पुरुषांसाठी वेगळा कोनाडा असावा का ?

ऑ.........
आजच्या स्त्री प्रधान जगात व्यक्त होण्यासाठी पुरुषाना हक्काचे मिळायला हवे या चळवळीचे जनक म्ह्णून तुमचीच वर्णी नक्की आहे सर.
भाषेचे सुद्धा बघा ना सगळे चांगले शब्द स्त्रीलिंगी आहेत आणि वैट्ट शब्द पुल्लिंगी आहेत.
उदा : ती माया , ती थंडी ,ती झोप , ती हौस, ती मौज
आणि तो राग , तो उक्काडा ,तो आळस , तो कंटाळा
कित्ती कित्ती अन्याय हा पुरुषांवर.

मला वाटतं, वेगळा कोनाडा म्हणा, दालन म्हणा पण पुरुषांसाठी वेगळ्या भागाची आवश्यकता आहे. काही आरोग्यविषयक बाबी अ‍ॅनॉनिमसली विचारता येतील व त्याबद्दल इथले जाणकार-डॉक्टर काही सल्ले देतील अशीही व्यवस्था करता येईल. कुठल्या कंपनीचे रबर चांगले याबद्दल चर्चा मेनबोर्डावर करता येतील असे वाटत नाही. ह्या आणि इतर अनेक खर्‍याखुर्‍या समस्या ज्या इतरांना आंबटशौकिन वा चावट वाटू शकतात त्या मेनबोर्डावर शक्य असतील तर मग वेगळ्या दालनाची गरज नाही.

वेगळा कोनाडा गरजेचा नाय...
पण चार पोर जरा गप्पा मारत बसली तर लगेच धावुन येऊ नये..

हा सर्वस्वी मिपा मालकांचा आणि चालकांचा प्रश्न(पक्षी विषय) आहे.

पण जस्म इतर कोनाड्यात कायं चालतं याची चर्चा करण्यात इथे हशील नाही तशीच या कल्पनेतील (भावी) कोनाड्याबदाल येथे चर्चा करण्यात काहीच अर्थ नाही... हे वैयक्तीक मत..

सांघीक मत : कोनाडा असल्याने का नसल्याने कुचंबणा आहे काय याचा कंपूच्या कंपूशी कंपूने चर्चा करून उत्तर देऊ शकेन.

कोपच्यात गेलेला पण कोनाड्यात नसलेला नाखु

भारतात प्रत्येक ९ मिनिटाला एक विवाहीत पुरुष आत्महत्या करत असतो , त्याबद्दल चर्चा करता येइल
भारतीय पुरुष लिंगभेदाला बळी पडतात (त्यांना ऑफिसमध्ये स्त्री सहकार्‍यांचा त्रास असू शकतो )
४९८ अ सारख्या कायद्या विरूद्ध चर्चा करता येतील.
सर्व काका लोकांसाठी मिड लाईफ क्रायसिस चर्चा करता येइल
पुरुष पालकांसाठी वयात येणार्या मुलांसोबत कसे वागावे याबद्दल मुलांकडून सल्ले दिले जातील.

का असू नये? जर मिपावर स्त्रीयांना मुक्तपणे व्यक्त होण्यासाठी वेगळं दालन द्यायचं कौतुकास्पद कार्य होऊ शकतं, तर पुरुषांना मुक्तपणे व्यक्त होण्यासाठी वेगळे दालन का नसावे?

कॉमन फोरमवर बोलताना, ते इतर स्त्रीयाही वाचत असल्याने अनेकदा पुरुषही संकोचतात.
काही विषय पर्सनल असतात जे स्त्रीयांसमोर बोलले जाउ शकत नाहीत. उदा. पहिल्या रात्रीचे समूपदेशन, आई आणि बायको मधील भांडण सोडवण्यासाठी सल्ला, नोकरी/आयुष्यात येणारं फ्रस्ट्रेशन आणि डिप्रेशनमधे जाणे, इत्यादि अनेक.

दालन चालू करून बघायला काहीच हरकत नाही.

