✍ मराठी साहित्य, संस्कृती आणि लेखनाचे व्यासपीठ

वॅलेंटाईन डे ! ___ शतशब्दकथा

तुमचा अभिषेक यांनी
 ·  लेख
लेख
लेखनविषय (Tags)
कथा
लेखनप्रकार (Writing Type)
लेख
सालाबादाप्रमाणे येणारा प्रेमदिवस.. उधळायला संस्कृतीरक्षकांची जय्यत तयारी होतीच.. निषेधाचे बॅनर शहरभर लागले होते.. कट्ट्यावरच्या राहुल’चीही तयारी झाली होती.. चॉकलेट परफ्यूम ग्रीटींग अन फुले... आणखी काय लागते..! गेल्या तीन वर्षांचा त्याचा रेकॉर्ड होता, एकही वॅलेंटाईन डे फेल गेला नव्हता.. यावेळी मात्र अंदाज फसला.. त्याला हसूनच नकार देत ती पुढच्याकडे वळली.. टाय विस्कटतच त्याने पुष्पगुच्छ जमिनीवर आदळला.. अर्थातच, अपमान अन पराभवाची निशाणी कोणाला आवडते ! ते निघून गेले अन एवढा वेळ जवळच उभी.. नुसतेच बघत असलेली ‘ती’ ... लगबगीने पुढे आली.. पडलेली फुले उचलून हृदयाशी कवटाळली.. डोळ्यात काहीतरी तरळले आणि तिच्याही नकळत दोन अश्रू कोसळले.. तिची अन तिच्या पोरांच्या, आजच्या जेवणाची सोय झाली होती ! - तुमचा अभिषेक
5654 वाचन
💬 प्रतिसाद (27)

प्रतिक्रिया

तुमचा अभिषेक
Fri, 08/09/2013 - 21:43 नवीन
पहिल्या शतशब्दकथेला मिळालेला प्रतिसाद दुसरी लिहिण्याचा हुरुप देण्यास पुरेसा होता.. आता हिच्यावर मिळणारे प्रामाणिक प्रतिसाद सल्ले अन सूचना तिसरीच्या वेळी नक्कीच कामाला येतील.. :)

विटेकर
Fri, 08/09/2013 - 22:40 नवीन
टर्न आहे शेवटल्या १० शब्दात ! झक्कास ! असे लिहित राहीलात तर या तंत्राचे गुरु व्हाल. उत्तम आणि पुलेशु..

तिमा
Sat, 08/10/2013 - 11:04 नवीन
पहिल्या प्रयत्नापेक्षा ही कथा भिडली. लवकरच आतिवास यांना हेल्दी काँपिटिशन! - तिमा

आतिवास
Sat, 08/10/2013 - 12:39 नवीन
लवकरच आतिवास यांना हेल्दी काँपिटिशन! !! "काँपिटिशन" कशाला? अजून लोकांनी लिहावं.. त्यातून शतशब्दकथा अधिक भक्कम होईल - ते महत्त्वाचं :-)
↩ प्रतिसाद: तिमा

तिमा
Sat, 08/10/2013 - 14:21 नवीन
काँपिटिशन नाही. मिपा समृद्ध होण्याची वाटचाल सुरु, असं म्हणतो. - तिरशिंगराव माणुसघाणे
↩ प्रतिसाद: आतिवास

तुमचा अभिषेक
Sat, 08/10/2013 - 19:24 नवीन
सहमत तिमा .. आपण जे म्हणालात त्यातील हेल्दी शब्द महत्वाचा.. मग ती स्पर्धा ईतरांशी नाही तर स्वताशी असते, आणि ईंतरांच्या पुढे जाण्यासाठी नाही तर ईतरांना पुढे नेण्यासाठी असते :)
↩ प्रतिसाद: तिमा

प्रभाकर पेठकर
Sat, 08/10/2013 - 11:16 नवीन
सुंदर आशयगर्भ शतशब्दकथा. दोन भिन्न दिशांचे लेखनप्रकार मिपावरच वाचावयास मिळतात. एकीकडे अशी आशयगर्भ शतशब्दकथा तर दूसरीकडे आशयविहीन लक्षशब्द लेख.

किणकिनाट
Sat, 08/10/2013 - 12:09 नवीन
काका, तुमचा प्रतिसाद वाचून एकदम धडधडून हसायला आलं. आणि अर्थातच १००% सहमत. सुंदर आशयगर्भ शतशब्दकथा. लगे रहो, तु.अभि. किणकिनाट.
↩ प्रतिसाद: प्रभाकर पेठकर

अभ्या..
Sun, 08/11/2013 - 14:40 नवीन
तुम्ही नका हो दडपण घेउ. आणि प्रतिसाद पण किती सुरेख देता तुम्ही. आम्ही असं काही लिहील गोग्गोड की, लोकांना मानभावी वाटतं. ;-)
↩ प्रतिसाद: तुमचा अभिषेक

चिगो
Fri, 08/16/2013 - 18:02 नवीन
आतिवास ह्यांच्या कथा जरा मिष्कील, निरागसपणाकडे झुकणार्‍या.. तर तुमचारावांच्या कथा धक्कातंत्र, कलाटणीबाज.. झक्कास ! मिपा आणि शतशब्दकथाप्रकार समृद्ध होत आहे.. :-)