हिंदु धर्म आणि शाप

उ
उद्दाम यांनी
 ·  लेख
लेख
हिंदु धर्म आणि शाप हिंदु धर्मात शाप देण्याची प्रथा आढळते. तशी ती हॅरी पॉटरमध्येही आहे. पण हिंदु धर्मातील बरेच शाप पीडीकृत शाप या कॅटॅगेरीत येतील. तत्क्षण मरण शाप अगदी क्वचितच. स्मित शंकराने मदनाला जाळून भस्म केला, हा त्या प्रकारात कन्सीडर होईल कदाचित. प्रचंड तिरस्कार मनात घेऊन शाप दिल्यास तो कदाचित फळाला येत असावा की काय असे वाटते. पण मग याने शाप देणार्‍याला काही त्रास नसेल का होत? प्रत्येकालाच कुणाचा ना कुणाचा शाप आहे. हिंदु धर्मात तशी एकंदरच क्षमा केल्याची उदाहरणे क्वचितच दिसतील. मग आपण स्वतःला क्षमाशील / सहिष्णू वगैरे का समजतो ? शापाला उ:शापही असतात का? ते नेमके कुणाकडून घ्यावेत ? ज्याने शाप दिले त्याच्याचकडून ? की कोणाकडूनही? कर्मविपाक म्हणतो की माझे फळ माझ्या कर्मानुसार मला मिळाले. मग माझे कर्म चुकीचेच असेल तर समोरचा मनुष्य मला शाप देवो किंवा माफ करो, मला फळ भोगावेच लागणार ना? मग शाप देणार्‍याने शाप द्यायच्या फंदात पडावेच कशाला? मग हिंदु धर्मातील लोक ऊठ सूठ शाप का देतात? अशा शापांच्या मनोरंजक कथा / प्रसंग / तात्पर्य एकत्र करण्यासाठी हा धागा आहे. इतर धार्मिक माहितीही चालेल. १. सर्वात भीषण शाप. वाल्मिकीनी व्याधाला दिला. पक्ष्याला मारल्याबद्दल. २. दशरथाला श्रावणाच्या पिताजींचा शाप. ३. कर्णाला परशुरामाचा शाप ( तुझी विद्या विफल होईल .) ४. अर्जुनाला उर्वशीचा शाप. ( तिची कामवासना पूर्ण न केल्याने तिने शाप दिला तू नपुंसक होशील. मग तो बृहन्नडा झाला.) ५. वेदवतीचा रावणाला शाप. ( तुला मुलगी होईल, ती तुझा नाश करेल. ती मुलगी म्हणजे सीता.) ६. रामाला वालीचा शाप. ( तू बाण लागून मरशील. तो कृष्णावतारात खरा ठरला.) ७. रामाला वालीची पत्नी तारा हिचा शाप. ( तुझी बायको तुला मिळेल, पण अल्पकाळात ती पुन्हा दुरावेल.) ८. गणपतीचा चंद्राला शाप. ( क्षय) ९. अर्जुनाचा समस्त स्त्रीजातीला शाप. ( तुमच्या मनात कोणतेही रहस्य लपून रहाणार नाही. ) १०. कृष्णाला गांधारीचा शाप. ( निर्वंश होशील.) ११. यादव कुळाला कुण्या ऋषीचा शाप. ( नष्ट व्हाल. ऋषीची चेष्टा केल्यामुळे.) १२. जय विजय याना कुणा अप्सरेचा शाप की तुम्ही प्रत्येक जन्मात राक्षस व्हाल. १३. ब्रह्मदेवाला शंकराचा शाप. तुझी कुणी पूजा करणार नाही. ( कारण काय?) १४. अश्वत्थाम्याला कृष्णाचा / द्रौपदीचा शाप . ( डिटेल्स ?) १५. कुणला तरी शाप . तू साप चाउन मरशील. मग बोराच्या बीतून अळी येऊन त्याचा साप होतो. १६. अंबेचा भीष्माला शाप. अंबेला शिखंडीचा जन्म मिळाला त्यातही आणखी कुठला तरी एक शाप आहे. १७. इंद्राला सहस्त्र भोकं पडतील असा शाप. ( अहिल्या लफडे प्रकरण ) अँड सो ऑन ............ शाप घेण्यात पुरुष आघाडीवर दिसतात, तर शाप देण्यात स्त्रीया.
वर्गीकरण
33389 वाचन
💬 प्रतिसाद (139)

