आमच्या ओळखीचे एक कुटुंब आहे. ते कोणी त्यांच्याशी वाईट वागले की म्हणतात, त्यांचे पाप
त्यांच्यापाशी, (वरून) महाराज (मा. कविश्वरमहाराज) बघताहेत.
तसेच सर्व नवीन सदस्यांनी लक्षात ठेवावे की स्वातंत्र्याचा दुरुपयोग करू नका. तात्या, पिवळा डांबीस, नान चेंगट, बुद्धु बैल सारखे अनेक महाराज लक्ष ठेऊन आहेत तुमच्यावर.
"नाना ठाकरे
स्वर्ग नवनिर्माण सेना
(एकमेव सदस्य व संस्थापक अध्यक्ष व खजिनदार)"
एकमेव म्हणू नका , आम्ही आत्ता लगेच सदस्यत्वा साठी अर्ज करतो ....
अर्ज मंजूर न झाल्यास "होणार्या राड्यास " आम्ही जबाबदार नसल्याचे आम्ही प्रामाणिकपणे नमूद करू ईच्छितो ....
त्यानंतर जे काही होईल ती 'जनतेची ऊत्स्फूर्त रि-ऍक्शन ' समजण्यात येईल ......
"नाना ठाकरे आगे बढो .....
हम तुम्हारे साथ है ....... "
कडवा स्वर्गसैनीक ..... छोटा डॉन
आम्ही असे दिसतो....
मूळचे ठाण्याचे.
VJTI मधून Engineer झालो. IT मध्ये २ वर्षे चाकरी केली. जरी TCS मध्ये होतो तरी कायम NCDEX मध्ये बसून त्यान्चे काम केले. त्यातून मार्केट्स मध्ये रस आला.
त्यामुळे MBA करायचे ठरवले. सध्या देवाच्या भूमीत.. IIM-कोळिकोड (कालिकत) येथे असतो. Technical analysis हा आमचा area of interest आहे.
छन्दः भटकन्ती, पार्ट्या करणे, वेळ वाया घालवणे
मी धनंजय मिराशी.
मी कसा दिसतो ते दाखवत नाही. (उगाच सुंदर पक्ष्यांमधे कावळ्याचा फोटो कशाला. कावळ्याचा येक पुढनं आनी एक साईडनं मारलेला फोटू शेमच येतो. :) )
मी BCS नावाचा अभ्यासक्रम पूर्ण करुन किडे शोधायला(सॉफ्टवेअर टेस्टींग ) करण्यासाठी कॉग्निझंट मधे आहे. सध्या मी अमेरीकेत आहे. लवकरच परत येईन. मिसळ चापायला. :)
पुण्याचे पेशवे
फक्त नवीन सदस्यांचीच ओळखपरेड का??
आम्ही जुन्या सदस्यांना ओळखत नाही....
सगळेच आपली माहिती टाकूया ह्या थ्रेड वर...
भविष्यातही जेव्हा नवीन सदस्य येतील तेव्हा वाचतील...
अनिकेत
फक्त नवीन सदस्यांचीच ओळखपरेड का??
मग हे घ्या,आम्ही ही आमची ओळख करुन देतो.
आम्हाला स्वतःच्या तोंडाने स्वतःची(आणि दूसर्याचीही) स्तुती करायला आवडत नाही,त्यामूळे तूर्तास एवढेच.
बास का?
आपलाच,
-इनोबा
आम्हाला स्वतःच्या तोंडाने स्वतःची(आणि दूसर्याचीही) स्तुती करायला आवडत नाही,त्यामूळे तूर्तास एवढेच.
आम्हाला मात्र माज करणे फार आवडते....आणि आपणास आम्ही आवडलो नाही असे वाटते.
हे संकेतस्थळ पहात होतो, मार्केटची चर्चा पाहून मैदानात उतरलो.
आम्ही ह्या जागेच्या संस्कृतीत बसत नसू तर उगीच येथे राहून स्वतःचा cognitive dissonance आणि इतरांची गैरसोय आम्ही करणार नाही.
अनिकेत
आम्हाला मात्र माज करणे फार आवडते....आणि आपणास आम्ही आवडलो नाही असे वाटते.
