✍ मराठी साहित्य, संस्कृती आणि लेखनाचे व्यासपीठ

पावसात भिजतांना

— मिसळलेला काव्यप्रेमी,
बरसणार्‍या मेघधारांना वार्‍यावर पेटतांना पहायचेय तिला एकदा या पावसात भिजतांना सरीवर सर कोसळून हे कृष्ण मेघ गडगडतांना पहायचेय तप्त धरेसह माझ्या मनास निवतांना रुसलेल्या गुलाबाच्या कळीला हलकेच उमलतांना पहायचेय क्षितिजावरील इंद्रधनुष्यातील सप्तरंगांना ग्रीष्माचा दिवस सारून श्रावणसांज अवतरतांना पहायचेय जाईवेलास फिरुनी तरुण होतांना ओलेत्याने तिला माझी कविता गुणगुणतांना पहायचेय मोहरून तो कोकीळकंठ पालवतांना पहायचेय तिला एकदा या पावसात भिजतांना पहायचेय तिने मला एकदा, मी तिला चिंबून पाहतांना |- मिसळलेला काव्यप्रेमी -| (२०/०४/२०११)
2660 वाचन
💬 प्रतिसाद (14)

निनाद
Wed, 04/20/2011 - 11:15 नवीन
कसली ओलेती कविता आहे. पहायचेय तिला एकदा या पावसात भिजतांना पहायचेय तिने मला एकदा, मी तिला चिंबून पाहतांना चिंबून? कशा खाली चिंबून तिने पाहायला हवे आहे म्हणे? चिंबलेले म्हणजे दाबले गेलेले. तुम्ही तिला दाबून पाहत असतांना तिने तुम्हाला पाहावे असा अर्थ असेल तर मग योग्य आहे. चुंबुन असे म्हणायचे आहे का मिका?

गणेशा
Wed, 04/20/2011 - 20:02 नवीन
रीतसर प्रतिसाद खाली दिलेला आहे अवांतर : पहायचेय तिने मला एकदा, मी तिला यातुन असा काहीच निट अर्थ कळेना .. पहायचेय तिने मला एकदा आणि परत मी तिला कळाले नाही.. अति अवांतर :
पहायचेय तिने मला एकदा, मी तिला चिंबून पाहतांना
चिंबुन हा शब्द गावाकडे चिंबलेला ह्या स्वरुपातच बोलतात .. म्हणजे आपारप्पी खेळताना कचकद्याचा बॉल चिबुन जायचा.. अश्या अर्थाने.. चिंबुन हा शब्द भिजुन सारखा नाहि उपयोगात येत .. पण ठिक आहे.. नाहितर मी तीला ओलीचिंब पहाताना कसे वाटते आहे ?
↩ प्रतिसाद: मिसळलेला काव्यप्रेमी

आत्मशून्य
गुरुवार, 04/21/2011 - 01:28 नवीन
मी तीला ओलीचिंब पहाताना कसे वाटते आहे ?
चावट वाटत आहे ;). @मिसळलेला काव्यप्रेमी मस्त कवीता, नेमकी ऊन्हाळ्यात टाकलीत ? आता हे दोन महीने काय फक्त ही कवीता आठवत काढायचे का ?
↩ प्रतिसाद: गणेशा

निनाद
Wed, 04/20/2011 - 11:25 नवीन
पहायचेय जाईवेलास फिरुनी तरुण होतांना बरोबर रामदासशेट इथे लोच्याय राव!
↩ प्रतिसाद: रामदास

मिसळलेला काव्यप्रेमी
Wed, 04/20/2011 - 11:26 नवीन
काय हो काय काका? कसला कॉम्पलेक्स म्हणताय? आणि
रुसलेल्या गुलाबाच्या कळीला हलकेच उमलतांना पहायचेय क्षितिजावरील इंद्रधनुष्यातील सप्तरंगांना
हे म्हातारीसाठीचे वाटतेय? तुम्ही पण ना काका..
↩ प्रतिसाद: रामदास

निनाद
Wed, 04/20/2011 - 11:36 नवीन
सरीवर सर कोसळून हे कृष्ण मेघ गडगडतांना पहायचेय तप्त धरेसह माझ्या मनास निवतांना रुसलेल्या गुलाबाच्या कळीला हलकेच उमलतांना पहायचेय क्षितिजावरील इंद्रधनुष्यातील सप्तरंगांना हे मात्र खरेच आवडले. चांगली जमली आहे रचना.

गणेशा
Wed, 04/20/2011 - 19:54 नवीन
असेच म्हणतो सरीवर सर कोसळून हे कृष्ण मेघ गडगडतांना पहायचेय तप्त धरेसह माझ्या मनास निवतांना रुसलेल्या गुलाबाच्या कळीला हलकेच उमलतांना पहायचेय क्षितिजावरील इंद्रधनुष्यातील सप्तरंगांना ----
↩ प्रतिसाद: निनाद