पाप पुण्य विचार असावा की नसावा

खूप आवडला.. अभिनव कल्पना मांडलीत सहस्त्रबुद्धे साहेब तुम्ही कृपया विषय गंभीर आहे उगाच अनावश्यक लिखाण करू नये. सहमत

पाप -पुण्य याची भीती गेल्याने समाजाचे हित झाले की अहित?

केवळ अमूर्त विषय म्हणून उत्तर द्यायचं झालं तर - अहित. पण पाप काय आणि पुण्य काय, हे ठरवणार कोण? केवळ जुन्या धर्मग्रंथात लिहिला आहे / मोठ्यांनी सांगितलं आहे म्हणून - अमुक एक कृत्य म्हणजे पाप, आणि तमुक एक कृत्य म्हणजे पुण्य - असे मानणे योग्य आहे का?

पूर्वी जेव्हा भारतीय समाज मेकॉलेच्या तथाकथित शिक्षण पद्धतीनुसार अशिक्षित(!) होता तेव्हा तो पाप पुण्य इत्यादी जीवन मूल्ये मानीत असे पण जेव्हा कालांतरानी वर उद्धृत केलेला असा सुशिक्षित मनुष्य निर्माण झाला तेव्हा तो हिंदू धर्म पद्धती व जीवन पद्धती हि मागासलेली व बुरसटलेली व आंग्ल जीवन पद्धती हि आदर्श मानू लागला त्यामुळे हिंदू जीवन पद्धतीत येणारी प्रत्येक गोष्ट तो कुठलाही विचार न करता त्याज्य व तिरस्करणीय मानू लागला

हम्म. मला असं वाटत नाही (ज्या गोष्टी सभोवार बघतो त्यावरून). आजही माझ्या माहितीतील बहुतेक सर्व माणसं हिंदू जीवन पद्धती शक्य त्या प्रमाणात आचरतात.तिरस्करणीय तर नक्कीच मनात नाहीत.

अर्थात साहेब जिंकला. आज आपल्याला हिंदू सणवार करायला वेळ नाही पण विनाकारण वेळ व्यतीत करण्याला आहे .

खरच तुम्हाला असं वाटतं ? जवळपास सगळे महत्त्वाचे सण आज आपण साजरे करतो. गणपती, गोपाळकाला, दिवाळी ई. सणात तर जरा जास्तच.

आज आपण पापपुण्यालाही भीत नाही आणि कायद्याला विचारीत नाही . म्हणजे अनागोंदी आणि अनाचाराची नांदीच झाली आहे ..

मुख्य मुद्दा. पण (मला तरी) याचा आणि बाकी मुद्द्यांचा संबंध बराच लांबचा वाटतो. सध्या ट्यामप्लीज.

करा करा विचार करा आणि केवळ मराठीत व्यक्त करा. मिंग्लिश व हिंराठीत नको.

मिंग्लिश व हिंराठीत वाईट काय आहे ?

कृपया विषय गंभीर आहे उगाच अनावश्यक लिखाण करू नये. ही विनंती बघा प्रयत्न करून

हे सांगावं लागतंय? बरं.

पापपुण्याची कल्पना गेल्यामुळे समाजाचे नुकसान झाल्याचा आमचा स्पष्ट अभिप्राय आहे. पूर्वीचं पुणं राहिलं नाही. आमच्या वेळी असं नव्हतं. -प्रोफेश्वर गॉथमकर.

पाप म्हणजे काय ? पुण्य म्हणजे काय ? हे व्यक्ती आणि धर्म सापेक्ष असते.. त्यामुळे नेमके काय म्हणायचे आहे ते उलगडून सांगा हिंदू जीवन पद्धती मध्ये हिंदू , मुस्लीम , शिख , बौद्ध ( इतर सर्व धर्म -पंथ- निधर्मीय ) हे सर्व जणांचा विचार करून लिहिला आहे का ? आणि जागतिकीकरणाच्या , औद्योगिकरणाच्या रेट्यात काही जीवन पद्धती बदलणे अपरीहार्य आहे .. हिंदू जीवन पद्धती मध्ये काय अपेक्षित आहे ते जरा तपशील वार लिहिले तर विस्ताराने चर्चा करता येइल

"पण पाप काय आणि पुण्य काय, हे ठरवणार कोण? केवळ जुन्या धर्मग्रंथात लिहिला आहे / मोठ्यांनी सांगितलं आहे म्हणून - अमुक एक कृत्य म्हणजे पाप, आणि तमुक एक कृत्य म्हणजे पुण्य - असे मानणे योग्य आहे का?" बहुधा तुकोबांनी फारच सोप्या शब्दात सांगून ठेवले आहे. "पुण्य पर-उपकार पाप जे परपीडा" बाकी यावर विस्तृत लिहायचे आहे.. पण नंतर.