अहो,इथे येणारा प्रत्येक जण आम्हाला आवडतो. त्याशिवाय का आम्ही हा थ्रेड सुरु केला.
आम्ही ह्या जागेच्या संस्कृतीत बसत नसू तर उगीच येथे राहून स्वतःचा cognitive dissonance आणि इतरांची गैरसोय आम्ही करणार नाही
आपला काहीतरी गैरसमज झालेला दिसतो,विनोद करायची आमची सवयच आहे.आपणाला विनोद करणारी व्यक्ती आवडत नाही वाटतं. अहो आयुष्य सुंदर आहे,त्याच्यात विनाकारण रडगाणी ऐकवण्यात काय अर्थ आहे,म्हणून आम्ही आमच्यापरीने प्रत्येकालाच हसते करण्याचा प्रयत्न करतो.
आमच्या बोलण्यामुळे आपल्याला खरेच वाईट वाटले असल्यास आपण मोठ्या मनाने आमच्या चूका पदरी घ्याल अशी आशा बाळगतो.
या मिपा संस्कृतीत सर्वांचेच स्वागत आहे,इथे कोणाचेही वैयक्तीक शत्रूत्व नाही.
आपलाच मिपाकरी,
-इनोबा
अनिकेत,
वयाच्या मोठेपणाने सांगतो; विनोबाचे बोलणे लाईटली घे. ह्या कट्ट्यावर तू नवीन नाहीस. चेष्टा - मस्करी हा मिपाचा मुख्य मसाला आहे. माझ्यासारखे काही सदस्य केवळ ह्या मसाल्याच्या चवीसाठी इथे आहेत. तू इथेच रहा. छान छान मंडळी आहेत. एकत्र राहून भांडूया, मजा करूया. त्याने पण दिलगीरी व्यक्त केलीच आहे. छोडदो यार.
फक्त नवीन सदस्यांचीच ओळखपरेड का??
आम्ही जुन्या सदस्यांना ओळखत नाही....
नमस्कार. आम्ही तात्या अभ्यंकर. आमच्या बद्दलची अधिक माहिती मिपावरील आमच्या व्यक्तिरेखेत दिली आहे, इच्छुकांनी कृपया ती वाचावी...
हल्ली मिपावर बरीच मंडळी फोटू देत आहेत, तेव्हा म्हटलं ओळखपरेडच्या निमित्ताने आपणही आपला फोटू इथे द्यावा...! :)
१) ठाण्याच्या एका कार्यक्रमात आम्ही भीमपलास रागावर लेक-डेमो देत होतो, त्यावेळचा हा फोटू आहे. प्रियांक थत्ते हा आमचा दोस्त आम्हाला सतारीवर स्वरसंगत करत आहे आणि हार्मोनियमवर आमची अतिशय चांगली मैत्रीण स्मिता मनोहर साथ करत आहे. स्मिता मनोहर ही पुलदेशपांडे डॉट नेट ची मालकीण आहे. तिने मोठ्या कष्टाने पुलदेशपांडे डॉट नेट हे संकेतस्थळ उभं केलं आहे.
२) आम्ही मनोगतावर कार्यरत असताना पुण्यात एकदा मनोगतींचा कट्टा झाला होता, तेव्हाचा हा फोटू आहे. आम्ही आमच्या आठवणीप्रमाणे बिहाग राग गात होतो तेव्हा मिपाचेच बल्लवाचार्य प्रभाकर पेठकर आमचा फोटू काढत आहेत. हा फोटू मात्र मिपाचेच सर्वसाक्षी यांनी काढलेला आहे. साक्षीशेठ, फोटू बाकी छानच काढतात! :)
असो, आम्हाला वाटतं आमची ओळख आता पुरेशी आहे! :)
आपला,
(ओळखीचा!) तात्या.
मिसळपावचा एक सदस्य.
आमच्या सारख्या ठोंब्यांना शास्त्रिय संगीताचा आस्वाद कसा घ्यावा हे समजावायच्या प्रयत्नात तल्लिन झालेला तात्या.
