स्मार्टफोन घ्यायचाय - सल्ला हवा

पुढची निदान ५-६ वर्षे तरी फोन वापरता आला पाहीजे :-)

या गरजेची पूर्तता सध्या आयफोनच करु शकतो. आय ओएसचे अपडेट्स बरेचदा ५ ते ६ वर्षांपूर्वी बाजारात आलेल्या आयफोनलाही उपलब्ध असतात. ओएस अपडेट थांबल्यास आजच्या काळात जालाला जोडलेला फोन सुरक्षित राहू शकेल याची शक्यता खूप कमी होते. ८ मार्चला अ‍ॅपलची लॉन्च इवेंट आहे, त्यानंतर गेल्या वर्षीचे आयफोन स्वस्त होतील. आयफोन नको असेल तर या प्रतिसादाकडे दुर्लक्ष करावे.

दहा हजारच्या खालचा फोन वापरत होता. आता एकदम एवढे वाढवायची गरज का वाटली? कोणताही फोन परफेक्ट नाही. अगदी आइफोन धरून. प्राधान्य काय आहे? १५ हजारच्या पुढे किंमतीत वाढ होण्याची कारणे म्हणजे १) चांगला क्याम्रा ( फोटो विडिओ चांगले येतात पण साठवण्याची क्क्षमता हवी) २) फास्ट प्रसेसर ( गेमिंगसाठी लागतो) ३) स्क्रीन, प्रकार आणि साइज. ( अमोलेड / एलसीडी ?, ब्राइटनेस ५०० निटस किंवा अधिक.) ----- काही कंपन्या दोन वर्षांचे अपग्रेड देतात. म्हणजे पुढील तीन वर्षे सेफ. पाचसहा वर्षं फोन खेचण्याची गरज नाही. कारण आताच्या ओएस बऱ्याच संपूर्ण वाटतात. काही छोटेमोठे वरवर बदल करतात. एक्सेल वगैरे वापरायचे तर स्क्रीन मोठीच हवी. तरीही tab एवढी होऊ शकत नाही.

आमचं पण डबडं बदलायला आलं आहे, लवकरच नवीन फोन घ्यावयाचा आहे, प्युअर व्हॅनिला चॉईस करायचा तर ऑप्शन कमी आहेत पण त्यातीलच एक पहावा असा मानस आहे.

माझ्या मते मोटोरोला किंवा नोकिया. अर्थात फ्लिपकार्ट आणि ऍमेझॉन वर न जाता या कंपन्यांच्या वेबसाईट वर जाऊन सर्वात आधुनिक मॉडेल चेक करावे कारण फ्लिपकार्ट ऍमेझॉन वर जुने मॉडेल्स विकणाऱ्यांची भरमार असते. कदाचित तुम्हाला 10 हजार च्या आतच चांगला मोबाईल मिळण्याची शक्यता आहे. कमीत कमी 4 जीबी आणि अधिकतम 8 जीबी (स्टॅंडर्ड: 6 जीबी) रॅम, 128 gb स्टोरेज, HD screen, डिसेंट कॅमेरा, फास्ट चार्जिंग आणि vanilla android असलेला मोबाईल निवडावा. बाकी प्रोसेसर वगैरे फारसे महत्वाचे नाहीत.

सॅमसंगचा अत्यंत वाईट अनुभव आला आहे. सॅमसंग M30 होता, वर्षभरातच मदरबोर्ड फेल झाले. सॅमसंग फोन घेतला तर एक्सिनॉस प्रोसेसर असलेला घेऊ नका, स्नॅपड्रॅगन असलेलाच घ्या.

फार डब्बा नाही, प्युअर android Moto g 40 fusion .मोटोरोला Siteवर आहे. पण स्टोरमध्ये नाही. Flipcartवर आहे. प्रसेसर फार जुना नाही फार स्लो नाही. ----------------- Red mi note11max prime हा प्युअर android नसलेला, चांगला camera वाला फोन आहे. झैराती येणार, bloatwere आहेत.

आता मिळाला तर पाहा. एकदा स्टॉक संपला की मोटो पुन्हा मॉडेल बाजारात आणत नाहीत म्हणतात.

