शनिवार दि. २२ जाने २०११ वेळ पहाटे २:०० स्थळः अंथरूण खिडकीवर कबुतरांची टकटक.. खडबडून जाग आली.. पुन्हा झोपण्याच असफल प्रयत्न.. इ-सकाळ चाळून झाला.. सीएनएन.. एकमेव इंग्रजी वाहिनी.. फक्त अमेरिकेच्या बातम्या.. बहुतेक ५ वाजले.. टीव्हीच्या आवाजाने पुन्हा झोप चाळवली.. टीव्ही बंद केला.. डोक्यावरून क्विल्ट ओढले.. ट्रिंग ट्रिंग.. काय कटकट आहे.. इतक्या पहाटे कुणाचा फोन.. हॅलो.. अरे केसू कितीवेळा बेल वाजवतोय दार उघड.. दिनेशचा फोन.. बापरे ८ वाजले.. वेळ सकाळी ८:३० स्वाती दिनेश यांचे घर कॉफी आणि केक.. व्हेन इन जर्मनी बिहेव लाइक जर्मन.. हा हा.. डायेटच्या ***** चला आवरून शनिवारची बाजारहाट करावी.. वेळ दुपारी १२:३० स्वाती दिनेश यांचे घर उद्या त्सेंटा आजी, अकिम आजोबा येणार.. पिअर केकची तयारी करावी.. फोटो काढा.. पाकृ टाकायची आहे वेळ दुपारी १३:३० स्वाती दिनेश यांचे घर भूक लागली.. काय करावे.. स्पॅनिश ऑम्लेट??.. हो चालेल.. स्वाती : काय काय लागेल.. ६ अंडी.. २ मध्यम कांदे.. २ मध्यम बटाटे.. अर्धी ढबू मिरची, एक वाटी कापलेला फुलगोबी.. मिरच्या.. १ लसूण पाकळी.. मिरं पूड कोथिंबीर हवीच.. आणि थोडे दूध... वेळ दुपारी १३:३५ स्वाती दिनेश यांचे घर हम्म चेपू वर स्टेटस अपडेट करावे.. दिनेश : कांदा कसा कापून हवा.. मध्यम बारीक आणि बटाटे चकत्या.. बटाटा भजीला कापतात त्या पेक्षा थोड्या जाड.. ओक्के.. हे सगळं ऑलिव्ह ऑइलवर खरपूस परततो, जिरे धणे पूड कुठे आहे.. एकदम देशी.. केसू स्टाइल.. हा हा तोवर तू अंडी दूध फेटून दे.. केक झाला का बघा.. स्वाती : केकचा ओव्हन गरमच आहे त्या मुळे रेडीमेड प्रिहिटेड ओव्हन आयता तयार आहे.. बेकिंग ट्रे दे रे तो... त्यात ह्या खरपूस भाजलेल्या भाज्या पसरतो.. फेटलेली अंडी घालतो.. आणि वरून मिरं पूड वेळ दुपारी १४:०० स्वाती दिनेश यांचे स्वयंपाक घर आता ते ओव्हन मध्ये टाक.. आणि ओव्हन २०० डिग्री २० मिनिटे लाव.. वेळ दुपारी १४:२० स्वाती दिनेश यांचे स्वयंपाक घर बेकिंग ट्रे बाहेर काढ रे.. आणि वरून कोथिंबीर हवीच.. एकदम झकास.. वेळ दुपारी १४:३० स्वाती दिनेश यांचे डायनिंग टेबल चला स्पॅनिश ऑम्लेट तयार झाले आहे.. घ्या प्लेट.. वेळ दुपारी १४:४० स्वाती दिनेश यांचे डायनिंग टेबल अंमळ जरा जास्त झाले नाही.. वेळ दुपारी १५:०० स्वाती दिनेश यांचे डायनिंग टेबल चला ३ वाजले.. टाइम फॉर कॉफी... वेळ दुपारी १५:३० स्वाती दिनेश यांचे घर चला आता मी निघतो.. झोपेची नीतांत गरज आहे.. संध्याकाळी परत ये रे.. उद्या तुला आजी आजोबासाठी शाही अंडा बिर्याणी करायची आहे त्याची तयारी करायची आहे ना.. हो हो.. चला बाय..