माझे अंदाज खालीलप्रमाणे ब्राझील वि चिली - ब्राझील (ब्राझील जिंकावा असे वाटतेय. जबरी सामना होणार आहे) कोलंबिया वि उरुग्वे - कोलंबिया (उरुग्वे जिंकावे असे वाटतेय) नेदरलँड वि. मेक्सिको - मेक्सिको कोस्टारिका वि. ग्रीस - कोस्टारिका जिंकावा असे वाटतेय फ्रान्स वि. नायजेरिया - नायजेरिया जिंकावा असे वाटतेय. पण सामना जबरी होणार जर्मनी वि अल्जेरिया - जर्मनी अर्जेंटीना वि. स्वित्झर्लंड - हा अजून एक सामना मस्त होणार आहे. मेसिमुळे आर्जेन्टिना विजयी होईलही त्यातल्या त्यात फक्त जर्मनीची खात्री देता येतेय.

कोनताss झेंडा घेउ हाssती ?

ब्राझील, उरुग्वे, नेदरलँड्स, कोस्टारिका, फ्रान्स, जर्मनी, आर्जेन्टिना, बेल्जियम आपला झेंडा नेदरलँड्सचा! जे.पी.

राष्ट्रगीत संपलेत आणि सामना आता सुरु होतोय. ब्राझील जिंकणार. :) -दिलीप बिरुटे

नेयमारने दिलेल्या कॉर्नवर डेव्हीडने पहिला गोल १९व्या मिनिटाला नोंदवला. १-० झ़़्कास सामना सुरु आहे, सुंदर चाली आणि ब्राझीलचे सुरेख आक्रमण. नेयमार तर मैदानभर खेळतोय. मजा येतेय. -दिलीप बिरुटे

ब्राझीलची आघाडी

सगळे ग्राउंड पिवळ्या रंगत रंगलंय!

बरोबरी

चिलीच्या सँचेझ ने केला बॉ एक गोल. ब्राझीलच्या गोलकीपरला फार अवघड असा हा स्ट्रोक नव्हता. :( -दिलीप बिरुटे

हुल्क,फ्रेड,नेयमार यांनी आक्रमणं केली परंतु चिलीच्या बचावापुढे ब्राझीलची दाळ काही शिजेना. सेकंड हाफ मधेही निकाल लागला नाही, आता अतिरिक्त वेळेत काय होतं ते बघुया. -दिलीप बिरुटे (ब्राझीलवर नाराज झालेला)

ब्राझीलच्या डैन ला फुकटचे पिवळे कार्ड दिले राव

कम ओन ब्राझिल

अतिशय रोमांचकारी सामना आता पेनॉल्टी शुटवर पोहचलाय. ब्राझीलची सर्व मदार आता गोलकिपर ज्युलियो सेसर वर आहे, तो किती गोल वाचवतो आणि ब्राझील स्टार खेळाडू किती गोल करतात, चिली किती करतील एकदम भारी सामना. निकाल आता काही क्षणावर येऊन पोहचलाय. -दिलीप बिरुटे

मायला, दिवसभर भटकून आता घरी आलो. नशिबाने पेनल्टी शूटाऔट बघता आले. बिरुटे सरांना दुसर्या संघाचा झेंडा हाती घ्यायची वेळ आली नाही हे नशिब. :)

ब्राझिल जिंकले एकदाचे! पण काय म्याच झाली! अनलकी चिली..!

कोलंबियाच्या जेम्स चा गोल, गोल ऑफ द टुर्नामेण्ट ठरावा कोलंबिया १ - उरुग्वे ०

शिक्षाच ती खेळणाऱ्यांना आणि बघणाऱ्यांना .

