मी ह्या बाबतीत विकीलिक्सच्या मोहीमेचे समर्थन करु इच्छितो :) >>•तुम्हाला विकी लिक्सने अमेरिकेची गोपनीय माहिती उघड करणे योग्य वाटते का? हो ! सामान्य माणसास माहित असणे ही गरज असण्याची आणि त्या उपलब्ध माहितीच्या आधारे त्याला भविष्यात आपले नेते ठरवण्यास मदत करणारी 'अत्यावश्यक' माहिती उगाच 'गोपनिय्'चा शिक्का मारुन दडवुन ठेवायला आमचा तात्विक विरोध आहे. म्हणुनच आम्हाला विकीलिक्सचे जे करते ते योग्य वाटते. मात्र त्यांनी ते करताना अत्यंत संवेदनाशील माहिती देणे टाळावे. >>•तुम्हाला एखाद्याने भारताची अशी गोपनीय माहिती उघड केली तर ते योग्य वाटेल का? हो ! उलट मी विकीलिक्सला 'भारताकडेही लक्ष द्याचे' असे सुचवु इच्छितो. आपण पाकीस्तानचा जिंकलेला मुलुख का परत दिला ? शास्त्री कशामुळे गेले ? सुभाषबाबुंचे काय झाले ? चीनबरोबर युद्ध कशामुळे हरलो ? कचरा क्वालिटीची रशियन हत्यारे वर्षानुवर्षे का विकत घेतली जात आहेत ? ईशान्य भारतात सरकारचे नक्की धोरण काय ? श्रीलंकेत सैन्य घुसवण्याचा निर्णय का झाला ? भ्रष्टाचाराची तर अगणित उदाहरणे आहेत, मला हे सर्व जाणण्यात रुची आहे. >>•तुम्हाला एखाद्याने पाकिस्तानमधील अशी गोपनीय माहिती उघड केली तर ते योग्य वाटेल का? फरक पडत नाही, पण हरकत नाही असे सांगतो. >>•जर निवडून दिलेले सरकार जनतेला जे सांगते त्यापेक्षा वेगळे प्रसंगी विरुद्ध व्यवहार/कृती करत असेल व ते एखाद्याने उघड केले तर तो राष्ट्रद्रोह आहे असे तुम्हाला वाटते का? अलबत ! ते तसेच व्हावे आणि आत्तापर्यंत जे खपुन गेले आहे ते उजेडात यावे म्हणुन असे घडणे आवश्यक आहे. पण कृती करताना प्रत्येक घटनेचा आणि त्यामागच्या पैंलुंचा सेप्रेट विचार व्हावा, सरसरट प्रत्येकाला 'राष्ट्रद्रोही' ठरवणे योग्य नाही. मात्र ह्यामुळे सत्तेचे दलाल आणि व्यापारी मात्र त्वरित एक्झेक्युट केले पाहिजेत. >>•सध्या चाललेल्या विकीलिक्स विरुद्ध अमेरिकन सरकार यांपैकी कोणाची बाजु तुम्ही योग्य समजता व का? दोघांचीही ! मात्र विकीलिक्सचे मला जास्त कौतुक करु वाटते, त्यांच्या ह्या दट्ट्यामुळे सरकारे जागेवर येतील. जेव्हा डायरेक्ट उच्चपातळीवरुन एखाद्या वेबसाईटची दखल आख्ख्या जगातील सरकारे घेतात तेव्हा 'उनकी बातों मे दम है बॉस' असेच वाटते व म्हणुन कौतुक वाटते. मग्रुर सरकारला डोक्यावर अशी टांगती तलवार हवी म्हणुन विकीलिक्सची मोहीम मला आवडते. तुर्तास एवढेच, बाकी जसे चर्चा पुढे सरकेल तसे :) उत्तम चर्चाविषय असे म्हणतो. - छोटा डॉन

