क्लिंटन साहेब गृहकर्जे ही आधी बांधुन तयार असलेल्या घरासाठीच मिळतात का? मला जर प्लॉट घेवुन मग त्यावर घर बांधायचे असेल तरीही हाच पर्याय उपयोगी पडेल काय?

ओक्के धन्यवाद

मी नुकतेच गृहकर्ज घेतले. मला स्टेट बँकेने प्रोसेसिंग फी आकारली नाही. तेंव्हा सुरू असलेली प्रोसेसिंग फी माफ असण्याची योजना अजून चालू आहे का, तसेच ती सवलत टेक ओव्हर प्रकारच्या कर्जासाठी मिळेल का, हे अवश्य विचारून पहा. तुंम्ही व्याज दर १०.१ % म्हणत आहात. तो फक्त स्त्री कर्जदाराचे नांव पहिले असल्यासच आहे. अन्यथा व्याजदर १०.१५% आहे, अशी माझी माहिती आहे. वास्तू विमा: हा तुमचा एलआयसीच्या कर्जासाठी आधीच काढला आहे काय? असल्यास स्टेट बँकेला चालेल. माझा प्लॅट रिसेलचा होता. त्यांच कर्ज होते विमाही होता. मला असे समजले की तो मी वापरू शकत नाही, कारण बँकही बदलते व विमा धारकही. दोन्हीपैकी एक जरी तेच असेल, तर तोच विमा मला वापरता आला असता. मला कर्ज मिळाले आहे. अजून प्लॅटचा विमा घेतला नाही. पण लवकरच घ्यावा लागेल. स्वतःचा विमा: तो मी बँकेचाच पण टर्म विमा घेत आहे. कर्ज रकमेच्या इतकी पॉलिसी असलेला. कर्ज विमा अजून स्वस्त पडला असता, पण त्याची रिस्क जसजसे फिटत जाईल तसतशी कमी कमी होत जाते, कारण तो बँकेच्या ग्रुप पॉलिसी खाली आहे व उद्देश फक्त कर्जाची सुरक्षा असा आहे. म्हणजे अर्जदाराचा मृत्यू झाल्यास फक्त कर्ज फिटेल व कुटुंबास काही मिळणार नाही. माझा स्वतःचा विमा विशेष नव्हता त्यामुळे मी टर्म पॉलिसी घेतली आहे. यात पॉलिसीची पूर्ण रक्कम कुटुंबाला मिळेल, त्यातून त्यांनी उरलेले कर्ज फेडल्यास बाकी रक्कम त्यांना मिळेल. तसेच त्यास काहीही मॅचुरिटी बेनिफीट नाही. उद्या समजा लवकर कर्ज फिटले, तर मी हप्ते थांबवू शकतो व त्या लायबेलिटीतून मुक्त होऊ शकतो. - स्वधर्म

एज्युकेशन लोन चा सिबिल स्कोअर वर किती परिणाम होतो? माझं एजुकेशन लोन संपत आलयं (८ महिने अजुन). ते संपलं की घरासाठी एक आणि त्याआधी व्यवसायासाठी (ह्याच्यासाठी मी धागा काढलेला होता आणि ते अजुन २ महिन्यात अ‍ॅप्रुव्ह होईल) कर्ज काढायचं आहे. आजपर्यंत एकही हप्ता चुकलेला किंवा उशिरा गेलेला नाही. कर्जाच्या प्रकाराप्रमाणे सिबिल स्कोअर मधे फरक पडतो का?

गावठाण भागात घर घेताना काय बाबी तपासायला हव्यात? त्यावर थोडेफार लोन होते असे मला समजले आहे तर ते किती ? भविष्यात काय त्रास होउ शकतो? घर मला रहायला घ्यायचे आहे, गुंतवणुन म्हनौन नव्हे. सानपाडा, बेलापुर ,खारघर येथे गावठाण एरीया आहे.

गृहकर्जच नव्हे तर इतर कुठल्याही कर्जाच्या बाबतीत वर क्लिंटन साहेबांनी सांगितलेली PMT,(EMI किती) PPMT (EMI मधले Principal किती), nper(no of EMI) याचे गणित स्वतः करता येते. तसे केल्यास आपण घेतो तो निर्णय योग्य किेवा बरोबर याचा व्यवस्थित अंदाज बाधता येतो. इन्शुरंस घेणे आवश्यकच नसते. बँकाचे एजंट ते लादतात. लोन मधून जे पैस मिळतात त्यातून विमा काढायचा असल्याने आपण तयार होतो परंतु त्यात बऱ्याच अटी असतात. मला बंगलोरला घर घेताना ICICI च्या माणसाने विमा काढावाच लागेल वगेरे सांगितले, मी काढला पण मला त्या विम्याचा फारसा फायदा झाला नाही. तुम्ही एसबीआय मधे प्रयत्न करा, प्रोसेसिंग फी च्या बाबतीत बारगेन करा. लोनची रक्कम जास्त असेल तर प्रोसेसिंग फी सवलत मिळतेच. विमा आधी काढलेला असेलच तर परत का काढावा लागतो हे कळले नाही. गृहकर्जाविषयी व्यवस्थ्त माहीती आणि शेवटपर्यंत बारगेन करायची इच्छा असेल तर प्रश्न लवकर सुटतो.

एस बी आय मधे 31 डिसेंबर पर्यंत प्रोसेसिंग फिज आकारण्यात येणार नाही. संपर्क :-Chief ManagerState Bank of IndiaPune Main BranchContact No. 020-66456119/6001

मी आयडीबीआय मध्ये होम लोन अप्लाय करतोय. प्रोसेसिंग फिज नाहित. पण नतंर इन्शुरंस घ्यावा लागेल आणि मोर्ट्गेज इन्टिमेशन पण करावा लागेल अस एजंट ने सांगितलय. मला मोर्ट्गेज इन्टिमेशन नाही माहित, म्हणजे मी अगोदर एस बी आय मधून होम लोन घेतले होते तेव्हा मोर्ट्गेज इन्टिमेशन वगैरे केले नव्ह्ते. कुणी सांगेल का मोर्ट्गेज इन्टिमेशन काय भानगड आहे??