मदत हवी आहे म्हैसूर उटी ट्रिप

धन्यवाद. सोमनाथपुर ला जाऊन आलो. मंदिर अप्रतिम आहे. तेथे चांगला गाईडही मिळाला त्याने खूप सुंदर माहिती सांगितली.

१. म्हैसूर ते उटी KSRTC सरकारी बसने जात आहे. बस मोठी असल्याने लांबच्या मार्गाने जाईल. बस नेईल तसं जायचं. २. काल दिवाळीनिमित्त सांध्याकाळी ७ ते ८ लायटिंग पाहीले. डोळ्याचे पाने फिटावे असा अनुभव. ३. वृंदावन गार्डनला गेलो नाही. ४. अनेक ठिकाणी अस्सल चंदन नावाने लाकडाचे तुकडे विकताना बघून मजा वाटली. अर्थातच घेतले नाहीत. ५. काल संध्याकाळी म्हैसूर शहरात पायी जवळपास ४ ते ५ तास फिरलो. शहर (माणसे, गल्ल्या, दुकाने) पाहता आली.

यासाठी दोन मार्ग आहेत. छोट्या स्वराज माझदा तेवीस सिटर बसेस या मसिनागुडी मार्गे चढ्या घाटाने अडीच तासात जातात. याच मार्गावर मुदुमलाई/बांदीपुर अभयारण्यातून जाताना प्राणी सकाळी /संध्याकाळी फुकट जवळून पाहता येतात हा बोनस. इतर सर्व मोठ्या सरकारी /खासगी बसीस दूरच्या मार्गाने सहा तास घेतात.>> म्हैसूर ते उटी हा प्रवास सरकारी बस ने केला. हि बस दूरच्या मार्गाने (गुडलूर मार्गे) गेली. सकाळी १० वाजता म्हैसूर मधून निघून दुपारी साधारण ३ वाजता उटीला पोहोचलो. दुसऱ्या दिवशी पायकारा, मधुमलाई जंगल अशी ट्रिप कार बुक करून फिरलो तेंव्हा परत येताना मसिनागुडी मार्गे चढ्या घाटातून आलो. ह्या घाटात ३६ अत्यंत अवघड वळणे (हेअरपिन टर्न्स) आहेत. प्रत्येक वळणावर त्याचा क्रमांक लिहिला आहे (उदा. वळण १/३६, २/३६). ह्या घाटातून केवळ अनुभवी चालकच गाडी चालवू शकतात असे आमच्या चालकाने सांगितले.

याच मार्गावर मुदुमलाई/बांदीपुर अभयारण्यातून जाताना प्राणी सकाळी /संध्याकाळी फुकट जवळून पाहता येतात हा बोनस. >> हरणांचे अनेक कळप, मोर, माकडे, हत्ती, अनेक पक्षी प्रवासात दिसले.

म्हैसूर राजवाड्याची विद्युत रोषणाई पाहिली. सोमनाथपुर आणि तकलाडू अशी दोन्ही ठिकाणे पाहिली.

धन्यवाद सहल सुफळ संपूर्ण पार पडली. काल (रविवारी) पुण्यात परत आलो.

धन्यवाद म्हैसूर उटी प्रवासात मोबाईलवरून काही प्रतिक्रियांना उत्तरे दिली. बाकी प्रतिक्रियांना आज उत्तरे देत आहे.

धन्यवाद तुमचा प्रतिसाद आत्ता पहिला. दुर्दैवाने ह्यापैकी एकाही ठिकाणी जाऊ शकलो नाही. आपण सुचवलेल्या जागा नोंद करून ठेवत आहे. पुढच्या वेळी नक्की जाईन.

उटी ते मेट्टूपलयम टॉय ट्रेन चे तिकीट आरक्षित केले होते. चक्रीवादळाची सूचना मिळाल्याने २ नोव्हेंबर पर्यंत सर्व गाड्या रद्द झाल्या. त्यामुळे हा प्रवास करू शकलो नाही.

म्हैसूर मध्ये हॉटेल जिंजरला राहिलो. आधीच आरक्षण केले होते. हॉटेल बऱ्यापैकी मध्यवस्तीत आहे. म्हैसूर प्राणी संग्रहालय, राजवाडा ह्या वास्तू साधारण १ किमी अंतरावर आहेत, चालत जाऊ शकतो. चालतच फिरलो. उटीला KSTDC चे हॉटेल मयूर सुदर्शनला राहिलो. आगाऊ आरक्षण केले होते. हे हॉटेल साधारण ४० एकर परिसरात पसरलेले आहे. आवारात सुंदर बाग आहे. मुलाला म्हैसूरचे प्राणी संग्रहालय, मधुमलाई अभयारण्यात दिसणारे प्राणी खूप आवडले.

परतीचा प्रवास हा उटी ते मेट्टूपलयम टॉय ट्रेन, मेट्टूपलयम ते कोईम्बतूर पॅसेंजर, कोईम्बतूर ते बंगलोर कन्याकुमारी-बंगलोर एक्सप्रेस असा ठरवला होता. चक्रीवादळाच्या सूचनेमुळे टॉय ट्रेन रद्द झाली. त्यामुळे उटी ते कोईम्बतूर कॅब करून आलो आणि तिथून रेल्वे ने बंगलोर.