ही छबी झळकल्यावर दोन साक्षात्कार घडले
मला घडलेला: वाईड अँगल लेन्स आवश्यक आहे
तात्याला घडलेला: आपले व्यक्तिमत्व अंमळ भारदस्त आहे
(यात शंकाच नाही, मनही असेच मोठे आहे)
आपले व्यक्तिमत्व बाकी 'गुटगुटीत' हों! मला एकदम 'मर्फी' बाळाची आठवण झाली (मी लहान असताना मर्फी रेडिओच्या जाहिरातीत एक असेच गुटगुटीत बाळ असे).
आता आपली प्रत्यक्ष भेट कधी ते माहीत नाही पण ही भेट मात्र छान झाली!
चतुरंग
अर्थात आपल्याला स्वतंत्र थ्रेड बनवण्याची इच्छा असल्यास आपणास त्याचे स्वातंत्र्य आहे(लोकशाही आहे हो आमच्याकडे),सदस्यांच्या सोयीकरिता हा खटाटोप.
त्याचबरोबर,
प्रत्येक नवीन/जुन्या सदस्याने स्वत:ची ओळख करून दिलीच पाहिजे असे मात्र मुळीच बंधन नाही असे मिसळपावतर्फे आम्ही जाहीर करत आहोत..
तात्या.
तसे मुळ नाव निलेश व्यवहारे परंतू घरात रंगाने उजवा असल्यामुळे आईची प्रेमळ साद 'काळूराम' . नाशिकात अभियांत्रिकी शिक्षण संपवून (पूर्ण करुन नव्हे!) स्कॉटलंड मध्ये उच्चशिक्षण घेतोय. तात्यांना एक विनंती कराविशी वाटते, तो मिसळपावचा फोटू तेवढा काढून टाका राव, ईकडे आम्हा मंडळींची चांगलीच फरपट होते. मिसळच्या तर्री सारखीच झणझणीत चर्चा इथे आईकायला मिळेल अशी अपेक्षा.
विनोबाचा उपक्रम स्तूत्य आहे.
हि माझी ओळख.
मूळ नांव केशव चांदोरकर. चोंढी - अलिबाग येथे रहातो . २८ वर्षे माध्यमिक शिक्षक म्हणून सेवा [ नोकरी ] केली. सध्या एल . आय. सी. एजंट म्हणून काम करतो. सामाजिक कार्याची आवड. एका पतसंस्थेचा अध्यक्ष , एका वाचनालयाचा संचालक, एक भजनी मंडळ चालवतो. वाचन, संगीत [ शास्त्रीय ], ऊनाडने, मित्र गोळा करणे, इ. छंद. वय वर्षे ६०.
एक फोटो टाकायचा विचार आहे. कसा टाकायचा ते माहित नाही. बघू कधितरी.
अवांतर :- आणि ते पोपटीच्या निमंत्रणाचे काय झाले ?
------- केशवराव.
मूळ नांव केशव चांदोरकर. चोंढी - अलिबाग येथे रहातो .
केशवराव, किहिमच्या दादा भिडे (दिनकरराव भिडे - मानस बंगला) यांना ओळखता काय? त्यांची पत्नी सुलभा भिडे ही आमची मावस बहीण बरं का! त्यामुळे आम्ही अधनंमधनं किहिमला बहिणीकडे येत असतो. आमचे भावजी दादा भिडे अलिकडेच वारले.
असो..
आपला,
(अष्टागरातला) तात्या.
तात्या ,
दिनकरराव आमचे जवळचे मित्र होते. तसे ते बर्याच जणांचे मित्र होते. आम्ही त्यांना दि.र. म्हणायचो.
त्यांच्या घरी चांदोरकर सर विचार. ते ओळख देतीलच.
आणि आता किहीमला मुद्दाम माझ्याकडे ये. जेवायलाच हं !
केशवराव.
आणि आता किहीमला मुद्दाम माझ्याकडे ये. जेवायलाच हं !
नक्की येईन केशवराव.
मला खालीलप्रमाणे जेवण केल्यास ते अतिशय आवडेल! :)
१) बटाट्याच्या काचर्या
२) गूळ-गोडामसाला-चिंच/कोकम घातलेली साधी,सुरेख अशी घरगुती ब्राह्मणी चवीची तुरीच्या डाळीची आमटी,
३) मउसूत चपात्या
४) केळ्याची शिक्रण
आणि
५) चवीपुरती हिरव्या मिरचीची दोन(च) गरमागरम भजी! (ऑप्शनल!)
