आपल कोल्हापुर

वरच्या लेखात अजुन एक भर म्हणजे पावसाळ्यात बर्की नावाच्या गावात एक धबधबा सुरु होतो. तो देखील मस्त आहे अस ऐकल आहे. कधी जाण्याचा योग नाही आला. मसाई पठार हे पन्हाळ्याला लागुन ज्या डोन्गर रांगा आहेत त्यावरच आहे. (पन्हाळ्याच्या पुसाटी बुरुजावरुन ज्या डोन्गर रांगा दिसतात त्याच ह्या) मसाई हे देवीच नाव आहे आणि एक छोटस मन्दीर आहे वर. त्याला पठार हे नाव देण्याच कारण हेच की तिथे अनेक फुटबॉल किंवा क्रिकेटचे मोठी मोठे स्टेडिअम होउ शकतील. :) आम्ही कित्येक वेळा तिथे क्रिकेट खेळलो आहे. प्रत्येक गावाला डोन्गर वाटून दिले आहेत. तिकडे त्या त्या गावचे गावकरी आपली गुर चरण्यास सोडतात. वर गवत भरपुर असतं. अजुन एक तिथेच गुढ गोष्ट आहे. तिथल्या लोकांच म्हणण आहे की ती गुप्त नदी आहे. त्याचा उगम पांडव लेण्याच्या जवळ दाखवतात. ती गुप्त नदी आहे की नाही ते माहीत नाही पण माझ्या मावस भावाने मला तिकडे एक जागा अशी दाखवली आहे तिथे आपण जर उडी मारली तर वेगळाच आवाज येतो. (पोकळ पृष्ठभागावर आघात झाल्यास येतो तसा घुमणारा आवाज) त्यावेळी आमचा राजा कुत्रा सोबत होता. तो तिथुन पळत सुटला तर घोड्यांच्या टापांचा आवाज येइल तसा आवाज येत होता. :) हे गुढ काय आहे हे माहीत नाही. साला, लयीच गोष्टी आठवल्या राव. :( आता डिशेंबरात जातोच तिकडं. दोन दिवस नुसतीच भटकंती करतो. साप्ताहिक सकाळमध्ये ज्या कोणी हा लेख लिहिला आहे त्याला माझा सलाम. कानाकोपर्‍यातली माहिती काढली आहे त्याने. :) ................ http://picasaweb.google.co.in/zakasrao