माझ्या प्रेमाचे मनोगत

स — सोहम कामत, Sat, 11/12/2016 - 22:43

कधी वाटे मजला जणु पोट भरून हसावे.. प्रेमाच्या या नात्यामध्ये अलगद हळूच फसावे.. कधी वाटे मजला जणु डोळे पाणवून रडावे.. काय जाहले विचार करूनी जीव आवळून चिडावे.. कधी वाटे मजला जणु तुझ्या प्रेमात रंगावे.. मिठीत घेऊन तुला कानी प्रेमळ गूज सांगावे.. कधी वाटे मला जणु तुलाच पहात बसावे.. नयनी माझ्या तुझे निर्मळ निरागस हसू ठसावे.. कधी वाटे मजला जणु तुझी साथ असावी.. चांदण्या रातीत चंद्राच्या प्रकाशी तुझीच प्रित दिसावी.. कधी वाटे मजला जणु तुला समजून घ्यावे.. तुलाच माझ्या हृदयी ध्यानी मनी स्थान द्यावे.. कधी वाटे मजला जणु तुझे दु:ख गिळावे.. माझे सुख तिरक्या वाटेने तुझ्यापाशी वळावे.. कधी वाटे मला जणु आयुष्य तुझे सजवावे.. आनंदाच्या चिंब लहरींत चित्त तुझे भिजवावे..

5693 वाचन

💬 प्रतिसाद (19)

ओ, जीव आवळून कसे चिडतात?

सतिश गावडे

Sat, 11/12/2016 - 23:14 नवीन

ओ, जीव आवळून कसे चिडतात?

डोळे पाणवून रडतात तस्सेच! =))

यशोधरा

Sat, 11/12/2016 - 23:33 नवीन

डोळे पाणवून रडतात तस्सेच! =))

↩ प्रतिसाद: सतिश गावडे

सदा सर्वदा योग तुझा घडावा

कॅप्टन जॅक स्पॅरो

Sat, 11/12/2016 - 23:25 नवीन

सदा सर्वदा योग तुझा घडावा च्या चालीत फिट्टं बसते कविता.

काय करावे

चित्रगुप्त

Sun, 11/13/2016 - 04:06 नवीन

कधी वाटे मला जणु तुलाच पहात बसावे..

तिकडे सरजींनी काय करावे हे एवढे जीव तोडून सांगितले, तरी पालथ्या घड्यावर पाणी.

माझे प्रभातीचे मनोगत

अत्रुप्त आत्मा

Sun, 11/13/2016 - 06:09 नवीन

माझे प्रभातीचे मनोगत कधी वाटे मजला पोट धरून बसावे.. प्रभातकाळी जाऊन, जोर लाउन कुंथावे.. कधी वाटे मजला पोटावर पालथे पडावे.. का "होत नाही"? विचार करूनी , उशीला पोटी आवळावे.. कधी वाटे मजला आत तसले पुस्तक पहावे.. मुठीत घेऊन .. . जीवं,बाहेर काही ऐकू न जावे.. कधी वाटे मला जणु प्रेशर येई पर्यंत खावे.. जोरात आली कळ-निर्मळ, की.. पळत जाउन बसावे.. कधी वाटे मजला डबड्या'ला लाथ लागावी.. दुसय्रांची सिग्रेटची थोटकं त्यात वाहून जावी.. कधी पहाटे वाटे जणु पोटात कळवळून यावे त्यासाठी आदल्या रात्री त्रिफळा चूर्ण घ्यावे.. कधी पहाटे ग्गार वाय्रात गच्चीत जाऊन बुळकावे.. कुणी येण्याआधी तिरक्या वाटेने पाईपावरून सुळकावे.. कधी वाटे मला जणु दुसय्रांना रोज चिडवावे.. काव्य-होत नसेल तरी, कुंथून कुंथून काढावे.. ================ लेखनविषय:: कुंथनकविता, परगोलॅक्सच्या गोळ्या, प्रभात'काव्य. ------------------- प्रेषक, दु. स. य्रांचीहजामत.