मराठी गझल

कल्पनेचे महेर

कवि मानव's picture
कवि मानव in जे न देखे रवी...
14 Nov 2016 - 5:30 pm

गेल्या काही रात्री, मी झोपलोच नाही,
उजेड लोचनांचे, कधी संपलेच नाही,
हे देह फार क्षीणले, जाड पापण्या तरी ही,
ते....स्वप्न दिसले, जे पाहिलेच नाही !!१!!

त्या लक्ख प्रकाशात, गूढ अंधार होते,
कल्पनेचे ते महेर, बहुत दार होते,
दर्या, पर्वतांना ओलांडून पोचलो तर,
ते शब्द कानी पडले, जे ऐकलेच नाही !!२!!

ती पाहुनी पुण्यभूमी, मी जाहलो कृतार्थ,
सहवास दिग्गजांचा, सह शारदेची साथ,
कर जोडता तयांना, जी लागली समाधी,
असे काव्य सुचले, जे वाटेलच (लिहिलेच) नाही !!३!!

मराठी गझलकविता

(शीर्षक सुचले नाही ) - extension

कवि मानव's picture
कवि मानव in जे न देखे रवी...
3 Nov 2016 - 7:44 pm

(मित्रांनो शेवटचे ३ कडवे आधीच्या कवितेला जोडल्या आहेत)

माझ्या फाटक्या दारिद्र्याला
ठिगळ लावीत होतो,
ज्यांनी मज बहिष्क्रीत केले,
त्यांची थोरवी गाजवत होतो !!

त्यांनी माझ्या प्रेमाची
बहुत लावली बोली,
मी निस्सीम जगाचा प्रियकर,
फुकटच वाटत होतो !!

इथे प्रत्येकेचा हेतू,
प्रत्येकाला अहंकाराने डसले,
पांढऱ्या पेशींच्या जगता मध्ये,
तो रंग सोडवीत होतो !!

किती देऊ परीक्षा खरा असण्याची,
दर वेळी पराभूत होतो,
मी या अजब दुनियेचा विद्यार्थी,
कधी ना मोठा होतो !!

मराठी गझलसमाज

चांदण्याला चांदणे समजू नये

drsunilahirrao's picture
drsunilahirrao in जे न देखे रवी...
27 Oct 2016 - 6:57 pm

एकमेकांना उणे समजू नये
(नी स्वतःला शाहणे समजू नये)

चांदणे परसामधे पडते म्हणुन
आपली तारांगणे समजू नये

माणसेही राहती रानीवनी
नेहमी बुजगावणे समजू नये

हे असे परक्यापरी येऊ नये
नी स्वत: ला पाहुणे समजू नये

ही कशाची भूल या रातीवरी
चांदण्याला चांदणे समजू नये

पाहते ती नेहमी माझ्याकडे
पण असे की, पाहणे समजू नये

डॉ. सुनील अहिरराव

gajhalgazalमराठी गझलहे ठिकाणकवितागझल

कोणते माझे वतन होते

drsunilahirrao's picture
drsunilahirrao in जे न देखे रवी...
11 Aug 2016 - 7:21 pm

रोज थोडे उत्खनन होते
ऱोज नात्याचे पतन होते

आळ हा गंभीरही नाही
पण चरित्राचे हनन होते

दोष वणव्याला कसा द्यावा
जर इथे गाफील वन होते

कोणत्या दुनियेत मी आलो
कोणते माझे वतन होते

कोठल्या मातीतुनी येते
जिंदगी कोठे दफन होते

डॉ.सुनील अहिरराव

gajhalgazalमराठी गझलहे ठिकाणकवितागझल

रे गझलाकारा, आवर तुझे दुकान...

मोदक's picture
मोदक in जे न देखे रवी...
19 Jul 2016 - 1:36 am

गेले काही दिवस सरसकटीकरणाचा तडका आणि अभंग वाचून आमच्या शहरी असंवेदनशील मेंदूच्या झुडुपाला एक कवितेची डहाळी उगवली. ती डहाळी त्याच्यासोबतच्या पालापाचोळ्यासकट येथे चिकटवत आहे... गोड मानून घ्यावी.

***********************

तुमचे शेतकरी नेते, तुमच्याच तोंडास पुसती पाने | दोष सगळे मात्र, असंवेदनशील शहरी लोकांचे |
शेतीतून मंत्र्यास होती, कोटींचा फायदा | तुला नाही वावडे, अशा दांभिकपणाचे |
रे गझलाकारा, आवर तुझे दुकान | गेले ते दिवस, फुकट सहानुभुती मिळवण्याचे ||

अभय-काव्यअभय-गझलअभय-लेखनकाहीच्या काही कविताकोडाईकनालगरम पाण्याचे कुंडनागपुरी तडकाभूछत्रीमराठी गझलवाङ्मयशेतीनाट्यगझलविनोद

