबळ व्याख्या नसणे) ,योग्य वेळी नेमकी आणि शास्त्रशुद्ध माहीती तीही विश्वासार्ह व्यक्तीं कडून, (वयाच्या वेगवेगळ्या टप्प्यांवर ) हा एक उपाय असू शकतो ! चर्चा योग्य मार्गक्रमण करीत आहे!!
↩ प्रतिसाद: सस्नेह

कपिलमुनी
Tue, 08/11/2015 - 16:09 नवीन
१.पॉर्न बघताना किंवा लीगल ठरवताना त्यामध्ये काम करणार्‍यांच्यावर अन्याय होत आहे हा मुद्दा दुर्लक्षला जातोय . मागणी वाढेल तसा पुरवठा वाढेल आणि त्यामुळे शोषण वाढेल . अजूनही बरेच स्त्री पुरूष बळजबरीने हे काम करतात . २.वाढत्या मागणीने छुप्या कॅमेराने केलेले शूटींगचे प्रमाण वाढते आहे आणि बदनामीमुळे अनेकजण आत्महत्या करत आहेत, लोकांचे संसार उद्ध्वस्त होत आहेत.

ट्रेड मार्क
Wed, 08/12/2015 - 01:57 नवीन
या व्यवसायात असणाऱ्यांची खालील प्रमाणे वर्गवारी करता येईल - १. स्वेच्छेने येणारे - असे मुलं मुली / स्त्री पुरुष कि ज्यांच्या घरी सगळं व्यवस्थित आहे. आई, वडील, भावंडं, पैसा ई ई सर्व पण तरीही काही तरी वेगळं करायचं किंवा अनुभव म्हणून यात भाग घेतात. उदा. लिओन बाई. २. कुठल्या तरी व्यसनामुळे ओढले जाणारे - मादक द्रव्यांच्या आहारी गेल्यामुळे लागणाऱ्या जास्तीच्या पैश्यांची सोय करायला काही पण करायला तयार होतात असे. ३. फसवून ओढले गेलेले - लग्नाचं, नोकरीचं किंवा अजून कसलं आमिष दाखवून वा बलात्कार करून त्याचं चित्रीकरण करून धमकी ई ई ४. छुप्या चित्रीकरणाचे बळी - हॉटेल मध्ये किंवा अजून कुठे जोडप्याच्या खाजगी क्षणांचे केलेले चित्रण जालावर उपलब्ध करून देणे. ५. सिनेसृष्टीत यश न मिळालेले - हिरो किंवा हिरोइन होण्यासाठी घर सोडून येतात आणि मग सावज बनतात. ६. पैसे मिळवण्यासाठी मजबूरीने अथवा छानछोकीसाठी - या श्रेणीत पण बरेच लोक्स आहेत. कॉलेजात जाणार्या बर्याच मुली दुसर्या शहरात राहायला गेल्यावर वरच्या कमाईसाठी हा मार्ग स्वीकारतात. तर काहींना घरच्या परिस्थितीमुळे स्वीकारायला लागतो. इथे परदेशात तर कॉलेजच्या फीया इतक्या आहेत की बर्याच मुली फक्त फी भरण्यासाठी असं काम करतात. यात पहिल्या वर्गातले लोक्स सोडले तर बाकीच्यांचे आयुष्य उध्वस्तच होते. क्रमांक २ च्या लोकांसाठी सापळे तयार आहेतच. सतत वाढत्या मागणीमुळे तेवढाच पुरवठा पण करायला लागतो, मग क्रमांक ३ आणी ४ चे लोक्स वाढतात. ५ बद्दल सगळ्यांनाच माहिती आहे. राच्याकने - लिओन बाईना म्हणे ८ कोटींचं जाहीरातींच काम मिळालंय. ४ दिवस काम आणि ८ कोटी रुपये… नशीब काढलं हो पोरीने ;)
↩ प्रतिसाद: कपिलमुनी

डायवर
Tue, 08/11/2015 - 19:21 नवीन
अविवाहित तरुणांच्या काम जीवनामध्ये पोर्न फार मोलाची भूमिका बजावते. किंबहुना वेश्यागमन आणि पोर्नच ( निलचित्रफिती आणि पिवळी पुस्तके) त्याला 'मोकळं ' होण्यासाठीचे पर्याय म्हणून उपलब्ध असतात. अशा परिस्थितीत त्यावर बंदी घातल्याने 'मोकळं' होणं अजूनच जिकिरीच काम होईल. पर्यायाने मुली व स्त्रियांवरच्या अत्याचाराच्या घटनांमध्ये वाढ होऊ शकते. बंदीचे हे दुष्परिणाम आपण लक्षात घ्यायला हवेत. तसेच ज्या पोर्न साहित्यात नैसर्गिक संभोग दाखवतात त्यात विकृती वाढेल असे काहीच नसते उलटपक्षी असे पोर्न हे तणाव नाशकाचं काम करतं.