तुम्हाला विकी लिक्सने अमेरिकेची गोपनीय माहिती उघड करणे योग्य वाटते का? तटस्थ. अमेरिकेच्या भल्याची काळजी मी करत नाही. (इथे अमेरिके ऐवजी कोणत्याही देशाचे नाव असू शकते.) तुम्हाला एखाद्याने भारताची अशी गोपनीय माहिती उघड केली तर ते योग्य वाटेल का? नाही. तुम्हाला एखाद्याने पाकिस्तानमधील अशी गोपनीय माहिती उघड केली तर ते योग्य वाटेल का? तटस्थ. पाकिस्तानच्या भल्याची काळजी मी करत नाही. (इथे पाकिस्तानऐवजी कोणत्याही देशाचे नाव असू शकते.) जर निवडून दिलेले सरकार जनतेला जे सांगते त्यापेक्षा वेगळे प्रसंगी विरुद्ध व्यवहार/कृती करत असेल व ते एखाद्याने उघड केले तर तो राष्ट्रद्रोह आहे असे तुम्हाला वाटते का? बहुतेक, हो. पण हे केस बाय केस विचार करून अंतिम मत देत जाईन. सध्या चाललेल्या विकीलिक्स विरुद्ध अमेरिकन सरकार यांपैकी कोणाची बाजु तुम्ही योग्य समजता व का? संपूर्ण माहिती नाही. म्हणजे या सगळ्या प्रकरणात विकिलिक्स हे नक्की का करत आहे वगैरे...

मला तर बुवा वाटते हे विकीक्लिक्स अमेरिकन सरकारनेच सोडलेले पिल्लू आहे! मला संशय येतो म्हणजे येतो! (साभार, वर्‍हाड निघालंय लंडनला ) एवढी राज्ये तिच्यायला त्या अमेरिकेत आणि एवढी सारी लफडी. राहातंय कुणाच्या डोक्यात. इथे नाही रोज लोक नागवे होतात आणि पुन्हा तुरूंगाच्या खास घोंगड्या पांघरूण पुन्हा त्यांना अब्रू बहाल केली जात? ते विकिक्लिक्स वाचू गेलो तर एक अक्षर कळेल तर शपथ. हे अमेरिकन लोक उद्या "हौ टू रिड विकिक्लिक्स" छापून विकू लागले तर आश्चर्य वाटणार नाही.

हे सर्व मला पहिल्यांदाच कळाले आहे , त्यामुळे प्रतिक्रिया जास्त काही माहिती नसताना देत आहे ... तुम्हाला विकी लिक्सने अमेरिकेची गोपनीय माहिती उघड करणे योग्य वाटते का? --> गोपनीय माहिती म्हणजे जर सामाण्य जनतेला ती कळुन राष्ट्रावर , महत्वाच्या स्थळांवर वा माणसावर काही आघात वा हल्ला होणार नसेल तर ती माहीती उघड करणे योग्य वाटते ... तुम्हाला एखाद्याने भारताची अशी गोपनीय माहिती उघड केली तर ते योग्य वाटेल का? --> नक्कीच (वरील उत्तर लक्षात घेवुन ) तुम्हाला एखाद्याने पाकिस्तानमधील अशी गोपनीय माहिती उघड केली तर ते योग्य वाटेल का? --> हो. जर निवडून दिलेले सरकार जनतेला जे सांगते त्यापेक्षा वेगळे प्रसंगी विरुद्ध व्यवहार/कृती करत असेल व ते एखाद्याने उघड केले तर तो राष्ट्रद्रोह आहे असे तुम्हाला वाटते का? जर सरकारचे ते व्यवहार / कृती यामुळे देशावर संकट उभे राहत असेल तर तो राष्ट्रद्रोह च आहे असे वाटते .. आणि जर ते व्यवहार / कृती यामुळे देशाचे नुकसान नाही पण माणसांची दिशाभुल केली जात असेल तर तो लोकशाही कलंक समजला जावा असे वाटते .. सध्या चाललेल्या विकीलिक्स विरुद्ध अमेरिकन सरकार यांपैकी कोणाची बाजु तुम्ही योग्य समजता व का? सध्या नक्की कश्या पद्धतीने चालु आहे ते माहीत नाही, लिंक ही ओपन नाही केली अजुन , त्यामुळे ठोस उत्तर देत नाही . परंतु वरील उत्तरांवरुन याचे उत्तर कळत असेन