स्पेनला ज्यांनी पळता भुई थोडी अशी ज्यांची अवस्था केली अशा नेदरलँडचा सामना आज मेक्सिकोशी रंगणार आहे. नेदरलँडचे वॅन पर्सी आणि रॉबेन पूर्ण जोशात आहेत. नेदरलँडने बी गृपमधे सर्व सामने जिंकले आहेत. तीन सामन्यात दहा गोल नोंदवले आहेत. मेक्सिकोच्या तुलनेत नेदरलँड आजच्या विजयाचा दावेदार आहे असे मला वाटते. मेक्सिकोचा गोलरक्षक गुलेर्मो ओचोआ हाही फार्मात आहे, तीन सामन्यात फक्त एक गोल स्वीकारला आहे. एकूणच दोन्ही संघातला आजचा सामना रंगतदार होणार आहे, पटावर नेदरलँड जिंकेल असे वाटत असले तरी मेक्सिकोही काही चमत्कार करु शकतो. -दिलीप बिरुटे

कोस्टारिकाचा अनपेक्षित गोल कोस्टा रिका १ - ० ग्रीस अजून एक विचित्र गोष्ट बघायला मिळाली कोस्टारिकाचा एक खेळाडू मैदानाबाहेर खुर्चीत आराम करत होता त्यालाही पिवळे कार्ड दाखवले

ग्रिस ची ९१ व्या मिचीटाला बरोबरी

कोस्टारिकाच्या गोलकीपर ने जबरदस्त बचाव केला. कोस्टारिका चा आघाडीपटू काम्प्बेल ला जखडून ठेवले गेले आणि जेव्हा त्याला संधी मिळाली तेव्हा त्याचे गोलात रुपांतर करता आले नाही

शेवटी शूट आउट मध्ये कोस्टारिका विजयी

आजच्या सामन्यांचे निकाल काय लागतिल ?? फ्रांस & जर्मनी जिंकावे असे वाटते पण एखादा अनपेक्षित निकाल लागू शकतो का ??

हापिसात सामन्यांचे highlights बघण्यासाठी एखादी website सुचवा

काल डच आणि मेक्सिकनांमधला सामना जबरदस्त झाला. मेक्सिकन गोलरक्षक ओचोओने जबरदस्त गोल सेव्हज केले. डच गोलरक्षकाने पण बरेच गोल वाचवले. वेस्ले श्न्यायडरने ८८ व्या मिनिटाला आपल्या ताकदीचे प्रदर्शन करत मारलेल्या तूफानी गोलमुळे डचांना बरोबरी करता आली. इंज्युरी टाईम मध्ये रॉबेनने मात्र पडल्याचे नाटकीय प्रदर्शन करत रेफ्रींकडून पेनल्टी किक ढापली आणि डचांना विजयी केले.

फ्रान्स वि. नायजेरियाचा सामना थोड्या वेळाने सुरु होईल. जर्मनी आणि अल्जेरियाचा रात्री दीड वाजता सामना आहे, हा सामना पाहणं काही शक्य नाही. फ्रान्स वि. नायजेरियात कोण जिंकेल काय सांगता येत नाय, हा सामना नक्की पाहु. जर्मनी अल्जेरियाचा सामना थेट इंजॉय करणा-या मिपाकरांनी जर्मनी आणि अल्जेरियाच्या सामन्याचा थेट वृत्तांत लिहावा. :) -दिलीप बिरुटे

अल्जेरिया जर्मनीला तगडी स्पर्धा देत आहे. ९० मी. पुर्ण होऊन सुद्धा दोन्ही देशांचा एकही गोल नाही. Thomas Müller ने केलेल्या पासवर André Schürrle ने ९२ मी. बॅकप्लिप करत सुरेख गोल डागला आहे. आता शेवटच्या ८ मी. जर अल्जेरिया कडून गोल झाला नाही तर जर्मनी विजयी.

जर्मनीने जरी match जिंकली तरी अल्जेरियाने मने जिंकली काय जबरी खेळत होते लेकाचे, जर्मनी सारख्या तगड्या team सोबत खेळत असल्याचे काहीही tension नव्हते चिली नंतर कुठल्या team ने इतके impress केले असेल तर ते अल्गेरिया.... hats off to their spirit & फ्रांस ला आता पर्यंत तुलनेत कमी ताकदवान संघासोबत खेळावे लागले होते , so कदाचित याचा फटका त्यांना जर्मनी सोबत खेळताना बसू शकतो

fox life( fox traveller) वरची 'this is brazil' मालिका छान वाटते आहे .

