बाकीच्यांचं माहीत नाही, पण (बहुतेक) मनसेच्या ब्ल्यूप्रिंटच्या धाग्यावर सुहास यांची भाषा मला तरी आक्षेपार्ह वाटली होती. संक्षींच्या शोधात मीही आहे.

सं. मं. च्या अपेक्षित प्रतिक्रियेच्या प्रतिक्षेत आहे.

विमे बॅन आहे ऐकून नवल वाटलं!! बॅन होण्यासाठी फटकळपणा हा निकष असेल तर दुसर्‍यांनी जा सांगण्या आधी आपण निघून जावं का असा विचार करतोय!!

कोण जेनुन व कोण आक्षेपार्ह हे संपादक ठरवतात. तुम्हाला ते जेन्युन वाटतातम्म्हणए संपादकाला तसेच वाटत असतात का ?

फक्त फटकळपणा हा निकष असेल असं वाटत नाही. ताकिद देऊनसुद्धा परत परत त्याच चुका करणे हा मुख्य मुद्दा असावा. बाकिच्या दोघांचं माहीत नाही पण संक्षी गेले यात नवल नाही. जरा उशीरच झाला त्याला पण 'देर आये दुरूस्त आये'. असो

मला वाटलेलं संक्षी स्वतःच गेले सोडून....? बॅन की काय ते कसं कळतं?

आता बर्‍याच दिवसांनी मिपावर प्रतिसादाला येणं होतंय. मध्यंतरी पारच येणं उणावलेलं. धाग्यावरईल प्रतिसादात विलासरावांनी उल्लेख केलेला असल्यामुळेच स्वतंत्र लिहितोय. विमेंना बॅन केल्याचं महिन्यांपूर्वीच समजलं. त्यानंतर वाचनमात्र राहून साद-प्रतिसाद वाचले. व्यक्तिश: मला तरी कुठेही विमेंचा (त्यांना साजेसा) जहाल प्रतिसाद दिसला नाही. त्यामुळे त्यांचं बॅन होणं हे निदान मला तरी आश्चर्यकारक वाटलं आणि वाटतं. मृत्युंजयरावांनी आज विषयाला वाचा फोडलेली पाहून माझं मत व्यक्त केल्याशिवाय राहवलं नाही म्हणून हा प्रतिसादप्रपंच. संपादकांचं काम कठीण असतं, त्यांच्यामागे फार व्याप असतात, ते लष्कराच्या भाकर्‍या भाजता भाजता हौसेने काम करतात आणि मला त्याबद्दल त्यांचा अतीव आदर वाटतो पण तरीही आयडी बॅन करताना, जाहिरपणे यावर काही लिहिणे शक्य नसेल तर निदान व्यनिच्या माध्यमातून तरी (जे मालकांनी सढळ हस्ते वारण्यासाठी प्रदान केलेलं आहे) ते त्या त्या आयडीला कळवणे, शक्य झाल्यास त्याची कारण-मीमांसा सांगणे आवश्यक वाटते. अन्यथा भारंभार आयड्यांच्या जन्माला आपण कारणीभूत तर होत नाही आहोत ना, याचा संमंने विचार करावा. तूर्तास इतकं पुरे.

म्हातारी मेल्याचं दु:ख नाही, पण़ काळ सोकावतो...!!

एक शंका म्हणून विचारतो, एखाद्या आयडीस बॅन करण्याची प्रोसेस काय असते ? त्या आयडीला आधी पूर्वसूचना वगैरे दिली जाते का ? बॅन करण्याची कारवाई कोणीही संपादक करु शकतो की संपादकांची टीम ते ठरवते? जर एखाद्यास हा निर्णय अन्यायकारक वाटला तर तक्रारीसाठी काय व्यवस्था, नियमावली आहे? इथे संपादकांविषयी कोणताही आक्षेप अथवा आकस नसून शक्य तितकी पारदर्शक व्यवस्था होण्यास मदत म्हणूनच हे प्रश्न उपस्थित करतोय.