तुम्हाला विकी लिक्सने अमेरिकेची गोपनीय माहिती उघड करणे योग्य वाटते का? हो. तुम्हाला एखाद्याने भारताची अशी गोपनीय माहिती उघड केली तर ते योग्य वाटेल का? हो. तसेही आपले नेते लोक काय "आदर्श" ठेवुन आहेत ते सगळ्यांना कळलचं आहे. बाकी हिंदुस्थाना संबंधीत केबल्स तुम्ही वाचलेल्या दिसत नाहीत... घ्या वाचा :--- http://ibnlive.in.com/news/where-does-india-figure-in-wikileaks-cablegate/136099-53.html ये तो डेमो हय...अभी तो पडदा उठना बाकी हय. तुम्हाला एखाद्याने पाकिस्तानमधील अशी गोपनीय माहिती उघड केली तर ते योग्य वाटेल का? पाकड्यांकडील माहितीला अनन्यसाधारण महत्व आहे. हे उलट्या खोपडीचे सटक लोग त्यांची टाळकी कशी चालवतात त्याबद्धल मला तरी लयं उत्सुकता हाय... ;) जर निवडून दिलेले सरकार जनतेला जे सांगते त्यापेक्षा वेगळे प्रसंगी विरुद्ध व्यवहार/कृती करत असेल व ते एखाद्याने उघड केले तर तो राष्ट्रद्रोह आहे असे तुम्हाला वाटते का? जनतेला सांगुन कोणते सरकार राजद्रोह करेल काय ? राजकारणी लोक इतकेही बावळट नाहीत हो...उदा. जी भाजपा २जी बद्धल कॉग्रेसकडे जेपीसी प्रोब मागते तीच भाजपा येडीयुरप्पा प्रकरणात अळीमिळीगुपचिळी ठेवुन आहे की नाही ? ;) सध्या चाललेल्या विकीलिक्स विरुद्ध अमेरिकन सरकार यांपैकी कोणाची बाजु तुम्ही योग्य समजता व का? अर्थातच विकीलिक्स्ची... कारण अमेरिकेची काळी बाजु कोणालाही न घाबरता ते समोर आणत आहेत.

विषय् क्लिष्ट् आहे..

फट्दीशि साईट बॅन व्हायची......

सगळ्यांचे अजून पर्यंत दिलेल्या मतांबद्द्ल धन्यवाद. माझे मतः

* तुम्हाला विकी लिक्सने अमेरिकेची गोपनीय माहिती उघड करणे योग्य वाटते का? * तुम्हाला एखाद्याने भारताची अशी गोपनीय माहिती उघड केली तर ते योग्य वाटेल का? * तुम्हाला एखाद्याने पाकिस्तानमधील अशी गोपनीय माहिती उघड केली तर ते योग्य वाटेल का?

होय. मुळातच माहिती आणि गोपनीयता हे एकत्र असणे मला मान्य नाही. सरकार जे काही करते त्याची माहिती नागरीकांना हवीच. पारदर्शक कारभार करणे हे सरकारचे कर्तव्य आहे. सरकार म्हणजे राजे नव्हेत. ते केवळ आमचे प्रतिनिधी आहेत. सुरक्षा व्यवस्था, व्यापार, देवघेवी, परराष्ट्र धोरण ह्या गोष्टी देखील गोपनीय असता कामा नयेत. आणि होणारे व्यवहारही त्या अनुशंगाने होताहेत की नाही हे ही जनतेला माहित असणं मला अत्यावश्यक वाटतं.

* जर निवडून दिलेले सरकार जनतेला जे सांगते त्यापेक्षा वेगळे प्रसंगी विरुद्ध व्यवहार/कृती करत असेल व ते एखाद्याने उघड केले तर तो राष्ट्रद्रोह आहे असे तुम्हाला वाटते का?

