नवीन कॅमेरा घेणे आहे...

Please refer this thread for help. Swaps has answered most of the queries.

NIkon D3300 देखिल एक चांगला पर्याय आहे......

तरीही माझ्याकडून एक मोफत सल्ला :) कॅनन ;) बजेटात बसणारा कुठलाही. बाकी तज्ञ सांगतील. स्वॅप्स ना संपर्क करा.

चांगला कॅमेरा म्हणजे मोठा (डीएसएलआर) कॅमेरा असं नव्हे. आजकाल खत्राट आउटपुट व फंक्शनालिटी देणारे पॉइंट अँड शूट येतात. तेंव्हा हा समज रद्दबातल नाही केलात तरी त्यात अडकू नका. कॅनन पावरशॉट एस एक्स ५० एच एस बघा, सोनी एनएक्स सीरीज मिररलेस बघा, निकॉन ल८३० किंवा तत्सम बघा, पॅनासोनिक लुमिक्स एफझी सिरीज बघा. कडक कॅमेरे. पोर्टेबिलिटीचा फायदा वेगळाच. शिवाय चार पैसे वाचतील. मॅन्युअल मोड वर काही वर्ष हात बसूदेत. मग घ्या डीएसएलआर :) बाकी तुमच्यावर. नक्की विचार करा.

अगदी मनापासून सांगतो डीएसएलाअर च्या भानगडीत पडू नका. आता बजेट वाढले असेल तर सरळ नि़कॉन पी ५१० किंवा ५२० घ्या किंवा कॅनन पावरशॉट एस एक्स ६० एच एस घ्या. उत्तम कॅमेरे.

अगदी मनापासून सांगतो डीएसएलाअर च्या भानगडीत पडू नका.......अगदी बरोबर... निकॉन पी-600 एकदम मस्त आहे.... मी वापरतो आहे.

http://www.misalpav.com/node/30009 पी-६०० चे फोटो नक्की पहा...

leica ह्या कॅमेर्‍या बद्दल बरेच ऐकले आहे . तो भारतात मिळतो का आणि रेंज काय असते ?

"डिएसलार घेणे हे बायको सांभाळण्याइतके महागडे काम आहे." अस सल्ला एका सुजाण मित्राणे दिलेला असतानाही डिएसलार घेवून लेन्सा व इतर अ‍ॅक्सेसरी घेण्याचा पराक्राम( किंवा चूक ) करण्याच्या अनुभवा वरून सांगतो, डीएसलार जरूर घ्या आणि वेळ द्यायची तयारी ठेवा. जाता जाता दोन मोफत सल्ले. १. कॅनॉन भारी का निकॉन भारी ह्या भांडणात पडू नका, आणि अशा धर्तीचे सल्ले देणार्यांपासून लांब रहा. कॅमेरे हाताळून पाहा. फ्लिकरवर जावून कॅमेरा आणि लेन्स काँबिनेशनचे फोटो पाहा आणि निर्णय घ्या. २. शक्य असेल तर एक कॅटेगरी ठरवा आणि त्यासाठी लागणारी चांगली लेन्स घ्या.

डिएसएलाअरचा पर्याय बघताय तर मिररलेसचाही बघाच. मी सोनी नेक्स ५एन वापरतोय तीन वर्षांपासून. सध्या सोनीचे ए६००० मॉडेल लोकप्रिय झाले आहे.

पन्यासोनिक लुमिक्स एफ झेद ७० के घेतला मी. आप्ल्या इथला सल्ला एकुण. मस्त आहे एकदम. जमल्यास तो धागा बघा.

मनापासून सांगतो कशाला कॅमेरा घेताय? आजकाल मोबाईलचे कॅमेरे हौशी फोटूग्राफरच्या क्षमतेला सहज न्याय देतात. शिवाय हवा तेव्हा तो कॅमेरा उपलब्ध असतो. कॅमेरा आणि मोबाईल अशा हाताळायला दोन वेगवेगळ्या वस्तू कशाला ठेवायच्या? तुम्ही प्रोफेशनल फोटोग्राफर नसाल तर वेगळ्या कॅमेऱ्याची फारशी गरज आहे असे वाटत नाही. हिलरी क्लिंटनसारखी व्यक्ती सुद्धा हाताळायला सोपा म्हणून एकच इमेल अकाऊंट वापरत होती म्हणे! आपणही सिंप्लिफाईड आयुष्य जगायला काय हरकत आहे.

वरचे सर्व अनुभवाचे सल्ले बरोबर आहेत आणि म्हणूनच गोंधळात भर पडते. १)हौस का व्यवसाय? २)फोटोचे प्रिंटस काढणार आहे का? ३)फोटोची क्वॉलटी याला प्राधान्य आहे का झूम करणे ? ४)किती अंतरावरचे फोटो हवे आहेत? ५)फ्लैश न वापरणे महत्त्वाचे आहे का? ६)आताचे बजेट किती आणि लेन्सीजकरता पुढे दर तीन वर्षाँनी आणखी किती पैसे ओतण्याची तयारी यांचाही विचार करा. हे सर्व तुमच्या DSLRच हवा यासंबंधीच आहेत.त्याप्रमाणे मॉडेल बदलेल. मोबाईल अधिक लेन्स हा केविलवाणा प्रयत्न आहे. फोटोँचं नक्की काय करायचं आहे हा मुद्दा फार महत्त्वाचा गियर.

