तो सिनेमा कळाला नव्हताच

का जॉन ने त्यात आयेशा टाकिया पुढे "आत्मसमर्पण " नाही केले का? ---- तुमच्या "किन्की " कथांचा निस्सीम चाहता :P

जॉन ने परेश रावल समोर सर्मपण केलत म्हणुन मक ला कळाल नाय बहुतेक . पण त्याचा विषयपण किंकीच होता .

:) हा सिनेमा मला आवडतो. पूर्णपणे, म्हणजे दिग्दर्शकाला जे काही म्हणायचे आहे ते सगळच आणि प्रत्येक अन प्रत्येक रूपक मला समजलं आहे असा दावा मी करत नाही. मला हा सिनेमा का आवडला असं विचार करता खालील मुद्दे सुचले. १. सिगरेट हे या सिनेमात स्वातंत्र्याचं रूपक आहे. आणि परेश रावल आणि त्याचा कंपू हे स्वातंत्र्याची मुस्कट्दाबी करणार्‍यांचं रूपक. आता स्वातंतत्र्यासाठी सिगरेट हेच रूपक का घ्यावसं वाटलं असेल? मला वाटतं कि सिगरेट ओढणं हे आजकाल फार बर्‍याच लोकांसाठी तिरस्करणीय आहे. ( आठवा नुकताच निघालेला फुकाड्यांवरचा धागा आणि त्या धाग्यावर फुकड्यांना घातलेल्या शिव्या ). मला वाटत कि या रूपकातून 'दुसर्‍याचं स्वातंत्र्य हे कितीही तिरस्करणीय वाटलं तरी ते त्या व्यक्तीसाठी अती महत्वाचं असतं. आणि ते त्याला मिळालं पाहिजे.' असा विचार मांडला आहे. आता या स्वातंत्र्याचा उपभोग घेणं माझ्यासाठी हानिकारक आहे असं दुसर्‍याकोणी ठरवलं आणि माझ्या कल्याणाची जबाबदारी स्वतःवर (म्हणजे त्या दुसर्‍या व्यक्तीवर) आहे असं कोणी वागू लागला तर? इथे त्या मानसिकतचे उदाहरण परेश रावल दर्शवतो. त्याचं पात्रं म्हणत 'इस बिमारी का इलाज करने के लिये हमें नियुक्त किया गया है?' मला स्वतःला अशी संस्कारचा मक्ता घेतलेली माणसं आवडत नाहीत. हे एक. आणि मी स्वतः सिगरेट ओढतो. (जॉन अब्राहम इतकी नाही पण ओढतो) हे दुसरं. या कारणांमूळे मला त्या पात्रांशी रिलेट करता आलं लवकर. आवडण्याचं हे एक कारण. २. पण त्याच वेळेला एखाद्याच्या स्वातंत्राचा इतरांना त्रासपण होउ शकतो हे दाखवलय. जसा के च्या भावाला होतो. पण नीट बघितलं तर के च्या भावाला परेश रावलचा माणूस मारतो. यातून असं सांगायचं आहे बहूदा की मुस्कटदाबीवाले 'तुमच्या स्वातंतत्र्याचा इतरांना बघा कसा त्रास होतोय' अस दाखवून देण्यासाठी तो त्रास मॅन्युफॅक्चर पण करतील. ३. आता कोणी म्हणेल की हे असं घडूच कसं श़कत? म्हणजे रणवीर शोरीच बोट परत जोडलं जाण, के च चेक बूक परेश रावलकडे असणं, त्याचे सिगरेट्चे प्रयोग त्या विडीओ कॅसेट मध्ये असणं, परेश रावलची लोकं एवढा वॉच ठेऊ शकणं वगैरे... मला वाटत की याचा विचार करायची गरजच नाहीये. कसं घडल असेल यापेक्षा गोष्टीत काय सांगायचय दिग्दर्शकाला हे महत्वाचं. सुपरमॅन बघताना आपण हा विचार नाही करत कि माणूस खरच ऊडू शकतो का? आपण काही गोष्टी अध्यारूत धरतो आणि त्याच्या पुढची गोष्ट पहातो. तेच इथे पण लागू आहे असं मला वाटतं. ४. सिनेमातलं संगीत खूप आवडलं. सगळी गाणी सिगरेट आणि धूर या बद्दल आहेत. चाली खास. आणि गाण्यांचं चित्रिकरण उच्चं ! एकदम मिसळून गेलीयेत गाणी सिनेमात. ५. शेवटी शेवटी काय होतय हे काही मला समजलं नाही. बाथ टब, तो एक रुपया वगैरे. पण तो जेल मधला आंघोळीचा सीन हा शिंड्लरर्स लिस्ट या सिनेमावरून घेतला होता. बहुदा नाझी विचारसरणीच द्योतक म्हणून शिंडलर्स लिस्ट चा वापर. रशिया मधले सीन हे कम्युनिस्ट राजवटीचे , आणि पर्यायाने मुस्कटदाबीचे द्योतक वाटलं. थोडक्यात, मला हा सिनेमा बघण्याचा अनुभव खूप आवडला. एकदा तरी बघावा असा नक्की. शेवटी: मला असं फणस सोलल्यासारखं पिच्चर सोलायला आवडत नाही.(*) पण आधीही एकानी 'रसग्रहण लिहा' असं सांगितलं होतं आणि आत्ता धागा निघालाच आहे म्हणून हा प्रतिसाद. * - साभार पु,ल,