धन्यवाद! :)
लागा सैपाकाला, आलोच! तात्याची आवड एकदम साधीसोप्पी असते हो. आपण यजमानाना फारसा त्रास देत नाही! :)
आपला,
(पाहुणा!) तात्या.
केशवराव,
चोंढी नाक्यावर उतरून आतल्या बाजूस जाऊन असलेले (मला बरोबर आठवत असेल, तर रायगड बाजार च्या समोरच्या बाजूस आतमध्ये?) छाब्रिया बाईंचा बंगला, नायक काकांचे घर आणि घोटगाळकरांची बंगली माहीत आहे का? पैकी घोटगाळकर म्हणजे आमच्या आत्याचे यजमान. सध्या ती बंगली विकून मुंबापुरीस परतलेले. आत्याच्या घरी किहीमला कधी संक्रांतीनिमित्त, कधी कोजागिरीनिमित्त, तर कधी सहजच उन्हाळ्याच्या सुटीत जाणेयेणे व्हायचे. अलिबाग बीच, किहीम बीच, चौल, रेवस असा छान मोठा कार्यक्रम व्हायचा.
(स्मरणशील)बेसनलाडू
एक फालतू माणूस. मालाड प. , मुंबई ला राहातो. दुर्दैवाने नोकरी करावी लागते. उलट्या खोबडीमुळे दोन नोक-या बदलाव्या लागल्या. सुदैवाने दोनच. आताची १४ वर्षे कशीतरी टिकून आहे. खाजगी ईंजिनीयरिंग कंपनीत प्रशासकीय अधिकारी. वाचन, संगीत ऐकणे. टी व्ही वर खेल पाहाणे व मित्रांच्याबरोबर भटकणे व फालतू लिखाण करणे हे आवडते छंद. वय वर्षे ५५.
सहजच आंतरजालीय पडीक. जन्मभूमी: मुंबापुरी (दादर!!!!!!!) संगणक अभियांत्रिकीची पदवी आणि नंतर संगणकशास्त्रात पदव्युत्तर शिक्षण. पेशाने सॉफ्टवेअर अभियंता. बहुतांश शिक्षणकालादरम्यान मुंबईत नि पदव्युत्तर शिक्षणादरम्यान अमेरिकेत नॉर्थ कॅरोलायनात वास्तव्य. व्यवसायानिमित्त सध्या कॅलिफोर्नियात. आवडीनिवडी: आंतरजालीय भटकंती, इकडेतिकडे फुटकळ लेखन, जबरदस्त वाचन, नानाविध प्रकारचे संगीत, संगणक आणि सॉफ्टवेअरशी सारख्या उचापती, खाणे आणि खिलवणे; षठीसामाशी फोटो काढत बसणे, अभिनय वगैरे. वय(कॅलेन्डरनुसार) - २४ वर्षे २६२ दिवस. वय (मानसिक) - अज्ञात.
(परिचित)बेसनलाडू
च्यामारी बेसन्या,बरा घावलास लेका!
आता कोणीतरी आमच्या वयाचे सापडले इथे. नाहीतर सगळे काका-काकू जमा झाले होते.
असो!जेष्ठांचे मार्गदर्शन ही काही कमी नाही. आता आमच्याबद्दल काय लिहायचे? च्यामारी आम्ही काहीच स्पेशल करत नाही. मरु दे तिच्यायला.
पुन्हा कधी तरी लिव्हतो.
-इनोबा
(आमच्याकडे सर्व प्रकारच्या 'शिव्या' मोफत मिळतील)
कोणास ते ठाऊक असे?
तर अस्मादिक म्हणजे भाईकाका॑च्या "पोष्ट्या जोश्याचा बे॑बट्या" ला चपखल बसणारे.
यकदम डिटेलवार म्हायती माझ्या व्यक्तिरेखेवर वाचा (कि॑वा कशाला वाचता? आहेच काय त्यात वाचण्यासारख॑? फुटकळ माणसाच्या पोलिशी रिपोर्टाला "व्यक्तिरेखा" म्हणण॑ म्हणजे..असो.)
