आमचंच चुकलं म्हना की! आमाला वाटलं की तात्यासारक्या तरबेज लेखकाला सहज जमंल त्ये!! हम्म! तसे आम्ही तरबेज लेखक आहोत पण आम्हाला सगळंच जमतं असं नाही! आम्हाला जसं जमलं तसं आम्ही लिहिलं आहे.. :) व्हऽऽऽऽऽऽय! कारन नंतर दुसर्‍या इशेशनाची गरजच लागत न्हायी!! हम्म! या मुद्द्यावर आपल्या दोघांचा नजरिया वेगळा आहे. आमच्या मते मिसळीत ठसकेबाजाव्यतिरिक्तही अनेक गोष्टी आहेत! आरं व्हय, पन त्ये पन "ठसक्यात" करता न्हायी येत व्हय रं? आरं नाथांच "इंचू चावला" रुपकात्मकच हाय की!! हो पण ठसक्याव्यतिरिक्त मिसळीत अनेक गोष्टी आहेत असं आम्ही आधीच म्हटलं आहे त्यामुळे केवळ मिसळ झणझणीत असते म्हणून मुद्दाम ओढूनताणून त्यात ठसका आणावासा असं आम्हाला वाटला नाही! शिवाय आम्हाला ठसक्याची भाषा १००% जमली असती असंही नव्हे, त्यामुळे आम्ही आपलं आमच्या बोलीभाषेत लिहायचा प्रयत्न केला आहे. नाहीतर धड शहरी नाही आणि धड खेडवळ ठसक्याची नाही असा घेडगुजरीपणा झाला असता! ;) आसो, तुज्या लिखानाची सालं काडण्याइतकी आमची अडान्याची लायकी न्हायी. हम्म! हे मात्र खरं! नाहीतर उद्या आम्ही संगीतावर एखादा अवजड लेख लिहून मोकळे होऊ आणि त्यात तुम्हाला 'सा' देखील लावता यायचा नाही! :) आमाला जे वाटलं त्ये लिवलं. तवा रागावर घ्येऊ नको राजा!! छे रे! अरे या तात्याचे विरोधक/समिक्षक अगदी चिक्कार आहेत! त्यात तू एक! तेव्हा रागावू कशाला सायबा?! :) आणि माझे मुद्दे मला कितीही खरे वाटत असले तरी 'लेखन मिसळीसारखंच ठसकेबाजच हवं होतं!' या तुझ्या मुद्द्याचा मी आत्ताही आदरच करतो! :) आरं कोन आंधळा म्हनतो की गावितमास्तर फसला? इतरांच्या प्रतिसादांचा आदर करून गावित मास्तर फसला असंच मी म्हणेन! :) आपला, (आंतरजालीय व्यक्तिचित्रकार) तात्या.

हा मुद्दा नसून हेच तर गिमिक आहे मिसळीचं! तुला 'गमक' म्हणायचे आहे की 'गिमिक'? 'गमक'असेल तर तुझं म्हणणं बरोबर आहे, परंतु 'गिमिक' म्हणायचं असेल तर मला ते बरोबर वाटत नाही.. तिखटजाळपाणा हे मिसळीचं एक वैशिष्ठ्य आहे हे नक्कीच मान्य! परंतु तिखटजाळपणा हा चवदारपणापुढे शेवटी केवळ एक गिमिकच ठरतो असं मला वाटतं! मी हा लेख लिहिताना गिमिक्स पेक्षा गमकांना अधिक महत्व दिलं आहे. हां, आता त्यात मी कितपत यशस्वी झालो आहे ह भाग वेगळा! तात्या.. मलाही लिहायला आवडेल. पण लेखनकलेची देणगी मला लाभलेली नाही असे मला वाटते. असं म्हणू नकोस. हे म्हणण्याआधी मिपावर किमान पाच दहा वेळा तरी लिहायचा प्रयत्न केला आहेस का? तसा तो कर असं माझं तुला सांगणं आहे. फार फार तर काय होईल? तुझं लेखन कुणाला आवडणार नाही, त्याला कुणी बरवाईट प्रतिसाद देणार नाही! मगच 'मला लेखनकलेची देणगी मिळालेली नाही' असं कदाचित तू म्हणू शकतेस! पण किमान पाच दहा वेळा काही लिहिण्याचा प्रयत्न केल्याशिवाय, आपल्या मनातले विचार मनमोकळेपणाने उतरवून पाहिल्याशिवाय असं म्हणणं योग्य होणार नाही असं मला वाटतं! राईट? :) आणि मला कुठेतरी अशीही खात्री आहे की तुला हे नक्कीच जमेल आणि तू उतम लेखन करशील! निदान तसा प्रयत्न करून पाहायला काय हरकत आहे? तोडकामोडका प्रयत्न केलाच तर टाकेनच नक्की मिपावर! नक्की टाक, मी वाट पाहीन! तुझं लेखन उत्तमच असेल...! तात्या.