दरवेळी प्रत्येक विश्वचषक सामन्यात एखादी आफ्रिकन टीम आपला जलवा दाखवते अर्थात पुढच्या स्पर्धेत ते कुठे असतात हे पाहण्यासारखे असते, जो जीता वही सिकंदर १९६२ साली चीन जिंकला पण भारताने मन जिंकले असे ,मानण्यात काय हशील त्यापेक्षा १९७१ कधीही जास्त स्फूर्तिदायक आहे . काल रस्त्यावर लोक धमाल करत होते, एकटा अल्जेरियन चाहता आपला झेंडा खांद्यावर घेऊन ताठ मानेने त्या गर्दीतून वाट काढत जात होता , कोणीही त्याची हुर्या उडवली नाही , माझ्या परिचयाचे अनेक तुर्की हे जर्मनीला पाठिंबा देत होते . हे विशेष धर्मा पेक्ष्या देश मोठा ज्या देशात आपले भवितव्य आहे हा व्यावहारिक दृष्टीकोन तुर्की समाजात रुजावा ही जर्मनीच्या दृष्टीने चांगली गोष्ट आहे.

अर्जेंटीना वि. स्वित्झर्लंड सामना सुरु आहे खेळाची अकरा मिनिटे संपत आलीय. अजून दोघंही एकमेकांना आजमावित आहे, असे वाटते. मेस्सीवरच लक्ष केंद्रीत आहे सध्या. आणि अर्जेंटीनाच जिंकेल असे वाटते. -दिलीप बिरुटे

मेस्सीच्या सुरेख पासवर मारियाचा गोल. ११८ व्या मिनिटाला कोंडी फोडली.

बेल्जिअम वि. अमेरिका सामन्याचा हाल्फ टाईम झालाय पण हवी तशी मजा येत नाही. थोडाफार रटाळ खेळ चालू आहे दोन्ही बाजूंनी. बघू आता पुढच्या हाल्फमध्ये काय होतं ते.

जर्मनी/घाना सामना बघयचा आहे. काहि लिन्क मिळेल का?

मंडळी, आजचे दोनही सामने अतिशय रंगतदार होणार आहेत. फ्रान्स वि. जर्मनी या सामन्यात जर्मनी भक्कम वाटत आहेत. जर्मनीची मधली फळी भक्कम आहे, लिलया पास देऊन खोलवर उभे असलेल्या खेळाडूकडे दिलेल्या पासेसचे गोलमधे रुपांतर झाल्याचे आपल्याला दिसते. कर्णधार लेहाम आणि मध्यफळीतील ओझीलवर जर्मनीची खरी भिस्त आहे. जर्मनीच्या संघाचा फॉर्म हा समोरच्या संघाच्या तोडीवर बराच अवलंबून असतो म्हणजे त्यांचा फॉर्म उंचावतो. संघातील उत्कृष्ट आणि समतोल संघ म्हणुन ज्याचा उल्लेख होतोय तो फ्रांस जर्मनीला कदाचित भारी पडू शकेल. मध्यरक्षक,बचावफळी आणि स्ट्रायकर यांचा पूर्ण भरलेला असलेला हा संघ पण जर्मनीविरुद्ध खेळतोय त्यामुळे त्यांचा खेळ तितकाच उंचावला तर ते जिंकू शकतील असे वाटाते. दुस-या ब्राझील वि. कोलंबिया सामन्यातही मजा येणार आहे. यजमान संघावर पूर्णपणे दबाव असणार आहे. संपूर्ण स्पर्धेत नेयमारच्या भरवशावर ब्राझील दिसत आहे. नेयमारनेही अतिशय कौशल्यपूर्ण खेळ केलाय. पण काही सामन्यात त्याला प्रतिस्पर्धी संघाने गुंडाळून टाकलंय, प्रचंड कोंडी केलीय आणि त्या घेरावातून त्याला बाहेर पडता आले नाही. गेल्या सामन्यात तर त्याला गोलही करता आला नाही. डॅनियल अल्वेस, मार्सेलो आणि ऑस्कर, हुल्क,फ्रेड यांनी जर खेळ चांगला केला प्रतिस्पर्धी संघावर आक्रमण केलं आणि खोलवर उभ्या असलेल्या नेयमारला उत्तम पासेस मिळाले तर ब्राझील जिंकेल. फुटबॉलचा सुपरस्टार मॅराडोना लेखात एका लेखात म्हणतो की, 'ब्राझीलकडे मिडफील्डमधून पास देणारा उत्तम खेळाडू नाही, ऑस्कर वगळता' या आणि काही उणिवा ब्राझीलच्या आहेत. मॅराडोनाच्या भाषेत म्हणायचं तर, ''विश्वविजेता म्हणुन दिसावेत असे कोणतेही गुण ब्राझीलमधे दिसत नाही'' :( कोणी काही म्हणत असले तरी ब्राझीलच जिंकेल असं माझं मत आहे, आपणही या रंगतदार सामन्यांचे साक्षीदार व्हाल, असे मला वाटते. तर भेटूच फ्रान्स वि. जर्मनीच्या सामन्यावेळी रात्री साडे नऊ वाजता. काय काम असतील ती साडेनऊच्या आत होऊ द्या. :) -दिलीप बिरुटे

