गीतगुंजन - १
सध्या आपल्याला हवा तेवढा वेळ आपण आपल्या आवडत्या गोष्टीसाठी काढू शकू अशी काही परिस्थिती नाही. पण म्हणून आपल्याला त्या गोष्टींपासून फार काळ स्वत:ला दूर ठेवणंही अशक्य होतं. आपली आवड आपल्याला खरं तर 'डेवलप' करावी लागते. पण कधी कधी कुठल्याशा एका क्षणी आपल्याला आपल्या त्यापूर्वी कधी न जाणवलेल्या आवडीचा शोध लागतो नि मग आपण ती आवड जोपासायचा प्रयत्न करू लागतो. माझंही असंच झालेलं. वयाच्या १७ - १८ वर्षापर्यंत शाळेतल्या क्रमिक पुस्तकाबाहेरचं इंग्लिश जराही न कळणार्या मला पाश्चात्य संगीतात गोडी निर्माण झाली, मग माझ्यापरीने मी ती आवड जोपासायला लागलो. खूप वर्ष चांगलं - वाईट जे मिळेल ते ऐकलं आणि मग आज थोडंफार संगीत समजतंय असं म्हणू शकतो. अर्थात जे समजतंय ते हिमनगाचं पाण्याबाहेरचं टोकंच आहे याची जाणीव आहे तरी स्वानंदासाठी पुरेसं आहे असं आपलं मला वाटतं.
मिपाच्या व्यासपीठावर या विषयाशी संबंधीत काही लिहिल्यानंतर अनेकांनी लिखाण आवडल्याच्या खरडी केल्या, व्यनि धाडले. काहींना त्या लिखाणामुळे या संगीतात रस निर्माण झाला पण ज्या अडचणी मला आलेल्या त्याच त्यांनाही येत होत्या. अशा वेळेला काय करावं? काय चांगलं आहे? कोणतं गाणं ऐकावं? कुणाचं संगीत - गायन ऐकावं? पाश्चात्य संगीतातले वेगवेगळे प्रकार कसे समजून घ्यावे? कोणती गाणी ऐकत ही आवड जोपासावी? वगैरे वगैरे. खरं तर हा खूप गहन प्रश्न होता कारण पाश्चात्य संगीताच्या दुनियेची व्याप्तीही खूप मोठी आहे. मग आता मी माझ्यापुरता यातून मार्ग काढायचं ठरवलं आणि जसं शक्य होईल तसं आपल्या आवडत्या एखाद्या गाण्यावर चार ओळी लिहून त्याची माहिती नि त्या गाण्यातला आनंद आपल्या मित्रमंडळींपर्यंत पोहोचवायचा प्रयत्न करण्याचा विचार पक्का केला.
त्यासाठीच ही 'गीतगुंजन' मालिका सुरू करत आहे. खरं तर ही कल्पना मागे 'रे चार्ल्स'च्या गाण्याची पोस्ट लिहिताना आली आणि आज तिला मूर्त रूप दिलं जातंय. या संबंधी सगळ्या पोस्ट गीतगुंजन नावानेच तयार होतील मात्र या नावापुढे गाण्यानुसार पुढची पुढची संख्या येईल म्हणजे कधी पुढे शक्य झाल्यास गीतगुंजन पोस्ट्सचं एकत्रीकरणही सुलभ होईल. मला आशा आहे की या माझ्या प्रयत्नाने नव्याने पाश्चात्य संगीतात गोडी निर्माण झालेल्यांना नक्की मदत मिळेल. या संदर्भात तुम्हा मिपाकर दोस्तांच्या काही सूचना असतील तर मला जरूर ख. व. आणि व्य. नि. द्वारे कळवाव्यात.
ठीक तर, आता गीतगुंजन मालिकेचं पाहिलं पुष्प जोडतो.