अर्थातच नाही

* सध्या चाललेल्या विकीलिक्स विरुद्ध अमेरिकन सरकार यांपैकी कोणाची बाजु तुम्ही योग्य समजता व का?

विकिलिक्स एक डिस्क्लेमर: माझे मत केवळ लोकशाही देशांना लागु आहे. अन्यत्र लोकांचे राज्य नसल्याने त्यांचा माहितीवर अधिकार असेलच असे नाही. शिवाय गोपनीयता नको असे जेव्हा मी म्हणतो तेव्हा तात्पुरत्या गोपनीयतेला माझा विरोध नाही. काहि परीस्थितीत (जसे युद्ध) गोपनीयता पाळली तरी परिस्थिती निवळल्यावर केलेला "संपूर्ण" व्यवहार, करार, समझौते वगैरे सरकारने उघड केलाच पाहिजे. (सरकारे ते करत नाही तेव्हा विकीलिक्स सारखी माध्यमे जन्म घेतात)

१, २, ३ ­- हो. ४ - नाही. ५ - विकीलीक्स. प­ण गोपनियता कायद्या­खाली कुठं काही ­खटला ­झाला तर त्यालाही विकीलीक्सने तोंड द्यावे. त्यासा­ठी विकीलीक्सला मी पा­ठिंबा देतो. सक्रिय मात्र स­ध्या काही कर­णे ­शक्य नाही. ;)

प्रका टा आ डिस्क्लेमर वरच्या प्रतिक्रीयेत हलवला आहे

या चर्चेमागे मुळात प्रश्न 'सरकारला काही विशिष्ट माहिती गोपनीय ठेवण्याचा अधिकार आहे का? असावा का?' असा वाटतो. आदर्श व्यवस्थेत तसा तो नसावा असं मला वाटतं. आदर्श व्यवस्था म्हणजे जिथे युद्धं नाहीत, शत्रु राष्ट्र नाहीत, हेरगिरी नाही... मात्र जर आपले हेर परदेशात पाठवणं, अनधिकृतरीत्या इतर देशांमध्ये कारवाया करणं हे सरकारकडून जनतेला अपेक्षित असेल तर त्यांची माहिती फक्त मोजक्या लोकांना असावी ही सरकारची अपेक्षा रास्त वाटते. केक खायलाही हवा आणि जपूनही ठेवायचा हे दोन्ही साध्य कसं करणार? प्रश्न असा येतो की या रास्त अपेक्षेतून मिळालेल्या अधिकारांचा गैरवापर होतो आहे का? तसा तो होऊ नये यासाठी अधूनमधून काही जबाबदार प्रकाशनसंस्थांना आपल्या मार्गाने अशी माहिती मिळवून ती प्रसिद्ध करता यावी. ही एक प्रकारे आंतर्गत हेरगिरीच आहे. शत्रुवर नजर व नियंत्रण ठेवण्यासाठी जनता सरकारतर्फे जशी हेरगिरी करते, तशीच सरकारवर नजर व नियंत्रण ठेवण्यासाठी प्रकाशन संस्थांतर्फे हेरगिरी देखील व्हावी. इथे ती दुधारी तलवार सरकारवर उलटते. आम्ही (सरकार) करणार तीच हेरगिरी योग्य व इतरांची (जनतेची) चूक हे म्हणता येत नाही. तेव्हा माझं थोडक्यात मत असं की तूर्तास तरी दोन्ही हेरगिऱ्या चालू राहाव्या. मात्र दोन्ही पक्षांनी आपल्या अधिकारांचा गैरवापर करू नये. म्हणजे सरकारने आपल्याला गैरसोयीची माहिती दडपून ठेवू नये. व प्रकाशकांनी आपल्या हाती माहिती आली तर ती प्रसिद्ध करण्यात राष्ट्रीय सुरक्षेला धोका नाही याची खात्री करून घेण्याचा प्रयत्न करावा. मूळ बातमीत ती माहिती काय स्वरूपाची होती याचा अंदाज येत नसल्याने वरील भूमिकांच्या आधारे कुठच्याच पक्षाची बाजू घेता येत नाही.

