Skip to main content

पिझ्झा पुरी

लेखक Mrunalini यांनी बुधवार, 20/03/2013 01:17 या दिवशी प्रकाशित केले.
साहित्यः मैदा - १ कप रवा - २ चमचे टोमॅटो प्युरी - १/२ कप बेसिल - १/४ चमचा ओरेगानो - १/४ चमचा काळि मिरी पावाडर - १/२ चमचा रेड चिली फ्लेक्स - १/२ चमचा चीज - १/२ वाटी खायचा लाल रंग - १/४ चमचा तेल तळण्यासाठी मिठ चवीनुसार कॄती: १. मैदा व रवा एकत्र करुन घ्यावा. त्यात टोमॅटो प्युरी, बेसिल, ओरेगानो, काळि मिरी पावडर, चिली फ्लेक्स, लाल रंग व चवीनुसार मिठ टाकुन पीठ मळुन १ तास झाकुन ठेवावे. p1 २. एका वाटीत चीज, काळि मिरी पावडर व चिली फ्लेक्स टाकुन चांगले मळुन घ्यावे. ३. पीठातील एक गोळा काढुन, त्यात मोदकांना भरतो त्याप्रमाणे थोडे चिज भरुन घ्यावा. p2 ४. ह्याची अगदी अलगद हाताने, पुरी लाटुन घ्यावी. p3 ५. कढईत गरम केलेल्या तेलामधे ही पुरी मध्यम आचेवर दोन्ही बाजुने तळुन घ्यावी. p4 ६. गरमा-गरम पिझ्झाच्या चवीची पुरी तयार आहे. p5
वाचने 44102
प्रतिक्रिया 29

प्रतिक्रिया

अभ्या.. बुधवार, 20/03/2013 01:26
लैच इनोव्हेटीव्ह आणि देखणी पाकृ. कलर्स पण एकदम मस्त आणि वेगळेच आलेत. (माझ्याकडे डोमिनोजची लै पाउचेस राहतात. त्याचा उपयोग करता येईल ;) ) धन्यवाद मृणालिनी :)

कवितानागेश बुधवार, 20/03/2013 01:35
आह्हा! काय मस्त दिसतायत पुर्‍या. याच्याबरोबर तोंडी लावायला एखादे मस्त सॅलेड/ चटणी पण करुन पाकृ द्या.

दिपक.कुवेत बुधवार, 20/03/2013 11:49
पु~रांचा रंग काय भन्नाट आलाय! ते पाहुनच खाव्याश्या वाटतायत. आयडियाची कल्पना आवडली :)

Mrunalini बुधवार, 20/03/2013 19:53
हाहाहा... धन्यवाद प्यारे... धनरेषा???? माहित नाही.... कुठली असते ती रेषा??

Mrunalini गुरुवार, 21/03/2013 15:06
धन्यवाद. :) हो.. ह्याचाच पराठा पण करता येईल... तो पण करुन बघायला पाहिजे मला आता. ;)

तिमा गुरुवार, 21/03/2013 20:31
हा नवीन प्रकार लवकरात लवकर करण्याचा हुकूम सोडण्यात येईल. - पाकअज्ञ तिमा

बंडा मामा शुक्रवार, 22/03/2013 18:43
तोंडाला पाणी सुटणारा पदार्थ आहे, पण त्याचे नाव काही तितके रुचले नाही.

Mrunalini शुक्रवार, 22/03/2013 20:52
धन्यवाद मामा :) ... पण पुरी मी पिझ्झाच्या चवीची केली त्यामुळे मी हे नाव दिले.. मला दुसरे कुठले नाव सुचले नाही. :( तुम्हाला कुठले नाव सुचत असल्यास, प्लीज सांगा... मला नक्कीच आवडेल. :)

प्रभाकर पेठकर रविवार, 24/03/2013 02:31
मस्त दिसते आहे पाककृती. ह्याला 'टोमॅटो पित्झारी' असे नांव देता येईल.

तुमचा अभिषेक सोमवार, 25/03/2013 21:17
अफलातून प्रकार आहे... बायकोला दाखवला तर ट्राय मारू शकते.. आत घातलेले पदार्थ तिच्या आवडीचेच आहेत.. :)