Skip to main content

मिपा - घरगुती गणेशोत्सव सजावट स्पर्धा २०१३

लेखक संपादक मंडळ यांनी रविवार, 08/09/2013 23:42 या दिवशी प्रकाशित केले.

नमस्कार मंडळी,

गणपती हे महाराष्ट्राचं आराध्य दैवत आणि गणेशोत्सव म्हणजे मराठी माणसाच्या मनाचा एक हळवा कोपरा! अंत्यत श्रध्देने आणि मोठ्या भक्तीभावाने हा सण महाराष्ट्रात मोठ्या प्रमाणावर साजरा केला जातो. सार्वजनिक गणेशोत्सवांच्या बरोबरीने महाराष्ट्रात घरोघरही जवळपास १२ ते १५ लाख बाप्पांची प्रतिष्ठापना केली जाते. त्यांच्या आगमनापुर्वीच घरात लगबग सुरू झालेली असते. प्रत्येकजण आपापल्या परीने गणरायाच्या स्वागतासाठी सज्ज झालेला असतो, मग ते दिव्यांची आरास असो वा फुलांची तोरणे, थर्माकॉलचे आकर्षक मखर असो वा गणेशाची सुंदर मुर्ती! हि सजावट अगदी मनोभावे आणि जोरदार केली जाते. घरगुती गणपतींना होणारी ही सजावट लक्षात घेता मिपा व्यवस्थापनाने यावर्षीपासून घरगुती गणेशोत्सव सजावट स्पर्धा हा नवा उपक्रम हाती घेतला आहे. आपणा सर्वांना या स्पर्धेत सहभागी होता येईल, त्यासाठी तुम्हाला फक्त एकच गोष्ट करायची आहे ती म्हणजे आपल्या घरात गणपतीभोवती केलेल्या सजावटीचा फोटो इथे टाकायचा आहे. येणार्‍या सजावटींमधून सर्वोत्तम तीन सजावटींना मिपा व्यवस्थापनातर्फे पुस्तक स्वरूपात पुरस्कार दिले जातील. त्यासंबधीची इतर माहिती नंतर कळवण्यात येईलच.

चला तर मग!! होऊन जाऊ द्या घरातली सजावट एकदम जोरदार !!

स्पर्धेचे नियम आणि अटी खालीलप्रमाणे :-

१) स्पर्धेचा सहभाग सर्वांना खुला असेल.
२) प्रत्येक स्पर्धकाने फक्त आपल्याच घरातल्या सजावटीचा फोटो टाकायचा आहे.
३) स्पर्धकाला प्रत्येकी २ फोटो टाकता येतील.
४) आपले फोटो इथेच प्रतिसादामध्ये टाकायचे आहेत. ज्या स्पर्धकांना फोटो टाकण्यात अडचण येईल, त्यांनी व्यक्तिगत निरोपाद्वारे संपादक मंडळ या आयडीला कळवायचे आहे.
५) आलेल्या सजावटींमधून सर्वोत्तम तीन निवडण्याचा अंतिम निर्णय परिक्षकांकडे राहील.

लेखनविषय:
लेखनप्रकार
वाचने 278685
प्रतिक्रिया 138

प्रतिक्रिया

सूड शनिवार, 14/09/2013 02:00

>>श्री अम्बाबाई चे चित्र नसून त्रिमीत आहे. मूर्तीच्या चित्राला दागिने व् साडी नेसवली आहे.
मग तर ग्रेटच. देवळात देवीला साडी नेसवताना तिथल्या लोकांची किती गडबड होते हे पाह्यलंय. अगदी हुबेहुब महालक्ष्मी साकारलीय. दंडवत स्वीकारा !! ;)

प्यारे१ शनिवार, 14/09/2013 02:38

मस्त आहे .

अवांतरः गणपती आहे तर गौरी नाही नि गौरी आहे तर गणपती नाही... असं कसं?
दीड दिवसाचा गणपती का?

अतिअवांतरः आमच्याकडे गौरी गणपती भाऊ बहिण मानतात. गौरी येऊन गेल्याशिवाय गणपती जात नाही.
काय खरं खोटं दोघांनाच ठाऊक.

रिकामटेकडा शनिवार, 14/09/2013 15:46

ganpati
ganpati1

मुर्ती माझ्या पत्नीने शाडुच्या मातीपासून घरीच बनवली आहे.
धोतर व उपरण्यासाठी वेल्व्हेट च्या कापडाचे तुकडे वापरले.
मागील देखाव्यासाठी कार्डबोर्ड व कागदाचा वापर केला आहे.