   ब्राझील स्पेशल स्क्वॅड

       

     नेयमार.                  ऑस्कर             फ्रेड                  मार्सिलो            हुल्क.

लेट देम फॉलो ब्राझिल... लेट देम वरशिप मेस्सी.... यू हॅव बीन माय फेवरीट, क्लोज!!

अमेरिकन भूमीवर युरोपिअन संघ कधीही विश्वविजेते ठरलेले नाहीत. युरोपच्या भूमीवर मात्र अमेरिकन संघाने विश्वविजेतेपद मिळविले आहे. हा इतिहास अमेरिकन संघांच्या बाजूने आहे. याच भरवश्यावर ब्राझील, अर्जेंटिना, कोलंबिया व कोस्टा रिका असतील. परंतु उपांत्यपूर्व फेरीत प्रवेश केलेले ८ संघ बघता, ब्राझील, अर्जेंटिना, नेदरलँड्स व जर्मनी हे उपांत्य फेरीत पोहोचतील असं वाटतंय. कोलंबिया व फ्रान्स आपल्या प्रतिस्पर्ध्यांना धक्का देऊ शकतील. तेवढी क्षमता त्यांच्यात आहे. पण बेल्जिअम व कोस्टा रिकाला फारशी संधी नाही. अंतिम फेरीत जर्मनी व नेदरलँड्स यापैकी एकजण नक्की असणार.

नेदरलँड्स साखळी सामन्यातच गारद होणार असं बऱ्याच लोकांना वाटलं होतं. मागच्या स्पर्धेवेळी जशी जर्मनीची तरुण टीम होती तशी नेदरलँड्स ची या वेळची आहे (अर्थात तेवढी तांत्रिकदृष्ट्या चांगली वाटत नसली तरी). पठ्ठ्यानी कठीण सामन्यात विजयश्री या ना त्या मार्गे मिळवलीच (१००% रेकॉर्ड आहे स्पर्धेत). स्वतःच्या तांत्रिक कमतरतांवर अधिक शारीरिक खेळ व 'टोटल फुटबॉल' चे तत्त्व यांनी मात करत आहेत.स्वित्झर्लंड प्रमाणेच बेल्जियम देखील आर्जेन्टिनाला कडवी झुंज देऊ शकतो. जर हा सामनाही १२० मिनिटापर्यंत लांबला तर अर्जेन्तिनाला थकव्यामुळे नेदरलँड्स ला सामोरे जाणे सोपे राहणार नाही. माझ्या मते अंतिम सामना ब्राझील वि. नेदरलँड्स असा अंतिम सामना पण बघायला मिळू शकेल.