आजकाल फोटो मोबाईलवर(च) काढले जातात. तेव्हा ती गरज असल्यास कॅमेरा चांगला असलेला फोन घ्या. त्यासाठी जाऊन फोटो काढून पहाणे आवश्यक आहे. त्यांच्या साईटवरचे फोटो कामाचे नसतात - ते जाहिरात म्हणून असतात!

फोनमधे एकाच वेळी फार पैसे गुंतवू नये, असे माझे व्यक्तीगत मत आहे. पंधरा वीस हजारातला फोन घ्यावा. कारण वर्षभरात आपल्याला दुसरे फोन डोळे मारायला लागतात. आणि मग आपला फोन फुटावा वगैरे वाटायला लागते. अर्थात पसंद अपनी अपनी. माझ्या सध्याच्या फोनमधे १२८ इंटरनल जीबी स्पेस आहे. नवीन फोन स्क्रीन ऑन टाइम सहा ते सात देत होता. त्यात मेमरी कार्डचाही स्लॉट आहे. दोन सीम आहेत. फोटो चांगले येतात. साउंड कॉलीटी मस्त आहे. रुटीने युजरसाठी बेष्ट. बॉट काढायच्या वेगवेगळ्या स्क्रीप्ट जालावर उपलब्ध आहेत, त्यामुळे अनावश्यक अ‍ॅप्लीकेशन काढून टाकता येतात. मी नोट रेडमी १० प्रो मॅक्स घेतलाय. आम्ही फोनला रुट करणारी मंडळी आहोत. महिण्याभराच्या अंतराने फोन रुट केला. आता त्यात पिक्सेलयुआय टाकलेली आहे. सी ड्रॉइड, वगैरे भरपूर रोम आहेत. आता वायफाय नेट असल्यास सॉट १० प्लस मिळतो. नसल्यास ९ तरी. त्यामुळे एकदा फोन चार्ज केला की पुन्हा संध्याकाळी चार्जींगला टोचायची गरज नसते. तर दोन दिवस तरी ब्याट्री पूरते. ( हे वापरकर्त्यावर अवलंबून आहे, अटी लागू ) माझा वापर फोनचा अनुक्रमे वापर असा. वाट्सॅप, टेलीग्राम, ब्राऊजर सर्चींग, अधून मधून सिनेमे बिनेमे. इतकंच. -दिलीप बिरुटे

वन प्लस चा फोन घ्या. उत्तम असतो. माझा आणि पत्नी चा वन प्लस ५ T आहे दोन्ही ला ४ वर्षे पेक्षा जास्त झाली आहेत. २८ हजारच्या आसपास घेतला होता. ( आता वन प्लस १० येऊ घातला आहे) कॅमेऱ्याचा दर्जा उच्च आहे. अजिबात कोणताही त्रास नाही. एक दमडीचा खर्च नाही. चालतो आहे तोवर चालवणार. साडे तीन वर्षे त्यांनी सॉफ्टवेअर अपडेट दिला २०२१ पासून अप डेट बंद आहे. पण त्याचा आजतागायत कोणताही त्रास नाही. तेंव्हा ६ जीबी रॅम आणि ६४ जीबी हार्ड डिस्क होती. आजही रॅम कमी पडत नाही परंतु हार्ड डिस्क कमी पडू लागते. कारण आलेले अनेक संदेश आणि आपण काढलेले फोटो संगणकावर टाकून जागा खाली करावे असे वाटत नाही. परंतु अगदी ९९ % हार्ड डिस्क भरली तरी फोन स्लो होत नाही किंवा ऍप स्लो होत नाही. ऑक्सिजन ओ एस जवळ जवळ स्टॉक अँड्रॉइड असल्यामुळे फालतू ऍप नाहीत. डिस्प्ले सुद्धा सुंदर आहे. फोन रूट करणे इ गोष्टी मी करत नाही.( त्या मला झेपणार नाहीत) आहे त्या स्थितीत उत्तम रित्या चालवतो

आणि आताचे यात झोल आहे. त्याच्या भागिदाराने भांडण करून बाहेर पडला. सावधान.

आणि आताचे यात झोल आहे. त्याच्या भागिदाराने भांडण करून बाहेर पडला. सावधान. आता झैरातींचे उत्पन्न मिळवण्यासाठी रेडमी, साससंग पुढे आहेत.

