खरडवही व खरडफळ्यावरील मजकूर

मिसळपाववरील सदस्यांनी गलिच्छ, हीन व मानहानिकारक भाषा वापरू नये याबाबतीत मालकांकडून सूचना आली हे उत्तमच. यापुढे हे प्रकार थांबतील असं वाटतं.

मात्र एक प्रश्न आहे. मित्रामित्रांच्यात अनेक वेळा अशी भाषा गंमत म्हणून वापरली जाते. त्यात मानहानीचा बिलकुल हेतू नसतो. अनेक माननीय सदस्यांच्या खरडवह्या अशा भाषेने भरलेल्या सापडतील. त्या सर्व स्वच्छ करणार का?

मला म्हणायचं आहे की दुसऱ्याची मानहानी करणारी गलिच्छ भाषा आणि मित्रांमित्रात गमतीने वापरलेली भाषा यात फरक कसा करणार?

उगाच कुणाला चिडवण्यासाठी म्हणून धागे काढायचे टाळा.

दुसरा प्रश्न असा की काही धागेदेखील मित्रामित्रांच्यात एकमेकांची चेष्टा करण्यासाठी काढले जातात. मी अदितीच्या अमेरिकाप्रवासाबद्दल लिहिलेला होता, छोटा डॉन यांना रजनीकांत कल्पणारा लिहिला होता. तसंच अदितीनेही माझी आणि प्रियालीची गुरू कल्पून चेष्टा करणारा धागा परवाच लिहिला. अशी मित्रांमित्रांतली गंमत करू नये का?

पुन्हा दुसऱ्यांना चिडवणारा, त्रास देणारा धागा आणि मित्रांची गंमत करणारा धागा यात फरक कसा करायचा? तसा फरक होत नसेल तर सगळ्याच गमती थांबवायच्या का?

मिसळपाववरील सदस्यांनी गलिच्छ, हीन व मानहानिकारक भाषा वापरू नये याबाबतीत मालकांकडून सूचना आली हे उत्तमच.

+१ असेच म्हणतो..

घोषणेच्या दुसर्‍या धाग्यावर संमं आणि सल्लागार यांच्या नावांच्या लिंका गंडल्या आहेत.

राजेश जे आपल्याला मान्य असेल ते सर्व मान्य असेलच असे नाही.
उदा: कोल्हापुरात एखादा बाप अथवा आई कौतुकाने त्याच्या लहान मुलाला ए रांडेच्या वगैरे सहज म्हणतात. हेच असे म्हंटलेले ठाण्यात चालेलच असे नाही.
मिपावर सर्व प्रकारचे लोक येतात हे एक घरच आहे असे समजा ना. कट्ट्यावर मित्रामित्रात जे विनोद होतात अथवा जी भाषा आपण वापरतो ती कट्ट्यावर सर्वमान्य असली म्हणून तशी भाषा आपण घरात वापरत नाही.
गंमत /चिडवाचिडवी करावी पण तीला काही मर्यादा निश्चीतच असाव्यात.
काही सदस्य धाग्यावर अत्यंत उर्मटपणे प्रतिसाद देतात. कदाचित तो उर्मटपणा त्याना स्वत:ला सर्वमान्य वाटत असेल. पण त्यामुळे त्यांचीच बुद्धीमत्ता दिसून येते.
आपण घरात जसे एकमेकांचा मान राखून वागतो तसे वागावे ही इथे माझ्यासारख्या सर्वसामान्य सदस्यांची अपेक्षा असते.
नीलकांतचे म्हणणे सर्वस्वी योग्य आहे. माफक थट्टा आनि जिव्हारी लागणारे बोल यात फरक असतो.
एखाद्याच्या श्रद्धास्थानांची खिल्ली उडवावी पण त्यातही काही पातळी जरूर बाळगावी.
ज्याचा शेवट व्यथिततेच होतो त्याची सुरुवात कोणी केली हे गौण ठरते

मात्र एक प्रश्न आहे. मित्रामित्रांच्यात अनेक वेळा अशी भाषा गंमत म्हणून वापरली जाते. त्यात मानहानीचा बिलकुल हेतू नसतो. अनेक माननीय सदस्यांच्या खरडवह्या अशा भाषेने भरलेल्या सापडतील. त्या सर्व स्वच्छ करणार का?

मला म्हणायचं आहे की दुसऱ्याची मानहानी करणारी गलिच्छ भाषा आणि मित्रांमित्रात गमतीने वापरलेली भाषा यात फरक कसा करणार?

हाच प्रश्न माझ्याही मनात आला होता. राजेश आणि मी एकमेकांना खरडवहीत परस्परांबद्दल काहीबाही बोललो, आणि आम्हा दोघांना त्याविषयी आक्षेप नसला तरीही त्यावर कारवाई होणार का?
(यात राजेश आणि मी हे केवळ उदाहरणादाखल आहे).

चिंजं
खरडवहीत तुम्ही काय लिहीता या पेक्षा तुम्ही एखाद्या धाग्यावार काय प्रतिसाद देता याच्याशी जास्त संबंधीत आहे.
एखाद्या धाग्यावर प्रतिक्रीया देताना जे आपल्याला सर्वमान्य वाटते ( पण ते तसे नसते) अशा भाषेत लिहु नये.
सभ्य लोक टॉयलेट मध्ये जे करतात ते जरी सर्वमान्य असले तरी जाहीर रीत्या ते कोणी केले तर ते बीभत्स ठरते

नीलकांता, मज पामराचा तुला एकच सल्ला -

जे सभासद तुला, संपादकांना आणि पर्यायाने मिपाला त्रास होईल असे वागत आहेत त्यांना सरळ चपला दाखवाव्यास हे उत्तम..