१.पाप हे वय , जात , धर्म , कार्य-कारण भाव , कृती मागचा उद्देश हया व अश्या गोष्टींवर अवलंबून असते. -लहान मुलाच्या हातून हत्या झाल्यास क्षम्य आहे , मोठया माणसाच्या हातून अनावधाने झालेली हत्या क्षम्य आहे. -गो-मांस खाणे हे हिंदू धर्मात महापाप आहे तर इतर धर्मात हे पाप नाही. -मासे खाणे सारस्वतांना क्षम्य आहे पण इतर ब्राह्मण , लिंगायत , जैन यांच्या साठी ते पाप आहे. २. पाप पुण्याच्या भावना काल सापेक्ष आहेत. - आजच्या जगात कामाच्या जागेवर होणारे लैगिक शोषण हे सगळ्यात मोठे पाप ठरावे - धर्म ग्रंथात ह्याचा संदर्भ असणे अशक्य ३. पाप पुण्याच्या भावना व्यवसायाशी निगडीत आहेत. - वैद्याने मृत्युमुखी असलेल्या एखाद्याला दया-मृत्यू दिला तर ते पाप कसे ? - काळ्याचे मासे आणि सैनिकाने मारलेले शत्रू पाप कसे ? हया भावना अश्या कोणत्याही चौकटीत कोंबणे शक्य नाही. आपण आपल्या मर्यादा आखाव्या व सांभाळाव्या !

विचार असला काय नि नसला काय लोक जसे वागायचे तसे वागणारच. पापपुण्याचे विचार पूर्वी होते म्हणून लोक गुन्हे नव्हते करीत का पूर्वी ? तेव्हाही गुन्हे होत होते आताही होत आहेत. नवीन असं काही नाही. >>केवळ मराठीत व्यक्त करा. मिंग्लिश व हिंराठीत नको. यामागचा उद्देश कळला तर बरे होईल.

आम्ही सुशिक्षित असल्याने व कुठलेही धर्मकृत्य, सण वगैरे साजरे करत नसल्याने अत्यंत पापी आहोत. त्यांत बाकीचा समाज कसा वागतोय हे बघूनही, काहीच करत नसल्यामुळे आम्ही (बहुधा) रौरव नरकातच जाणार आहोत. आपल्यामुळे कुणाचेही नुकसान होऊ नये, वा कुणाला त्रास होऊ नये एवढाच धर्म (महाराष्ट्र धर्म ?) आम्ही पाळत आलो आहोत. पण तो पुरेसा नाही हे आज कळले.

पाप पुण्य हे अगदी अति नैसर्गिक पातळीवर ( वैश्विक म्हणा फारतर ) विचार करू गेले तर बकवास ! पण मानवी समाज ही एक अजब अशी संस्था आहे. त्यात स्खलनशीलता व कल्याणविचार या दोन्ही प्रेरणा माणसांमाणसामधे भिन्न प्रमाणात कार्यरत असतात. यामुळे पहिल्या वाक्यातील बकवास बाजूला ठेवून कालपरत्वे, वय परत्वे, लिंगपरत्वे, राष्ट्रपरत्वे , धर्मपरत्वे पाप पुण्य कल्पना येत रहाणार त्यांचा पगडा रहाणार ! व त्या रहाव्यात ही !

पाप-पुण्य या फालतू कल्पना नाहीत. - असे मत आहे. स्वानुभव / मिळालेले संकेत हे सांगता येणार नाहीत कारण खूप वैयक्तिक बाब आहे. पण पाप-पुण्याची गणना असते यावर ठाम विश्वास आहे.

अवांतर : नान कटाई खावी... गोश्त खावे .. सुखी रहावे.

पुण्ण्याचं माहित नाही.. पण पाप ही कन्सेप्ट जायला नको राव. पापं करण्यातली मजा काही औरच!!

या धाग्याचा विचका झाला आहे त्यावरून लक्षात घेण्याजोगा एक धडा : केवळ मराठीतच लिहा (मिंग्लिश/हिंराठी नको) किंवा अनावश्यक लिखाण करू नये असे म्हटले की त्या धाग्यावर अनावश्यक लिखाण होणारच बघा.