नेदरलँड्स साखळी सामन्यातच गारद होणार असं बऱ्याच लोकांना वाटलं होतं. मागच्या स्पर्धेवेळी जशी जर्मनीची तरुण टीम होती तशी नेदरलँड्स ची या वेळची आहे (अर्थात तेवढी तांत्रिकदृष्ट्या चांगली वाटत नसली तरी). पठ्ठ्यानी कठीण सामन्यात विजयश्री या ना त्या मार्गे मिळवलीच (१००% रेकॉर्ड आहे स्पर्धेत). स्वतःच्या तांत्रिक कमतरतांवर अधिक शारीरिक खेळ व 'टोटल फुटबॉल' चे तत्त्व यांनी मात करत आहेत.स्वित्झर्लंड प्रमाणेच बेल्जियम देखील आर्जेन्टिनाला कडवी झुंज देऊ शकतो. जर हा सामनाही १२० मिनिटापर्यंत लांबला तर अर्जेन्तिनाला थकव्यामुळे नेदरलँड्स ला सामोरे जाणे सोपे राहणार नाही. माझ्या मते अंतिम सामना ब्राझील वि. नेदरलँड्स असा होईल

ही बातमी वाचा ! ७ खेळाडूंना ताप ! आज दमट आणि उष्ण हवामानात फिटनेस महत्वाचा आहे

फ्रांस चं आक्रमण सुरु झालंय.

बेन्झिमनला चांगला चांस होता घालवला बेट्याने :( -दिलीप बिरुटे

सामना चालू होतो न होतो तोच नेमारने दिलेल्या कॉर्नर-किकच्या पास वर कॅप्टन सिल्वाचा ७ व्या मी. बाझिलचा पहीला गोल.

हाफ टाईम ला ब्राझील १ - कोलंबिया ०

फ्रि-किक मिळालेल्या संधीचा पुरेपूर फायदा घेवून लुईजकडून ६९ मी. ब्राझिलचा दुसरा गोल.

ब्राझिलचा गोलकिपर सिजरच्या चुकीमुळे त्याला पिवळं कार्ड मिळालं पण त्याचबरोबर कोलंबियाला पेनल्टी किकचे बक्षीस. मिळालेल्या संधीचा फायदा घेत जेम्स रॉड्रिग्जने कोलंबियासाठी ८० व्या मी. पहीला गोल केला. जेम्स रॉड्रिग्जचा ह्या वर्ल्डकप मधील ६ वा गोल. गोल्डन बुटाकडे वाटचाल.

कोलंबियन गोलकिपरला गोलपोस्ट वरुन किक मारताना अडथळा आणल्यामुळे ब्राझिलचा कॅप्टन सिल्वाला पंचातर्फे पिवळं कार्ड. ब्राझिल जर जिंकून सेमी-फायनलला पोहोचली तर सिल्वा केलेल्या चुकीमुळे त्या मॅचला मुकणार.

ब्राझिलचा कोलंबियावर २-१ असा विजय. डेविड लुईझ सामनावीर. आता पहिली सेमिफायनल ८ जुलैला ब्राझिल वि. जर्मनी.

बिरुटे सरांसाठी आणि एकंदरीतच सर्व फूटबॉल शौकिनांसाठी लै धक्कादायक. नेमार विश्वकरंडक स्पर्धेतून बाहेर. एकंदरीत ब्राझीलच्या पुढच्या वाटचालीला हा प्रचंड धक्का आहे.

चला,सज्ज व्हा अर्जेंटीना - बेल्जियम सामना पाहायला. जादुगार मेस्सीमुळे हां सामना अर्जेंटीना जिंकेल असे वाटते.

अर्जेंटीना वि. बेल्जियम आणि नेदरलँड वि.कोस्टारिका असे दोन्ही सामने आज रात्री होत आहेत. पैकी एक चांगला सामना आज अर्जेंटीना वि. बेल्जियम यांच्यात  बघायला मिळणार आहे. अर्जेंटीनाचा फॉर्म मधे असलेला कर्णधार मेस्सीवर सर्व सामन्याची दारोमदार आहे.

