साहित्य फलाफल: १ वाटी काबुली चणे १/४ वाटी मैदा मुठभर कोथिंबीर मुठभर पारस्ली २-३ हिरव्या मिरच्या चिरून १ टेस्पून जिरे आल्याचा छोटा तुकडा बारीक चिरून मीठ चवीनुसार पाकृ: काबुली चणे रात्रभर भिजवुन सकाळी कुकरमध्ये शिजवुन घेणे. नतंर त्यातील पाणी निथळून चणे किचन टीश्युवर पसरवुन कोरडे करावेत. (जर का तुम्ही कॅनमधले चणे वापरले तरी चालेल , वर सागिंतल्याप्रमाणे निथळून, टीश्युवर पसरवुन कोरडे करावे). मिक्सरच्या भांड्यात चणे, कोथिंबीर , पारस्ली, हिरव्या मिरच्या, जिरे, आले व मीठ घालून भरडसर वाटून घ्यावे. वाटलेल्या मिश्रणात मैदा थोडा-थोडा घालावा. (बाईंडींगसाठी) कढईत तेल तापवून त्यात वरील मिश्रणाची छोटी- छोटी भजी तळून घ्यावीत. साहित्य ताहीनी सॉस : १/२ वाटी कोरडेच भाजुन घेतलेले तीळ मुठभर कोथिंबीर मुठभर पारस्ली २ टेस्पून लिंबाचा रस २ टेस्पून ऑल्हिव ऑईल १-२ हिरव्या मिरच्या चिरून मीठ चवीनुसार पाकृ: वरील सर्व साहित्य एकत्र करून मिक्सरमधुन बारीक वाटून घेणे. सँडविच तयार करण्याची क्रूती: होलमिल पॉकेट पिटा ब्रेड मिळाला तर उत्तमच नाहीतर वाईट पीटा ब्रेड पण चालेले. पॉकेट पिटा ब्रेड नसेल तर साध्या पिटा ब्रेडला मधुन अर्धवट कापणे. तव्यावर दोन्हीबाजुने छान भाजुन घेणे. त्यात कोबी, गाजर, लेट्युस असे सॅलॅड भरणे, त्यात तळलेले फलाफल भरणे. वरुन ताहीनी सॉस घालणे व सॅलॅड्सोबत खायला सुरुवात करणे.