प्रतिक्रिया

मुक्त विहारि
Tue, 10/22/2013 - 17:31 नवीन
कलयुग सुरु झाले की काय? मी हंबरण्याचा आवाज "हम्म हम्मा" असा ऐकला होता....आज काल "कुई SS कुई SS कुई SS" असा झाला की काय? का म्हशी रोडावल्या आणि कोल्ह्याच्या आकारच्या झाल्या?
↩ प्रतिसाद: म्हैस

इरसाल
Tue, 10/22/2013 - 17:38 नवीन
९ वा शाप शापच चुकलं कि वो !

प्रसाद प्रसाद
Tue, 10/22/2013 - 17:40 नवीन
शापाच्या चर्चेत उ:शापाची चर्चा असावी का? उ:शाप मानवाच्या जीवनाला, काय दैवा, शाप आहे? तो कुणाचा पुत्र आहे वा कुणाचा बाप आहे... अन्नवस्त्राची शिदोरी पोसते आहे तनूला, तेवढ्याने होत नाही, भावनांचा व्याप आहे... कोणत्या नाजूक वेळी तोकड्या शक्तीस याच्या, धीर देण्या माउलीचा हात देतो थाप आहे... आपल्या पाठी उभा आहे पिता या भावनेने, हिंमतीचा जोर येतो, शत्रुची का टाप आहे... खुंटल्या यत्नास जेंव्हा मार्ग दावाया कुणाच्या युक्तिचा आधार लाभे, आदराची छाप आहे... साथ देण्या भावनांना, जाणुनी त्या पातळीने, जीव लावी हेच मोठे सख्यभावा माप आहे... या मनाला गुंतवाया मोहुनी सर्वस्वभाना, भामिनीच्या डोळियांचा कामदेवी चाप आहे... एक धागा हा सुखाचा लाभतो प्रेमात मोठा, जीवनी संगीत वाटे, घेतसे आलाप आहे... सर्व संबंधांस साधा, भावनेला साथ देती, नाचतो त्यांच्याप्रमाणे, लागते रे धाप आहे... ना कधी होते मनाचे मानल्या इच्छेप्रमाणे, वेळ येता दे दगा ते आपुले, हा ताप आहे... ज्या भरोशाने जगाला लाविलेले ऊरपोटी, तो तुटे, हा भावनेला वेदनेचा राप आहे... शास्त्र सांगे सोडुनी द्या, मोहमायेचा पसारा, वागणे ना त्याप्रमाणे, कोण जाणे पाप आहे... काव्य देई या मनाच्या भावनांना वाट सोपी, लेखणी हाती धरावी, एवढा उ:शाप आहे...

मुक्त विहारि
Tue, 10/22/2013 - 18:22 नवीन
धाग्यात दमच तेव्हढा आहे... मुदाम फार गहन विचार कर्रुन काढलेला धागा आहे हा.
↩ प्रतिसाद: चौकटराजा

चौकटराजा
Tue, 10/22/2013 - 18:59 नवीन
अजून वर्गणी नाही मिपाला म्हन्ताना लेखन व्याप आहे एकदा पैशे झाले सुरू की काय कुणाची टाप आहे .... ? ऑ<
↩ प्रतिसाद: मुक्त विहारि

आशु जोग
Tue, 10/22/2013 - 19:06 नवीन
मुक्त विहारि तुमच्या बर्‍याच प्रतिसादांना 'लाइक' करायचे आहे पण बटनच दिसत नाही

आनंदी गोपाळ
Tue, 10/22/2013 - 20:41 नवीन
वापरायचा प्रेत्न करून पहा ;)
↩ प्रतिसाद: आशु जोग

मुक्त विहारि
Tue, 10/22/2013 - 21:07 नवीन
लिहा,,,
↩ प्रतिसाद: आशु जोग

नितिन थत्ते
Tue, 10/22/2013 - 20:41 नवीन
श्रावण बाळाच्या आईबापांनी दशरथाला "पुत्रवियोगाने मरशील" असा शाप दिला तो त्याला "पुत्रप्राप्तीचा वर" वाटला ही गंमत पण वाटेल.