मी कैवल्य देशमुख. तसा बारामतीचा (घड्याळ..घड्याळ..माझ्या गावाची वळख), वाणिज्य शाखेची पदवी घेऊन, व्यवसाय व्यवस्थापनात पद्व्युत्तर होऊन "सॉफ्ट्वेअर कन्सल्ट॑ट" म्हणून सध्या कार्यरत (चारचौघा॑च्या भाषेत सा॑गायच॑ तर..एक ना धड..). (म्हणजे बघा, मी कसा हुशार...स॑दर्भः भाईकाका॑चा "पुणेकर" "सार्वजनिक मराठी". ह्यावरून लक्षात आल॑ असेलच की हल्ली मी चा॑गलाच मुरलेला पुणेकर झालो आहे :))
सध्याच्या नोकरीत आल्यापासून तळपायावर बहुधा चा॑गला रुपयाच्या आकाराएव्हढा तीळ उगवला असावा, सतत वि॑चवाच॑ बिर्हाड पाठीवर..त्यामुळे पुणे, मु॑बई आणि ब॑गळूरु ही आमची विहारस्थान॑..तुर्त आम्ही देशा॑तर्गत कामकाजात व्यग्र असल्याने परदेशातील माती आमच्या पदस्पर्शाने सुवर्णमयी होणेचे शक्य नाही...(इ॑ग्रजजन हो..थोडा धीर धरा)
उर्वरित स्वस्तुती व्यक्तिरेखेवर....
आपला
- ध मा ल.
अवा॑तर : बेसन्या, म्हणजे तुझा वाढदिवस जवळच आला की रे...२९ मे का? (मी गणितात ठार कच्चा आहे...तारिख ३०-३५ दिवस आणि महिना २-४ इकडे तिकडे होऊ शकतात)
इनोबा, मीही "काका-काकु" वर्गात नाही ह॑...
मी राज केतुरकर (मुळ नाव दीपक देवकर )...
राहणार , कळवा-ठाणे...बेडेकर कालेजातुन वाणिज्य शाखेची पदवी घेतली (२००१ साली)....सध्या सलाल्हा-ओमान येथे Maersk Line मध्ये पाट्या टाकतोय...
अहो तात्या आपण बेडेकरचे विद्यार्थि का...? आपली मैत्रीण स्मिता मनोहर ह्या बेडेकर मध्ये होत्या म्हणुन विचारले...
मिसळ प्रेमी
राज....
अहो तात्या आपण बेडेकरचे विद्यार्थि का...? आपली मैत्रीण स्मिता मनोहर ह्या बेडेकर मध्ये होत्या म्हणुन विचारले...
नाही, मी छबिलदास ग्रुपच्या मो.ह.विद्यालयाचा विद्यार्थी!
तात्या.
लई लई मस्त वाटलं बघा वरचं सगळं [ च्यायला भारीच अनूनासीक व्यायला लागलं बेट्या ] वाचून ....
चला आमच्या वयाचे कोणीतरी "जोडीदार" सापडला , नाहीतर आम्हाला पण वाटलं "सालं ही तरूण पोरं काही लिहता / वाचतात की नाही ?".
तर तात्पर्य असे की आम्ही " श्री . बेसनलाडू व ईनूभाऊ अनिवसे व धमाल मुलगा " यांच्यापेक्षा साघारणता १ वर्षाने लहान आहोत.[ असा एक साधारण अंदाज आहे ] तसा आम्ही करेक्ट 'दिवसांचा हिशोबही' करून पाहिला पण दर वेळी वेगळेच ऊत्तर आल्यामुळे नाईलाजाने प्रयत्न सोडून द्यावा लागला .[ त्यात 'लिप वर्षाने' तर लैच घोळ घातला, असो ]
आता आमच्याबद्दल काय सांगायचे ? "नावात काय आहे ?" ही ऊक्ती आम्ही लहाणपणापासून मनावर घेतल्यामुळे आम्ही नावास जास्त महत्व देत नाही.....