बरं झालं मलाही कॅमेरा घ्यायचाच होता. तीन कॅमेरे निवडले आहेत Nikon coolpix L320 Nikon coolpix L330 Canon Powershot SX160 IS Panasonic lumix DMC LZ30 थोडे बजेटच्या बाहेर आहे पण फिचर्स भन्नाट वाटले.. कुठला घेऊ...?

http://www.dxomark.com/Cameras/Ratings इथे जा आणि तुमच्या बजेट मधे बसणार्‍या कॅमेराचे सेंसर रेटिंग पहा आणि तुमच्या बजेट रेंजमधल्या सर्वात जास्त सेंसर रेटिंग असणारा कॅमेरा निवडा...

मदनबाण.....

आजची स्वाक्षरी:- Ye Naa Gade... ;) { हंटर }

सल्ला मागताच आहात तर देतो. वर बर्‍याच जाणांनी म्हटल्याप्रमाणे, कॅमेरा कशासाठी हवाय हे महत्त्वाचं.. DSLR(Nikon D5300) आणि Canon PS SX50 ह्या दोन कॅमेर्‍यांचा अनुभव आहे. (आणि तरिही जास्तीत जास्त फोटो मोबाईलच्या कॅमेर्‍यानेच काढले जातात.. ;-) फोटोग्राफीच्या Nuiances and Details साठी स्वॅप्स ह्यांचे धागे वाचा. डिएसएलाअर तुम्हाला "क्रिएटीव्हीटी"चा आनंद देतो. म्हणजे फोटो असेल तसा न घेता, तुम्हाला हवा तसा घेता येतो. पण त्यात एक लोचा आहे. पहीली गोष्ट म्हणजे लेन्सेस हा एक खर्चिक प्रकार आहे. दुसरं म्हणजे, जोपर्यंत अ‍ॅपर्चर, आयएसओ, शटर स्पीड, डेप्थ ऑफ फिल्ड हे प्रकार कळतं नाहीत (खरंतर, अंगी भिनत नाही) तोपर्यंत साध्या पॉईंट अँड शुट कॅमेर्‍यानेपण चांगले आले असते, असे फोटोपण बिघडतात. खास करुन, ऊन-सावलीच्या खेळात कींवा प्राणी-पक्ष्यांचे फोटो काढतांना जिथे 'पी & एस' एखादा निसटता क्षण टिपू शकतो, तिथे ह्या अ‍ॅडजस्टमेंट्स मधे 'तीर निकल जाता हैं'. तिसरं म्हणजे वेगवेगळ्या कारणांसाठी लागणार्‍या वेगवेगळ्या लेन्सेस. प्राईम लेन्सेस पासून अतीप्रचंड महाग अल्ट्रा-झूम लेन्सेस पर्यंतची अनेक कामे एक लेन्स करते पी&एस मध्ये.. आता 'अ‍ॅडव्हान्स्ड पी&एस' मध्ये सेमी-मॅन्युअल सेटींग्जवर पण फोटो काढता येतात. सांगायची बाब एवढीच की मॅन्युअल सेटींग्जमध्ये, प्रयोगशीलरित्या फोटोग्राफी करायची आवड असेल, आणि त्यासाठी खर्च करायची तयारी असेल, तर आणि तरच घ्या डिएसएलार. उत्साह ओसरल्यावर, काही दिवसात 'कशाला करत बसायची प्रत्येक वेळी ती कटकट' हे म्हणण्याची वेळ पण येऊ शकते. तेव्हा आपल्याला खरंच आवड आहे, की माझ्यासारखे 'आरंभशूर' आहात, ह्यावरपण बरंच काही अवलंबून आहे. आणि हो, डिएसेलार घेतलाच तर 'मॅनुअल मोड' मधेच फोटो काढा. (हि विनंतीपण आहे आणि सल्ला पण) डिएसेलार हौसेने विकत घेऊन "ऑटो मोड" मधे फोटो काढणे, हा शुद्ध #$यापा आहे, असे माझेतरी मत आहे. लग्नात असे फोटो काढून, मग पोस्टप्रोसेसिंगमधे त्यांना पांढरेफट्ट आणि सपाट करणारे फोटोग्राफर्स हे छायाचित्रण कलेचे सगळ्यात मोठे शत्रू आहेत, असं माझं स्पष्ट मत आहे.. लायकीच्या मानानं लै बोललो, ग्वॉड मानून घ्या.. तसेच इंग्रजाळलेल्या भाषेबद्दल क्षमस्व..

बाहेरचे फोटो काढतांना व्हुयुफाइंडर नसल्यास उन्हात स्क्रीन दिसत नाही.

निर्णयास थोडा उशिर झाला तरी चालेल पण तुम्हाला अभिप्रेत असणारा व्यवसाय /फोटो प्रकार ठरवूनच त्याला योग्य मॉडेल(=नग?) घ्या. कैम्ऱ्यांचे तांत्रिक ज्ञान असणे आणि बाजारातून कैमरा विकत आणणे या दोन टोकाच्या गोष्टी आहेत. एखादी महागडी वस्तु कामास न येता पडून राहणे परवडत असेल तर -- अवांतर मुद्दा- (वरील मदनबाण यांनी दिलेल्या सेंसर रेटिंगचा अर्थबोध झाला नाही.लाइका मामीया यासारख्यांचे रेटिंग कमी का झालंय ते. किंमतीचाही विचार केला आहे का?)

i think the DSLR is good option .... you can try it out. go for it attempt...

या विषयाशी संबंधीत असल्याने या दुव्याबद्दल इथे लिहावेसे वाटले. सोनीच्या साइटवर ऑनलाइन लेन्स फाइन्डर हे अप्लिकेशन आहे. एकाच ठिकाणाचा फोटो विविध लेन्सेसनी कसा वेगवेगळ्या प्रकारे येईल याचा डेमो त्यावर आहे. लेन्सची निवड करताना हे उपयुक्त ठरू शकते.