नमस्कार मंडळी! नेहमीप्रमाणेच तिसर्‍या स्पर्धेचा निकाल जाहीर करताना अत्यंत आनंद होत आहे. या स्पर्धेला आधीच्या २ स्पर्धांपेक्षाही जास्त प्रतिसाद मिळाला आहे. तसेच आधीपेक्षा जास्त म्हणजे एकूण ४५ जणांनी आपली मते नोंदवली आहेत. यावेळीही एकाहून एक सरस चित्रे स्पर्धेत होती. आणि जवळपास सर्वांनाच कोणा ना कोणाची पसंती मिळाली आहे. तरीही आतापर्यंत तुम्हाला अंदाज आलाच असेल की प्रथम क्रमांकाचे चित्र कोणते असावे. बहुमताने क्र. १: स्पा क्र. २: विलासराव क्र. ३: इशा१२३ विजेत्यांची प्रशस्तीपत्रके व्यनि करत आहोत. मात्र यापुढची म्हणजे चौथी स्पर्धा जरा विश्रांती घेऊन दिवाळीच्या दिवसांत घेऊया. विषय प्रकाश, उत्सव, प्रकाशाचा उत्सव असा काहीसा असावा अशी कल्पना आहे. तुमच्याही कल्पना येऊ द्यात. त्या स्पर्धेलाही आधीच्या स्पर्धांप्रमाणेच तुमचा हातभार लावा ही विनंती! विजेत्यांचे आणि इतर सर्व सहभागी स्पर्धकांचे अभिनंदन आणि धन्यवाद! चित्रे निवडणार्‍या आणि चित्रांचे कौतुक करणार्‍या सर्व वाचक सदस्यांचेही आभार!