तसे पहायला गेलात तर आम्ही अनेक प्रचलित नावाने ओळखले जातो. पाळण्यातील नाव, घरातील लाडाचे नाव , दोस्तातील अतिच लाडाचे नाव , काही 'लाडांच्या' व्यक्तींनी ठेवलेले अतिशय 'खासगी नाव' , ऑफीसमधल्या 'ग्लोबल' वातावरणात वापरले जाणारे वेगळेच 'ग्लोबल नाव' , आता 'आंतरजालावर वापरले जाणारे नाव' ईत्यादी ईत्यादी मुळे आम्ही एक असे नाव सांगू शकत नाही . असो....
तर सांगायचा मुद्दा असा की "देशातल्या 'अतिप्रसिद्ध' शहरात असणार्या एका 'अतिपुरातन' व 'अतिप्रसिद्ध' अशा अभियांत्रीकी विद्यालयात आम्ही [ कसे बसे ] शिक्षण पूर्ण केले. त्यानंतर जनरित संभाळण्यासाठी नोकरीपण पकडली . पण 'आमच्या कामाबद्दल अपेक्षा' व 'कंपनीच्या आमच्याकडून अपेक्षा ' यांचा मेळ न बसल्याने आम्हास वारंवार कंपनीटन [ देशाटनाच्या धर्तीवर ] करावे लागले......
सध्या आम्ही 'कर्नाटकप्रांतातील बेंगरूळ प्रदेशात' एका अतिप्रसिद्ध आस्थापनात काम करत आहोत.
ही कंपनी "जगातील सगळ्यात मोठी 'गाड्या बनविणारी' कंपनी " म्हणून ओळखली जाते . तर सांगायचा मुद्दा असा की आम्ही या "सामान्य " कंपनीतल्या "संशोधन व विकास विभागात" सध्या "गाड्यांसाठी लागणारी इंजिने डिसाईन " करण्याच्या [ नसत्या ] ऊद्योगात मग्न आहोत ....
आम्ही [ न ] केलेल्या कामावर खूष होऊन आम्हाला कंपनी आम्हाला आस्थापनाच्या 'हिटलरच्या देशातील ' "हेडक्वार्टर" मध्ये पाठवायच्या मागे लागली आहे. आम्हालाही "बोंबलत हिंडायची आवड " असल्याने आम्ही "हिरवा कंदील " दाखवला आहे .... असो . ....
वरच नमुद केल्याप्रमाणे आम्ही सध्ध्या "गध्धेपंचविशीत" असल्याने आम्हाला " ऊगाच बोंबलत हिंडणे , तासनतास आंतरजालावर कालापव्याय करणे [ यात वाचन , लेखन व अनेक नसत्या ऊचापती यांचा समवेष होतो .] , ठार मेल्यासारखे झोपणे ,तासनतास कुठल्याही 'अर्थहीन विषयावर ' गप्पा ठोकणे , 'चेंडू झोडपण्याचे' सगळे खेळ खेळणे, मनोसोक्त हादडणे त्यात बल्लवगिरीची हौस , 'सगळ्या प्रकारचे सिनेमे' अतिशय आत्मीयतेने पहाणे , कसलेही गाणे लावून बेधूंदपणे नाचणे व कधितरी आपल्या सारख्या ४ मित्रांना गोळा करून "बैठक बसवणे [म्हणजे काय ? हे सांगण्याची बहूदा गरज नाही ] " यासारखे आमचे काही छंद आहेत ....
तर आता पुराण अतिच लांबत चालल्याने पूर्णविराम देतो ....
आपला
छोटा डॉन [ आमची कोठेही शाखा नाही ..... ]
अवांतर : 'धमाल मुला ' आमचा 'वाढदिवस ' २९ मार्चला 'बेसनलाडनाच्या' आधी असल्याची नोंद घ्यावी....
नमस्कार दोस्तहो,
मी धनंजय काळे. छोट्या डॉनच्या दिवसांच्या हिशेबावरून आम्ही त्याच्यापेक्षा १ वरीस लहान असण्याची शक्यता आहे.
आम्ही विद्युत अभियांत्रिकीचे शिक्षण पुर्ण करून सध्या पुण्यात 'ट्रॅक्टर ' बनवणार्या संगणक कंपनीत ' हमाल ' या पदावर कार्यरत आहोत.
