आवरताना काल मिळाल्या काही कविता...

आज पुन्हा एकदा चतुरस्त्र प्रतिभा भरभरुन वाहिली आहे ... :)

लिहायचो मी पत्र तुला दररोज पानभर
जपुनी ठेवली ती सारी मी न पाठवता

तुझ्या संगती घालवलेले क्षण सोनेरी
आले नाही कधीच पण ते मज गोठवता

वाह, क्या बात है !!!
अगदी "ह्रॄदयाच्या नाजुक व हळव्या भागातुन" म्हणतात ते ...

खूप ठरवले सारे सारे विसरायाचे
कुणास आले सांगा पहिले प्रेम विसरता?

खल्लास !!!
एकदम टची कविता ....

छोटा डॉन
[ अपने अड्डे पे जरूर आना http://chhota-don.blogspot.com/ ]
बाकी अपनी किसी "गँग" के साथ सेटिंग नही है .....

मस्त कविता. आवडली.

अजून येती डोळ्यांमध्ये अश्रू अवचित
वाट वेगळी करणारा तो क्षण आठवता

कधी एकटा असलो की मी रडून घेतो
सवयीने मग येते आता हुकुमी हसता

ह्या ओळी मस्तच..
--शाल्मली.

खूपच छान.

तुझ्या संगती घालवलेले क्षण सोनेरी
आले नाही कधीच पण ते मज गोठवता

हा क्षण गोठवण्याचा वेडेपणा तरी थांबत नाही.

बिपिन कार्यकर्ते

मनोगताच्या दिवाळी अंकात वाचली होती. सुंदर कविता आहे.आवडली.रेग्यांच्या कवितेची आठवण झाली.आठवणीच्या भरवशावर चार ओळी लिहीतो आहे
कुणास आले सांगा पहिले प्रेम विसरता?

पहीले प्रेम कळत नाही
कळून ते टळेल का
पहीले मर टळत नाही
टळून तेही कळेल का?
कळो टलो मरो उरो
पहीला लाभ शून्याचा
माझ्या लेखी एकच एक
मरण तेच प्रेम तेच.

सुरेख कविता.

फारच सुरेख कविता आहे. किती तरी वेळा वाचून झाली पण समाधान झाले नाही.

आपला,
(चाहता) आजानुकर्ण

अतिशय हळवी आणि भावगर्भ आहे.

दिलेस तू ते फूल आजही वहीत आहे
गंध तुझा मज करतो वेडा वही उघडता

अजून येती डोळ्यांमध्ये अश्रू अवचित
वाट वेगळी करणारा तो क्षण आठवता

कधी एकटा असलो की मी रडून घेतो
सवयीने मग येते आता हुकुमी हसता

कमाल आहेत ह्या ओळी!
(कालच मनोगताच्या दिवाळी अंकात वाचली तिथली प्रतिक्रिया प्रतिक्रिया अनुमतीच्या बासनात अडकली होती!)

चतुरंग

सुंदर कविता--पुन्हा पुन्हा वाचावी अशी..
--लिखाळ.

सुरेखच.. गझल..
प्रत्येक ओळ न् ओळ.. खास.
- (सर्वव्यापी)प्राजु
http://praaju.blogspot.com/

आज बरेच दिवसानी तुमची गजल वाचली, आवडली.

आवरताना काल मिळाल्या काही कविता
लिहिलेल्या मी सार्‍या होत्या तुझ्याच करता

ह्या पहिल्या ओळीच अल्टिमेट आहेत..!

जियो..

अवांतर - साहित्य अन्य संस्थळावरचं उष्टं आहे खरं, पण तरीही चांगलं आहे हे मान्य करावं लागेल..! :)

आपला,
(मिपाकर) तात्या.

हेच साहित्य मिपावर प्रथम प्रकाशित झालं असतं तर मनापासून आनंद वाटला असता..!

असो,

मिपावर नव्याकोर्‍या, शिळ्यापाक्या - कुठल्याही लेखनाचं यथोचित स्वागतच होईल..!

(मिपाकर) तात्या.

भावमधुर कविता खुप खुप आवडली!