"चवीने खाणार त्याला देव देणार" हे जेवढं खरं तेवढ्च मला असंही म्हणावं वाटेल "आवडीनं बनवणार त्याला देव सांगणार". मला ह्याची प्रचीती आली. परवाच भाजी बाजारात गेलो होतो, भली मोठी मंडईच ती. वेगवेगळ्या प्रकारच्या भाज्या असतात, मला जाम अवडतं तिथे :)... अश्याच नेहमी प्रमाणे भाज्या बघत असतांना एक नवीन प्रकार दिसला, कधि न पाहिलेला. उत्सुकता म्हणुन गेलो त्या भाजीवाल्या मावशींकडे, विचारु कि नको त्या भाजी बद्द्ल असं चालु होतं (घाबरत होतो म्हणुन नाहि, पण उगिच मागे लागतील घेण्यासाठी वा अपल्याला कहिच माहित नाही म्हणुन कहितरी अव्वाच्या सव्वा भाव सांगतिल म्हणून मी "confuse"). पण तेवढ्यात एक काकु आल्या आणि त्यांनी त्या भाजिचा भाव विचारुन भाजि घेतलिहि. आणि त्या भाजीवाल्या मावशी त्या कांकुना बोलल्या " अरवी करणं सुगरणीचंच काम". मग तर काय मी विचारलंच त्या मावशींना त्या भाजि बद्द्ल (खरा भाव माहित झाला होता एव्हाना :P काकुंमुळे ). मावशींनीही उत्साहाने सांगीतलं "हयाला अरवी म्हणतात, हे मस्त पाण्यात उकडवुन, सालं काढुन चकत्या करुन तळायचे, आणि तिखट मीठ टाकुन खायचे, लई भारी लागतात :)" मग काय मी हि काय थांबतोय का... घेतलेच आणि सांगितल्या प्रमाणे बनवले. साहित्य : अरवी : ३ ते ४ मीठ/तिखट्/पीठीसाखर/आमचुर वा लेमन पावडर : हे सर्व चवीनुसार. तळणासाठी तेल कृती :अता कृती अ‍ॅलरेडी सांगीतलीच आहे वरती, तरी अजुन थोडी विस्तृत - फोटोसहीत (आणि माझं व्हर्जन) १. प्रथम अरवी स्वच्छं धुवून घ्यावी आणि एका पातेल्यात ह्या सगळ्या आरवी पुर्ण बुड्तील एवढं पाणी घ्यावे आणि त्यात मीठ टाकावे व वाफवुन घ्यावे(साधारण १० मिनीटांसाठी, हाय फ्लेम वर) २. वाफवुन घेतल्यावर ह्या आरवीचे वरचे सालं काढुन टाकावे. ३. अता त्यच्या बारीक चकत्या कराव्यात. ४. कढईत तेल घेउन ते कडकडीत गरम झाले की मध्यम आचेवर ह्या चकत्या खरपुस तळुन घ्याव्यात. ५. अरवीच्या चकत्या /चिप्स तयार :) अता ह्या गरम असतात तेव्हाच ह्यावर मीठ,पीठीसाखर, आमचुर/लेमन पावडर आणि तिखट भुरभुरावे. मग "एक नंबर" चव लागते :) (आमचुर आणि पीठीसाखरेमुळे आरवीचा खाजरे पणा जातो. ज्या कारणासाठी आपण आळुच्या भाजीत्/फदफद्यामधे चिंच गुळ टकतो तसंच :) ) असं वाटलं ह्या चिप्स त्या मावशींकडे घेउन जाव्यात ह्या अश्या आणि विचारावं "मी पण सुगरण आहे का?" :) अवांतर - जालावर अरवी बद्द्ल शोधतांना माझ्या हे निदर्शनास आलं, अरवी हे एक कंदमुळ आहे. अहो हे अरवी म्हणजे आपल्या आळुच्या पानाचेच मुळं/कंद. ह्यालाच "टॅरो रुट/टॅरो पोटॅटो" असंही म्हणतात (भारता-बाहेर राहाण्यार्‍यांना बाजारातुन आणावयाचे असल्यास ह्या नावाने विचारु शकता. सहजासहजी मिळेल वाटत नाहि, पण "फार्मर्स मार्केट" मधे जरुर मिळेल). :) टंकलेखनात कुठे चुक आढळल्यास माफि असावी. चुक निदर्शनास आणावी, सुधारली जाईल.