महाभारत व रामायणातील अतिशयोक्ती

हे ऊर्ध्वरेता नावाचं प्रकरण वाचलं पण हे तुम्हाला स्वतः जाणतेपणी (CONCIOUSLY) करता येणं शक्य असावं असं वाटत नाही. उलटपक्षी वंध्यत्व या शाखेत काम करत असताना वीर्यात शुक्रजंतू नाहीत(AZOOSPERMIA) अशा पुरुषांची तपासणी करताना त्यांचे वीर्य लिंगातून बाहेर जायच्या ऐवजी ते मुत्राशायात जात असे आणी नंतर केलेले मुत्र गढूळ येत असे. पहा Retrograde ejaculation- https://en.wikipedia.org/wiki/Retrograde_ejaculation दुर्दैवाने अशा पुरुषांना वीर्यस्खलनाचे वेळेसअत्युच्च सुखाचा भास फार कमी होतो( DRY ORGASM) आणी दोन रुग्ण तर वीर्यस्खलनाचे वेळेस वेदना होतात म्हणून स्त्रीसंबंध टाळताना आढळले. स्खलन झालेले वीर्य परत लिन्गाद्वारे शोषून घेणे हि जास्त करून कविकल्पना वाटते. राहिली गोष्ट कौमार्याची-- चित्रे साहेबांनी लिहिलं आहे तसं सुईने वीर्य दान करून नंतर सिझेरीयनने प्रसूती केल्यास कौमार्य टिकवता येईल. इतका अव्यापारेषु व्यापार करण्यापेक्षा आधुनिक शास्त्राला कौमार्य पडदा परत शिवणे किंवा नवीन पडदा टाकणे हे फारच सोपे काम आहे. पहा -- Hymenorrhaphy--https://en.wikipedia.org/wiki/Hymenorrhaphy असे रुग्ण आता सर्रास सर्व स्त्रीरोग तज्ञा कडे आणी प्लास्टिक सर्जनकडे येताना दिसतात. लग्न होऊनही "कौमार्य" तसेच राहिल्यामुळे मूल न होणारी जोडपी या वर्षी दोन आणी मागच्या वर्षी तीन अशी मी नियमितपणे पाहत आलो आहे. यात कौमार्य पडदा अतिशय जाड असल्याने फाटत नाही आणी त्यातील छिद्र फार लहान असल्याने वीर्य आतपर्यंत जाऊ शकत नाही. शिवाय संभोग सुद्धा दोघांना वेदनादायक झाल्याने ते टाळण्याकडे कल जातो. हि पाचही जोडपी शल्यक्रिया करून सुधारलेली आहेत. अजून एक प्रकार म्हणजे कौमार्य पटल याला छीद्रच नसणे यामुळे मुलीला आतून रजोदर्शन झाले तरीही बाहेर काहीही दिसत नाही आणी हे रक्त योनीत साठून राहते आणी मुत्र्मार्गाला अटकाव निर्माण होतो. Cryptomenorrhea--https://en.wikipedia.org/wiki/Cryptomenorrhea कौमार्य हि गोष्ट सर्व संस्कृतींमध्ये जरा जास्तच ताणली गेली आहे. यामुळे बर्याच वेश्या गृहांमध्ये वर्योशितेच्या योनीत जळू ठेवली जाते. आणी साम्भोग्चे वेळेस ती फुटून रक्तस्त्राव होतो म्हणजे ती स्त्री कुमारिका आहे असे समजून ग्राहक वाटेल तितके पैसे देण्यास तयार होतात. याचे कारण कुमारिके बरोबरसंभोग केल्यास गुप्तरोग किंवा एड्स बरा होतो असा गैरसमज फार मोठ्या प्रमाणावर प्रचलित आहे. लहान बालिकेवर बलात्काराचे काही वेळेस हेही एक कारण असल्याचे आढळून आलेले आहे. रामायण महाभारत किंवा हठयोग याबद्दल माझे वाचन तुरळक/ जेमतेम आहे त्यामुळे त्यात सांगितलेल्या गोष्टी चूक कि बरोबर हे सांगण्याचा मला कोणताही अधिकार किंवा ज्ञान नाही तेंव्हा त्याबद्दल पास. मूळ धाग्यापासून फार विचलित झालो असल्याने येथे थांबतो.