कोजागिरी

मायमराठी's picture
मायमराठी in जे न देखे रवी...
13 Oct 2019 - 10:53 pm

आतुरली यामिनी ही
उमलुनी पाकळ्यांना
मातलेल्या चांदण्याही
योजती बाहुपाशांना ।।१।।

गोडी जणु अमृताची
प्रसवे नभातुनी या
जोडी झुरे चातकांची
प्राशण्या ती शुभ्रमाया ।।२।।

अपूर्णता साहवेना
शश शोभे शशीदेहीं
काया छायेत मावेना
पूर्णता ये तिथीलाही ।।३।।

पौर्णिमेचा चांद भोळा
मनामनां मोहणारा
लाजताना तोळातोळा
कोजागिरी लुटणारा ।।४।।

कविता

प्रतिक्रिया

गणेशा's picture

14 Oct 2019 - 10:09 pm | गणेशा

वा वा .. मस्त लिहिले आहे

आतुरली यामिनी ही
उमलुनी पाकळ्यांना
मातलेल्या चांदण्याही
योजती बाहुपाशांना

यशोधरा's picture

17 Oct 2019 - 9:51 pm | यशोधरा

कविता आवडली.

मिसळलेला काव्यप्रेमी's picture

17 Oct 2019 - 10:00 pm | मिसळलेला काव्यप्रेमी

पौर्णिमेचा चांद भोळा
मनामनां मोहणारा
लाजताना तोळातोळा
कोजागिरी लुटणारा ।।४।।

क्या बात!! सुंदर