सुहासचा ब्लु प्रींट संदर्भात अत्यंत गलिछ प्रतिसाद त्याला बॅन करायला कारणीभूत झाला काय माहित नाहि. विमेंकडुन तर काहिच आक्षेपार्ह वाचल्याचं आठवत नाहि, बहुतेक विमे जास्त वाचलच नाहि मी. संक्षी मर्यादा सोडायचे बरेचदा, पण बॅन होण्यालायक त्यांनी काय केलं असावं? यांच्या बॅन होण्याची नेमकी कारणं बहुतेक कधिच कळणार नाहित.

सं.क्षिं.चा आयडी अनब्लॉक कधी होणारे? आणि माझ्या वाचण्यात तरी आजवर विमेंकडुन काही आगळीक घडलेली नाही. स्पष्टवक्तेपणा आणि चांगल्या शब्दात आपली मतं मांडणं ही आगळीक होऊ शकत नाही. असो.

संपादक जेण्व्हा आयडी उडवतात तेंव्हा त्याचे आक्षेपार्ह लिखाणही उडवतात.. त्यामुळे कंपुला असेच वाटणार की आमचं बाळ गुणी होतं तरीही उडालं.

सुहास ने आक्षेपार्ह भाषा वापरली हे मान्य . पण त्या धाग्यावर टोळीने शिकार करण्याचा प्रकार होत होता . मनसे ने नाशिक मध्ये राष्ट्रवादी / कॉंग्रेस चा पाठींबा कसा घेतला यावरून आणि इतर काही मुद्द्यावरून त्याला एकटे पाडून कोंडमारा करण्यात आला . cornered झाल्यावर जनावर पण आक्रमक होत हा तर हाडा मांसाचा माणूस होता . (भयानक विरोधाभास म्हणजे मनसे ने घेतलेल्या पाठीम्ब्याला 'अनैतिक' आणि नाही नाही ते विशेषण देणारी चौकडी विधानसभा निवडणुकी नन्तर भाजप ला राष्ट्रवादीने दिलेला पाठींबा कसा योग्य आहे हे सांगणारे द्राविडी प्राणायाम करणारे प्रतिसाद देऊ लागले आणि काही विद्वान गायब झाले . दुर्दैवाने हि कसरत बघायला इथे सुहास नव्हता. असो ) . बाकी विमे कोण होते हे माहित नाही आणि संक्षी तर संक्षी होते त्यामुळे त्यांच्याबद्दल पास . बाकी मला व्यक्तीशः आय डी मागच्या व्यक्ती जाणून घेण्यात फारसा रस नाही . I am not here to make friends . बाकी कुठल्या हि आय डी च्या नसण्याने कुठल्या हि संस्थळाला फरक पडतो असे वाटत नाही . हा जनांचा प्रवाहो कुणाच्या असण्या वा नसण्याने थांबणार नाहीच . संपादकांनी हे जे कठोर निर्णय घेतले त्यामागे नक्कीच valid कारण असणार यावर माझा विश्वास आहे . Lets give Devil its due .

माझे मत सुहास.. ला बॅन करण्याबद्द्ल आहे.पेशावर नामक धाग्यावर सुहास.. ला खालील प्रतिसाद आलता. हा सुहास डोक्यावर पडलाय . अभ्यास नाय काय नाय , उगाचच कशाला पण काय पण चिकटवतो . त्यांनतर मनसे च्या धाग्यावर ही असेच व्ययक्तीक भाषा वापरली गेली. त्यानंतर सुहास ने आक्षेपार्ह भाषा वापरली. त्यांची भाषा चुकली हे मान्य आहे.पण आंतरजालावरील माहिती वाचुन स्वतःला शहाणे समजणारे लोकांनी, जमिनीपातळीवर काम करणार्‍याची अक्कल काढु नये. * हे मत माझे वेयक्तीक आहे *

