दिवाळी पोस्त.

"बापाकडे पोस्त मागावी" हा विचार पण कधी, आमच्या मनांत आला नाही.

आदु साहेब लाचेची पावती देणारे कारखाना तपासनीस इ लोक सर्रास पाहण्यात येतात. पहिल्यांदा मी हा प्रकार माझ्या मित्राच्या कारखान्यात पहिला होता. त्याला काहीतरी परवाना पाहिजे होता त्यासाठी या तपासनीसाने पैसे मागितले त्यावर माझा मित्र म्हणाला साहेब माझा सर्व धंदा चेक द्वारे होतो. त्यावर हा तपासनीस शांत पाने म्हणाला माझ्या बायकोच्या नावाने सल्लागाराची फी म्हणून द्या. आणि त्यातून तुम्हाला काय जी आयकरात वाजवत करायची ती करून मला इतके पैसे मिळतील हे पहा म्हणजे झाले. आणि विश्वास ठेवा हा प्रकार सर्रासपणे चालतो. पूर्वी दूरध्वनी वाले पोस्टमन हे हक्काने "पोस्त"मागून नेत असत. हा सक्तीची "खुशी"चा मामला असे. ज्यांचे शेअर बाजाराचे डिव्हिडंडचे चेक येत असत अशा लोकांना पोस्टमन अडून सुचवत असत कि साहेब तुमचे सगळे चेक मी एकदम वेळेत पोहोचवितो कि नाही.( यात गर्भित धमकी असे). आता भ्रमणध्वनी आल्याने एम टी एन एल वाले पोस्त मागायला सुद्धा येत नाहीत आणि डिव्हिडंड थेट बँकेत जमा होत असल्याने पोस्टमन पोस्त साठी विनंती करतात. जग रहाटी अशीच आहे पूर येतो तेंव्हा मासे मुंग्यांना खातात आणि दुष्काळ पडतो तेंव्हा मुंग्या माशांना खातात.