१) टारगटपणा करण्यासाठी काही मिपाकरांचे गुप्त कट्टे हत असतात.त्याचे सभासद वयानुरूप असतात.त्याचे पांढय्रावर काळे करायचे आहे का?
२) बरेचजण TMC मध्ये असतील ( ताटाखालचे मांजर क्लब )त्यांच्या दु:खाला वाचा फोडायची आहे का?
३) सड्डेनाडवाल्यांची ऐश वेगळी TMC वाल्यांची वेगळी
४) सहन होत नाही आणि सांगताही येत नाही हे मुद्दे वेगवेगळे असतात.
५) बाकी टकलावर केस कसे आणावेत अशाप्रकारचे प्रश्न फक्त पुरुषांचेच असले तरी त्याची चर्चा करण्यासाठी AC कोनाडाच हवा असं काही नाही.
६) कोनाडा ठेवलाच तर जरा उंच ठेवा ,कोणाचे मखर मुकुट वरती थटायला नको.

>>> फक्त आपण इथे स्त्रीयांना प्रवेश दिलाय इतकेच.

लिंगाधारित भेदभाव निर्माण करणारं वाक्य वाटु शकतंय. आपण म्हणजे कोण?

चर्चामंथनातून आणि विचारांच्या देवाणघेवाणीतून एकमेकाना मौलिक माहिती मिळावी व वैचारिक धन मिळावे अशी अपेक्षा आहे.

तुम्ही लिव्हा, वाचताव आम्ही हाव तोपर्यंत.
.
अ‍ॅडव्हान्समदी तिळगूळ घ्या, गोड बोला.

वाचतोय!!

मिपावर दालन मिळो न मिळो , हे मालक ठरवणार
पण या निमित्ताने पुरुषांना भावना असतात किंवा त्यांच्याही शंका किंवा प्रश्न असू शकतात हे पटलावर आले .

आणि तिथे मोकळेपणाने चेष्टा मस्करी जरी केली तरी कोणाचातरी मानभावी विनयभंग होउन आयडी उडणार नाही.

स्त्रीपुरुष वगैरे वाद सोडून दिल्यास, असे एखादे दालन करता येईल ज्यातले धागे हे फक्त लॉगइन केल्यावरच दिसू शकतील. (खफपेक्षा काहीतरी वेगळे).

कोनाडा काय म्हणता हो सर?

परमिट रुम म्हणा की..!!

किंवा खलबतखोली.

असावा की नसावा हा मुद्दा सोडा... असावाच.

आता नाव काय असावं या नवसाच्या दालनाचं यावर चर्चा सुरु होऊदे.

बाकी सीग्राम इम्पिरियल ब्लूची स्पॉन्सरशिप मिळवता येईल का या विभागाला?

आणखी काही विषयः

१. सिगरेट सोडतानाचे हाल
२. रुपा बरी की व्हायपी. व्ही कट की हापचड्डी शेप.
३. व्हिस्कीवादी विरुद्ध रमवादी
४. बर्फवादी विरुद्ध सोडावादी

उपरोक्त विषय स्टिरिओटाईप आहेत हे मान्यच आहे. स्त्रियांच्या दालनात सासूसुना, टीव्हीसीरियल्स, मा.पा., विणकाम भरतकाम, स्वैपाक अशाच चर्चा होत असणार अशी समजूत जशी स्टिरिओटाईप दाखवते तसंच इथेही. ;-)

नाय गरज वाटत ब्वो.

मिपावर लोकशाही आहे . सर्व सदस्यांना एकाच मापदंड ..... वगैरे असा समज होता माझा .
आता हा रिझरवेशन चा मुद्दा कोठून वर आला बरे ?

१) पुरुषांचे काही प्रश्न जे मुख्य बोर्डावर लिहायला संकोच वाटतो, आरोग्यविषयक ?
२) पुरुष लिंगभेद, उत्तेजित करणारे आणि अश्लिल चर्चा करतील ?
३) पोषाख, देखणेपण आकर्षक व्यक्तिमत्व यावर चर्चा करतील ?
४) एकीकडे प्रेयसी आणि एकीकडे बायको दोघांशी समन्वय कसं राखु असे प्रश्न असतील ?
५) सासरे आणि सासु छळ करतात काही टीप्स प्लीज, असे म्हणतील
६) पत्नी दम देते, दमात घेत असते, काय करु ?
७) पत्नी पॉकेट मनी देत नाही, काय करु ?
८) पत्नीच्या माहेरचे लोक सारखे सारखे मुक्कामी असतात काय करावे ?
९) अन्य...