आपल्या आजच्या जीवनशैलीत एकाच सोसायटीमध्ये अति भिन्न प्रकारचे लोक रहात असल्याने वाडा संस्कृति प्रमाणे आज काल, घरोबा, खास मैत्रिण, खास दोस्त ही प्रकरणे संपत चालली आहेत. एक माणूस पाच वर्षात पाच पाच कंपन्या बदलण्याची जीवनशैली निर्माण झाल्याने कार्यलयातील दीर्घ मैत्री ( वा शत्रूत्व ) आता शक्य नाही. सबब आपला समानधर्मा सापडविण्यासाठी लोक सोशल नेटवर्किंग साईटसचा उपयोग करू लागले आहेत. अशामुळे आपण मिपा सारख्या ठिकाणी येतो.मला इथे काही खरोखरच असे लोक भेटले .उदा. चित्रगुप्त, इस्पिक एक्का . जे माझ्या वयाचे आहेत. मनमिळाउ आहेत. हे सुख मला नातेवाईकात मिळत नव्हते. आमच्या बिल्डिंग मधे ही नाही.काही वेळेस या मिपाचा माहिती मिळण्यासाठी, काही मदतीसाठी ही उपयोग होतो. ( उदा. मधुरा देशपांडे यांनी मला काही माहिती देणे ) .काही बाबतीत जिव्हाळ्याने, पोटतिडीकीने चर्चा होणे इथे अपेक्शित आहे. तशी करणारे श्री गुरूजी, क्लिटन, विकास इथे आहेत. आता काही असेही आहेत की 'मी कसा त्याला नागवतो पहा आता ' असा उदद्योग करणारे. यातून अहंकार , तुच्छता ई नको असलेली विषे इथे निर्माण होतात. मग आता याला उचला अशी भावना नियामक मंडळात उदभवू शकते.माझे असे निरिक्षण आहे की धागा म्हणजे नक्की काय ? धागा म्हणजे माझ्या मते माहितीची विचारांची देवाण घेवाण . या बाबतीत धागा भऱकटणे म्हणजे काय याच्या स्प्ष्ट कल्पना संपादकांकडे असावयास हव्यात. उदा नारायण धारप यांचे साहित्य अशा विषय असेल तर मी नारायण धारपाना भेटलो वगैरे हा माझा प्रतिसाद धाग्याला धरून नाही सबब असा प्रतिसाद भले माहिती देणारा असला तरी मूळ मथळ्याला तो धरून नसल्याने उडवला गेला पाहिजे. या साठी नारायण धारपांच्या सहवासात असा वेगळा धागा मी वा कुणी तरी काढला पाहिजे. तर एक शिस्त राहील.बाकी शिष्टसंमत भाषा न वापरणे किंवा एखाद्याचा उपमर्द करणे यासाठी फारतर व्यनीचा वापर करावा. धाग्याचा वापर सनदशीर टीका वा कौतुक करण्यास हरकत नसावी.