अत्रुप्त आत्मा
Tue, 10/22/2013 - 21:53 नवीन
@ तो त्याला "पुत्रप्राप्तीचा वर" वाटला ही गंमत पण वाटेल.>>> धा.....ड!
↩ प्रतिसाद: नितिन थत्ते

धन्या
Wed, 10/23/2013 - 12:46 नवीन
हे आजवर कधी लक्षातच आलं नाही.
↩ प्रतिसाद: नितिन थत्ते

आशु जोग
Tue, 10/22/2013 - 23:23 नवीन
एक सूचना या सगळ्या पौराणिक कोथा डेटाबेस स्वरुपात साठवल्यास आपल्याला पाहिजे तशा क्वेरीज चालवता येतील शाप - म्हटले की शापाच्या कथा, उ:शाप - की त्या अहिल्येच्या कोथा कुमारी माता- की तसल्या कोथा कथा + भाष्ये कुमारी माता & इरावती कर्वे यांचे भाष्य झालच तर कुमार पिता हेही यात येऊ शकतील असं बरच काय काय अजूनही काय काय अ‍ॅट्रीब्युटस् टाकायला हरकत नाही, म्हणजे आपला आपणच अभ्यास वाढवता येइल असं नीट ष्टोअर केलं तर 'तुमच्यासाठी काय पण' माहिती शोधून काढता येइल

बॅटमॅन
Wed, 10/23/2013 - 03:43 नवीन
असा डेटाबेस बनवला तर लै बरे होईल. कितीक वादांचा जागेवरच कंडका पडेल.
↩ प्रतिसाद: आशु जोग

मनीषा
Wed, 10/23/2013 - 00:04 नवीन
मला वाटतं.. ज्या प्रमाणे आशिर्वाद अथवा वरदान खरी ठरतातच असं नाही तसच शापाचं पण म्हणून शापाचं महत्वं कमी होत नाही. ज्या प्रमाणे एखाद्या व्यक्तीबद्दल खूप चांगल्या भावना तुमच्या मनात असतील आणी त्या व्यक्तीचे भले व्हावे असे तुम्हाला मनोमन वाटत असेल तर तुम्ही आशिर्वाद देता. किंवा त्याचे मंगल होवो असे मनात आणता. तसच एखाद्याबद्दल अत्यंतिक तिरस्कार वाटत असेल तर तुम्ही त्याला शिक्षा व्हावी अशी मनोकामना करता ना? तोच शाप. आता त्याचा उच्चार केल्याने कुणाला थोडेफार समाधान मिळत असेल तेव्हढेच त्या शापाचे महत्वं बाकी काही नाही.

मन१
Wed, 10/23/2013 - 07:24 नवीन
फुल्टु कल्ला चल्लेला दिस्तोय.

मुक्त विहारि
Wed, 10/23/2013 - 10:52 नवीन
हा धागा आहे. प्रतिसादांपेक्षा उपप्रतिसादच जास्त
↩ प्रतिसाद: मन१

उद्दाम
Wed, 10/23/2013 - 09:16 नवीन
धागा अमर रहे.