खट्याळ रसातली आध्यात्मिक गझल

गंगाधर मुटे's picture
गंगाधर मुटे in जे न देखे रवी...
6 Jul 2016 - 9:00 pm

खट्याळ रसातली आध्यात्मिक गझल

हसण्यात जन्म घ्यावा उरकून माणसाने
प्रज्ञा, कला, प्रितीवर भाळून माणसाने

दोन्ही मुठी रिकाम्या घेऊन जन्म-मृत्यू
तृप्तीसवे करावा हनिमून माणसाने

क्रोधिष्ट भावनाला देऊन सोडचिठ्ठी
शांतीसही बघावे बिलगून माणसाने

माया, तृषा, मनीषा नेईल आडमार्गा
लागू नयेच नादी उमजून माणसाने

करपाश घट्ट द्याया अथवा विलीन व्हाया
सुमतीस वश करावे रिझवून माणसाने

रति, काम, मोह, मत्सर वरचढ-अभय न व्हावे
मोक्षाकडे निघावे ठरवून माणसाने

gajhalअभय-काव्यमराठी गझलकवितागझल

गझल - आणि हा खेळ झाला

वेल्लाभट's picture
वेल्लाभट in जे न देखे रवी...
27 Jun 2016 - 11:24 am

जरा हासलो आणि हा खेळ झाला
तुझा भासलो आणि हा खेळ झाला

तसा संयमी नित्य मी राहणारा
जरा त्रासलो आणि हा खेळ झाला

मला वाटले वेळ आलीच होती
तरी वाचलो आणि हा खेळ झाला

मला मोडणे मान्य होते तरीही
पुन्हा वाकलो आणि हा खेळ झाला

जरा शेवटी हात जोडावयाला
उभा ठाकलो आणि हा खेळ झाला

अता थांबता येत नाही अपूर्व
जरा धावलो आणि हा खेळ झाला

- अपूर्व ओक

मराठी गझलकवितागझल

जीवनाच्या डावपेचांची नसे पत्रास आता ....

विशाल कुलकर्णी's picture
विशाल कुलकर्णी in जे न देखे रवी...
25 May 2016 - 9:52 am

***************************************

मी तरी कोठे स्वतःचे मोजतो निःश्वास आता
डाव मांडायास कोठे राहिला सहवास आता

भोवताली गारद्यांचे कृर जथ्थे केवढाले
आरशाला टाळतो, जपतोच मी जीवास आता

मरण झाले यार आता रंगते मैफल स्मशानी
जीवनाच्या डावपेचांची नसे पत्रास आता

ऊन्हओल्या सावल्यांचे सोसले चाळे मुक्याने
पावसाचा थेंब नाही कोरडे आभास आता

कोण येतो कोण जातो खूण ना उरते कशाची
'चित्रगुप्ताच्या' सहीला मागणी हमखास आता

***************************************

विशाल २३-५-२०१६

मराठी गझलगझल

फ़ासले आणि अंतरे

वेल्लाभट's picture
वेल्लाभट in जे न देखे रवी...
30 Mar 2016 - 1:19 pm

या पोस्ट चा ब्लॉग दुवा हा

ग म्हटलं की गाणं, ग म्हटलं की ग़ज़ल आणि ग म्हटलं की ग़ुलाम अली ही साधी समीकरणं आहेत. माझी ग़ज़ल या संगीतप्रकाराशी, काव्यप्रकाराशी ओळख झाली ती ग़ुलाम अलींच्या चुपके चुपके आणि मेहदी हसन च्या रंजिश ही सही पासून. ग़ुलाम अलींचा सूर अन सूर, शब्द अन शब्द अगदी जवळचा वाटला. मेहदी हसनही नेहमीच आवडत राहिले पण एका अंतरावरूनच.

अंतर; फ़ासला. हे म्हटलं की तत्क्षणी आठवते ती ही ग़ज़ल,

फ़ासले ऐसे भी होंगे ये कभी सोचा न था
सामने बैठा था मेरे, और वो मेरा न था

मराठी गझलगझल

एकतर्फी प्रेम झाले आवरी संताप तू

विदेश's picture
विदेश in जे न देखे रवी...
21 Mar 2016 - 7:47 am

एकतर्फी प्रेम झाले आवरी संताप तू
वेदना मी बाळगावी हा दिला का शाप तू

वाटही पाहून झाली काळ तो सरला किती
ना घरी ओलांडले या उंबऱ्याचे माप तू

झुरत का मी राहिलो तव घेतल्या वचनावरी
का कधी शंका न आली मारली मज थाप तू

प्रेम केले तुजवरी मी सोडुनी धर्मासही
जागली धर्मास अपुल्या उलटुनीया साप तू

जन्म दुसरा खास घेइन गाठ पडण्या तुजसवे
मीहि देतो शाप तुजला घे शिरावर पाप तू ..
.

प्रेम कविताभावकवितामराठी गझलमुक्त कविताशांतरसकविताप्रेमकाव्यमुक्तकगझल