गीतगुंजन - १ : You Don't Know How It Feels
एम टीव्हीचं भारतात नुकतंच पदार्पण झालं होतं तेव्हाचा काळ. साल बहुतेक ९३-९४ असावं. कॉलेजात जायला सुरुवातच केलेली असल्याने शिंगं फुटायला लागलेली. वर्गातल्या इंग्लिश मिडियम मधल्या मुलांच्या गप्पा, अलाणा रॉक ग्रूप, फलाणा पॉप ग्रूप, हा लीड सिंगर नि तो लीड गिटारीस्ट, असल्या काहीतरी असायच्या. हे नवं होतं आणि माहिती शून्य. तेव्हा नव्याने सुरू झालेल्या एम टीव्हीचा आसरा घेतला आणि तत्कालीन माहिती जमा करू लागलो. याच दरम्यान भेटला टॉम, टॉम पेटी. टॉम बराच जुना संगीतकार - गायक आहे. 'टॉम पेटी अॅण्ड हार्टब्रेकर्स' हा याचा ग्रूप. रॉक म्युझिकमधलं मोठं नाव. मल्टीपल इन्स्ट्रुमेन्ट्स वाजवणारा, गीतकार, संगीतकार आणि गायक आणि मला भावलं, त्याचं मी ऐकलं-पाहिलेलं, पहिलंच गाणं 'You don't Know How It Feels'.
साधे, अगदी मलाही समजू शकणारे शब्द, एका छानशा मंद तालात वाजणारा ड्रमसेट आणि स्वतः टॉमची इलेक्ट्रिक गिटार नि त्याचा हार्मोनिका. या हार्मोनिकाने त्यावेळी घातलेलं गारूड आजही तसंच आहे आणि त्यातही मुख्य म्हणजे त्याची ती कोणताही अभिनिवेश नसलेली त्या गाण्यातली गायकी. एक वेगळंच रसायन बनतं या सगळ्याचं.
टॉम पेटीचं हे गाणं इथे ऐका -
इंग्लिश गाण्याला विडीओ असतो, हे तेव्हा नवंच होतं. आणि या गाण्याचा विडीओही मला आवडलेला. त्यावर्षीचं एम टीव्हीचं Best Music Video Award याच गाण्याच्या विडीओला मिळालेलं. हा विडिओ इथे पोस्ट होत नाही आहे पण तो इथून टिचकी मारून बघता येईल. जरूर बघा, आवडेलच याची गॅरेण्टी!
--------------------------------------------------------------------
हे गीतातले शब्द -
Let me run with you tonight
I'll take you on a moonlight ride
There's someone I used to see
But she don't give a damn for me
But let me get to the point, let's roll another joint
And turn the radio loud, I'm too alone to be proud
You don't know how it feels
You don't know how it feels to be me
People come, people go
Some grow young, some grow cold
I woke up in between
A memory and a dream
So let's get to the point, let's roll another joint
Let's head on down the road
There's somewhere I gotta go
And you don't know how it feels
My old man was born to rock
He's still tryin' to beat the clock
Think of me what you will
I've got a little space to fill
So let's get to the point, let's roll another joint
And let's head on down the road
There's somewhere I got to go
And you don't know how it feels
You don't know how it feels
No, you don't know how it feels to be me
You don't know how it feels
You don't know how it feels
No, you don't know how it feels to be me
वर्गीकरण
प्रतिक्रिया
उत्तम लिखाण.बाकी पाश्चात्य
नवी माहिती
प्रास.. अतिशय उत्तम मालिका
हार्मोनिका मस्त
एक नंबर !!
त्याच गाण्याचा आणखी एक लाइव्ह व्हिडिओ
संग्राह्य लेखन. पुढील
छान ! मालिकेस शुभेच्छा
नीट ऐकलं गाणं. रॉक अँड रोल
काही हिंदी जॅझ गाणी
प्रास मालक, एक दोन तीन
माझ इंग्रजी गाण्याच ज्ञान