उद्दाम
Wed, 10/23/2013 - 11:22 नवीन
आधुनिक काळातील शाप राहिला. गोहत्या प्रतिबंध्क कायद्यासाठी साधूंनी संसदेवर मोर्चा काढला होता. त्यावेळी इंदिराजींनी लाठीमार की गोळीबाराचे आदेश दिले होते. तो दिवस गोपूजेचा होता ( म्हणजे नेमका कोणता दिवस?) त्यावेळी एका साधूने शाप दिला की तुमच्यावरही ( म्हणजे इंदिराबैंवर) असाच शस्त्रहल्ला होईल. इंदिराजींची हत्या झाली. तो दिवसही तोच म्हणजे गोपूजेचा होता ( म्हणे) ( साभार - सनातन वांगमय , चुभुदेघे)

चिगो
Wed, 10/23/2013 - 13:23 नवीन
आता बाकीचे गांधी म्हणजे महात्मा गांधी, राजीव गांधी, संजय गांधी ह्यांच्याबद्दलही काही कथा असल्यास लिहाव्या.. ;-)
↩ प्रतिसाद: उद्दाम

मुक्त विहारि
Wed, 10/23/2013 - 14:58 नवीन
गाय गेली वासरू आले वाघाने पण बछडा आणला हत्तीने ही पिल्लू आणले तरीही आपण सगळे झोपलेले "अंगठा" मुवि
↩ प्रतिसाद: चिगो

उद्दाम
Wed, 10/23/2013 - 15:31 नवीन
हे घ्या ऐका. http://www.youtube.com/watch?v=eBLr9VWbAdE
↩ प्रतिसाद: चिगो

कपिलमुनी
Wed, 10/23/2013 - 12:47 नवीन
कोणे एके काळी एका आयडी ने एकोळी धागा काढला म्हणून त्याला शाप दिला होता .. आजकाल तो आयडी शापामुळे ट्रोलिंग करत फिरतो..

श्रीगुरुजी
Wed, 10/23/2013 - 13:13 नवीन
हिंदू धर्मात निधर्मान्ध निपजतील आणि 'कुर्‍हाडीचा दांडा गोतास काळ' या उक्तीप्रमाणे ते आपल्याच धर्माच्या मुळावर येतील असा हिंदू धर्माला शाप आहे.

ग्रेटथिन्कर
Wed, 10/23/2013 - 23:27 नवीन
चूक.... हिंदूंना जातीत विभागणारे, कर्मकांड माजवणारे जन्मतील आणि धर्माचे ठेकेदार बनतील असा हिंदूना शाप आहे.
↩ प्रतिसाद: श्रीगुरुजी

arunjoshi123
Wed, 10/23/2013 - 14:02 नवीन
पुराणातल्या कथांमधे लॉजिक शोधायला क्ष मूर्खपणा लागतो. पुराणांतील कथांवरून आजच्या समाजावर भाष्य करायला क्ष चा वर्ग मूर्खपणा लागतो.

म्हैस
Wed, 10/23/2013 - 17:15 नवीन
हिंदु धर्मात शाप देण्याची प्रथा आढळते
शाप हे फक्त हिंदू धर्मातच दिले गेले आहेत का?
हिंदु धर्मात तशी एकंदरच क्षमा केल्याची उदाहरणे क्वचितच दिसतील
जोक of the millenium
कर्मविपाक म्हणतो की माझे फळ माझ्या कर्मानुसार मला मिळाले. मग माझे कर्म चुकीचेच असेल तर समोरचा मनुष्य मला शाप देवो किंवा माफ करो, मला फळ भोगावेच लागणार ना? मग शाप देणार्‍याने शाप द्यायच्या फंदात पडावेच कशाला? मग हिंदु धर्मातील लोक ऊठ सूठ शाप का देतात?
चुकून कोणाकडून हि आपलं थोडाजरी नुकसान झालं तर लगेच आपल्या तोंडात शिव्या येतात . शाप हा त्याचाच सभ्य प्रकार . खून, दरोडे , बलात्कार आणि अजून भयानक अपराध करणार्यांना त्यांच्या कर्माची फळे भोगावी लागतील म्हणून कोर्ट , पोलिस ह्या गोष्टी बंद केल्या तर चालतील का? गुन्हेगाराला त्याच्या गुन्ह्याची जाणीव तिथल्या तिथे करून द्यावी आणि इतरांना जरब बसावी म्हणून शाप देण्याची प्रथा होति. सामान्य माणसांमध्ये शाप द्यायची ताकद नसल्यामुळे त्यांना नाईलाजाने पोलिस, कोर्ट कचेरी ह्यांच्यावर अवलंबून राहावं लागतं ज्याच्यामध्ये ती ताकद आहे तो कशाला ह्यांची वाट बघत बसेल

