((तो मला आवडत नाही))

माम्लेदारचा पन्खा's picture
माम्लेदारचा पन्खा in जे न देखे रवी...
11 Aug 2017 - 11:34 pm

पेर्णा- निओ यांची कविता "ती मला आवडते"

जेव्हा तो त्याच्या पार्टीनंतर तर्राट होऊन
माझ्या अंगाशी कसाही झोंबतो
तेव्हा तो मला आवडत नाही

जेव्हा किरकोळ वादातून तो मला
हिंसकपणे Get out you bitch म्हणतो
तेव्हा तो मला आवडत नाही

माझ्या खरं बोलण्यावर, समजावल्यावर
मलाच लाथाबुक्क्याचा प्रसाद मिळतो
तेव्हा तो मला आवडत नाही

मी एकटीच आवरून बाहेर जाताना
तो एकटक संशयानं बघतो
तेव्हा तो मला आवडत नाही

जेव्हा माझ्या कुठल्याही कामाचा विचका होतो
त्याला कशी जिरली हिची
असाच आसुरी आनंद होतो
तेव्हा तो मला आवडत नाही

माझ्या मनस्थितीचं आणि विचाराचं
त्याला काहीच सोयरसुतक नसतं
तेव्हा तो मला आवडत नाही

मी खपून केलेले खाण्यापिण्याचे पदार्थ नाही आवडले
तर तो माज आल्यासारखा इतस्ततः फेकून देतो
तेव्हा तो मला आवडत नाही

तो अपरात्री कामावरून आल्यावर, माझ्या गादीवर
मी अर्धवट झोपेत, माझी इच्छा नसताना त्याला हवं ते करतो
तेव्हा तर तो मला अजिबातच आवडत नाही

एवढं करुनही 'बायको माझ्याच जीवावर जगतेय
आणि मीच तिला पोसतोय' असं जेव्हा तो निर्लज्जपणे म्हणतो
तेव्हा तर तो एकेकाळी माझी आवड का होता हे मलाच कळत नाही !

अनर्थशास्त्रअभय-काव्यअभय-लेखनआता मला वाटते भितीकाहीच्या काही कवितामुक्त कवितारतीबाच्या कविताकरुणकवितामुक्तकविडंबन

प्रतिक्रिया

वरुण मोहिते's picture

12 Aug 2017 - 12:15 am | वरुण मोहिते
आदूबाळ's picture

12 Aug 2017 - 4:04 am | आदूबाळ

जबऱ्या जमलंय!

विडंबन कुठलं? तुम्ही तर समाजातली विदारक वस्तुस्थितीच मांडली आहे. खूप छान!

ज्ञानोबाचे पैजार's picture

12 Aug 2017 - 8:23 am | ज्ञानोबाचे पैजार

विषय दुसरा असता तर कविता आवडली असे ही लिहीता आले असते.
पैजारबुवा,

दुर्गविहारी's picture

12 Aug 2017 - 12:09 pm | दुर्गविहारी

:-) मस्तच लिहीलयं!!!

arunjoshi123's picture

12 Aug 2017 - 6:12 pm | arunjoshi123

अत्यंत योग्य आशय

प्रा.डॉ.दिलीप बिरुटे's picture

14 Aug 2017 - 4:04 pm | प्रा.डॉ.दिलीप बिरुटे

लैच भारी जमलय...!

-दिलीप बिरुटे

सूड's picture

14 Aug 2017 - 5:43 pm | सूड

.