हमाली करताना बरेचशे उपद्व्याप केल्याने कंटाळलेल्या प्रकल्प संचालकाने शेवटी आमची राणीच्या देशात हकालपट्टी केली.
आणि आता आम्ही ब्रेड, बटर व अत्यंत बेचव भोजन भक्षण करत स्वत:ची गुजराण करीत आहोत (किंबहूना केलेल्या पापांची फळे भोगत आहोत).
असो, माज करणे हा आमचा अत्यंत आवडता छंद असून त्याचे बाळकडू आम्हाला बालपणापासूनच म्हणजे नुसते मवाली विद्यार्थीमध्ये असतानाच मिळालेले आहे.
कंपनीतील मुफ्त आंतरजालावर ' मुक्त ' भटकंती करत उरलेल्या वेळात कंपनीच्या मार्केटमधील घसरणीबद्दल कारणमिमांसा करणे हा आमचा एकुलता एक आवडता 'उद्योग' आहे.
असो, बहुत काय लिहीणे.....तुम्ही सुज्ञ आहातच....
आपला,
धनंजय काळे (उर्फ छोटी टिंगी) ;)
अस्मादिक दादरास आणि ठाण्यास वाढलेले. पुण्यात "घडलेले". आणि अमेरिकेत येऊन पडलेले.
दादा रेग्यांच्या "बालमोहन"मधे चौथीपर्यंत होतो. आताचे बालमोहन म्हणजे ...जेथे फुले वेचली तेथे गवर्या वेचाव्या अशी परिस्थिती (असे ऐकतो, वाचतो.) ठाण्यास टिळकमास्तरांच्या शाळेत होतो. पुण्यास हरि सहस्त्रबुद्ध्यांच्या. मग अच्युतराव गडबोल्यांनी आपल्या पदस्पर्शाने पावन केलेल्या कुंपणीमधे होतो आणि आता संयुक्त संस्थानांच्या राजधानीत : अच्युतरावांच्याच भाषेत सांगायचे तर तिय्यम कामे करणारा एक दुय्यम दर्जाचा नागरिक :-)
थोडेबहुत जमेल तेव्ह्ढे वाचतो. मिसळपावादि ठिकाणी "महाजनो येन गता: स पंथः" या न्यायाने आलो. आता या स्थळाचा एक फ्यान बनून पडीक असतो. तात्यासाहेबानी लावलेल्या केशराच्या शेतातून नुसता चालतो. आनंदाचा स्पर्श होण्यास तेव्हढेही पुरेसे. :-)
नाव : धनंजय
शहर/गांव : बॉल्टिमोर
देश : (राहाता) अमेरिकेची संयुक्त राज्ये, (मूळचा) भारत
माझ्याविषयी :वय तात्यांच्या जवळपास. शालेय मराठी शिक्षण सुमार, घरगुती वापर बर्यापैकी. ललित आणि प्रगल्भ दोन्ही प्रकारे मराठीतून लिहायला शिकायचा प्रयत्न करतो आहे. हल्लीच ड्रुपल्/गमभन वापरून मराठीतून संवाद साधणार्या संकेतस्थळांशी ओळख झाली, त्यामुळे रोजवापरातल्या लेखी भाषेशी पुन्हा संयोग होत आहे, त्यामुळे खुश आहे! (संकेतस्थळांच्या चालकांमध्ये वैमनस्ये माझ्या ओळखीपूर्वी झाली होती, म्हणून त्या बाबतीत अज्ञ, पण खरे तर त्याचे मला फारसे कुतूहलही नाही.)
आवडती पुस्तके आणि लेखक : मराठीत थोडीच पुस्तके वाचली आहेत. पैकी अर्ध्यावर पुलंची, व्यासंग वाढवायला आवडेल. इंग्रजीतली आवडीची पुस्तके सारखीसारखी बदलत असतात. स्पॅनिशमध्ये बोर्हेस.
आवडते संगीत : गीता दत्त आणि आशाताईंवर जान निछावर करीन. बाकी बारोक संगीत खूप आवडते. भारतीय (दोन्ही प्रकारचे) शास्त्रीय संगीत ऐकायला आवडते. जाणही आली तर हवी आहे.