कहर
गुरुवार, 08/13/2015 - 10:08 नवीन
हे माहित नसणाऱ्यान्नी आयुष्यभर फक्त पोगो वाहिनी पहाण्यास हरकत नाही ह घ्या
↩ प्रतिसाद: आनन्दा

उदय८२
Tue, 08/11/2015 - 22:49 नवीन
सरकारने घाईघाईत बंदी घातली आणि तितक्याच वेगात काढली. या दरम्यान कोणकोणत्या साईट्सवर बंदी आहे याची 825 नावांची लिस्ट वर्तमानपत्रांनी दिलेली.ज्यांना 10-15 साईट्सची नाव माहीत होती त्यांना आयती 825 नाव उपलब्ध करून दिली. मग फायदा कुणाचा झाला?

नाव आडनाव
Wed, 08/12/2015 - 10:01 नवीन
मग फायदा कुणाचा झाला? इंटरनेट सर्विस प्रोव्हायडर्स चा. खासकरून ३ जी, ४ जी वाले.
↩ प्रतिसाद: उदय८२

तुडतुडी
Wed, 08/12/2015 - 13:49 नवीन
खजुराहो आणि कामशास्त्राने, जर ह्या भारतीय समाजमानावर परीणाम होत नसेल, तर ह्या निळ्या-पिवळ्या साहित्याने पण नक्कीच होणार नाही.>>> खजुराहो आणि कामशास्त्राची आणि हल्लीच्या पोर्न ची तुलना करणाऱ्यांची कीव करावीशी वाटते . 'कामशास्त्र'. नावातच शास्त्र आहे त्याच्या . एवढा तणाव यायचं कारण काय ? दुसरे काही कामधंदे नाहीत का ? पोर्न कितीही बघितलं बघावसं वाटतं . सारखं सारखं तेच बघून जाणीवा बोथट होतात आणि मग अजून वेगळं , फांटसी ,हिंसक बघावसं वाटतं आणि मग ते करून सुधा बघावसं वाटतं त्यामुळे उलट अत्याचाराचं प्रमाण वाढण्याचा धोका आहे . आयला कुठं चाललाय भारतीय समाज ?काही लोक एकवेळच्या अन्न खाण्यासाठी मरतायेत .काही पैशे खाण्यासाठी . काही पोर्न मध्ये बुडून गेलेत . काही ह्या देशाला उध्वस्त कसं करता येईल ह्या प्रयत्नात आहेत . पुन्हा पारतंत्र्य आलं तर आश्चर्य वाटायला नको . लगे रहो . पुढच्या पिढीला आर्थिक सुरक्षितता देण्यासाठी आपण जेवढे प्रयत्न करतो तेवढे सामाजिक , संस्कारी सुरक्षितता देण्यासाठी करत नाही .

संदीप डांगे
गुरुवार, 08/13/2015 - 01:11 नवीन
थोडक्यात सांगतो. कामसूत्र हे विधिवत ड्रायव्हिंगचं मॅन्युअल आहे तर पोर्न हे रॅश, केअरलेस ड्रायव्हिंगचं. टकाभाऊ, कामसूत्र हा सखोल विचार व अभ्यास करून एका विद्वान माणसाने लिहिलेला एक महान ग्रंथ आहे. त्याची बिनडोक पॉर्नफिल्मशी तुलना करू नका ही नम्र इनंती... ;-) ज्या पद्धतीने योगातल्या जास्त महत्त्वाच्या बाबी सारून फक्त फुटकळ आसनांनाच योग म्हणून पाश्चिमात्यांनी डोक्यावर घेतलंय तद्वतच कामसूत्रातल्या फक्त आसनांनाच अतोनात महत्त्व दिलं गेलंय.
↩ प्रतिसाद: टवाळ कार्टा