सर्वप्रथम हे सांगु इच्छितो की हा धागा कुठल्याही संपादकावर किंवा संमं वर टीका करण्यासाठी काढलेला नाही. बहुसंख्य संपादकांना मी आंजाच्या माध्यमतुन व्यवस्स्थित ओळखतो आणि बहुतेक सगळे योग्य निर्णय घेणारे वाटतात. मुद्दा उद्दाम डु आयडींचा आणि अचानक पणे गायब झालेल्या जेन्युइन आयडींचा आहे. जेन्युइन आयडी म्हणजे ते जे उजळमाथ्याने स्वतःची ओळख उघड करतात आणि त्यांना साहित्यात आणि चर्चेत रस असतो. डु आयडी ते जे बुरखा पांघरुन केवळ उपद्रव माजवण्यासाठी येतात. डु आयडी अधुन मधुन कुत्र्याच्या छत्र्यांसारखे डोके वर काढतात. कधी त्यांचा उद्देश जातीय दंगा माजवण्याचा असतो तर कधी राजकीय अराजक माजवण्याचा किंवा कधी नुसतीच मतांच्या पिंका टाकण्याचा किंवा काड्या करण्याचा. बाकी हे आयडी अजगरासारखे निवांत पडुन असतात. आपला आवडता विषय आला की असंबंद्ध गरळ ओकतात. रावणाच्या दहा तोंडांसारखे हे एकामागुन एक निर्माण होतच राहतात. इथल्या बर्‍याच जेन्युइन लोकांना स्वतःचे आयडी तयार करताना त्रास झाला असेल. आयडी लवकर अप्रूव्ह होतच नाही कारण संपुर्ण प्रक्रिया मॉडरेटेड आहे. पण मग डु आयडी इतक्या संख्येने इतक्या पटपट कसे तयार होतात. कुठेतरी मनात शंकेची पाल चुकचुकते की कोणीतरी संपादक यांना सामील आहे काय? यांचे डु आयडी कसे पटकन अप्रूव्ह होतात इतरांना इतका वेळ लागत असुनही. दूसरा महत्वाचा मुद्दा म्हणजे काही जण इथे संन्यस्त वृत्तीने कर्म करण्यासाठी येतही असतील आणी मित्र बनवायचेच नाहित असा त्यांना पण असावा पण बाकीचे काही अश्या ध्येयाने पछाडलेले नसतात. त्यामुळेच इथे ते चांगले लेख वाचण्यासाठी आणि उत्तम चर्चांमध्ये भाग घेण्यासाठी येत असतील तरीही सर्वसाधारण समाजप्रिय माणसांप्रमाणे त्यांचे मित्र बनतच जातात. बर्‍याच लोकांना माणसे जोडण्याची हौस असतेच. त्यामुळे मधुनच एखाद्या मित्राचा आयडी बॅन होतो तेव्हा माणूस गोंधळतो. शिवाय बर्‍याचदा आंजावरील मित्र प्रत्यक्ष जीवनात घनिष्ट मित्र असतीलच असे नाही. त्यामुळे इतर काही संपर्क नसतो. आंजावरच होत असतो. असा माणूस अचानक नाही दिसेनासा झाला की गोंधळ उडतो. त्यामुळे आभाळ कोसळते असे नाही. पण तरीही माणूस वैतागतो. माझ्यापुरते बोलायचे झाल्यास विमेचे प्रतिसाद मला आवडायचे. म्हणजे तो माझ्या बाजूणे गोग्गोड प्रतिसाद वगैरे टाकायचा असे काही नाही. त्याने वेळोवेळी माझ्याही धाग्यांवर किंवा प्रतिसादांवर तिरकस प्रतिसाद दिले. पण माणूस उपद्रवमूल्य असणारा नाही आणि स्वतःच्या मतांशी रीझनेबली ठाम आहे. संक्षीबद्दल मला फारशी माहिती नाही. मी कधीच त्यांचे धागे किंवा प्रतिसाद नीट वाचले नाही. मला ते काय लिहितात हेच कळायचे नाही पण लिहिताना ते मर्यांदांचे भान ठेउन लिहितात इतके समजायचे. त्यामुळे त्यांनी बॅन होण्यासारखे नक्की काय केले याची उत्स्तुकता आहे. सुहासचा कुठलातरी प्रतिसाद अगदीच चुकीचा होता असे दिसते. अयोग्य भाषा वापरली असेल तर ते नक्कीच स्वीकारार्ह नाही. पण त्याने असे काही प्रतिसाद दिले आहेत हेच माहिती नसल्यामुळे मला तरी त्याला बॅन केल्याचे आश्चर्य वाटले होते. हे सगळे लिहिण्यामागचे कारण की एखाद्या माणसाला का बॅन केले जाते आहे हेच जर मुळात आम्हाला (म्हणाजे सामान्य (आणि कुठल्याही कंपुमध्ये नसलेल्या) सदस्यांना) कळत नसेल तर कुठेतरी थोडीशी नाराजी राहते.

बाकी एरवी निपचित पडून असणार्‍या रामपूरीसारख्या आयडींना या धाग्यावर लिहीतं झालेलं बघून मौज वाटली.

ऑ संक्षी बॅन झाले? काय सांगता काय? बरं मग आमचे परममित्र निराकार गाढवरावांचे काय झाले? जोक्स अपार्ट इतर अनेक आय.डींना बॅन करूनही ते दुसर्‍या नावाने इथे परत येऊ शकत असतील आणि विमेंसारख्याला परत येता येत नसेल तर ते चुकीचे आहे.त्याविषयी काहीतरी करायला हवे.