अर्जेंटीनाचा देव लिओनेल मेस्सी

मेस्सीला संघातील खेळाडु कसे साथ देतात त्यावरही अर्जेंटीनाचा विजय अवलंबुन असेल. दुसरीकडे बेल्जियमचे ब्रुईन, ई.हजार्ड,  डी. ऑरीजी, यांच्यावर बेल्जियमची खरी भिस्त आहे. एक चांगला सामना थोड्याच वेळात बघायला मिळणार आहे. दुसरया सामन्यात नेदरलँड वि. कोष्टारिका या सामन्या नेदरलँड (नारंगी सेना) बाजी मारेल असे वाटते. नेदरलँडने या स्पर्धेत सर्वोत्तम कामगिरी नोंदवली आहे. कर्णधार रॉबीन व्हॅन पर्सी आणि रॉबेन ही जोडी सध्या फॉर्मात आहे. कोस्टारिका नेदरलँडच्या तुलनेत कमी अनुभवी असले तरी चमत्कार करु शकतात. परंतु सर्वाधिक विजयाची शक्यता नेदरलँडचीच वाटते. फुटबॉल विश्वचषकात एकापेक्षा एक सरस टीम असतांना केवळ एक गोल दोन गोलांवर विजय मिळत आहेत, हे पाहतांना बरे वाटत नाही. धडाकेबाज खेळात तीन चार गोल व्हावेत अर्थात असे होत नाही कारण दोनही संघ सक्षम असतात बचावाच्या बाबतीत तरीही असं सामन्यात दिसत नाही. -दिलीप बिरुटे

आर्जेन्टिना १-० ने विजयी आर्जेन्टीना चे आणखी दोन गोल सहज झाले असते. शेवटच्या मिनिटाला तर मेसिला सुवर्ण संधी होती

हॉलंड विरुद्ध नेदरलैंड अतिशय रटाळ खेळ चालू आहे. दोन्ही संघ गोल करण्याचा प्रयत्नही करत नाहीयेत

हॉलंडचा पेनल्टी शुटआऊट मध्ये ४-३ ने कोस्टारीकावर विजय. आता हॉलंड ९ जुलैला सेमी-फायनल मध्ये भिडणार अर्जेंटीना बरोबर.

नेदरलँड जिंकले !!!!!! पण कोस्टा रिका ने मनं जिंकली राव.... लई चिवट. जबराट !आवडले लोक. सेमी फायनल मधे कुणाला सपोर्ट करू कळत नाहीये. पण नाही; नेदरलँड च. सही खेळ करताय्त. लुई वॅन हाल.... नेदरलँड मॅनेजर... भावी युनायटेड मॅनेजर आहे ही सुखद बाब आहे.

पेनल्टि शूट आउट बघणे आज तरी शिर्षी मा लिख मा लिख मा लिख मेस्सी .

आज ब्राझील आणि नेदरलँड यांच्यात तिसर्‍या स्थानासाठी सामना होत आहे, ब्राझील आपली आबरु वाचवतो का एवढाच तो प्रश्न. बाकी उद्या अर्जेंटीना वि. जर्मनी या सामन्यात जर्मनीची बाजू वरचढ दिसते आहे. अर्जेंटीनाकडे मेस्सी सोडला तर दुसरा खेळाडूचे नाव दिसत नाही. मेस्सीपेक्षा जर्मनांकडे भरपुर आक्रमण आहे, उत्तम पासेस आहेत आणि गोल करण्याची क्षमता त्यांच्या प्रत्येक खेळाडू दिसते. हा सामना मला जर्मनी वि. मेस्सी असा वाटतो.

(छायाचित्र फिफावरुन) -दिलीप बिरुटे

विश्वचषकात अतिशय सुरेख खेळ करणारे आणि स्पर्धेत ब्राझीलचा पराभव करुन विजय मिळवणारे नेदरलँडचे हिरो.

रॉबिन व्हॅन पर्सी                      जॉर्जिनो विनाल्ड                  डॅले ब्लिंड

 

मंडळी, कालचा ब्राझीलसाठी प्रतिष्ठेचा असलेला सामनाही ब्राझीलला ३-० ने गमवावा लागला. जर्मनीकडून झालेल्या मानहानिकारक पराभवातून ब्राझील सावरलेच नाहीत. नेदरलँडने या विश्वचषकात रसिकांची मनं जिंकली असे मी म्हणेन. रॉबिन व्हॅन पर्सी, डॅले ब्लिंडने आणि शेवटी  जॉर्जिनो विनाल्डमने गोल करुन थाटात विजयी समारोप या स्पर्धेचा केला.


