भेसूर रात्र (आणि आस्वाद)

एकंदरीतच ऑक्टोबरचा महिना आमचा लाडका आहे. भेसूर कविता आणि विडंबन काय, सर्वपित्री काय, हॅलोवीन काय..चंगळ आहे. ;) अजून भुते खेते येऊ द्या.

स्वतःच कविता करून स्वतःच रसग्रहण टाकण्याच्या हीन प्रवृत्तीचा निषेध. खुलासा - यात स्वतःची लाल करण्याच्या हेतूचा अजिबात निषेध नाही. जरूर करावी. माझा विरोध आहे तो समीक्षा करून आपलं पांडित्य मिरवू देण्याच्या (म्हणजे आपली लाल करण्याच्या) समीक्षकांच्या हक्कावर गदा आणण्याच्या नीच प्रयत्नाला आहे. समीक्षणाचा प्रयत्न कसा फोल गेलेला आहे ते धनंजय यांनी दाखवलंच. प्रियालींनी एक वेगळाच पैलू दाखवून दिला. लिखाळराव, तुमचं गृहितकच चुकलं आहे. कवीचा अर्थ लोकांना समजत नाही म्हणे! व तो लोकांना कवीने दाखवून द्यायचा. हा! अहो, कवीला काय कळतं? (ते नारळाच्या वड्यांचं जमलं तर आम्ही 'समीक्षणाचा प्रयत्न फोल असला तरी उडी केवढी मोठी होती' असं लिहून काळ्या-निळ्यातली निळी शेड काढून ती अधिक लालचुटुक करण्याचा प्रयत्न करू)