तात्यांच्या कार्यकाळापासूनच, 'मिसळपाव' हे वैयक्तिक आणि खाजगी संस्थळ आहे आणि आपण इथे पाहुणे आहोत हा विचार मी माझ्या मनांत रुजविला आहे. पाहुण्याने पाहुण्यासारखे राहावे. यजमानांच्या घरचे नियम कटाक्षाने पाळावेत. जर पटत नसतील तर त्या घरातून निघून जावे किंवा स्वतःचे घर बांधून त्यात सुखनैवं राहावे. हल्ली कामाच्या व्यस्ततेमुळे मी मिसळपाववर जास्त नसतोच. पण टोपणनांवाने लिहावे असे कधी वाटले नाही. मी 'प्रभाकर पेठकर' आहे आणि 'प्रभाकर पेठकर' नांवानेच मिसळपाव, फेसबुक, वॉट्सअ‍ॅप वर वावरतो. टोपणनांवाने, आपल्या मतांशी विरोध दर्शिविलेल्या, सदस्यावर वैयक्तिक पातळीवर आगपाखड करणे केंव्हाही गैरच. मुळात टोपणनांव का घ्यावे लागते? त्या मागे उद्देश काय असतो? हेच मला उमगलेलं नाही. पण असते एकेकाची आवड असे म्हणून मी सोडून दिले. उथळ धागे, उथळ प्रतिसाद, भडक मतमतांतरे आणि जिव्हारी लागणारे विषारी शब्द ह्याने काय साध्य होतं? अशा संवादात मी स्वतः लक्ष्य नसलो तरीही 'अ' आणि 'ब' मधील अत्यंत हीन पातळीवरील चर्चा, वाद वाचण्याचा शेवटी उबगच येतो. गढूळलेल्या डबक्यात कुठेतरी 'मोती' सापडेल म्हणून चिखल चिवडत बसणे मला रुचत नाही. माझ्या मतांनुसार हे जग चालणार नाहीये (आणि तशी माझी अपेक्षाही नाही) हे ध्यानात धरून जेंव्हा जेंव्हा मिपाचे वातावरण गढूळते मी मिपापासून स्वतःला दूर ठेवतो. असो. पसंद अपनी अपनी, खयाल अपना अपना...! मिसळपावचे वातावरण जास्त गढूळणार नाही ह्याची काळजी संपादक मंडळ घेत असतेच. संपादक मंडळाचे निर्णय योग्य की अयोग्य ह्यावर मी विचार करीत नाही. 'घरमालकांनी' त्यांना नेमले आहे. त्यांचे निर्णय पटले नाहीत तर मी मिसळपावच्या बाहेर पडेन. ह्या घराचे नियम ठरवायचा प्रयत्न मी करणार नाही.

आयला!! हे अजूनही चालूच आहे का इथे?

पैला राडारॉक्स मिपा आता राहिला नाही

चला ह्या धाग्याच्या निमित्ताने अनेक नवीन-नवीन आयडी नजरेस पडले ;-)

संपादकांची काय प्रतिक्रिया आहे? त्यांचं काय म्हणणं आहे? अजून एका तरी संपादकाचा प्रतिसाद/स्पष्टिकरण आहे का ईथे?

डू आयडी म्हणजे डुप्लीकेट आयडी का?

पदम ह्यांच्यावर शाब्दिक सूड कम आसूड ओढला आहे.

माहीत नव्हत म्हणुन विचारल. बाळ अजुन लहान आहे ह्या क्षेत्रात.

तुमि मजा बघुन र्हायले बाप्पा पन पब्लिकला काय कळ्ळा तर बरं व्हील ना :)

मिपाच्या धोरणानुसार काही आयडींवर वेळोवेळी शिस्तभंगाची कारवाई वेगवेगळ्या कारणांनी आणि वेगवेगळ्या कालावधीसाठी केली जाते. बहुतेकवेळा सतत असांसदीय भाषा वापरणे, खेळीमेळीचे वातावरण बिघडवणे अशी कारणे असतात. मात्र तात्पुरती कारवाई असेल तर परत येताना त्या सदस्यांना अपमानास्पद वाटू नये म्हणून दर वेळी अशी कारवाई जाहीर केली जात नाही. या धाग्यावर पुरेशी चर्चा झाली आहे. त्यामुळे धागा आता वाचनमात्र करत आहोत. सामंजस्याने चर्चा केल्याबद्दल सर्व मिपाकरांना धन्यवाद! मात्र यापुढे कोणाला कसलीही शंका असल्यास सं मं आयडी किंवा नीलकांत आयडीला व्यनि करावा ही विनंती.