हरयाणात हिस्सार रोड वर "लक्ष्मी प्रिसिजन" नावाचा एक कारखाना आहे..तिथे कामानिमित्त गेलो होतो कारखाना चालु असताना... तिथे गुप्ता नावाच्या एका बनिया समाजातल्या माणसाशी ओळख झाली व गप्पा सुरु झाल्या... हा समाज व्यावसायिक असल्याने त्याने ३ सुत्रे सांगीतली... १...साथी साथका..पैसा पास का.. २..वो सोना कीस कामका जो कान को काटे. ३..देन सच लेन झुटी... त्याचे निरूपणं असे... १...साथी साथका..पैसा पास का....आपणास अनेक दादा राम राम करणारे मित्र असतात..पण खरा मित्र तोच जो अडचणीच्या वेळी साथ देतो..नाहि तर म्हण आहेच.."फेसबुकावर हजार मित्र..बाहेर विचारत नाहि कुत्रं" पैसा पास का....म्हणजे व्यवसायात उधारी असते..अनेकांचे येणे यायचे असते.. पण चेक हातात पडून वटे पर्यंत ते येणे कागदावर असते..पैसे तेच खरे जे घरच्या कपाटात असतात..अन्यथा ह्याच्य कडूनं ४ लाख.त्याच्या कडूनं १.५० लाख..इत्यादी कागदावर.... २...वो सोना किस कामका जो कान को काटे..... व्यवसाय सुरू करताना माणूस अनेक आशा आकांक्षा बाळगून सुरू करत असतो..मी यव करेन त्यव करेन अशी जिद्द असते.पण अनेक अडचणी येतात,, व्यवसाय जमत नाहि..कर्ज होते व धंदा डबघाईला येतो..अश्या वेळी माणसाचा जीव /भावना व्यवसायात अडकलेल्या असतात..आशा सुटत नाही.. पण अश्या वेळी असला बुडीत धंदा भावना बाजूला ठेवून विकून टाकून मोकळे होणे शहाणपणाचे.. कानातले सोन्याचे कर्ण भूषणं छान दिसते पण त्याच्या वजनाने कानची पाळी ओघळत असेल व त्रास होत असेल ते बाजूला काढणे शहाण पणाचे ३..देन सच लेन झुटी..... व्यवसायात लेन देन असती..(डेटर/क्रेडिटर)... व्यवसाय करताना आपली नियत साफ असते..देणेक-याचे पैसे आपण प्रसंगी पोट मारुन चुकवतो..पण ज्याच्या कडूनं येणे असते त्याची नियत काय आहे हे आपल्याला माहीत नसते..प्रसंगी अडचण आल्यास तो हात पण वर करू शकतो.. त्या मुळे "देन सच लेन झुटी..." व्यवसायात अनेक प्रकारचे लोक्स भेटतात अनेक अनुभव येतात..त्या पैकी हा एक