रिकामटेकडा शनिवार, 14/09/2013 15:52

ganpati
ganpati1

मुर्ती माझ्या पत्नीने शाडुच्या मातीपासून घरीच बनवली आहे.
धोतर व उपरण्यासाठी वेल्व्हेट च्या कापडाचे तुकडे वापरले.
मागील देखाव्यासाठी कार्डबोर्ड व कागदाचा वापर केला आहे.

जेनी... शनिवार, 14/09/2013 16:18

मनापासुन अभिनंदन !
अतिशय देखणा देखावा आणि मुर्तिहि एकदम सुबक
खरच खुप मेहेनत घेतलिय . गणपती येन्या आधी अशी सजावट
करायला घेणं ... म्हणजे गणपतीची अगदि उत्स्फुर्तपणे अन आतुरतेन
वाट पहाणं ... हे सगळच तुमच्या कलाक्रुतीत दिसतय .

पून्हा एकदा अभिनंदन !

प्राजक्ताची फुले रविवार, 15/09/2013 03:29

माझ्या माहेरचे गौरी आणि गणपती.. सगळी सजावट घरीच केलेली आहे. साई बाबा मंदिरातल्या गाभ्र्याची प्रतिकृती तयार केली आहे. वडीलांनी टरबुजावर गणपती कोरला आहे. आणि विठ्ठल - रखुमाई ची रांगोळी काढली आहे.

fullview

ganesh

m1

m2

t1

v1

पैसा रविवार, 15/09/2013 08:38

तुमच्या घरात सगळेच कलाकार दिसताहेत!

डॉ सुहास म्हात्रे रविवार, 15/09/2013 10:58

+१

सगळेच सुंदर आहे. टरबूजावरचा गणेश काढायची कल्पना आवडली !

मीनल सोमवार, 16/09/2013 16:10

मस्त!
साई गणेश तर खूप छान.
रांगोळी अप्रतिम!!!

मनिम्याऊ रविवार, 15/09/2013 17:13

गणेशोत्सव म्हणजे वर्षातील सर्वात आनंदाचा, उत्साहाचा काळ. सासरी गणपती बसवत नसल्यामुळे सजावटीची सगळी हौस मग माहेरीच पुरवून घ्यावी लागते. त्यात बाप्पा आमचे (माझ्या माहेरचे) कुलदैवत. त्यामुळे विसर्जनाची पद्धत नाही आणि बाप्पांची मुर्ती धातूची असते. दरवर्षी पितळी मूर्ती आणि रोज़च्या पूजेतली लहान गणेशमुर्ती ज़रा बाजूला मांडून आरास केली जाते.

यावर्षी बाप्पांची सजावट पूर्णपणे कागद वापरून केली आहे. अगदी गणेशाच्या आवडत्या 'रक्तपुष्पा' पासून तर 'प्राजक्त-फुलांच्या' माळेपर्यन्त तसेच सभोवतलचे पुष्‍पमंडळ आणि चारी कोपर्‍यातील 'फूल-छड्या' अस्मादिकानी टिशुपेपर/ क्रेपपेपर वापरून घरीच बनवल्या..
.

.

डॉ सुहास म्हात्रे रविवार, 15/09/2013 20:12

सुंदर सजावट !

सगळी सजावट कागदाची केलीत हे तर फारच आवडले... टोटली बायोडिग्रेडेबल्. अभिनंदन !

माझीही शॅम्पेन रविवार, 15/09/2013 20:08

!! गणपती बाप्पा मोरया !!
हा आमच्या घराचा बाप्पा , खरतर लहान पणी पासून एको-फ्रेन्डली कडे कटाक्ष पण मागच्या वर्षी ओळखीचे एकजन हे थर्मा-कोलच मखर फेकून देत ,होते त्यांना म्हंटल आम्हाला द्या , हे परत वापरून आम्ही रीसायकल करतो , आता पुढच्या वर्षी एका मित्राला देवून परत रीसायकल करणार , पुढच्या वर्षी नक्कीच कागदच / फुलंच मखर करणार :)

Ganapati1

थोड जवळून

Ganapati-2

त्रिवेणी सोमवार, 16/09/2013 14:10

हे आमच्या घरचे बाप्पा

ga1

मी बाप्पांना रोज फुलांचा हार नाही घालत, त्या हाराच्या आड बाप्पा लपतात.