या विषयां साठी इतर फोरम्स उपलब्ध आहेतच की .चाललंय ते छानच आहे मग कम्प्लीकेट का करावे ?

keep It simple

असे आपल माझं वैयक्तिक मत हो . बाकी चालुद्या तुमचे पुढे .

चूभूद्याघ्या

अ‍ॅज अ मॅटर ऑफ फॅक्ट, सुलभ रेसिपीजची देवाणघेवाण हीदेखील काळानुसार आज पुरुषांच्या दालनातली गरज बनली आहे. सध्याच्या बॅचलरांना पटणार नाही अर्थात. ते भ्रामक सुखस्वप्नात असतील भविष्याच्या.

पन्नास झाल्याबद्दल सर्वांचा सत्कार "जो जे वांछील ,तो ते लाहो" अशी प्रार्थना भावी संपादकपदी करुन करण्यात येत आहे.

माझा पूर्ण पाठिंबा अशा गुप्त पुरूष विभागाला.
भरपूर कारणे आहेत . पण इथं चर्चा करणे योग्य नाही. खुपच उत्सुकता असेल तर व्यनि करा . ;-)
जेपीभौ , आंदोलनाची सुपारी घेणार का ?

भले रिकामा का राहिना पण असा एक पुरुषांसाठीचा स्वतंत्र कोनाडा असावाच ,

ह्या मागे उद्देश इतकाच की संपुर्ण मिसळपावचेच माजघर करायचा जो प्रयत्न चालु आहे तो कोठे तरी थांबला पाहिजे !
मिसळ्पाव बहुरंगी बहुढंगी बहुआयामी असावी , माजघर असावे ना काही हरकत नाही आमची पण अंडर द ओपन स्काय टेरेस गार्डनही विथ अ पर्सनल बारही असु दे .

सगळीकडेच सतत सोवळे घालुन वावरावे ही अपेक्षा फारच कैच्याकै आहे. ज्यांना चेष्टा मस्करी झेपत नाही नाही त्यांनी माजघरात बसुन राहावे , आम्ही फिरकणार सुध्दा नाही तिकडे . पण सर्वत्रच सात्विक सोवळे वातावरण असावे अशी अपेक्षा म्हणजे फारच झाले बुवा !

अवांतर : काही दिवसांपुर्वी "Advice to a Friend on Choosing a Mistress" - a letter by Benjamin Franklin , June 25, 1745 वाचनात आले . आता बोला ह्या विषयावर "माजघरात" कसे बोलणार ? त्या साठी मस्त टेरेस गार्डनच हवे मग मस्त बीन ब्यॅग टाकुन खदाखदा लोळत अन बीयर चे सीप मारत गफ्फा मारता येतील !!

मिपाचं मुख्य बोर्ड म्हणजेच वेगळं दालन आहे. फक्त आपण इथे स्त्रीयांना प्रवेश दिलाय इतकेच.

आपण??? प्रवेश दिलाय??? च्यायला मिपाचं मुख्य बोर्ड म्हणजे काय शनिशिंगणापूरचा चौथरा आहे की काय, परवानगी द्यायला किंवा न द्यायला? तरी बरं स्कॅनर लावलेला नाहीये. या वाक्याचा निषेध.

बाकी पुरुषविभागाला माझा पूर्णपणे पाठिंबा आहे. तसा तो व्हावा म्हणून मी एक दाढी करण्याबद्दलचा लेखही लिहिलेला होता. पुरुषांच्या सुकोमल हृद्गतांना तोंड फुटण्यासाठी एक वेगळा कोपरा व्हायलाच हवा.

पण हे वेगळं दालन होणार आहे का? म्हणजे इथे लोकांनी ' जास्तीची मेजारटी' म्हून बोंब ठोकायची आणि तिथून मालकांनी ठगा दाखवायचा असं तर नाहीये ना? का आपण सगळे hypothetical चर्चा करताय?

असे वाचावे.

बात निकली हय तर दुर तक जायेगी...
वर्षभरा पुर्वी डबल बॅरल वाल्यांनी आमच्या या प्रयत्नाला नख लावला होता..

हेल मी पयला संघटना..