आज जर्मनी आणि अर्जेंटीनाचा सामना रात्री साडेबारा वाजता होतोय. बघायला विसरु नका. जर्मनीचीच विजयाची शक्यता आहे.

-दिलीप बिरुटे

म्याच साठी जर्मनी बिअरचे क्यान घेऊन स्टेडियम्स,स्पोर्ट्बार,ब्रांडॅनबुर्ग टोअर अशा पब्लिक व्ह्यूइंग प्लेसेस मध्ये तय्यार आहे...

चला, सामना सुरु झाला.

आर्जेन्टीना ने एक चांगली संधी गमावली

ओफ्फ साईड

हिग्युएनने गोल केला पण ऑफसाईड असल्याने पंचांनी दिला नाही. जर्मनी परत बचावले तत्पुर्वी मध्यरक्षक श्वाईनस्टायगरला पिवळे कार्ड मिळाले.

मेस्सी आणि त्याची टीम चांगले आक्रमण करते आहे, जर्मनीला आपल्या फॉर्म मधे येणे गरजेचे.

हाफ टाइम ०-० जर्मनांचा हेडर अर्जेण्टीनाच्या गोलपोस्टच्या क्रॉस बारला धडकून माघारी.

खेळत राहिले तर पेनाल्टी शूटला जाईल सामना..

अल्विदा क्लोस

दोन्ही संघाच्या बचावाच्या धोरणामुळे सामना अधिकच्या वेळात पोहच्लाय. राहिलेल्या तीस मिनिटात कोण गोल करतंय ते पाहू या....नाही तर आहेच पेनाल्टी शूट.

आता शेवटची १५ मिनिटे,नाहीतर पेनल्टी शूट आऊट.

गोयेत्जचा चांगला गोल सामना संपत येतोय.

जर्मनीच्या गोएट्झेचा अफलातून गोल.छातीने चेंडू अडवून टप्पा पडू न देताच जोरदार किक. च्यान्सेलर मर्केलबै खुश.

विश्वकरंडक जर्मनीकडे.

गोल्डन ग्लव्स- नेऊर गोल्डन बॉल - मेस्सी गोल्डन बूट - जेम्स रोड्रीगेझ.

काल जर्मनी वि अर्जेंटिना.... मेर्केलबाई वचन दिल्याप्रमाणे म्याच बघायला जातीने हजर राहिल्या होत्या.. म्याचची सुरुवात झाल्यापासून दोघेही संघ सावध खेळत होते. नंतर थोडा धसमुसळेपणा वाढला पण बचाव भक्कम होता.. क्लोजला शेवटच्या ५ मि.त बदलून ग्योट्झंला आणला योगीने आणि त्याने गोल केला.. लगेच इकडे रस्त्यावर गाड्यांचे हॉर्न्स्,पिपाण्या वाजवणे चालू झाले.. स्वाती

मस्त सामना झाला. अपेक्षेप्रमाणेच जर्मनीच जिंकले. हरल्यानंतर मेस्सीच्या चेहर्‍यावरील पराभवाच्या वेदना बघवत नव्हत्या. श्वाईनस्टायगरची कमाल आहे. कालच्या सामन्यात त्याला किमान ७-८ वेळा पाडले गेले (किंवा तो पडला). शेवटी तर उजव्या भुवईखालून रक्त पण आले. पण पट्ठ्या डगमगला नाही. शेवटच्या क्षणापर्यंत त्याने सामना सोडला नाही. इतक्या दुखापतीनंतरसुद्धा खेळत राहण्याचा त्याचा निर्धार कौतुकास्पद होता. तशा दोन्ही संघांनी बर्‍याच संधी गमाविल्या. पण गोट्झेने केलेला गोल अप्रतिम होता आणि दोन्ही संघातला तोच मुख्य फरक ठरला.

शुल्लर ,मुल्लर ,मेस्सी नाही क्लोस .शेवटी हिरो ठरला ग्योटझ .

जर्मनी

आताच टीमचा स्वागत समारंभ पाहिला ।अगदी शिस्तीत झाला .कोणीही स्वत:कडे श्रेय घेतले नाही .