माझे फोटो - सूर्यास्त

फोटो छान आणि वेगळेच आले आहेत. कॅननचे (त्यात पॉवरशॉट सिरिजचे) रंग चांगले येतात हे ऐकून होतो.. आता पाहिले ! --लिखाळ.

सूर्य जर "उत्सवमूर्ती" असेल, तरच ३५-मिमि कॅमेर्‍यावर ३०० तरी झूम लागेल. वरील उदाहरणांत "उत्सवमूर्ती" खडक आणि बोटी आहेत. पहिल्या फोटोत तर सूर्य अति एक्स्पोझरने जाळला आहे - त्यामुळे तो एक तपशील-नसलेला संदर्भबिंदू आहे, हे स्पष्टच आहे. दुसर्‍या फोटोत पॅनोरामा घेऊन सूर्य लक्ष ठेवण्याचे मध्यवर्ती केंद्र नाही, हे लक्षात येते. (१/३ वर काय आहे? क्षितिजरेषा आणि एका होडीचे शीड...) (क्षितिजाजवळील) सूर्य किंवा चंद्राकडे बघत असताना ते आहेत त्यापेक्षा मोठे भासतात, हा दृष्टिभ्रम आपण सर्वांनी अनुभवलेला आहे. "नॉर्मल" (५० मिमि) भिंगाने चित्र टिपले तर टिपलेले "खरे" चित्र मनातील "भ्रामक" चित्रापेक्षा वेगळे (कंटाळवाणे) असते. मनातला ठसाच लक्षवेधक/सौंदर्यपूर्ण असतो, त्यामुळे फोटोने तो भ्रम निर्माण करायचा प्रयत्न करावा. म्हणून बर्‍यापैकी जास्त झूम लागतो.