सिगारेट सुटावी म्हणून जॉन वर ब्लेक जादूटोना नकळत केला जातो... व् त्यात तो कसा फसत जातो याचे प्रेक्षकाच्या डोक्याचा भुगा करणारे चित्रण आहे.

रोजच्या निकोटीन ची सवय अचानक मोडण्याचा प्रयत्न केला तर जी भितिदायक स्वप्ने (नाइट्मेअर्स) पडु शकतात तसाच जॉन ला आलेला भन्नाट अनुभव त्या चित्रपटात मांडण्याचा प्रयत्न आहे असे वाटले होते. त्यामुळे फार सुसंगती वगैरे लावण्याचा प्रयत्न केला नाही. शेवटी टीमला यश मिळुन जॉन भानवर येतो आणी व्यसनमुक्त होतो असे त्यावेळेचे अनुमान होते. आणी एकदा बघायला उत्कंठावर्धक पटकथा आहे असे माझे मत आहे. मी स्वतः कधीही धूम्रपानाचा अनुभव घेतला नाही, आणि एकदा लागलेले हे व्यसन सोडण्याचा तर मुळिच नाही. सिग्रेट सारखे व्यसन सोड्ण्याचा प्रयत्न करणार्या एका मित्राच्या अनुभवावरुन (त्यानी सांगितलेल्या) आता विषय निघालाच आहे म्हणुन हे लिहित आहे. आधिक जाणकार सांगतिलच .. ह्या बाबतित वैद्याकिय शास्त्राचे (सुबोधकाका वाचताय ना ?) म्हणणे काय ते ही जाणुन घ्यायला आवडेल.

अश्या नावाचा हिंदी चित्रपट होता हेच माहित नव्हत. मिळाला कि बघेन….

हम्म मलाही, मला आता प्रतिक्रिया वाचून कळले. याउपर काल जी गाजावाजा झालेली कसोटी होती, ती पण कोणा वर्सेस होती हे हि मला माहित नव्हते. (अरेरे झालेच विषयांतर!) :)

काय झाले बॉबे डाइंगवाले दिलीपकुमार कडे चादरी, बेड्शीट आणी उशांचे कव्हरच्या जाहिरातीसाठी गळ घालायला गेले. तो म्हणे चादरी बेड्शीट ठीक आहे उशांच्या कव्हराची मला जम्णार नाय ती नवी हिरवीन आल्याली आहे तिच्याकडे जा, कोण म्हणे तर आयशा टकिया/तकिया तिच्या नावातच तकिया आहे.

हा चित्रपट जॉनच्या २-३ स्वप्नांमध्ये आणि वास्तवामध्ये(?) फिरत राहतो. कोणती कथा वास्तवातली आणि कोणती स्वप्नातली/ भासातली कळत नाही, पण सगळ्या कथा समांतरपणे चालू राहतात आणि त्यांचा काही न काही शेवटहि होतो. खूप वर्षांपूर्वी पाहिलेला हा चित्रपट. आता बारकावे आठवत नाहीत.

आज यूट्यूबवर पाहिला. शेवट किचकट आहे. पण सिनेमा मस्त होता. काहीतरी वेगळा. एकदा पाहून सोडाच म्हणतो मी.

"थँक यु फॉर स्मोकिंग" हा चित्रपट पण पाहण्यासारखा आहे सिगरेट उद्योगातील एक अधिकारी याच्या जीवनावर https://www.imdb.com/title/tt0427944/

मस्त सिनेमा आहे. स्टीफन किंगच्या quitters. Inc वर आधारीत आहे.