@पाप -पुण्य याची भीती गेल्याने समाजाचे हित झाले की अहित? >>> पाप/पुण्याची भिती असल्यामुळे समाजाचे हित होते याला आपला पुरावा/दाखला काय...? सर्व धर्मांच्या इतिहासाचा पुरावा याच्या विरोधी जाणारा आहे.त्याचे काय? @पूर्वी जेव्हा भारतीय समाज मेकॉलेच्या तथाकथित शिक्षण पद्धतीनुसार अशिक्षित(!) होता तेव्हा तो पाप पुण्य इत्यादी जीवन मूल्ये मानीत असे पण जेव्हा कालांतरानी वर उद्धृत केलेला असा सुशिक्षित मनुष्य निर्माण झाला तेव्हा तो हिंदू धर्म पद्धती व जीवन पद्धती हि मागासलेली व बुरसटलेली व आंग्ल जीवन पद्धती हि आदर्श मानू लागला त्यामुळे हिंदू जीवन पद्धतीत येणारी प्रत्येक गोष्ट तो कुठलाही विचार न करता त्याज्य व तिरस्करणीय मानू लागला . अर्थात साहेब जिंकला. आज आपल्याला हिंदू सणवार करायला वेळ नाही पण विनाकारण वेळ व्यतीत करण्याला आहे .>>> हे तुमचं अनुमान अतिशय भंपक आहे...वर अनेकांनी या विषयीचा यथा-योग्य खुलासा केलेलाच आहे. मी वेगळं लिहिण्याची काहिही गरज नाही.... आंग्ल पद्धतीही काहि फार शहाणपणाची आहे असं नव्हे, पण आपली हिंदू धर्म पद्धती व जीवन पद्धती हि मागासलेली व बुरसटलेली आहे का नाही...? तुंम्हाला स्वतःला काय वाटतं? आणी काय वाटतं ,याच्यापेक्षा काय आहे...?..हे तुंम्ही विचारात घेतलेलं आहे कि नाही..? ते इथे जाहिरपणे सांगण्याचं पुण्य करणार की पापीच रहाणं पसंत करणार...? सांगा बरं? @आज आपण पापपुण्यालाही भीत नाही आणि कायद्याला विचारीत नाही .म्हणजे अनागोंदी आणि अनाचाराची नांदीच झाली आहे ..>>> हे बाकी खरं आहे...पण या वाक्यात आज हा अप्रस्तुत शब्द तुंम्ही पूर्ण जाणिवेनी का वापरला..? हे जरा सांगा बरं... कारण,या जगात सगळे धर्म जन्माला आले,तेंव्हापासुन एकही असा कालावधी काढुन दाखवता येत नाही,की जेंव्हा माणुस पाप/पुण्याला भितोय,आणी कायद्याशी इमान राखुन आहे. असा जगलाय. @करा करा विचार करा आणि केवळ मराठीत व्यक्त करा. मिंग्लिश व हिंराठीत नको. कृपया विषय गंभीर आहे उगाच अनावश्यक लिखाण करू नये. ही विनंती बघा प्रयत्न करून >>> व्वा....! तुमचा हा तोरा आंम्हास चांगलाच ठाऊक आहे, त्यामुळे त्याची झींग इथे वेगळी उतरवायला जात नाही. पण तुंम्ही तुमच्या विचारांशी निदान *स्वत: तरी प्रामाणिक आहात कि नाही? ते या निमित्तानी आपण बघू. * मी विचारलेल्या प्रश्नांना अनावश्यक लिखाण न करता ,ते प्रश्न गंभीर असल्यामुळे प्रामाणिक उत्तरे देण्याचे करा... *आपल्याला जाणवणार्‍या समस्या खर्‍या आहेत,असं मानलं,किंवा तसं आंम्ही आपल्याला कबुल केलं,तर याच्या निवारणाचा उपाय काय व कसा राहिल ते कृपया सांगा? *कृपया पळून जाऊ नका,धीटपणे उत्तरे द्या ही विनंती :)

आपली कळकळ तशी समजण्यासारखी आहे. असो..

पाप पुण्य जाऊ द्या हो. आधुनिक आहोत तर प्रचलित कायदा प्रामाणिकपणे पाळणे तरी जमतय का बघा.

पुण्य ही समाजाला लागलेली किड आहे! जगात सगळेच पापी झाले तर कारभार किती सुखाचा होईल ह्याचा विचार करा.

काय ठरलं मग शेवटी ?

नाही पुण्याची मोजणी नाही पापाची टोचणी जिणे गगौघाचे पाणी | http://www.youtube.com/watch?v=UDgG0luC3hU

पाप पुण्य विचार असा विचार मुळातच अजीबात नसला पाहिजे असे माझे स्पष्ट मत आहे! ह्याने लैच काशी होते. कशी ???? लहान असताना म्हणजे दहावी पास झाल्यावर आतेभावाकडे रहात होतो. तेव्हा शेजारी एक सुबक ठेंगणी रहायची. वयाने बरीच मोठी माझ्यापेक्षा. ती नेहमी येउन 'चिकटायचा' प्रयत्न करायची. अगदी धसमुसळेपणाने. पण हाय रे कर्मा! ह्याच... ह्याच... 'पाप पुण्य' असल्या विचार करण्यामुळे मी तिच्यापासून लांब पळायचो. :( आता पाप पुण्य असल्या विचारांपासून लांब गेलो आहे पण त्या बरोबरच तसल्या सर्व सुबक ठेंगण्याही तेवढ्याच लांब गेल्या आहेत. आता फक्त 'गेले ते दिवस आणि राहिल्या त्या आठवणी ' असे झाले आहे. त्यामुळे माझा 'पाप पुण्य विचार' असे कोणी म्हटले की तीळपापड होतो. ह्या सगळ्या बाजरगप्पा आहेत. त्यावेळी असले पाप पुण्य असले काही माहिती नसते तर........ - ( अजुनही हळहळ वाटणारा) सोकाजी