दिपक.कुवेत सोमवार, 16/09/2013 19:54

सर्वच बाप्पा छान आणि सगळ्या सजावटिहि सुंदर.....तमाम स्पर्धकांना बेस्ट ऑफ लक!

पुजा आज्जी तु परीक्षक मंडळावर तर नाहिस ना? नाहि सगळ्यांना प्रतिसाद देतेस म्हणुन आपलं विचारलं बरं.

कवितानागेश सोमवार, 16/09/2013 22:16

सगळ्याच सजावटी फार सुंदर झाल्यायत. इथे बसल्या बसल्या सगळ्यांच्या घरच्या बाप्पाचे दर्शन झाले. :)

पेरु मंगळवार, 17/09/2013 09:21

दरवर्षीप्रमाणे आम्ही याही वर्षी पर्थ, ऑस्ट्रेलियात गणपती बसवला. सगळी सजावट घरी केली आहे. एक निरुपयोगी गिफ्ट पेपर होता तो आधी मागे चिटकवुन घेतला. फर्निचर बरोबर थर्मोकोलचे तुकडे आले होते. त्यातल्या दोन चोकोनी तुकड्यांना रंग देउन एकावर एक चिटकवले आणि मागे लावले. कागदावर काही ग्लिटर स्टिकर्स लावले. एक घरात ओढणी होती ती वरती लावली. इथवर आमची सजावट संपली होती. मग चहा ब्रेक झाला. काही उत्साही मंडळी येउन मिळाली आणी मंदिराची आयडिया सुचली. मागच्या वर्शीही मंदीर केले होते पण साधेसे. यावेळेस थोडे वेगळे केले. बेसला काहि नव्हते म्हणुन मग पाटच ठेवला. थर्माकोलचे दोनच खांब होते हे मागे लावले मग उरलेल्या दोन खांबांसाठी संपलेल्या फॉइल पेपरचा जो शेवटचा गोल रिळ उरतो तो वापरला. त्यावर तो एकुलता एक लाल गिफ्ट पेपर चिटकवला. परत कमानिला तोच पेपर (कारण घरात तोच एक प्लेन गिफ्ट पेपर होता ). कमानीवर परत ग्लिटर स्टिकर्स आणि मग शेवटी लायटींग. आणी वर सिलिंगपर्यंत रंगबेरंगी कागद(? त्याला काय म्हणतात बरे?)

bappa

bappa 2

ऋषिकेश मंगळवार, 17/09/2013 11:21

शेवटची तारीख काय आहे?
आमच्या मामच्या घरी आम्ही केलेल्या फर्मास सजावटीचा फोटो नेमका मामेभावाच्या क्यामेरात आहे आणि तो कधी पाठवेल हे तो गणरायच जाणे ;)

केदार-मिसळपाव मंगळवार, 17/09/2013 22:13

तर गेल्या वीकांताला आमच्या घरी गणपती असल्या कारणास्तव सर्व बायरॉइथकरांना (आमच्या गावातल्या मित्रांना) संध्याकाळचे आरतीचे आमंत्रण होते.
त्या निमीत्य प्रसाद म्हणुन मोदक आणि मिसळपाव असा बेत होता...आपण तर ब्वा लै खुश झालो होतो.
modak

tarri

misal

गणपती बाप्पा मोरया....मोदक आणि मिसळपाव खायला या...

जातीवंत भटका बुधवार, 18/09/2013 01:15

दोन आठवडे खपून केलेला बाप्पाचा मूषक महाल.
हा महाल थर्माकोल मधे केलेला असून त्यावर अ‍ॅक्रेलीक रंग लावण्यात आला आहे. रंग-संगतीसाठी लाल रंगाच्या वेल्वेट कागदाचा वापर केला आहे.
महालाची उंची साधारण ३.५ फूट आणि रूंदी ३ फूट आहे.
१. महालाची आकार घेताना.
In making

२. महाल पूर्ण झाल्यावर .. बाप्पांच्या प्रतिक्षेत..
Awaiting Bappa

३. बाप्पा आपल्या मूषक महालात विराजमान झाल्यानंतर ...
Baappa Morya

गणपती बाप्पा ! मोरया !

अविनाश पांढरकर बुधवार, 18/09/2013 15:01

खूप सुन्दर आहे ही सजावट!!!

नितिन काळदेवकर बुधवार, 18/09/2013 14:26

हा पहा आमचा बाल गणेशा

bal ganesh

bal ganesh

अनन्न्या बुधवार, 18/09/2013 16:41

साय्राच सजावटी पाहत राहाव्या अशा झाल्यात!