विकी लिक्सने उघडलेल्या २५०,००० गोपनीय कागदपत्रांमुळे उठलेले वादळ शमण्याचे लक्षण दिसत नाही. यात केवळ अमेरिकाच नाही तर जगातील अनेक राष्ट्रांची/त्यांच्याबद्दलची माहिती थेट/संदर्भाने उघड होते आहे / झाली आहे. त्याच बरोबर अमेरिकेचे दुटप्पी धोरणही दिसत आहे. मात्र अमेरिकेनेआशी कागदपत्रे उघड करणे राष्ट्रीय सुरक्षेच्या विरुद्ध मानले आहे. विकी लिक्स मुळे अमेरिकन सरकारचे दुटप्पी धोरण, "ग्राहक राष्ट्रांसाठी" गुंडाळलेले/बदललेले/वाकवलेले नियम, त्रयस्थ राष्ट्रांबरोबरचे गुप्त समझौते / व्यापार / व्यवहार, प्रसंगी शत्रु राष्ट्राबरोबरचे व्यावारी संबंध वगैरे माहिती उघड झाली आहे. अमेरिकन सरकारचे अधिकृत धोरण आणि प्रत्यक्षातली कृती / व्यवहार यांतील तफावत विकि लिक्सने जनतेच्यासमोर आणली आहे. त्यामुळे काहि मंडळी विकी लिक्स ला पाठींबा देताहेत. तर दुसरीकडे अमेरिकन सरकारच्या मते उघड झालेल्या माहितीमुळे अमेरिकेचे परदेशांत असलेले नागरीक व सौनिक यांच्या जिवाला धोका निर्माण झाला आहे. तसेच अमेरिकेचे परराष्ट्रसंबंध तसेच नेत्यांची, नागरीकांची व पर्यायाने देशाची सुरक्षा धोक्यात आली आहे. हा चर्चा प्रस्ताव "विकी लिक्स विरुद्ध अमेरिकन सरकार" यांत तुम्ही कोणाची बाजु घ्याल आणि का? याची चर्चा करण्यासाठी मांडत आहे. काहि मुद्दे/प्रश्न चर्चेला दिशा देण्यासाठी देत आहे. मात्र चर्चा या विषयाशी संबंधीत अन्य दृष्टीकोनातून करण्यास हरकत नाहि.

• तुम्हाला विकी लिक्सने अमेरिकेची गोपनीय माहिती उघड करणे योग्य वाटते का?
• तुम्हाला एखाद्याने भारताची अशी गोपनीय माहिती उघड केली तर ते योग्य वाटेल का?
• तुम्हाला एखाद्याने पाकिस्तानमधील अशी गोपनीय माहिती उघड केली तर ते योग्य वाटेल का?
• जर निवडून दिलेले सरकार जनतेला जे सांगते त्यापेक्षा वेगळे प्रसंगी विरुद्ध व्यवहार/कृती करत असेल व ते एखाद्याने उघड केले तर तो राष्ट्रद्रोह आहे असे तुम्हाला वाटते का?
• सध्या चाललेल्या विकीलिक्स विरुद्ध अमेरिकन सरकार यांपैकी कोणाची बाजु तुम्ही योग्य समजता व का?

प्रतिसाद बर्‍यापैकी अवांतर असल्यास वेगळा चर्चाविषय उघडावा. वैयक्तीक गप्पा / वाद / चर्चांसाठी खरडवही / व्यनि चा वापर करावा. विदा व चर्चाविषय ह्या बातमीवर बेतला आहे.