पिंपळपान

कहर's picture
कहर in जे न देखे रवी...
29 May 2018 - 9:56 am

आधी क्षमेच्या कारणांची खाण शोधू
मग फुलांनी केलेला अपमान शोधू

दाखवा पदवी अगोदर वाल्मीकीची
अन्यथा रामायणात अज्ञान शोधू

सोसेना गलका सभोवती शांततेचा
दूर याहून एक स्थळ सुनसान शोधू

बोलण्या आधीच सुरू होती लढाया
ऐकूनी घेतील असले कान शोधू

प्रेमामध्ये जीवही टाकू ओवाळुन
भंगल्यावर नफा कि नुकसान शोधू

आदेश हा कारागृहे खुली करण्याचा
पळूच ना शकेल तो बंदिवान शोधू

शब्दांच्या कचऱ्यातही मोती एखादा
थेट मनाला भिडणारे लिखाण शोधू

जिवंत दुनिया जळते एकमेकांवर
मृतदेहांना जाळायाला स्मशान शोधू

शिव्या शाप जरी रोजचेच ठरलेले
नशिबातील एखादे समाधान शोधू

खंत नको कालची वा तमा उद्याची
खुल्या बाहूंनी जगू.. वर्तमान शोधू

रात्र बाकी ये पुन्हा हरवून जावू
पहाटे माझे तुझे देहभान शोधू

अटळ प्रलय आहे हा विशाल तर
अवघे विश्व तराया पिंपळपान शोधू

-विशाल (२१/०५/२०१८)

gajhalgazalमराठी गझलकवितागझल

प्रतिक्रिया

चांदणे संदीप's picture

29 May 2018 - 1:43 pm | चांदणे संदीप

कहर!

Sandy

प्राची अश्विनी's picture

29 May 2018 - 2:48 pm | प्राची अश्विनी

सुरेख!
हा विशाल कुलकर्णी यांचा आयडी आहे का?

प्राची अश्विनी's picture

29 May 2018 - 2:51 pm | प्राची अश्विनी

साॅरी, मी आत्ता माहिती बघितली.‌ दोन वेगळे आयडी आहेत. सॉरी.

शैलेन्द्र's picture

30 May 2018 - 8:17 am | शैलेन्द्र

वा, जबरदस्त

समाधान राऊत's picture

30 May 2018 - 11:56 am | समाधान राऊत

छा गये

कहर's picture

30 May 2018 - 1:18 pm | कहर

धन्यवाद

राघव's picture

30 May 2018 - 2:39 pm | राघव

आवडली! छान!! :-)

पुंबा's picture

30 May 2018 - 5:17 pm | पुंबा

उत्तम..

नाखु's picture

30 May 2018 - 5:58 pm | नाखु

कविता आवडलीच आहे

जव्हेरगंज's picture

30 May 2018 - 11:31 pm | जव्हेरगंज

वा!!!

खिलजि's picture

31 May 2018 - 5:48 pm | खिलजि

सुंदर कविता