माझे हितसंबंध धोक्यात येणार नाहीत तोपर्यंत विकिलिक्सची बाजू घेईन. आतापर्यंत ते तसे न आल्याने विकिलिक्सचे वागणे योग्य वाटते आहे. सरकारविषयी औपचारिक-अनौपचारिक सर्वच बाजू लोकांसमोर येणे योग्यच आहे.

ही लोकशाहीची कसोटी आहे, आणि त्यात अमेरिकन सरकार पास झालेले आहे. विकीलीक्स हे संकेतस्थळ येथे अजूनही दिसते (डीडॉस झाल्यामुळे काही काळ वेळ लागत होता, पण अपाचेच्या प्लगिनच्या कॉन्फिगरेशनमधली ती चूक होती). कुणी हगले-पादले की पुस्तके, सिनेमे ब्यान करणार्‍या जगातील सर्वात मोठ्या लोकशाहीने शिकण्यासारखी गोष्ट आहे.

मात्र मूळ प्रश्नांसंदर्भात अजून काही मते, कारण नुसते "होय/नाही" मधे त्याला न्याय मिळेल असे वाटत नाही. : तुम्हाला विकी लिक्सने अमेरिकेची गोपनीय माहिती उघड करणे योग्य वाटते का? काळ-वेळ पाहून आणि नक्की काय साध्य होणार आहे याचा विचार करून करावे इतकेच वाटते. तुम्हाला एखाद्याने भारताची अशी गोपनीय माहिती उघड केली तर ते योग्य वाटेल का? वर जे अमेरिकेच्या बाबतीत म्हणले आहे तेच भारताच्या बाबतीतही. मात्र भारतात आपले राजकारणी मुरलेले असल्याने इतके लेखी पुरावे ठेवतील असे वाटत नाही. शिवाय असे उघडकीस येणार म्हणल्यावर पुरावे म्हणण्यापेक्षा जाळावे म्हणण्याचा "आदर्श" आपण ठेवू शकतोच. ;) आपली वृत्तपत्रे साधे बरखागेट बाहेर येऊन देत नाहीत अर्थात लपवत आहेत. आज रतन टाटांनी सुप्रिम कोर्टात जाऊन माहीती वाचवण्याची विनंती केली आहे. त्या बातमीत देखील बरखा दत्त/वीर सिंघवीचा साधा उल्लेख करायची हिंमत टाईम्स ऑफ इंडीया मधे दिसत नाही. :( तुम्हाला एखाद्याने पाकिस्तानमधील अशी गोपनीय माहिती उघड केली तर ते योग्य वाटेल का? काही इंटरेस्ट नाही. आपल्या गुप्तचर खात्याने ती माहिती मिळवून जर सरकारने त्याच योग्य वापर केला तर जास्त योग्य वाटेल... नाहीतर अशा फुटलेल्या माहीतीचा वापर तेथील सरकारच्या विरोधात जनतेला पेटवण्यासाठी अल कायदा अथवा तालीबान सारख्या संघटना करतील आणि अधिकच अस्थिरता आपल्या सीमेलगत तयार होईल जे आपल्यासाठी चांगले नाही... एकूणच व्हिसलब्लोअर प्रकार लोकशाही राष्ट्रांसाठी योग्य आहे. जिथे लोकशाही नाही तेथे व्हिसलब्लोअरपेक्षा सशस्त्र/नि:शस्र क्रांतीच होणे महत्वाचे. जर निवडून दिलेले सरकार जनतेला जे सांगते त्यापेक्षा वेगळे प्रसंगी विरुद्ध व्यवहार/कृती करत असेल व ते एखाद्याने उघड केले तर तो राष्ट्रद्रोह आहे असे तुम्हाला वाटते का? ह्याचे उत्तर देखील स्थलकालसापेक्ष असेल. सध्या चाललेल्या विकीलिक्स विरुद्ध अमेरिकन सरकार यांपैकी कोणाची बाजु तुम्ही योग्य समजता व का? अमेरिकन सरकार जे काही करत आहे त्यात अमेरिकन स्वार्थ आहे, त्यांना काय साध्य करायचे आहे ते थोड्याफार फरकाने समजू शकते. विकीलीक्स जे करत आहे त्यात नक्की त्यांचे हेतू काय आहेत हे माहीत नाहीत. ते देखील कोणी जाहीर केले तर कुणाची बाजू अधिक योग्य ते समजू शकेल. ------------------------- अवांतरः ज्या आयडी स्वत:चे खरे नाव लपवत येथे गोंधळ घालतात, त्यांची खरी नावे "मिपालिक्स" वर जाहीर करायची का? ;)