कसले डब्बल बॅरल 'गे' शिर्षक आहे हे प्रा. डॉ.

बाकी, आमचे मत म्हणाल तर स्त्रीयांच्या कोनाड्याला आम्ही केलेला विरोध आणि त्यावर घडलेले महाभारत तुम्ही जाणताच. कशाला हवी गोपनीयता? काय साध्य होणारे त्यातून?

बाकी, जबाबदारीतून मोकळे झाल्यामुळे तुम्ही परत आम्हा कंटकाच्या कंपूत परत आलात ह्याचा 'आणंद' झाला गेल्या आहे.

एक कोनाडा नाही का? आताही जे वाटेल ते लिहिले जातेच की. ;)

हां, पुरुषांनाही खास त्यांच्याच अशा अडचणी नक्कीच असू शकतात आणि त्याबद्दल फक्त इतर पुरुषांशीच व्यक्त व्हावे असे वाटू शकते त्यामुळे प्रायोगिक तत्त्वावरती वेगळा पुरुष विभाग करुन बघायचा असला तर काहीच हरकत नाही. पण मग आयडीमागची व्यक्ती पुरुष आहे हे खातरजमा करुनच प्रवेश द्यायला हवा अन्यथा त्या विभागाला काहीच अर्थ नाही.
असा विभाग काढल्यावर त्यात येणारे लिखाण्/प्रतिसाद यांचे मॉडरेशन करायचे का? आणि असल्यास कोण बघणार? तिथल्या सदस्यांमधले दंगे कोण सोडवणार? याचा विचार करुन ठेवायला हवा. केवळ चावट गप्पा, फाजील जोक्स, निव्वळ वैषयिक लिखाण, वैयक्तिक हल्ले अशांकडेच हे जायला लागले तर काय करायचे ह्याचाही विचार करुन ठेवायला हवा. नाहीतर 'पिवळा कोनाडा' व्हायचा! ;)
मजा मारायला सगळे पुढे आणि जबाबदारीच्या वेळी हळूच काढता पाय घेणारे बहुतांश हे मुख्य बोर्डावरती संपादक असताना अनेकदा अनुभवले आहे आणि त्यावेळी जे जबाबदारी घेतात त्यांचे हाल कुत्रा खात नाही आणि नावाला सगळेच संपादक असतात ..त्यामुळे सूचना.....

बाकी कोनाड्याला शुभेच्छा! :)

(खुद के साथ बातां - रंगा, नाव काय ठेवावं रे या कोनाड्याचं? 'अंदरकी बात!' चालेल का? ;) )

(कोनाडाप्रेमी)रंगनाड

काही शंका मनात आल्या केवळ पुरुषांचा कोनाडा किंवा परमिट रूम असेल तर अश्लीलता ;लैंगिकता चावटपणाव चाहतळपण वाह्यातपणाचे नियम थोडे सैल असतील का:
पुरुषांच्या काय आप्पा ग्रुप मध्ये ह्याचा अनुभव नेहमी येतो
त्याचे वावगे वाटत नाही आपण सुजाण सुसंस्कृत माणसे आहोत क्षणिक भंकस टवालकी करण्यास काहीच हरकत नाही:
अजून प्रतिसादांच्या मध्ये एकही स्त्री सदस्येचा प्रतिसाद का नाही आला; निवडणुकीत मतदार त्यांचा कल राज्यकर्त्यांना संदेश मतपेटीतून व्यक्त करतो तसे येथे प्रतिसाद न देऊन :::
असो
परमिट रूम का सिगर क्लब जे म्हणाल ते ते झाले तर त्याचा मिपाला फायदा होणार आहे का
त्या निमित्ताने काही चांगले भविष्यातील मिपाकर व मूकवाचक मिळणार आहेत का

असे प्रश्नही मनात आले
वेगळा कोनाडा झाला तर त्यात आपला सक्रीय सकारात्मक सहभाग असेल
नाही झाला तर तो झाला पाहिजे असा काही विशेष आग्रह नाही आणि त्यासाठी पडद्यामागून खलबते चर्चा मोहीम चालवणे आपल्या प्रकृतीला झेपत नाही:
आपले पंचतारांकित नगरीत स्वागत आहे:

त्यात इतरांना बंदी असे नको फक्त वॉर्णिंग की हे पुरुषांना त्यांच्या समस्या मांडायचे दालन आहे आणि फक्त सभासदांनाच प्रवेश हवा.