असो..

आपला नम्र,
(संस्थापक)तात्या.

ह्यासारखे प्रकार रोखणे दरवेळी संपादक मंडळास शक्य होत नाही, हे स्वानुभवावरून. असो. नीलकांत आणि नवीन संपादक मंडळास तसेच सल्लागार मंडळास शुभेच्छा.

नीलकांत यांनी लिहीलेले बर्‍यापैकी स्पष्ट आहे असे मला वाटले. मित्रामित्रांतील संवादावर या सूचनेमुळे काही टाच/निर्बंध येणार नाही असे वाटते.

कोठेही अश्लाघ्य भाषा वापरणे चूकच, पण संघटीत नालायकपणा बद्दल जर कोणी त्यांना जाणवेल अशी टीका केली तर त्यात काहीच चूक वाटत नाही. विषेशतः टीकाकार व्यक्ती जर उठसूठ आपली पातळी सोडून टीका करणारी नसेल तर. बाकी चालूदे, मागील काही घटनांमधे केवळ सदस्यांसाठीच उपलब्ध्द असलेली खरड सरळ सरळ धाग्यावर आणून सर्वांना उपलब्ध्द करून देणार्‍यांचे विषेश आभार मानावेसे वाटतात. मज्या येते असे प्रकार बघून.

अवांतर :- बाकी याआधीच मी स्वतः एका विशीश्ट सदस्याकडून बरेचदा इम्ग्रजीमधून हॅरॅसिंग प्रतीसाद व खरडींचा बळी ठरलो आहे (आपण माझी खरडवही उचकू शकता वा सदरील सदस्याचे काही उडवलेले अहं व गलिछ्चपणाने नटलेले प्रतीसादही बघू शकता), मला त्याच्या मूर्खपणाबद्दल तक्रार करायची नाहीच की जशास तसे उत्तर देणे फार आवघड असते असे म्हणायचं नाही, पण आमच्या वेळी स्व्तः होऊन कोणी मै का लाल कधीच पूढ आलां नाही याचं वैषम्य मात्र कायम आहे.

म. संकेतस्थळावर (वैचारिक) मतभेद, वादविवाद, नवीन नाहीत. संकेतस्थळावर खेळीमेळीचे वातावरण असले पाहिजे. आता इतिहास उगाळत बसण्यात मतलब नाही. खरडवह्यांमधे लिहिण्या-बोलण्याचे स्वातंत्र्य अबाधित राहीले पाहिजे, यात नवीन सांगण्यासारखंही काही नाही, पण गेल्या दोन दिवसातील लेखनाची भाषा पाहिल्यावर खूपच वाईट वाटले. इतकेच मी नम्रपणे नमूद करतो.

एखाद्या गोष्टीचा राग येऊन येणार्‍या लेखन-प्रतिसादातील भावना ही माणसाची सहजप्रक्रिया आहे, पण लेखनात तो त्रागा कसा व्यक्त झाला पाहिजे, याचाही विवेकानं विचार झाला पाहिजे असे वाटते. मिपा सदस्यांनी काही प्रसंगी लेखनावर संयम ठेवला तर सदस्यांवर कार्यवाहीची वेळ येणार नाही, असेही वाटते.

>>> उगाच कुणाला चिडवण्यासाठी म्हणून धागे काढायचे टाळा.
हम्म, हेही खरं आहे.

-दिलीप बिरुटे

फोकलीचा मी झोपी गेल्याने काय झालं ते निट कळलं नाही. कोणी त्या धाग्याचा ब्याकप घेतला आहे काय? असल्यास कृपया व्यनीने धाडणे. तुमचे उपकार Nile हा आयडी आजन्म विसरणार नाही. धन्यवाद.

विशेष सुचना: हा प्रतिसाद विनोदी नाही.

नीलकांत व डॉ. बिरुटे यांच्याशी सहमत. बाकी नविन संपादक कोण कोण आहेत त्याची यादी पण द्या.

आणि खरडवह्या साफ व्हायला सुरूवात झालेली आहे याला काय म्हणावे? चोराच्या मनात चांदणे?

लहान मुलांच्या हाती एखादा रबरबँड मिळाल्यावर ते मुल तो ताण ताण ताणतो आणि गिटारची तार छेडावी त्याप्रमाणे छेडुन त्यातुन कंपनं काढुन खुश होत. पण जेव्हा त्या रबरबँडची सहनशक्ती संपते तेव्हा त्याचा दणका त्या मुलासही मिळतो. हात चोळत बसाव लागत, शिवाय रबरबँड तुटतो ते वेगळच. *

मिपा हे असच एक साधन आहे. त्याचा आनंद सर्वांनी लुटावा. चार घटका करमणुक करुन घ्या.
मागे कुणी तरी म्हटल होत की "दुर्लक्ष करण्या सारखा दुसरा अपमान नाही." बघा आमलात आणुन.

* कृपया ह्याला कुणालाही धमकी समजु नये.

असं ड्वोळा मारून ;-) मजे मजेत खरड केली तर धोरणात बसेल काय? :-/