>>समस्त मिपापरिवार म्हणजे एक अज्ञानाच्या, अंधाराच्या खातेर्‍यात तळमळत पडलेला अजाण समुदाय आहे, आणि त्याचा उद्धार करावयास आपण इथे आलेलो आहोत, असा अभिनिवेश घेऊन कुणी सभासद वावरत असले, तर हेच होणार. आणि हे इथेच नाही, इतरस्त्र कुठेही असेच व्हावे? ह्या अ‍ॅटिट्यूडला मराठीत नक्की काय म्हणतात माहिती नाही, इंग्लिशमधे ह्याला patronising, condescending आणि pontificating attitude असे संबोधले जाते. जर-तरशी सहमत. प्रस्तुत विषयातले माझे निरिक्षण थोडे वेगळे आहे. कविता महाजन यांच्यावर पहिल्याच धडाक्यात असहमतीचा सूर लावणारा मीही होतो. तो विषय गुवाहाटीचा होता. नंतर महाजनांवर अकारणही बोचरी, कुत्सीत, उपरोधक टीका झाली आहे, असे माझे निरक्षणाअंती मत झाले ("हे सापेक्ष आहे, त्यामुळे ते चूक आहे", असे म्हणता येतेच). त्याला उत्तर देताना महाजनांचा अॅटिट्यूडही तुम्ही म्हणता तसा patronising, condescending आणि pontificating झाला आहे (माझे हे मत मी त्यांच्याशी संबंध असलेल्या दोन व्यक्तींकडे याआधीच एकदा सांगितले आहे). त्यानंतर टीकाकार आणखी सुटले (काही जणांनी केलेली टीका ही अजेंडाओरिएंटेड आहे असे मत एखाद्या तटस्थाचे सहज होऊ शकते असा हा व्यवहार झालेला आहे). हा एकूण प्रकार 'जशास तसे' असा झाला आहे. हे काही शोभिवंत नाही. या धाग्यावरच ज्या स्तरापर्यंत टीका उतरली आहे, ते पाहिले की कळते आपला (यात मीही आलोच) स्तर काय आहे. त्या चित्राची खिल्ली उडवणं मी समजू शकतो. ती उडवली गेली आहेही. रास्त आणि वाजवी खिल्लीला माझी हरकत नाहीच. पण येथील तिचा स्केल पाहता, त्या पॅट्रनाईज करतात तर आम्ही त्यांना गुंडाळून फाट्यावर फेकून देतो, असा झाला आहे. हे असे होऊ नये, असे मला वाटते. ज्या सुरात 'अंधारातील पाय' वगैरे प्रश्न केले गेले आहेत ते पाहता एकूण यामागच्या 'दिव्यदृष्टी'ची कल्पना येते (आता 'आम्हाला खरंच पाय दिसत नसल्याने बगळा नाचला कसा, हा प्रश्न पडला आहे आणि तो विचारला' असा पवित्रा घेतला जाईलही. त्यात मला पडायचे नाही). टीका वेगळी, खिल्ली वेगळी... दोन्ही होऊ शकते, झाले पाहिजे. दोन्हीच्या चौकटी आहेत. त्यापलीकडे त्या गेल्या की मग पॅट्रनायजिंगला (किंवा तत्सम गोष्टी) उत्तर म्हणून त्या केल्या जाताहेत हेही स्वीकारार्ह रहात नाही.

हंस: श्वेतो बक: श्वेतो को भेदो बकहंसयो: | नीरक्षीरविवेके तु हंसो हंस: बको बक | _/\_ पायाचा फोटु पाठवुन देणे !!

धन्य!

>>(माझे काळ्या कॅनव्हासवर केलेले तैलरंगातील नृत्यमग्न बगळ्याचे एक चित्र ) >>असे लिहीण्यापेक्षा , ( मी रेखाटलेले काळ्या कॅनव्हासवरील तैलरंगातील नृत्यमग्न बगळ्याचे एक चित्र ) अस वाचायला बरं वाटल असत..

>>>>मी रेखाटलेले काळ्या कॅनव्हासवरील तैलरंगातील नृत्यमग्न बगळ्याचे एक चित्र. ह्यात, बगळा, 'तैलरंगात नृत्यमग्न' आहे असा अर्थ निघू शकतो. त्यामुळे, मी तैलरंगात, काळ्या कॅनव्हासवर रेखाटलेले, नृत्यमग्न बगळ्याचे एक चित्र. अशी वाक्य रचना जास्त योग्य वाटते.

हो!.. पण "बॅलरिना"मध्ये पाय जमिनीवरच असतात.. आणि दृश्य स्वरुपात असल्यामुळे आपल्याला दिसू शकतात... पण इथे बगळा पायविरहित वाटतो... तसेच त्याचे पंखही झडलेले वाटतात... त्यामुळे तो आजारी किन्वा अपन्ग असल्यासारखे वाटते... पृथ्वीसदृश चन्द्राचा प्रकाश त्याच्यावर पडल्यामुळे कदाचित त्याच्या आजाराचे गाम्भीर्य फारसे कुणाच्या लक्षात आलेले नसावे!!!

>>म्हणजे याचा अर्थ तो कावळा हळू हळू दलदलीत फसत चालला आहे, कावळा ??? आणि त्याला कोण फसवत आहे ? हल्ली लोक कुणालाही गंडवतात म्हणा ;-) असो, बाकी सगळे सोडा, पण कावळा,????

ते स्कोर सेटलींग वगैरे प्रकारांशी मला मतलब नाही. तसल्या तद्दन फालतूपणाकडे लक्ष द्यायची गरजही नाही पण इतकंच मनापासून जाणून घ्यायचं आहे की हे असे सोयीस्कर प्रतिसाद देऊन तेढ सांधली जाते की अजून वाढते? अशाने नक्की काय साध्य करावयाचे असते? जर योग्य/ अयोग्य सांगावयाचे तर ते नि:पक्षपातीपणे सांगावे, प्रत्येक वेळेसच. प्रत्येक वेळेस हे महत्वाचे. नाहीतर त्या सोयीस्कर संभावितपणाला अर्थ नाही.