श्रीगुरुजी
गुरुवार, 10/24/2013 - 11:34 नवीन
भारत हा एकंदरीत शापित देश आहे. आधी मुस्लिम, नंतर ब्रिटिश आणि नंतर काँग्रेसच्या राजवटीचा महाशाप भारत व भारतीयांना मिळालेला आहे.

ग्रेटथिन्कर
गुरुवार, 10/24/2013 - 12:09 नवीन
आरेसेस भाजप बजरंग दल मोदी पेशवाई जातीव्यवस्था वर्णव्यवस्था ही वरदानं आहेत! .. हो की नै रे गुर्जी!
↩ प्रतिसाद: श्रीगुरुजी

सुबोध खरे
गुरुवार, 10/24/2013 - 12:18 नवीन
व्यर्थ मी जन्मले हिंदुकुळी लागला कॉंग्रेसचा फास गळी असे आचार्य अत्रेंच्या एका पुस्तकात वाचल्याचे आठवते
↩ प्रतिसाद: श्रीगुरुजी

कंजूस
गुरुवार, 10/24/2013 - 13:16 नवीन
शाप देणे फक्त हिंदू धर्मातील पौराणिक कथांमध्ये नाही .ग्रिक कथांतही "Cursed" आहे . हिंदू धर्मातली जन्मलेली व्यक्ति नि:संकोच धर्मावरच टिका करते ते खपवून घेतले जाते (तसे इतर धर्मांत नाही अथवा दगड मारून ठार करतात)ही सहिष्णूता . निसर्गातले चांगले चमत्कार( पाऊस वगैरे)अथवा वाईट ( भूकंप ,पूर ,रोगांच्या साथी ,मृत्यू इत्यादि )यांचे वैज्ञानिक कारण मानवाला देता येत नव्हते त्यावेळी त्याने पौराणिक कथा पुष्टीसाठी केल्या .यामागे असलेल्या काही गूढशक्तिंना संतुष्ट केल्यास (पुजा ,बळी वगैरेने) आपल्याला त्रास देणार नाहित या विचाराने ही रीत सुरू झाली .तरीही आपत्ती आली की त्याला कोप म्हणायचे .सर्वच धर्मांमध्ये वाईट प्रवृत्ती आहेतच फक्त त्यांना व्यक्त करता येत नाहित .

म्हैस
गुरुवार, 10/24/2013 - 15:23 नवीन
खरं तर अजून कुणाच्या धर्मांतरापेक्षा तुझ्या परलोकप्रवेशाने लै लोकांना बरे वाटेल.
तुमची लायकी प्रमाणेच तुम्ही विनोद करणार . तुमच्या बुद्धीची कुवत दाखवून दिलित.

म्हैस
गुरुवार, 10/24/2013 - 15:26 नवीन
हिंदू धर्मात निधर्मान्ध निपजतील आणि 'कुर्‍हाडीचा दांडा गोतास काळ' या उक्तीप्रमाणे ते आपल्याच धर्माच्या मुळावर येतील असा हिंदू धर्माला शाप आहे.
मलाही आता असंच वाटू लागलाय

माम्लेदारचा पन्खा
गुरुवार, 10/24/2013 - 20:35 नवीन
अतिशय त्रासाने दिलेली शापवाणी खरी होते हे काही खरे वाटत नाही.... जर हे खरे असते तर आपल्या देशात सर्वसामान्यांचे शाप खरे होऊन न्यायाचे आणि कायद्याचे राज्य आले असते....