थॉर माणूस
Wed, 08/12/2015 - 16:54 नवीन
कामशास्त्र की कामसूत्र? जे काही असेल ते मुळात तुम्हीतरी नीट अभ्यासलं आहे का? उगा आपलं दिसला शास्त्र शब्द की झाली प्रागैतिहासीक संस्कृतीची जाज्वल्य अस्मिता जागी... खजुराहो मधली काही शिल्पे पहाल तर फेपरे येईल सो कॉल्ड संस्कृतीरक्षकांना. माणसांपासून प्राण्यांपर्यंत सगळा अभ्यासक्रम कव्हर केलाय त्या शिल्पांमधे. खजुराहोच का, इतर ठिकाणीसुद्धा अशी शिल्पे आहेत. बाकी कामसूत्रामधेसुद्धा काही अशी सुत्रे आहेत जी आजच्या कायद्यात बसणार नाहीत. मग तुमच्या शास्त्रात बसतात म्हणून चालवायची का ती? एकापेक्षा अधिक लग्ने करणारे देव वगैरे मुद्यांकडे जायलाच नको इतक्यात... वर म्हणालेत ते बरोबरच आहे, आपले ते शास्त्र दुसर्‍याचा तो थिल्लरपणा. मुळात पॉर्नबंदी ही संस्कृतीरक्षणासाठी/पिढी वाचवण्यासाठी होती का यावरच मला शंका आहे. ८००+ साईटस बंद करायच्या वर स्वतःच त्यांची यादी प्रसिद्ध होऊ द्यायची, मग बंदीसाठी चाईल्ड पॉर्नोचं कारण द्यायचं (जे योग्य आहे. अशा साईट बंदच करायला हव्यात) आणि तरीही त्यातल्या ७००+ साईट दुसर्‍या दिवशी चालू करून द्यायच्या? नक्की कुणाचा फायदा झाला बरं या सगळ्यात? उगाच गोंधळ उडवून द्यायचा आणि उडालेल्या धुरळ्यात हवा तो कार्यभाग साधून घ्यायचा विचार तर नव्हता यात?
↩ प्रतिसाद: तुडतुडी

संदीप डांगे
गुरुवार, 08/13/2015 - 00:48 नवीन
थॉर माणूस, तुम्ही कामसूत्र वाचले असावे असा प्रतिसादावरून अंदाज बांधत आहे. येऊ द्या की एक झकास परिक्षण्/अभ्यास्/माहितीपर लेख. असो. तुडतुडी ताई/दादा जे म्हणतायत ते काय अगदीच चुकीचं नाही. खरं तर कामसूत्र आणि पोर्नफिल्म्स यांना एकाच तराजूत तोलणार्‍यांना ना कामसूत्र माहीत ना पॉर्न. अगदी हेक्टरच्या आविर्भावात म्हणावंसं वाटतं की यु नो नथिंग अबाउट कामसूत्र , यु नो नथिंग अबाउट पोर्न. पण पण पण... जर कामसूत्रावर भारतीयांना एवढाच अभिमान आहे तर किती भारतीय घरांमधे कामसूत्र आहे? किमान किती भारतीय संस्कृतीप्रेमी लोकांना कामसूत्रात नक्की काय आहे हे तरी माहित आहे? पोर्न ही विकृती आहेच पण संस्कृती असलेलं कामसूत्रही टाळण्याचाच का प्रघात आहे? वरील प्रश्न तुडतुडी ताई/दादा यांना आहेत.
↩ प्रतिसाद: थॉर माणूस

अर्धवटराव
गुरुवार, 08/13/2015 - 01:17 नवीन
पोर्न ही विकृती आहेच पण संस्कृती असलेलं कामसूत्रही टाळण्याचाच का प्रघात आहे?
हा अगदी नेमका प्रश्न आहे. कामसूत्र टाळल्यामुळेच पॉर्न एक "प्रॉब्लेम" म्हणुन समोर येतं असं म्हटलं तरी चालेल. हे थोडंफार प्रत्येक बाबतीत खरं आहे. इमानदारीने भरपूर पैसा कसा कमवायचा याचं शिक्षण नाहि म्हणुन आर्थीक चोर्‍यामार्‍या, आहारशास्त्राचे नियम अगदी चवीष्ट पद्धतीने कसे पाळायचे हे कळत नसल्यामुळे जंकफूड आणि लठ्ठपणा, रिटायर्ड (वानप्रस्थ ;) ) जीवन स्वच्छंदतेने समाजोपयोगी कसं राबवायचं हे माहित नसल्यामुळे वृद्धांच्या पदरी पडणारा अनादर... हे सर्व एकाच पठडीतलं आहे.
↩ प्रतिसाद: संदीप डांगे