मराठी रॅप ...

२००४ साली वीरझारा नावाचा एक चित्रपट आला होता. थेटरात जाऊन पहिला होता. अर्धा सिनेमा पंजाबीत होता. किरण खेर ला मराठी ऐकण्याचे पैसे तरी मिळत होते, इथे माझे पैसे फुकट गेले. हिंदी सिनेमात अनेक गाणी पूर्ण पंजाबीत असतात. ऐकतो ना आम्ही ती? मग खेर बाईंनी एकदा जरा मराठी ऐकले तर काय भोके पडतात का अंगाला? त्यातून तो काय बोलत होता ते मलाही कळत नव्हते, हिंदीत असते तरी तिला नसते कळले. याच बाईंनी अनेक चित्रपटात पंजाबी भूमिका केली आहेत. तेव्हा अनेकदा काही काही संवाद पंजाबीत म्हटले असतील की, ते ही चालवून घेतले ना आम्ही. साधारण १० वर्षांपूर्वी गुलजार ने हुतुतू नावाचा चित्रपट काढला होता. त्यात मराठी लहेजा वापरला होता. उत्तर भारतात तो अजिबात चालला नाही त्याचे कारण काही जणांनी लोकांना भाषा आपलीशी वाटली नाही असे दिले होते. अर्थात तो चित्रपट इथे पण नाही चालला म्हणा. पण मुद्दा हा राहतोच की आपण इतरांना चालवून घेतो तसे ते आपल्याला करत नाहीत. आणि, खेर बाईंना इतकी वर्षे इथे राहून मराठी कळत नाही? थोबाड वर करून सांगायला लाज पण वाटत नाही, कारण आपण मराठी लोक मूर्ख आहोत.

दुटप्पी पण कशाला म्हणतात बघायचे असेल तर हे पहा http://www.youtube.com/watch?v=L25tcwrla6w&feature=related अगदी योगायोगाने आज मिळाले हे. किरण खेर चा चेहरा पहा हे ऐकताना. महाभारतातील प्रसिद्ध वाक्य आठवले. "तेव्हा कोठे गेला होता राधासुता तुझा धर्म?" अगदी असेच विचारले पाहिजे या खेरला.

मला वाटते आधीच्या आणि आताच्या फेर्यांमध्ये फरक आहे. आता स्पर्धा वाढल्यामुळे बारीक सारीक गोष्टींवरून एखादा बाद होऊ शकतो. त्याचे रॅप खरच चांगले असेल तर ते जास्त लोकांपर्यंत पोहचले तर चांगलेच आहे. @ विश्वनाथ : किरण खेर यांच्यावर एवढा राग का? जेव्हा मराठी वाहिन्या विनाकारण कार्यक्रमात "Lil champs" सारखे शब्द जोडतात आणि बहुतेकांची आवडती निवेदिका पल्लवी जोशी उगीचच मध्ये मध्ये इंग्रजी वाक्ये टाकू शकते ते आपण खपवून घेतोच ना? निदान पंजाबी, हिंदी या भारतीय भाषा तरी आहेत!