5G भारतात येण्याला (आणि खिशाला परवडायला) वेळ लागणार. 5G वर जास्त पैसेन घालता 4G च बरा.

बजेट: ३५-४० हजार पर्यंत.

गरजांच्या मानाने भरपुर बजेट दिसतंय माझ्या मित्राने कालच वन प्लस नॉर्ड २, ५ जी (OnePlus Nord 2 5G : 8 GB RAM, 128GB Storage)) घेतला आहे. किंमत, ३० ह. रू अदलाबदलीचे रू १० ह वजा करुन त्याला २० ह. रु पडला. असे काही डील घेतल्यास फायदा होईल. उरलेल्या वरच्या पैशात आम्हाला पार्टी देऊन टाका.

Geekyranjit ने दोनतीन विडिओज टाकले आहेत. उदाहरणार्थ १) https://youtu.be/oTVj0sz3Q0M २)https://youtu.be/PWQp_-55VPU वनप्लस'चे खास वैशिष्ट्य oxygen os होते ते आता नाही. आणि डेटा पळवणे ही परमिशन घेतात.

बरं झालं लवकर फोन घेऊन तो घेतला असे इथे जाहिर केल्याबद्द्ल ! बरेचदा लोकं मदत पाहिजे म्हणून धागे काढतात पण पुढे इथे दिलेले सल्ले अमलात आणतात की फाट्यावर मारतात ते काही समजत नाही.

हा धागा पाहिला नव्हता. जास्त चौकशी न करता पंधरा हजाराचे बजेट मनात पकडून दुकानात गेलो. ऑनलाईन हजारेक रुपयांनी कमी होते, पण सहा दिवस उशीराने येत होता आणी मला लवकर हवा होता. त्यमुळे 'विवो २१ट' हा चौदा हजारात घेऊन मोकळा झालो. यात ५जी सिमचे पर्याय होते पण चार हजार जास्त किंमत आणि ५जी आपल्याकडे कधी येईल माहीत नाही म्हणून टाळले. आधीचा मोटो अद्याप छान सुरु आहे साडेचार वर्षे झाली तरी. हाही दोन् तीन वर्षे चालला तरी ठीक असा विचार आहे. यावर मेड इन इंडिया लिहीलं होतं पण मूळ चिनीच असावा. यात एक वेगळी गोष्ट दिसली म्हणजे रॅम एक जीबी रॉम कडून उसनी घेण्याचा किंवा न घेण्याचा पर्याय आणि एक टीबी मेमरी कार्डाला सिम ट्रे मधेच जागा आहे.

मित्रांनो , आपल्यापैकी कुणी सध्या Nokia वापरत आहे का ? किंवा आपल्या आसपास कुणाकडे आहे का ? असल्यास अभिप्राय देता येईल का ? मी याआधी मायक्रोमॅक्स आणि सॅमसंगचे प्रत्येकी दोन फोन वापरलेत .. म्हणजे सॅमसंगचा दुसरा सध्या वापरत आहे दोन वर्षांपासून .. ३ जीबी रॅम आहे.. फोने अजूनही ठीक चालतो पण आता बॅटरी लवकर डिस्चार्ज होते, महिन्याभरापुर्वी नवीन बॅटरी (ओरिजिनल, सर्विस सेंटर मधूनच घेतली) पण तरीही समस्या कायम आहे. घरुनच काम असल्यामुळे पुन्हा पुन्हा चार्जिंग करतो. पण येत्या काही महिन्यात बदलावा लागेल असे दिसते. चायनीज मोबाईलबद्दल फारसा विचार नाही केला. खास करुन चायनीज कंपन्या त्यांनी बनवलेल्या मोबाईल फोन्सच्या माध्यमातुन डेटा चोरतात किंवा काय अशी भिती वाटते

दोनच दिवसांपूर्वी मी ओपो रेनो-७ ५ जी घेतला. २५६ जीबी चे स्तोरेज आहे. पण ते वाढवता येणार नाही. बाकी सगळ्या सोयी आहेत. स्टोरेज पूरेसे वाटते. ६४ एम्पी चा क्यामेरा पण आहे. सम्ओरचा क्यामेरा १६ एम्पीचा आहे. किम्मत २८९९०/- हेच फीचर्स असलेला स्याम्संग एस-२१ ३५-४० हजारांपर्यंत आहे. दिसायला छान, सुंदर मुली सारखा ओपो रेनो आपल्या शेजारचा मुली सारखा आहे. पुढील ३-५ वर्षे सुखाने संसार करेल. लावा, रेड्मी , शाओमी ई . १०-१८ हजारापर्यंत मिळतील.