प्राडॉ, आता इथे विरोध करणार्‍यांच्या नावांची नोंद करून ठेवा. खरोखरच कोनाडा बनला तर सभासदत्वाचा निर्णय करताना उपयोगी पडेल ;) :)

हा धागा मौजमजा सदरात मोडत नसल्यास वेगळ्या विभागास अनुमोदन!

- टिंग्या

चालेल... आमच्या परीने यथायोग्य योगदान दीले जाईल....खुप किस्से आठवणी गप्पा आहेत

हा धागा मौजमजा सदरात मोडत नसल्यास... वेगळ्या विभागाची गरज काय?
नुसत्या द्व्यर्थी चकाट्या होणार असतील तर काहीच उपयोग होणार नाही.
समुपदेशन,सल्ले वगैरे साठी वेगळे दालन असायला हरकत नाही पण तेथे केवळ पुरूषांसाठी वेगळे दालन हे मात्र चुकीचे वाटतय.
स्त्रीयांचे काही प्रश्न हे पुरुषांनाही तितकेच त्रासदायक ठरत असतात.
उदा: मेनॉपॉज मधे स्त्रीयांचे अचानक बदलते मूड्स, चिचिडेपणा हा संपूर्ण घराचे वातावरण बिघडवत असतो.
वास्तावीक त्या चाळीशी उलटलेल्या नवरोबाला सुद्धा इतके दिवस समजूतदार असणारी बायको अचानक असा बोलभांडपणा का करायला लागली हे कळत नसते. त्याला त्याच्या शारीरीक व्यावसायीक समस्या असतात. किमान त्या कोणी सम्मजून घ्याव्या ही त्याची गरज असते.
असा परिस्थीत पुरुषांसाठी वेगळे दालन काढून काय होणार? सगळे एकतर्फी बोलणेच होणार. पुरुषांच्या समस्या काय असतात या बाबतीत स्त्रीवर्ग अनभीज्ञच रहाणार. त्याचा त्याना काय त्रास होतो याबाबत पुरुषवर्ग अनभीज्ञ रहाणार.

ह्या चर्चेवर मिपावरील समस्त स्त्रीयांनी ठरवून बहिष्कार घातलेला दिसतोय.

असो. मुळात मिसळपाव हाच एक कट्टा असताना पुरुषांच्या वेगळ्या विभागाची गरज काय ह्या चर्चेतून पुढे, असं असेल तर मग वेगळ्या अनाहिता विभागाची गरज काय? असा प्रश्न उद्भवू शकण्याच्या शक्यतेमुळे कदाचित स्त्रीया इथून लांब राहिल्या असतील.

असो.

आम्हाला गरज वाटते. विभाग सुरु करायचा की नाही हा सर्वस्वी मालकांचा निर्णय आहे.

एक निरिक्षण-

ती मिसळ आणि तो पाव.

पाव उसळ, वडा, चिकन, खिमा, चहा, लोणी इ बरोबर आपली मैत्री टिकवून आहे. पाव सर्वसमावेशक आहे.

जिथे कातरी लागणार नाही असे सर्वांसाठी दालन असावे , फक्त पुरुषांसाठी कोनाडा नको. कारण
१ कोनाड्यात प्रकाश नसतो, बऱ्याचदा जे आपल्याला स्पष्ट दिसते असे वाटते ते सर्व बाजूने प्रकाश पडल्यावर वेगळे असते.
2 बरेच /काही जण असे असतील की ज्यांना कोनाड्यातील (कदाचित) काही विषय वगळता इतर विषयात भाग घ्यायची इच्छा असेल. दालन सर्वांसाठी खुले असल्याने ही मुभा राहील. (विषय-topic, no pun intended.)
3 माझ्यासारखे काही आयडी असतील ज्याना पुरुष वा स्त्री अशा कुठल्याही वर्तुळात जायचे नसेल, किंवा कट्ट्याला उपस्थित राहून व्यक्तिगत ओळख नको असेल, त्याना कोनाड्यात no entry असेल , मग आली का पंचाइत?;) ( बिचारा टका मला ग/रे अशी दोन्ही संबोधने वापरतो:))