१) मी विकी च्या बाजूचा. २) em>•तुम्हाला एखाद्याने भारताची अशी गोपनीय माहिती उघड केली तर ते योग्य वाटेल का? प्रश्न चुकीचा आहे. भारतात राष्ट्रीय गुपित असी काही नाही. योग्य ते पैसे दिल्यावर सगळ्यांना सगळे मिळते.

अमेरिका पूर्वीपासून स्वत:च काही गोपनीय माहिती ३० वर्षे किंवा काही एका कालवधीनंतर प्रसिद्ध करते असे कुठेसे ऐकले होते. ते बरोबर आहे का?

अमेरिकन सरकारने प्रकाशित केलेल्या माहितीत कायदे, अंमलबजावणी, विविध माहिती, युद्ध इत्यादी माहितीला स्थान दिले जाते. या व्यतिरिक्त अनावश्यक माहिती ठेवली जाते. परंतु, अशी कोणतीही माहिती आक्षेपार्ह किंवा अनावश्यक वाटल्यास अमेरिकन सरकार ही माहिती अप्रकाशित करते. विकिलिंक्सवरील माहिती सरकारी संस्थळावर ठेवण्यास अनावश्यक वाटत असल्याने अमेरिकन सरकारने सदर माहिती अप्रकाशित केली आहे याची कृपया नोंद घ्यावी. अमेरिक सरकार तर्फे जनहितार्थ ;) मजाक पुरे... उत्तरे - होय, होय, होय, नाही, सध्या मौन बहुधा अमेरिकन सरकार विकीलिक्सवर कारवाई करेलच असे संकेत मिळत आहेत. लोकशाहीवादी देश आहे ना ;)

ह्यावर मिपाच्या क्लिंटन साहेबांनी भाष्य करावे अशी मी त्यांना विनंति करतो.

>>विकी लिक्स विरूद्ध (अमेरिकन) सरकार मिपाचे एक जुने सदस्य विकि अमेरिकेच्या विरोधात असणार हे ठीक पण त्यांना "लिक्स" हे बिरूद?

मटाकारांना यात कॉन्स्पिरसी थियरी दिसतेय, तुम्हाला?

इतर देशांची (मुख्यतः न-लोकशाही देशातील) माहिती अशीच उघड करू शकते का? शकेल का? (मला माहीत नाही म्हणून विचारतोय). नसेल तर सर्व लोकशाही देशांच्या शत्रूंना हा आयताच फायदा मिळेल असे वाटते (अनफेअर अ‍ॅडव्हांटेज). लोकशाही देशात त्या नागरिकांचा माहितीवर अधिकार आहे पण माहिती जेव्हा उघड होते तेव्हा ती इतर देशातील नागरिकांना - म्हणजेच जर एखादा देश युद्धात असेल तर त्याच्या शत्रूला सुद्धा मिळते. आणि तो शत्रुदेश जर लोकशाही देश नसेल त्यांची माहिती अशी कोणी उघड करू शकत नाही. जगातील सर्व देशांची माहिती अशी उघड केली तर निदान फेअर गेम म्हणता येइल. त्यामुळे अशा बाबतीत अमेरिका, भारत वगैरेंना जास्त मोठे चॅलेंज आहे असे वाटते.

Big brother is watching... so are we. तर एकदम मजेशीर.एथे पहा खरच ह्याना देणगी दिली पाहीजे, मी आताच पेपल वरून मदत केली. These people deserves it. ;)