चित्रपट, नाटक आणि दूरचित्रवाणी : इंग्रजीतले "इंडिपेंडंट" चित्रपट. वर्षात एखादा(च) सुपर म्युझिकल डान्सिकल हिंदी चित्रपट बघतो. मराठी चित्रपट फार कमी बघायला मिळतात.
आवडते खाद्यपदार्थ : माणकुराद आंबा खाऊन बारा वर्षे झाली - हाय तरसलो!
शिक्षण : फारच टंगळमंगळ केली. तरी शेवटी शिक्षण सोडून नोकरी धरावीच लागली
व्यवसाय : वैज्ञानिक
व्यवसायाचे/कामाचे स्वरूप : संशोधन, थोडीफार प्राध्यापकी
तात्यासाहेबानी लावलेल्या केशराच्या शेतातून नुसता चालतो. आनंदाचा स्पर्श होण्यास तेव्हढेही पुरेसे. :-)
हे बाकी एकदम खरे.. :))
मी प्राजक्ता पतवर्धन. शिकले कोल्हापूरात, सासर सांगली. जे काही काम केलं ते पुण्यात. आणि नवर्यासोबत इथे येऊन राहिले आहे अमेरिकेत. लिहिणे, खाणे, गाणे हे आवदते उद्योग. शिवाय गॉसिपिंग... मि.पा.वर वाचणे, मित्र्-मैत्रिणींशी इंटरनेटवर गप्पा ठोकणे हे छंद. तशी शिक्षणाने मी फॅशन डिझायनर आहे. पण नोकरी केली ती पुणे आकाशवाणीत निवेदिका म्हणून.
बास ...!!आता आणखी किती कौतुक करावं स्वतःच??
- प्राजु
"केशराच्या शेताच्या" रूपकाचे श्रेय माझे नव्हे ! (हे मी आधीच सांगायला हवे होते.) बाबुराव पेंढारकरानी आपल्या आत्मचरित्रात हे वाक्य लिहिले आहे. "शाहू महाराजानी करवीरनगरीत विविध कलक्षेत्रातील लोकांचे जणू केशराचे शेत लावले. त्यातून मी नुसता चाललो तर त्याच्या सुगंधात न्हाहून निघालो". मधू गानूंनी पुलंच्यावरच्या लेखात हेच वाक्य उधृत केले आहे....
अजून संधी चालून आलेली नाही. पण कला आणि म. मं च्या जवळपास सगळ्या कार्यक्रमांना हजेरी लावली आहे. मजा येते. सहभागी व्हायची संधी मिळाली तर पाहू.
(कलाकार)बेसनलाडू
प्रतिक्रिया
ह्ये ब्येस केलंस!
ह ह पु वा
हा हा
आरं पन!
नशीब तेन्ला येक पुढनं आनी एक साईडनं मारलेला ....
महाराज बघताहेत
आम्हाला
नाना ठाकरे आगे बढो .........
ओळख.....
परीचय
नवीन सदस्यांचीच ओळख का?
हे घ्या...
बरे तर...
अनिकेतराव
आम्ही ह्या जागेच्या संस्कृतीत ..........
नमस्कार,
आणखी एक
:)
तात्या,
बंधन नाही..
ओळख
रविराज देशमुख
मी केशवराव !
केशवराव, (अवांतर)
व्वा !
:)
चोंढी-अलिबाग
नायक, घोडगाळकर वगैरे...... !
सुधीर कांदळकर
आम्ही कोण?
च्यामारी
ओळ्ख
आम्ही कोण म्हणुन काय पुसता...
मी राज
नाही,
आम्ही आहोत साक्षात "छोटे डॉन "....
नमस्कार.....
च्यामारी!
अस्मादिक
आणखी एक धनंजय
तात्यासाह
केशराचे शेत : इदं न मम !
ज्ञानेश्वर असेच काहीसे म्हणतात...
माझी वळख?
पि. डां. काका
आणि मी सॅन होजे ला
मी न्यू यॉर्क ला..
अरे लाडू,
संधी
असं कशाला!