सध्या फोन चे फिचर झटपट बदलत आहेत. वर्ष झालं की फोन चा कंटाळा येतो. आणि कंपनी कोणतीही आसूड

एक हाडाचा नोकियाकर मिळाल्याचा आनंद आहे, ती पाच अक्षरे भुरळ घालतात राव पण तर्कवादी ह्यांची फिलॉसॉफी थोडी शेयर करतो मी, पण एकंदरीत नोकिया प्रीमियम रेंज घ्यायला मन अजुन धजावत नाहीये.

शोधताना nanoreview dot net/en/soc-list/rating ही यादी सापडली.

उबंटू टच चांगलं वाटतं आहे पण अजून कधी वापरलं नाही. अर्थात application कमी असणार Ios ani Android सोडून काही ऑप्शन आहे का ?

एका गोष्टीचे थोडे आश्चर्य वाटले की अ‍ॅन्ड्रॉइड फोन्सच्या विविध मॉडेल्सबाबत इतकी चर्चा होऊनही अजुन पिक्सल फोन्सचा उल्लेख झाला नाही.

स्मार्ट फोन चे आता मोटारीसारखे झाले आहे. थोडेसेच पैसे अधिक टाकले तर अधिक चांगले मॉडेल मिळते असं करत करत कितीही वरपर्यंत जाता येते. यामुळे सामान्य माणूस गोंधळात पडतो. माझ्या स्थापत्य अभियंता मित्राने फार वर्षांपूर्वी घराबद्दल सांगितलेली एक गोष्ट घरच नव्हे तर मोटार कार आणि भ्रमणध्वनी बद्दल लागू पडते. सामान्य मध्यम वर्गीय माणूस एक बेडरूमच्या घरासाठी बजेट तयार करून येतो तेंव्हा विकासक त्याला सांगतो साहेब बजेट थोडंसंच वाढवला तर तुम्हाला एक छानसा २ बेडरूमचा फ्लॅट मिळेल. माणूस त्या मोहात पडतो आणि आपले बजेट ताणून दोन बेडरूमचा फ्लॅट घेतो पण त्याची सजावट करण्यासाठी आता त्याच्याकडे पैसे उरत नाहीत. आणि मग पुढची पाच वर्षे त्या घराची सजावट लांबणीवर पडते आणि मग पाच वर्षात त्याला एकतर आहे तसे राहायची सवय होऊन जाते किंवा नवीन काहीतरी खर्च उपटतात आणि घराची सजावट राहून जाते. उच्च मध्यम वर्गाला हेच २ आणि तीन बेडरूम साठी लागू पडते. दोनच्या ऐवजी तिसरी बेडरूम "उद्या पाहूणे आले तर त्यांच्यासाठी होईल" या विचारानेच घेतली जाते आणि ती बहुतांश अडगळीची खोली होऊन राहते. अशीच स्थिती थोड्या फार प्रमाणात मोटारीला आणि आता स्मार्ट फोनसाठी लागू पडते. घरची माणसे तीन किंवा चार असताना ७ सीटर गाडी विकत घेतली जाते ज्याचा वाढीव इ एम आय महिन्याला आणि विम्याचा खर्च दर वर्षी आपल्याच बोडक्यावर बसतो. आपल्याला गरज नसताना भरपूर स्टोअरेज चा फोन विकत घेतला जातो आणि त्यात भरपूर कचरा आणि अडगळ (असे फोटो आणि व्हिडीओ) पडून राहते यामुळेच आपली खरी गरज किती हे जाणून आपण आपले जास्तीत जास्त बजेट किती हे ठरवायचे आणि त्याच किमतीच्या आतील कार किंवा फोन घ्यायचा